သုၼိၻ်ၻႃဝိမႃၼဝတ်ထု၊ ၼၢင်းၽီငဝ်းတူဝ်လႅင်း

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

9-သုၼိၻ်ၻႃဝိမႃၼဝတ်ထု၊ ၼၢင်းၽီငဝ်းတူဝ်လႅင်း[မႄးထတ်း | မႄးထတ်းငဝ်ႈငႃႇ]

  • 258။ ၼၢင်းၽီ မိူၼ်ၼင်ႇလၢဝ်မႃမွင်း ႁိူဝ်ႈႁိူင်းလႅင်းပိူင်း ၵူႈပႃႈၵူႈၽၢႆႇၼင်ႇၼၼ် ငဝ်းတူဝ်မႂ်း ၼၢင်း ဢၼ်လီႁၢၼ်ႉၸႂ်ၼႃႇၼၼ်ႉၵေႃႈ ႁိူဝ်ႈႁိူင်းပိူင်းလႅင်းၵႂႃႇ ၵူႈပႃႈၵူႈတၢင်းဝႆႉယူႇယဝ်ႉ။
  • 259။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး။
  • 261။ တမ်ႈတီႈ ဝဵင်းရႃႇၸၵႁၼၼ်ႉ ပိူၼ်ႈဢွၼ်ၵၼ်ႁူႉၸၵ်းၸိုဝ်ႈၶႃႈၼၢင်းဝႃႈ မႄႈဢွၵ်ႇ သုၼိတ်ႉတႃႇၼႆယဝ်ႉ။ မီးၸႂ်သတ်ႉထႃႇ လွင်ႈယုမ်ႇယမ်၊ မီးသိၼ်မၼ်ႈ လွင်ႈတိုဝ်းၵမ် တဵမ်ထူၼ်ႈဝႆႉယဝ်ႉ။ မူၼ်ႈၸႂ်လူၺ်ႈၸွမ်း လွင်ႈၸႅၵ်ႇၽႄ ယိုၼ်ႈမႅင်ႇပိူၼ်ႈၼၼ်ႉယူႇတီႈၶႃႈဢေႃႈ။
  • 262။ တမ်ႈတီႈ ဝဵင်းရႃႇၸၵႁၼၼ်ႉ ပိူၼ်ႈဢွၼ်ၵၼ်ႁူႉၸၵ်းၸိုဝ်ႈၶႃႈၼၢင်းဝႃႈ မႄႈဢွၵ်ႇ သုၼိတ်ႉတႃႇၼႆယဝ်ႉ။ မီးၸႂ်သတ်ႉထႃႇ လွင်ႈယုမ်ႇယမ်၊ မီးသိၼ်မၼ်ႈ လွင်ႈတိုဝ်းၵမ် တဵမ်ထူၼ်ႈဝႆႉ ယဝ်ႉ။ မူၼ်ႈၸႂ်လူၺ်ႈၸွမ်း လွင်ႈၸႅၵ်ႇၽႄ ယိုၼ်ႈမႅင်ႇပိူၼ်ႈၼၼ်ႉယူႇတီႈၶႃႈဢေႃႈ။
  • 263။ ဝိသဵတ်ႇမၼ်း မီးၸႂ်ၸိုၼ်ႈသႂ်သေ လႆႈဢဝ်ၽႃႈၽႅၼ်ႇလႄႈသင်၊ သွမ်းလႄႈသင်၊ တီႈၼွၼ်း တီႈယူႇလႄႈသင်၊ ၽႆးလႅင်းလႄႈသင် လူႇတၢၼ်းပၼ် တမ်ႈတီႈ ၸဝ်ႈရႁၢၼ်းၶဝ် ဢၼ်သိုဝ်ႈယူဝ်း ၼၼ်ႉယဝ်ႉ။
