သႅဝ်းၵျၼ်ႉ

တီႈၼႂ်း ပွင်ႈၵႂၢမ်း ဢၼ်ၼႆႉ.. ၸိုဝ်ႈၶိူဝ်းႁိူၼ်း ပဵၼ် သႅဝ်း.

သႅဝ်းၵျၢၼ်ႉ
သႅဝ်းၵျၢၼ်ႉ မိူဝ်ႈ 2020
ၵိူတ်ႇ	(1991-10-05) 5 ဢွၵ်ႇထူဝ်ႇပႃႇ၊ 1991 ၶျူင်ၶျိင်ႉ၊ မိူင်းၶႄႇ
ၸိုဝ်ႈတၢင်ႇၸိူဝ်း	Sean
ႁူင်းႁဵၼ်းမိူဝ်ႈဢွၼ်ႇ	Modern International Art Design Academy at Chongqing Technology and Business University
ၼႃႈၵၢၼ်	ၸၢႆးငဝ်း၊ ၽူႈႁွင်ႉၵႂၢမ်း
ပီတူင်ႉၼိုင်မႃး	2015–တေႃႇယၢမ်းလဵဝ်
သဵၼ်ႈတၢင်းၽဵင်းၵႂၢမ်း
ၽၢင်ႁၢင်ႈၽဵင်းၵႂၢမ်း	Mandopop
ၶိူင်ႈတွႆႇတိုင်ႈ	ႁွင်ႉၵႂၢမ်း
ၶွမ်ႇပၼီႇဢတ်းသဵင်	Xiao Zhan Studio
လွင်ႈႁူမ်ႈႁွမ်းၶဝ်ႈပႃး	X Nine
ၸိုဝ်ႈၶႄႇ
ၶႄႇပၢၼ်ၵဝ်ႇ	肖戰
ၶႄႇပၢၼ်မႂ်ႇ	肖战
ပိၼ်ႇသဵင်ဢွၵ်ႇ
လၢႆးမိုဝ်း

သႅဝ်းၵျၢၼ်ႉ (ၶႄႇ: 肖战 ; pinyin: Xiāo Zhàn, ၵိူတ်ႇ 1991၊ ဢွၵ်ႇထူဝ်ႇပႃႇ 5) ဢၼ်ႁူႉဝႃႈပဵၼ် Sean Xiao ၼႆႉ ပဵၼ် ၸၢႆးငဝ်း လႄႈ ၽူႈႁွင်ႉၵႂၢမ်းၶႄႇ ၵေႃႉၼိုင်ႈယဝ်ႉ။ ဢၼ်မၼ်းဢွၵ်ႇၼႃႈႁူဝ်ႁႅၵ်ႈမၼ်းမႃးၼႆႉ ပဵၼ်ၸွမ်း ၸုမ်းၸၢႆးၼုမ်ႇၶႄႇ X Nineသေ ဝၢႆးသေၼၼ်ႉ လႆႈပဵၼ် ၸၢႆးငဝ်းမၢးတီႈၼႂ်း တရႃႇမႃႇ Douluo Continent (2021), The Untamed (2019), The Wolf (2020) လႄႈ Joy of Life (2019) ၼၼ်ႉယဝ်ႉ။ ၼင်ႇၽူႈႁွင်ႉၵႂၢမ်းတႄႉ မၼ်းလႆႈတႄႇ ပိုၼ်ဢွၵ်ႇၶႅပ်းၵေႃႉလဵဝ် "Made to Love" (Spot Light) မိူဝ်ႈ 2020 လိူၼ်ဢေႇပရႄႇ သုတ်းၼၼ်ႉယဝ်ႉ။ တၢင်းၼမ် ဢၼ်လႆႈၶၢႆမၼ်း မီးၵႂႃႇ 25.48 လၢၼ်ႉသေ ၼႂ်းၵႃႈ ၶႅပ်းၵႂၢမ်းတီႇၵျိတ်ႉတႄႇ ဢၼ်ၶၢႆ ၼႂ်းၶၢဝ်းတၢင်း 24 မူင်းသေ လႆႈၶၢႆၼမ်သေပိူၼ်ႈၼၼ်ႉ မၼ်းပဵၼ် ဢၼ်ၶဝ်ႈၼႂ်း မၢႆတွင်း ၵမ်ႇၽႃႇ ၵိၼ်းၼိတ်ႉၼၼ်ႉယဝ်ႉ။

ၸၢတ်ႈပၢၼ် မိူဝ်ႈၸဝ်ႉ လႄႈ ပၢႆးပႆႇၺႃႇ

သႅဝ်းၵျၢၼ်ႉၼႆႉ ၵိူတ်ႇမိူဝ်ႈပီ 1001 ဢွၵ်ႇထူဝ်ႇပႃႇ 5 ဝၼ်း တီႈ ၶျူင်ၶျိင်ႉၼၼ်ႉယဝ်ႉ။ ၸႄႇၸဵမ်မိူဝ်ႈပၢၼ်လုၵ်ႈဢွၼ်ႇသေ မၼ်းလႆႈတႄႇ လဵပ်ႈႁဵၼ်း လွင်ႈၸၼ်ႁၢင်ႈပၢၼ်းသီ လႄႈ လွင်ႈတွႆႇတြေႃး။ မၼ်းလႆႈ ၶိုၼ်ႈႁဵၼ်းမႃး တီႈ International Art Design Academy တီႈ Chongqing Technology and Business Universityၼၼ်ႉယဝ်ႉ။ ၽွင်းမၼ်းတိုၵ်ႉၶိုၼ်ႈ ၸၼ်ႉၸွမ်ၼၼ်ႉ မၼ်းလႆႈၶဝ်ႈပႃးၼႂ်း ၸုမ်းႁွင်ႉၵႂၢမ်းယဝ်ႉ။ ဝၢႆးသေ လႆႈႁပ်ႉၶူးယဝ်ႉ ၼႂ်းပီ 2014 သေ မိူဝ်ႈမၼ်းပႆႇ ဢွၵ်ႇၼႃႈႁူဝ်ႁႅၵ်ႇမၼ်းၼၼ်ႉ မၼ်းလႆႈႁဵတ်းၵၢၼ်မႃးၼင်ႇ ၽူႈထႆႇၶႅပ်းႁၢင်ႈ လႄႈ ၽူႈၸၼ်ႁၢင်ႈတီႇသၢႆးမႃးယဝ်ႉ။