ဢုꩮႃရဝိမႃၼဝတ်ထု၊ ၼၢင်းၽီ လႆႈလူႇၶဝ်ႈမုၼ်းငႃးပႄႉ

1-ဢုꩮႃရဝိမႃၼဝတ်ထု၊ ၼၢင်းၽီ လႆႈလူႇၶဝ်ႈမုၼ်းငႃးပႄႉ

• 286။ ဢလုမ်းဢလၢင်းမႂ်း ၼမ်တွၼ်းတႄႉယဝ်ႉ။ ဢူဢၢႆသၢႆငဝ်းၵေႃႈ ၵျလိူဝ်တႄႉယဝ်ႉ။ ႁိူဝ်ႈ ႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇယဝ်ႉ။ ၼၢင်းၽီ ၶုၼ်ၽီၸိူ ဝ်းႁၢင်ႈၶိူင်ႈႁၢင်ႈၽၢင်ဝႆႉၸိူ ဝ်းၼၼ်ႉ ဢွၼ်ၵၼ် ၵႃႈ ဢွၼ်ၵၼ်ႁွင်ႉၵႂၢမ်းတင်းသဵင်ႈယဝ်ႉ။
• 287။ ၼၢင်းၽီ ၶဝ်လႆႈဝႆႈသႃပူႇၸေႃႇမႂ်းသေ ႁူမ်ၸူမ်းဝႆႉသဵင်ႈယဝ်ႉ။ တႃႇတေပူႇၸေႃႇမႂ်းၼၼ်ႉ ဢွမ်ႇလွမ်ႉဝႆႉယူႇယဝ်ႉ။ ၼၢင်းၽီႁၢင်ႈငၢမ်း လီယဵမ်ႈလီတူၺ်းဢိူၺ်း... ႁေႃဝိမၢၼ်ႇမႂ်းၼၢင်းၼႆႉ ပဵၼ် ၶမ်းတင်းပိုၵ်းယဝ်ႉ။
• 288။ မႂ်းၼၢင်း ဢၼ်တဵမ်ထူၼ်ႈတၼ်းၸႂ် ၵူႈပိူင်ၼၼ်ႉ ဢုပ်ႉပိူင်ႇလႆႈ ၼၢင်းၽီၶုၼ်ၽီ တင်းသဵင်ႈယဝ်ႉ။ လႆႈႁွတ်ႈထိုင်မႃး တမ်ႈတီႈလီ တီႈမိူင်းၽီသေ မီးဢူမုၼ်ၽုင်းယႂ်ႇတႄႉယဝ်ႉ။ တမ်ႈတီႈ မိူင်းၽီၼႆႉ မႂ်းၼၢင်း ပဵၼ် ၵေႃႉဢၼ်လႆႈႁူမ်ၸူမ်း မျၢတ်ႈတွၼ်းၼၼ်ႉယဝ်ႉ။ ၼၢင်းၽီ ၽွၼ်းလီဢၼ်ၼႆႉ ပဵၼ်ယွၼ်ႉပိူဝ်ႈ ၵုသူဝ်ႇၵၢမ်ႇ ဢၼ်လႂ်ၼေႃး။ ၵဝ်ထၢမ်မႂ်းယူႇယဝ်ႉ။ တွပ်ႇပၼ်တႃႉ (ၼႆ ၸဝ်ႈမွၵ်ႉၵလၢၼ်ႇ ထၢမ်ၵႂႃႇယူႇယဝ်ႉ)
• 289-90။ တမ်ႈတီႈ မိူင်းၵူၼ်း မိူဝ်ႈၶႃႈၼၢင်းပဵၼ်ၵူၼ်းၼၼ်ႉ လႆႈပဵၼ်လုၵ်ႈပႂ်ႉ ၸိူဝ်ႉၶိူဝ်း ဢၼ်ဢမ်ႇမီးသိၼ်ၼၼ်ႉယဝ်ႉ။ တမ်ႈတီႈ ၼႂ်းၵႄႈၵၢင် ၶိင်းပူႇၼၢႆး ဢၼ်ဢမ်ႇယုမ်ႇယမ် ၵုၼ်းမုၼ် ရတၼႃႇသၢမ်ၸဝ်ႈ၊ ဢၼ်ဢမ်ႇယုမ်ႇယမ် ၵၢမ်ႇလႄႈၽွၼ်းၵၢမ်ႇ ဢၼ်ထီႇၼဵဝ်ၼၼ်ႉ ၶႃႈၼၢင်းလႆႈပဵၼ် ၵေႃႉမီးၸႂ်ယုမ်ႇယမ်(သတ်ႉထႃႇ) ၵေႃႉပႂ်ႉပႃးသိၼ် တဵမ်ထူၼ်ႈယဝ်ႉ။ မူၼ်ႈသိူဝ်းၸႂ်လူၺ်ႈ လွင်ႈလူႇတၢၼ်း ယိုၼ်ႈၸႅၵ်ႇ တႃႇသေႇယဝ်ႉ။ ၶႃႈၼၢင်း လႆႈဢဝ် ၶဝ်ႈမုၼ်းငႃးပႄႉ လူႇတၢၼ်းပၼ် ၸဝ်ႈရႁၢၼ်းၶဝ် ဢၼ်ယေႃးၶိင်းမႃး တုင်းသွမ်းၼၼ်ႉယဝ်ႉ။
• 291။ ၵမ်းၼၼ်ႉ ၶႃႈၼၢင်းၸင်ႇလၢတ်ႈတီႈ မႄႈဢွၵ်ႇၼၢႆးဝႃႈ “ၸဝ်ႈရႁၢၼ်းၶဝ် ယေႃးၶိင်း မႃးတီႈႁိူၼ်းၼႆႉဢေႃႈ။ ၶႃႈၼၢင်း မီးၸႂ်ယုမ်ႇယမ် ၼိူဝ်ၸဝ်ႈရႁၢၼ်းၶဝ်လႄႈ တၢမ်တူဝ်ၶႃႈၼၢင်း လႆႈဢဝ် ၶဝ်ႈမုၼ်းငႃးပႄႉ လူႇတၢၼ်းပၼ်ၵႂႃႇၶႃႈယဝ်ႉ”ၼႆယဝ်ႉ။
• 292။ ပေႃးလၢတ်ႈၵႂႃႇၼင်ႇၼႆ မႄႈဢွၵ်ႇၼၢႆး ၸင်ႇထႃႉလႃႇဝႃႈ “ႁိူၺ်ႉ လုၵ်ႉပႂ်ႉ လွင်ႈဝႃႈ ၶႂ်ႈလူႇတၢၼ်း ၸဝ်ႈရႁၢၼ်းဢၼ်ဝႃႈၼၼ်ႉ ၵဝ်ဢမ်ႇမီးၸႂ်ၶႂ်ႈလူႇ။ မႂ်းၼႆႉ ဢမ်ႇထွမ်ႇၵႂၢမ်းသင်ႇသွၼ် (ၵူၼ်းလူင်)ဢိူဝ်ႈၼႆႉ”ၼႆသေ ထႃႉလႃႇယူႇယဝ်ႉ။
• 293။ ဝၢႆးသေ ထႃႉလႃႇယဝ်ႉ မႄႈဢွၵ်ႇၼၢႆး ဢွၵ်ႇၸႂ်လမ်တေႃးသသေ ဢဝ်သၢၵ်ႇပေႃႉႁႅမ် ၶႃႈၼၢင်းယဝ်ႉ။ ပေႃႉႁႅမ်ၶႃႈၼၢင်း တေႃႇထိုင် လုပ်ႇႁူဝ်မႃႇ ပေႃးႁၵ်းယဝ်ႉ။ ၶႃႈၼၢင်းၵေႃႈ ဢမ်ႇၸၢင်ႈ သိုပ်ႇယူႇထႅင်ႈ ႁိုင်ႁိုင်ယဝ်ႉ။
• 294။ ၵမ်းၼၼ်ႉ ၶႃႈၼၢင်းၼႆႉ ၶၼ်ႇထႃႇလုလႅဝ် တၢႆပူၼ်ႉလွတ်ႈတၢင်းတုၵ်ႉၶသေ လႆႈႁွတ်ႈထိုင် ၼႂ်းမူႇၸုမ်းၽီတႃႇဝတိမ်ႇသႃႇယဝ်ႉ။
• 295။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈၼၢင်း ၸင်ႇတေမႃးမီး ဢူငဝ်းၸိူင်ႉၼင်ႇၼႆ ယဝ်ႉ။ပ။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ဢူဢၢႆသၢႆငဝ်းၶႃႈၼၢင်းၵေႃႈ ႁိူဝ်ႈႁိူင်းပိူင်းၸွတ်ႇၵႂႃႇ ၵူႈၼႃႈၵူႈပႃႈယဝ်ႉ။

ဢုꩮႃရဝိမႃၼဝတ်ထု ႁူဝ်ႁႅၵ်ႈ သုတ်းယဝ်ႉ။