  • 264။ မိူဝ်ႈဝၼ်းၽိတ်ႈ လိူၼ်မႂ်ႇသိပ်းသီႇၶမ်ႈ လိူၼ်လပ်းသိပ်းသီႇၶမ်ႈလႄႈသင်၊ ဝၼ်းသိပ်း ႁႃႈၶမ်ႈလႄႈသင်၊ ဝၼ်းပႅတ်ႈၶမ်ႈလႄႈသင် ဝၼ်းၽိတ်ႈပႅတ်ႇၶမ်ႈလႄႈသင် ဝၼ်းဢွၵ်ႇသိၼ်ၼၼ်ႉလႄႈသင် ၶႃႈၼၢင်းၼႆႉ တိုဝ်းၵမ်သိၼ်ပႅတ်ႇ ႁႂ်ႈတဵမ်ထူၼ်ႈမႃးၶႃႈဢေႃႈ။
  • 265။ ႁပ်ႉသိၼ်ဢုပုတ်ႈယဝ်ႉ။ သိၼ်သီႇလၵေႃႈ ႁႂ်ႈမၼ်ႈၵိုမ်းမႃးတႃႇသေႇယဝ်ႉ။ ပႂ်ႉပႃး(တူဝ် လႄႈသူပ်း)ယဝ်ႉ။ ၸႅၵ်ႇၽႄလူႇတၢၼ်းမႃးယဝ်ႉ။ (ၵွပ်ႈၵုသူဝ်ႇၼၼ်ႉသေ) ၶႃႈၼၢင်းလႆႈယူႇသဝ်း တီႈႁေႃ ဝိမၢၼ်ႇၼႆႉယဝ်ႉ။
  • 266။ ၶႃႈၼၢင်းၼႆႉ လွင်ႈဢဝ်တၢႆသၢႆၸႂ်ပိူၼ်ႈၵႄႃႈ ငိူင်ႉဝႄႈယဝ်ႉ။ လွင်ႈလၢတ်ႈမၢပ်ႇပႅတ်ႉလႅၼ် ၼၼ်ႉလႄႈသင်၊ လွင်ႈလၵ်ႉဢဝ် ၶူဝ်းဢၼ်ၸဝ်ႈပိူၼ်ႈဢမ်ႇပၼ်လႄႈသင်၊ လွင်ႈပူၼ်ႉပႅၼ် ၽူဝ်သေ ၵႂႃႇၵူတ်ႉၵူၼ်းၸၢႆးတၢင်ႇၵေႃႉၼၼ်ႉလႄႈသင်၊ လွင်ႈၵိၼ်လဝ်ႈမဝ်းၵႅပ်ႇလႄႈသင် ငိူင်ႉဝႄႈၵႆၵႆယူႇယဝ်ႉ။
  • 267။ ၶႃႈၼၢင်းၼႆႉ မူၼ်ႈသူဝ်းလူၺ်ႈ သိၼ်ႁႃႈသိၼ်ႈယဝ်ႉ။ လၵ်းလႅမ်ႁူႉႁၼ် ဢရိယႃႇသတ်ႉ ၸႃႇယဝ်ႉ။ ပဵၼ်ဢုပႃႇသိၵႃႇ မုၼ်ၶမ်းၽြႃး ဢၼ်မီးၸၵ်ႉၶုႁႃႈပိူင် ဢၼ်မီးဢလုမ်းဢလၢင်းၼမ်ၼၼ်ႉယဝ်ႉ။
  • 268။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈၼၢင်းၸင်ႇတေမႃးမီး ဢူငဝ်းၸိူင်ႉၼင်ႇၼႆ ယဝ်ႉ။ပ။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ဢူဢၢႆသၢႆငဝ်းၶႃႈၼၢင်းၵေႃႈ ႁိူဝ်ႈႁိူင်းပိူင်းၸွတ်ႇၵႂႃႇ ၵူႈၼႃႈၵူႈပႃႈယဝ်ႉ။

သုၼိၻ်ၻႃဝိမႃၼဝတ်ထု ႁူဝ်ၵဝ်ႈ သုတ်းယဝ်ႉ။

ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]

  1. ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ၸိတ်တလတႃဝၷ်၊ သုၼိၻ်ၻႃဝိမႃၼဝတ်ထု