ဝိတ်ႉၸႃႇသၢမ်ပႃး

ၺၢၼ်ႇဢၼ်ႁူႉႁၼ် လၢၵ်ႇလၢၵ်ႇလၢႆးလၢႆးၼၼ်ႉ ႁွင်ႉဝႃႈ ၺၢၼ်ႇဝိတ်ႉၸႃႇယဝ်ႈ။ ၺၢၼ်ႇဝိတ်ႉၸႃႇၼၼ်ႉ မီးဝႆႉၼင်ႇၼႆ -

1. ၺၢၼ်ႇပုပ်ႉပေႇၼိဝႃႇသႃႇၼုတ်ႉသတိ
2. ၺၢၼ်ႇတိပ်ႉပႃႇၸၵ်ႉၶု
3. ၺၢၼ်ႇဢႃႇသဝၵ်ႉၶယႃႇ

ၺၢၼ်ႇပုပ်ႉပေႇၼိဝႃႇသႃႇၼုတ်ႉသတိ

ပဵၼ်ၺၢၼ်ႇဢၼ်ၶိုၼ်းၶုၵ်းၶူၼ်ႉဝူၼ်ႉႁၼ်လႆႈ ၽဝႃႉၸၢတ်ႈၵွၼ်ႇဝၼ်းလင်ၼၼ်ႉယဝ်ႉ။ ဢဝ်ၺၢၼ်ႇဢၼ်ၼႆႉသေ မုၼ်ၶမ်းၽြႃးၶိုၼ်းႁူႉႁၼ်ထိုင်လႆႈ ၶၼ်ႇထႃႇၽဝႃႉ ၸၢတ်ႈၵွၼ်ႇဝၼ်းလင်ယဝ်ႈ။

ၺၢၼ်ႇတိပ်ႉပႃႉၸၵ်ႉၶု

ပဵၼ်ၺၢၼ်ႇမၢၵ်ႇတႃႇ ဢၼ်ႁၼ်လႆႈ ၸိူင်ႉၼင်ႇတႃၽီ၊ ဢၼ်ႁၼ်ၸႅင်ႈလီလိူဝ်သေ တႃၽီ၊ ဢၼ်တူၺ်းလႆႈ တီႈၵႆ၊ တီႈၸမ်၊ တူၺ်းႁၼ် ဢၼ်လဵၵ်ႉဢၼ်ယႂ်ႇ ၸိူဝ်းၼၼ်ႉယဝ်ႉ။ မုၼ်ၶမ်းၽြႃး ဢဝ်ၺၢၼ်ႇဢၼ်ၼႆႉသေ တူၺ်းႁၼ်ထိုင် သတ်ႉတဝႃႇၼႂ်းၸၵျဝလႃႇတင်းသဵင်ႈ၊ တူၺ်း လွင်ႈသတ်ႉတဝႃႇၶဝ် ၸမ်တေတၢႆ။ ၸမ်တေၵိူတ်ႇ၊ ဢၼ်တေၵႂႃႇတႄႇ ၵႂႃႇပဵၼ်ၼၼ်ႉသေ ႁူႉႁၼ်ၵူႉသူဝ်ႇၵၢမ်ႇ၊ ဢၵူႉသူဝ်ႇၵၢမ်ႇ သတ်ႉတဝႃႇၶဝ်ယဝ်ႈ။

ၺၢၼ်ႇဢႃႇသဝၵ်ႉၶယႃႇ

ပဵၼ်ၺၢၼ်ႇဢရႁတ်ႉတႃႉမၢၵ်ႈ ဢၼ်ပၢၵ်ႈပႅတ်ႈ တြႃးဢႃႇသဝေႃးသီႇပိူင် ဢၼ်ပဵၼ် ၵႃႇမႃႇသဝႃႉ ဢၼ်ဝႃႈၼႆႉၸမ်ႉ တြႃးသင်ႇၶႃႇရႃႉ ဢၼ်ဢမ်ႇၸႂ်ႈ တီႈလီၸႂ်ၸပ်းၼၼ်ႉ မၼ်းမေႃႁဵတ်းပဵၼ် တီႈၸႂ်ၸပ်းယဝ်ႉ။ ၽဝႃႇသဝႃႉၸမ်ႉ တြႃးသင်ႇၶႃႇရႃႉ ဢၼ်ဢမ်ႇၸႂ်ႈ ပုၵ်ႉၵူဝ်ႇသတ်ႉတဝႃႇၼၼ်ႉ မၼ်းမေႃႁဵတ်း ပုၵ်ႉၵူဝ်ႇသတ်ႉဝႃႇယဝ်ႉ။ တိတ်ႉထႃႇသဝႃႉၸမ်ႉ ဢၼ်ၽိတ်း သမ်ႉဢဝ်ပဵၼ် ဢၼ်မၢၼ်ႇမႅၼ်ႈ၊ ဢၼ်မၢၼ်ႇမႅၼ်ႈ သမ်ႉဢဝ်ပႅၼ် ဢၼ်ၽိတ်းသေ ဢၼ်ၽိတ်း ဢမ်ႇထၢင်ႇပဵၼ် ဢၼ်ၽိတ်း ဢၼ်မၢၼ်ႇ ဢမ်ႇထၢင်ႇပဵၼ် ဢၼ်မၢၼ်ႇမႅၼ်ႈၼႆ မေႃႁူမ်ႇတူမ်းဝႆႉယဝ်ႉ။ မုၼ်ၶမ်းၽြႃးတႄႉ ဢဝ်ၺၢၼ်ႇဢႃႇသဝၵ်ႉၶယႃႉသေ ပၢၵ်ႈပႅတ်ႈတြႃးဢႃႇသဝေႃးသီႇပိူင်ၼႆႉ ဢမ်ႇဝႆႉၵိုတ်းငဝ်ႈ၊ ငိုတ်းႁၢၵ်ႈ၊ ၵိုတ်းတေႃသင်ယဝ်ႈ။

ၽိုၼ်ဢိင်

ၼႃးလိၵ်ႈ (႔႑) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999