ဝတ်ႉတၵ၊ ၸၢတ်ႈ
35 - ꩡၢတ်ႈဝꩦ်ႉꩦၵ
[မႄးထတ်း | မႄးထတ်းငဝ်ႈငႃႇ](ဝꩦ်ꩦၵ = ၼူၵ်ႉၶုမ်ႈ) ၵႂၢမ်းမၼ်ႈၵိုမ်းသၸ်ႉၸႃႇ ၊ ႁႅင်းယႂ်ႇၼႃႇၵတ်ႉတွၼ်း
ဝတ်ႉထုပၸ်ႉၸုပၼ်ႇ
[မႄးထတ်း | မႄးထတ်းငဝ်ႈငႃႇ]ၽွင်းမိူဝ်ႈ မုၼ်ၶမ်းၽြႃး တိုၵ်ႉၻေႇသၸႃႇရီႇ ၵႂႃႇတီႈ ၼႂ်းတိူင်းမၷꩪၼၼ်ႉ ၵဵဝ်ႇလူၺ်ႈ ၶႄ ၽႆးမႆႈထိူၼ်ႇၼၼ်ႉသေ ၸင်ႇတေႁေႃး ꩡၢတ်ႈဢၼ်ၼႆႉယဝ်ႉ။ ပွၵ်ႈၼိုင်ႈ ၽွင်းမိူဝ်ႈ မုၼ်ၶမ်းၽြႃး တိုၵ်ႉၻေႇသၸႃႇရီႇယူႇ တီႈၼႂ်းတိူင်းမၷꩪယူႇၼၼ်ႉ ၸင်ႇၶဝ်ႈတုင်းသွမ်း တီႈၼႂ်းဝၢၼ်ႈဢွၼ်ႇ ဢၼ်ၼိုင်ႈ၊ ဝၢႆးသုင်းသွမ်းယဝ်ႉ တင်းၸဝ်ႈရႁၢၼ်းၶဝ် တင်းၼမ်သေ ၸင်ႇတေ သိုပ်ႇၶၢဝ်းတၢင်းထိူၼ်ႇယူႇ။ ၵမ်းၼၼ်ႉ ၽႆးမႆႈထိူၼ်ႇယူႇလႄႈ ရႁၢၼ်းပုထုၸၺ်ႇၶဝ် ဢွၼ်ၵၼ်တူၵ်းၸႂ်ၵူဝ်ႁႄယူႇ။ ၽႆးဢၼ်မႆႈထိူၼ်ႇယူႇၼၼ်ႉ ပေႃးဝႃႈ ၽႅဝ်မႃး တီႈယၢၼ်ၵႆၽြႃးၸုၵ်းဝႆႉ ၼႂ်းၶၢဝ်းသၢမ်သိပ်သွၵ်ႇၼႆ မွတ်ႇၵႂႃႇႁင်းၵူၺ်းမၼ်းယဝ်ႉ။ ၵဵဝ်ႇၵပ်းလူၺ်ႈ လွင်ႈၼႆႉသေ ၸဝ်ႈရႁၢၼ်းၶဝ် ဢွၼ်ၵၼ် ဢၢမ်း မုၼ်ၶမ်းၽြႃးယူႇလႄႈ မုၼ် ၶမ်းၽြႃးၸင်ႇဝႃႈ “ၵဵဝ်ႇၵပ်းလူၺ်ႈ ၽႆးဢမ်ႇမႆႈတီႈၼႆႈၼႆႉ မၼ်းဢမ်ႇၸႂ်ႈ တၢင်းၵတ်ႉၶႅၼ်ႇ ၵဝ်ၽြႃးမိူဝ်ႈ လဵဝ်ၼႆႉ။ မၼ်းပဵၼ်လူၺ်ႈ ၵႂၢမ်းသၸ်ႉၸႃႇ ၽွင်းပႃႇရမီႇ တိုၵ်ႉၼုမ်ႇၼၼ်ႉယဝ်ႉ”ၼႆသေ ၸင်ႇတေ ႁေႃးၼႄ ꩡၢတ်ႈၵွၼ်ႇဝၼ်းလင် ၼင်ႇတီႈတႂ်ႈၼႆႉယဝ်ႉ-
ဝတ်ႉထုဢတိတ်ႉ
