လွင်ႈတေႃးသမွတ်ႇႁၢႆ

ပျမ်ႇမတတ်ႉတ ၵေႃႉပဵၼ်လုၵ်ႈၸၢႆးၶုၼ်ႁေႃၶမ်းၵေႃးသလၼႆႉ လႆႈထွမ်ႇငိၼ်းဢဝ်တြႃးၽြႃးပဵၼ်ၸဝ်ႈသေ သတ်ႉထႃႇတြႃးႁႅင်းယႂ်ႇမႃးလႄႈ ၸင်ႇၶဝ်ႈႁဵတ်းသႃႇမၼေႇယူႇယဝ်ႉ။ ၽိုၵ်းသႃၵျၢင်ႉၵမ်ၵၢၼ်ဝိပသ်သၼႃႇလႄႈ ၶၢဝ်းယၢမ်း ပွတ်းပွတ်းဢွၼ်ႇၵွႆး လႆႈၽႅဝ်ဢရႁတ်ႉတၽူဝ်ႇၵႂႃႇယူႇယဝ်ႉ။ မီးဝၼ်းၼိုင်ႈ ၽွင်းၸဝ်ႈတိုၵ်ႉႁႃတုင်းသွမ်းယူႇၼၼ်ႉ မီးၵူၼ်းၵေႃႉၼိုင်ႈ လႃႇပွင်ႉပၼ်မၼ်းၸဝ်ႈ ပေႃးၸွတ်ႇပေႃးၸေးၵေႃႈ မၼ်းၸဝ်ႈယူႇသူႇသူႇ ဢမ်ႇတၵ်းသဵင်သင်။ ၵူၼ်းႁိမ်းႁွမ်းၵမ်ႈၽွင်ႈ ႁၼ်လွင်ႈၼႆႉသေ ဢွၼ်ၵၼ်မႃးသႄႉသွမ်းပႃး။ ယၢမ်းၼၼ် ၸဝ်ႈပျမ်ႇမတတ်ႉတ ၸင်ႇဢဝ်ၵႃႇထႃႇၼင်ႇပႃႈတႂ်ႈၼႆႉသေ သၢင်းလၢင်းၼႄၶဝ်။

ဢၵ်ၵေႃꩪသ်သ ၵုတေႃး ၵေႃၻေႃ၊ ၻၼ်တတ်သ သမꩡိဝိၼေႃ၊
သမ်မၻၺ်ၺႃ ဝိၵုတ်တသ်သ၊ ဢုပသၼ်တသ်သ တႃၻိၼေႃ။
(ထေရၷႃထႃ ဢတ်ထၵထႃ ႔႔႑၊ ၿြႁ်မၻတ်တထေရၷႃထႃဝꧣ်ꧣၼႃ)

ၽူႈၵေႃႉဢၼ်တေႃးသမွတ်ႇႁၢႆ၊ ၽူႈၵေႃႉၸႂ်ၼိမ်၊ ၽူႈၵေႃႉမီးယူႇတီႈပၺ်ႇၺႃႇဝိပသ်သၼႃႇ၊ ၽူႈၵေႃႉၼၼ်ႉၼၼ်ႉ တေႃးသဢၼ်ဝႃႈၼၼ်ႉ ႁိုဝ်တေပဵၼ်ယဝ်ႉလႃႇ။

တသ်သေဝ တေၼ ပႃပိယေႃ၊ ယေႃ ၵုၻ်ꩪ့ ပတိၵုꩡ်ၸျတိ၊
ၵုၻံ ဢပꩦိၵုꩡ်ၸျၼ်တေႃ၊ သံၷီမံ ၸေတ ၻုꩡ်ꩡယံ။
(ထေရၷႃထႃ ဢတ်ထၵထႃ ႔႔႒၊ ၿြႁ်မၻတ်တထေရၷႃထႃဝꧣ်ꧣၼႃ)

