လွင်ႈၸုၼ်ႉလူႇလူင်ႁႃႈပိူင်

ၼႂ်းၶၢဝ်းယၢမ်း သီႇသင်ႇၶျ​ေႇပၢႆႆသႅၼ်ၵမ်ႇၽႃႇၼႆႉ ၼေႃႇၶမ်းၸဝ်ႈၶတ်းၸႂ် ထႅမ်သၢင်ႈၸိူဝ်းပဵၼ် တႃႇၼႃႉပႃႇရမီႇ ၵူႈၸၢတ်ႈၸၢတ်ႈ ဢၼ်ပိူၼ်ႈတၢင်ႇၸိူဝ်း ဢမ်ႇပွင်ႇၸႂ်လႆႈၼၼ်ႉလႄႈ ဝူၼ်ႉၸွမ်းၵေႃႈ ၶူၼ်တုမ်ႇၼိူဝ်ႉ ပေႃးၵီႈယူႇယဝ်ႈ။ လွင်ႈၸုၼ်ႉလူႇၸိူဝ်းၼၼ်ႉ ယွၼ်ႉပိူဝ်ႈ ဝႆႉၸီလီ ၸႂ်ၸၼ်ႉသုင်သေ ၸုၼ်ႉလူႇလႄႈ ၸင်ႇႁွင်ႉဝႃႈ "ပၺ်ၸမႁႃပရိၸ်ၸႃၷ = လွင်ႈၸုၼ်ႉလူႇလူင် ႁႃႈပိူင်" ၼႆယူႇ။ လွင်ႈၸုၼ်ႉလူႇလူင်ႁႃႈပိူင် ဢၼ်ပိူၼ်ႈဢမ်ႇပွင်ပဵၼ်လႆႈၼၼ်ႉ ၵႅၼ်ႇၸဝ်ႈ လူႇတၢၼ်း​ၼၼ်ႉတႄႉ ပဵၼ်ပုၼ်ႈတႃႇတေလႆႈ ၺၢၼ်ႇသပ်ႉပႆႇၺူႉၼၼ်ႉယဝ်ႈ။ ယိူင်းဢၢၼ်းၸဝ်ႈ ဢၼ်ၶႂ်ႈလႆႈၺၢၼ်ႇ သပ်ႉပႆႇၺူႉၼၼ်ႉၼႆၵေႃႈ ပဵၼ်ၵၢင်ၸႂ် ပုၼ်ႈတႃႇတေ ၽူတ်ႇဢဝ်သတ်ႉတဝႃႇတင်းၼမ်ၵူၺ်းၼင်ႇၵဝ်ႇ။ ၵွပ်ႈၼၼ် လွင်ႈၸုၼ်ႉလူႇၼင်ႇၼႆၼႆႉ ၸင်ႇႁိၵ်ႈၸိုဝ်ႈဝႃႈ "မႁႃပရိၸ်ၸႃႇၷ = လွင်ႈၸုၼ်ႉလူႇထွတ်ႈမျၢတ်ႈလူင်" ၼႆသေ ၵူၼ်းၽူႈၸၼ်ႉသုင်ၸႂ်လီၶဝ်၊ ၵူၼ်းၽူႈမီးယိူင်းဢၢၼ်းသုင်ၶဝ်ၵူၺ်း ၸင်ႇတေၶိုင်သၢင်ႈႁၢင်ႈပွင်လႆႈယဝ်ႈ။

လွင်ႈၸုၼ်ႉလူႇလူင်ႁႃႈပိူင်ဢၼ်ဝႃႈၼႆႉ-

1. ꩪၼပရိၸ်ၸႃၷ = ၸုၼ်ႉလူႇ ၵႅဝ်ႈသႅင်ၶိုၼ်းၶမ်း ဝၢၼ်ႈမိူင်း။
2. ပုတ်တပရိၸ်ၸႃၷ = ၸုၼ်ႉလူႇ လုၵ်ႈလၢင်း။
3. ၽရိယပရိၸ်ၸႃၷ = ၸုၼ်ႉလူႇ မေးၼၢင်း။
4. ဢင်ၷပရိၸ်ၸႃၷ = ၸုၼ်ႉလူႇ တႃ၊ ႁူ၊ ၶူႈၼင်၊ တူဝ်ၶၼ်ႇထႃႇၼိုင်ႈပွတ်းၼိုင်ႈတွၼ်ႈ။
5. ꩡီဝိတပရိၸ်ၸႃၷ = ၸုၼ်ႉလူႇ ဢႃႇယူႉသၢႆၸႂ်... ပဵၼ်ၸိူဝ်းၼႆႉယဝ်ႉ။

ၽိုၼ်ဢိင်

ၼႃႈလိၵ်ႈ (႓႔)၊ တြႃးပုတ်ႉထႃႉၽႃႇသႃႇ (ၸၼ်ႉ ႁႃႈ၊ႁူၵ်း၊ ၸဵတ်း)
ပြည်ထောင်စု မြန်မာနိုင်ငံတော် အစိုးရ သာသနာဝန်ကြီးဌာန၊ ဗုဒ္ဓဘာသာ တရားတော် (အထက်အဆင့် ရှမ်းဘာသာ)