[မႄးထတ်း | မႄးထတ်းငဝ်ႈငႃႇ]မိူဝ်ႈၵွၼ်ႇ တီႈတိူင်းမၷꩪ တီႈဢၼ်ၽႆးမွတ်ႇၵႂႃႇၼၼ်ႉ ၼေႃႇၶမ်းၽြႃး ပဵၼ်ၶိူဝ်းၼူၵ်ႉၶုမ်ႈ ယဝ်ႉ။ ပေႃႈမႄႈသွင်ၸဝ်ႈၼႆႉ ဢဝ်ၼေႃႇၶမ်းၼူၵ်ႉၶုမ်ႈ ဝႆႉတီႈႁၢင်းသေ ၵႂႃႇႁႃ တၢင်းၵိၼ်မႃးလဵင်ႉယဝ်ႉ။ ၼူၵ်ႉၶုမ်ႈဢွၼ်ႇၼၼ်ႉ ပႆႇမေႃမိၼ်၊ ပႆႇမေႃပႆ။ ပွၵ်ႈၼိုင်ႈ တီႈႁိမ်းႁွမ်းၼၼ်ႉ ၽႆးမႆႈပႃႇထိူၼ်ႇတႄႉတႄႉ ဝႃႈဝႃႈ သဵင်မၼ်း သမ်ႉပေႃးလီၵူဝ်လူင်ဝႆႉယဝ်ႉ။ ၵမ်းၼၼ်ႉ ၼူၵ်ႉၸိူဝ်းဢၼ်မီး ၸွမ်းႁိမ်းႁွမ်းၼၼ်ႉ ဢွၼ်ၵၼ် မိၼ်ပၢႆႈၵႂႃႇတီႈလွတ်ႈၽႆး ၼၼ်ႉယူႇယဝ်ႉ။ ပေႃႈမႄႈ ၼေႃႇၶမ်းၼူၵ်ႉၶုမ်ႈၵေႃႈ ၵူဝ်တၢႆလႄႈ ၸင်ႇဝႆႉပႅတ်ႈ ၼေႃႇၶမ်းၼူၵ်ႉၶုမ်ႈသေ မိၼ်ပၢႆႈၵႂႃႇပႅတ်ႈယဝ်ႉ။ ၵမ်းၼၼ်ႉ ၼူၵ်ႉၶုမ်ႈဢွၼ်ႇ ဢၼ်ၵိုတ်းဝႆႉ ၼႂ်းၵႄႈၵၢင်ၽႆး တူဝ်လဵဝ်ၼၼ်ႉ ၸင်ႇတိူင်ႇၵႂၢမ်းသၸ်ႉၸႃႇ ၸိူင်ႉၼင်ႇ တီႈတႂ်ႈၼႆႉယဝ်ႉ။ ပေႃးဝႃႈ တိူင်ႉသၸ်ႉၸႃႇၼႆၵေႃႈ ၸွမ်းႁိမ်းႁွမ်း သိပ်းႁူၵ်းသွၵ်ႇၼၼ်ႉ ၽႆးမွတ်ႇယဵၼ်ၵႂႃႇပႅတ်ႈယဝ်ႉ။ တီႈၼၼ်ႈၼၼ်ႉ တေႃႇထိုင်တီႈလဵဝ် ပဵၼ်တီႈ လွတ်ႈၽႆးဝႆႉယဝ်ႉ-
ပႃႇꩮိ
[မႄးထတ်း | မႄးထတ်းငဝ်ႈငႃႇ]32 - သၼ်တိ ပၵ်ၶႃ ဢပတၼႃ၊ သၼ်တိ ပႃၻႃ ဢဝၺ်ၸၼႃ။ မႃတႃပိတႃ ၸ ၼိၵ်ၶၼ်တႃ၊ ꩡႃတဝေၻ ပꩦိၵ်ၵမ။
ပိၼ်ႇတႆး
[မႄးထတ်း | မႄးထတ်းငဝ်ႈငႃႇ](ၵဝ်)မီး ပိၵ်ႇယူႇ၊ ၵူၺ်းၵႃႈ ဢမ်ႇမိၼ်လႆႈ။ မီးတိၼ်ယူႇ။ ဢမ်ႇပႆလႆႈ။ ပေႃႈမႄႈၵေႃႈ ပၢႆႈပႅတ်ႈ ၵႂႃႇယဝ်ႉ။ ၽႆးမႆႈထိူၼ်ႇဢိူၺ်ႉ... မႂ်းၶၢႆႉပၢႆႈၵႂႃႇတႃႉ။
- ႁူမ်ႈꩡၢတ်ႈ ။ ။ ၼူၵ်ႉၶုမ်ႈဢွၼ်ႇၼၼ်ႉ မႃးပဵၼ် ၽြႃး။
ပေႃႈမႄႈၼူၵ်ႉၶုမ်ႈၼၼ်ႉ မႃးပဵၼ် ပေႃႈမႄႈၽြႃး။
- ၵၼ်သွၼ် ။ ။ (1) ၵႂၢမ်းမၢၼ်ႇမႅၼ်ႈသၸ်ႉၸႃႇ၊ ေꧤးၶဵၼ်ၵႂႃႇၵႆယၢၼ်။
(2) ပေႃးထူပ်းၽေးတၢင်းတၢႆ ၊ ပေႃႈမႄႈၸၢင်ႈဝႆႉပႅတ်ႈလုၵ်ႈလၢႆ။
- ပႃႇရမီႇ ။ ။ သၸ်ႉပႃႇရမီႇ။
- မင်ႇၷလႃႇ ။ ။ သုꧤႃသိတႃ ၸ ယႃ ဝႃၸႃ မင်ၷလႃ။