သင်ဝႃႈ ၵူၼ်းၵေႃႉဢၼ်ပဵၼ်တေႃးသတေႃႇ ၵေႃႉဢွၵ်ႇတေႃးသၼႆ ၵူၼ်းၵေႃႉၼၼ်ႉ ႁဵၻ်းလွင်ႈၽွၼ်းၸႃႇတႃႇၸဝ်ႈၵဝ်ႇၵွႆး။ သင်ဝႃႈၵူၼ်းၵေႃႉၼိုင်ႈ ဢမ်ႇပဵၼ်တေႃးသတေႃႇ ၵေႃႉဢွၵ်ႇတေႃးသၼၼ်ႉၼႆၸိုင် မိူၼ်မၼ်းပႄႉပၢင်တိုၵ်း ဢၼ်လႆႈတိုၵ်းဢဝ် ယၢပ်ႇယၢပ်ႇယဵၼ်းယဵၼ်းၼၼ်ႉယူႇယဝ်ႉ။

ဢုꧤိတ်ၻမတ်တံ ၸရတိ၊ ဢတ်တၼေႃ ၸ ပရသ်သ ၸ၊ ပရံ သံၵုပိတံ ၺတွႃ၊ ယေႃ သတေႃ ဢုပသမ်မတိ။
(ထေရၷႃထႃ ဢတ်ထၵထႃ ႔႔႓၊ ၿြႁ်မၻတ်တထေရၷႃထႃဝꧣ်ꧣၼႃ)

ၸဝ်ႈၵဝ်ႇၼႆႉ တေလႆႈႁူႉဝႃႈ ၵေႃႉၼိုင်ႈၼၼ်ႉ မၼ်းဢွၵ်ႇတေႃးသယူႇၼႆယဝ်ႉ။ ၵူၺ်းၵႃႈ ပေႃးႁူႉယဝ်ႉ ၸဝ်ႈၵဝ်ႇတေလႆႈၾၢင်ႉသေ ဢူတ်းယိူၼ်ႉ။ ပေႃးမိူၼ်ၼၼ် ၸင်ႇပွင်ႇဝႃႈ ႁဝ်းႁဵတ်းပၼ်ၽွၼ်းလီတႃႇၸဝ်ႈၵဝ်ႇလႄႈ တႃႇပိူၼ်ႈ တႃႇတင်းသွင်ၽၢႆႇယူႇယဝ်ႉ။

ယၢမ်းၼၼ်ႉ ၸင်ႇဢွၼ်ၵၼ်ပွင်ႇၸႂ်ၼိူဝ် ၸူဝ်ႈပၢၼ်ငမ်းယဵၼ်ၸဝ်ႈရႁၢၼ်းတႃႇပျမ်ႇမတတ်ႉတသေ ၸင်ႇယိုၼ်ႁပ်ႉ ဢၼ်မၼ်းၸဝ်ႈလႆႈၶဝ်ႈႁဵတ်းသႃႇမၼေႇၼၼ်ႉယူႇယဝ်ႉ။ ၸင်ႇဢွၼ်ၵၼ်သွၼ်ႁဵၼ်းဢဝ် လွၵ်းလၢႆးဢၼ်လွတ်ႈဢွၵ်ႇတေႃးသလႄႈ တၼ်ႇႁႃႇၼၼ်ႉယူႇယဝ်ႉ။ ဢွၼ်ၵၼ်ထိင်းၵမ်လႆႈ လေႃးၽ၊ တေႃးသ၊ မေႃးႁသေ လႆႈတြႃးၵႂႃႇႁင်းၽႂ်မၼ်းယူႇယဝ်ႉ။ ၶဝ်ၸိူဝ်းၼၼ်ႉ တေႃးသမွတ်ႇႁၢႆၼင်ႇ ရႁၢၼ်းတႃႇ ပျမ်ႇမတတ်ႉတသေ ဢွၵ်ႇလွတ်ႈပူၼ်ႉဝိဝႃႇတၵႂႃႇယူႇယဝ်ႉ။ လွတ်ႈပူၼ်ႉယၢၼ်ၵၢင်းတင်း လွင်ႈတုၵ်ႉၶတင်းလူင်ၵႂႃႇယူႇယဝ်ႉ။

ၽိုၼ်ဢိင်

ၼႃႈလိၵ်ႈ ႗႓၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)