လၢႆးဝႆႈၽြႃး

ပေႃးဝႃႈ ၵႂႃႇတီႈၸမ် ၽြႃးလႄႈ သင်ႇၶႃႇၸဝ်ႈၶဝ်ၼႆၸိုင် တေလႆႈႁွမ်းမိုဝ်းဝႆႈဝႆႉ ယူႇသဝ်းတီႈလွတ်ႈတၢင်းၽိတ်းႁူၵ်းပိူင် " ၸမ် ၊ ၵႆ ၊ ၼႃႈ ၊ လင် ၊ သုင် ၊ တႅမ်ႇ " ၼၼ်ႉသေ လူဝ်ႇလဝ်ႈလၢတ်ႈသင်ၵေႃႈၸင်ႇတေလဝ်ႈလၢတ်ႈယဝ်ႉ။
ပေႃးဝႃႈ လဝ်ႈလၢတ်ႈယဝ်ႉၼႆ​ တေလႆႈဝႆႈသေ ၸင်ႇတေလႆႈ ပွၵ်ႈမိူဝ်း။ ၽွင်းမိူဝ်ႈပွၵ်ႈမိူဝ်းၼၼ်ႉၵေႃႈ တေဢမ်ႇလႆႈ ၵွင်လင်ပၼ် ၽြႃးလႄႈ သင်ႇၶႃႇၸဝ်ႈၶဝ်သေမိူဝ်း။ တေလႆႈႁွမ်းမိုဝ်း ႁူၼ်လင်သီႇႁႃႈယၢင်ႈသေ ၸင်ႇတေလႆႈ ဝၢႆႇမိူဝ်းယဝ်ႉ။

လွင်ႈဝႆႈသႃ သၢမ်ပိူင်

1. ဢဝ်တူဝ်သေ ဝႆႈသႃလူၺ်ႈလွင်ႈထိတိူဝ်ႉႁႃႈပိူင် (ၵႃယဝၼ်ၻၼႃ)
2. ဢဝ်သူပ်းဝႃႈသေ ဝႆႈသႃ (ဝၸီႇဝၼ်ၻၼႃ)
3. ဢဝ်ၸႂ်သေ ဝႆႈသႃႈ (မၼေႃဝၼ်ၻၼႃ)

လွင်ႈထိတိူဝ်ႉႁႃႈပိူင်

တေလႆႈဢဝ် ႁူဝ်ၶဝ်ႇသွင်ၶဝ်ႇ၊ မိုဝ်းသွင်ၽၢႆႇ ၊ ၼႃႈၽၢၵ်ႇထိတိူဝ်ႉလိၼ် ဢမ်ႇၼၼ် ၽၢၵ်ႈသေ ဝႆႈသႃၼၼ်ႉ ႁွင်ႉဝႃႈလွင်ႈထိတိူဝ်ႉႁႃႈပိူင်ယဝ်ႉ။
ဢူမ်သူပ်း - တိၼ်ႁူဝ်ၶဝ်ႇထိတမ်း ၊ သွင်မိုဝ်းလမ်းထိတႅတ်ႈ ၊ ၼႃႈၽၢၵ်ႇၼႅတ်ႈထိၸွမ်း ၊ လၢႆးၶုပ်ႉၵွမ်းႁႃႈယိူင်ႈ။

လွင်ႈၸုၵ်းသေဝႆႈ

ၸဝ်ႈတႃႈၸွမ်းတၢင်း ပေႃးဝႃႈႁူပ်ႉထူပ်းၺႃး ရႁၢၼ်းၶဝ်ၼႆၸိုင် တေလႆႈပူတ်းမၢၵ်ႇႁူဝ် ၶဵၼ်းႁူဝ် ထွတ်ႇၶႅပ်းတိၼ်ယဝ်ႉ ၸုၵ်းႁွမ်းမိုဝ်းတၢင်ႇႁူဝ် ဢဝ်တူဝ်ၼူပ်ႇၽၢႆႇၼႃႈသေ ဝႆႈသႃယဝ်ႉ။

လွင်ႈၼင်ႈသေဝႆႈ

သင်ဝႃႈပဵၼ်ၵူၼ်းၸၢႆးၼႆ ၼင်ႈၵွင်ႇယွင်ႇ၊ သင်ဝႃႈပဵၼ်ၼၢင်းယိင်းၼႆ ၼင်ႇၶုပ်ႉၶဝ်ႇသေ တေလႆႈဝႆႈလူၺ်ႈ လွင်ႈထိတိူဝ်ႉႁႃႈပိူင်ၼၼ်ႉယဝ်ႉ။ ၽွင်းမိူဝ်ႈ ဝႆႈၽြႃးၼၼ်ႉ တေလႆႈၶုပ်ႉဝႆႈဢွၼ်တၢင်း။ ၽွင်းမိူဝ်ႈၶုပ်ႉဝႆႉၼၼ်ႉ တေလႆႈဝႃႈ ၸိူင်ႉၼင်ႇ တီႈတႂ်ႈၼႆႉယဝ်ႉ။

ဗုဒ​္ဓံ ပူဇေမိ - ဗုဒ္ဓံ - တမ်ႈတီႈၽြႃးပဵၼ်ၸဝ်ႈၼၼ်ႉ၊ ပူ​ဇေမိ - ပူႇၸေႃႇဝႆႈသႃႈ တီႈၶႃႈယဝ်ႉ။
ဓမ္မံ ပူဇေမိ - ဓမ္မံ - တမ်ႈတီႈတြႃးတေႃႇၸဝ်ႈၼၼ်ႉ၊ ပူဇေမိ - ပူႇၸေႃႇဝႆႈသႃႈ တီႈၶႃႈယဝ်ႉ။
သံဃံ ပူ​ဇေမိ - သံဃံ - တမ်ႈတီႈသင်ႇၶႃႇၸဝ်ႈၼၼ်ႉ၊ ပူဇေမိ - ပူႇၸေႃႇဝႆႈသႃႈ တီႈၶႃႈယဝ်ႉ။

ၽိုၼ်ဢိင်

ၼႃးလိၵ်ႈ () ၊ တြႃးပုတ်ႉထၽႃႇသႃႇ (ၸၼ်ႉ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999