ၵႂၢမ်းတၵၼ်
ၵႂၢမ်းတၵၼ်
- ၵႃလမ် သိပ်းၵဝ်ႈမႄႈ လုၵ်ႈမၼ်း ၽႄႈၸွတ်ႇမိူင်း [1]တူဝ်မႄႈလိၵ်ႈ
- ၵႃႈထိူၼ်ႇပဵၼ် ထဵ
င်ၼႃး မႃးႁိူၼ်းပဵၼ် မူၵ်ႇမႆႉ [2]
- ၵႂႃႇၵေႃႈယၵ်း မႃးၵေႃႈယၵ်း ဢမ်ႇလႆႈၽၵ်းသေသဵၼ်ႈ [3]
- ၵူႇဢမ်ႇၸႂ်ႈ ၵူႇၵူၼ်းၼွၼ်း [4]
- ၵႆႇပေႃႈလႅင် တၢႆၽႅၼ်ၶေႃႈဢွင်ႇဢွတ်ႈ [5]
- ၵႆႇၽူႈၽိူၵ်ႇ တၢႆဢိူၵ်ႇ တွင်ႉတႄးၼႃး [6]
- ၵႆႇၽူႈလမ် တၢႆၶမ်ၶူၵ်ႉ [7]
- ၵႆႇဢမ်ႇၸႂ်ႈ ၵႆႇမဵဝ်းၶၼ် [8]
- ၵႂၢႆးငၢၼ် တၢႆႁူမ်ႈဢိူၵ်ႇ ၸၢင်ႉၽိူၵ်ႇ ဢွၵ်ႇတေႃးၵၼ် [9]
- ၵႂၢႆးငၢၼ်ၽိူၵ်ႇ တူဝ်ၼိုင်ႈ မႃးသႂ်ႇသၢႆၼင် တၢင်းၶၢင်ႈ [10]
- ၵႂၢႆးထိုၵ်းလူင် ၶေႃးၵမ်ႉ ၶၢမ်ႈၼမ်ႉ ဢမ်ႇႁၼ်ႁွႆး [11]
- ၵႂၢႆးထိုၵ်းလူင် ၶေႃးပုမ်း တေႃးယုမ်း ဢမ်ႇႁၼ်တူဝ် [12]
- ၵႂၢႆးမႄႈထဝ်ႈ သီႇၶဝ် ငဝ်ၸုၵ်းပႂ်ႉယိူဝ်ႈႁႅင်ႈ [13]
- ၵွၵ်းႁူဝ်မၼ်း ပဵၼ်ၶႅမ်းသၢင်း ႁၢင်မၼ်း ပဵၼ်ႁိူဝ်း ဝၢႆႈမိူဝ်း ပႃႈတၢင်းလင် [14]
- ၵၢင်ၶိုၼ်း ႁွင်ႉဢီးဢီး ၵၢင်ဝၼ်း ပီးဢွင်ႇတွင်ႇ [15]
- ၵၢင်ၶမ်း မေႃးဝီးဝီး ၵၢင်ၼႂ် ပီးတွင်ႇၵွင်ႇ [16]
- ၵၢင်ဝၼ်း ၶုၼ်ႇပိုတ်း ၶုၼ်ႇပိုတ်း ၵၢင်ၶိုၼ်း သိုဝ်ႈလိုတ်းလိုင်ႈ [17]
- ၵၢင်ဝၼ်း တွၼ်ႇငုၵ်းတွၼ်ႇငုၵ်း ၵၢင်ၶိုၼ်း ပိုတ်းၶလၢဝ်ႇငၢဝ်ႇ [18]
- ၵၢင်ဝၼ်း ဢွၵ်ႇတၢင်းလႂ် မွၵ်ႇမၼ်း ဝၢႆႇတၢင်းၼၼ်ႉ [19]
- ၵိင်ႇမႆႉ ၶင်ႉၵၢင်ႁၢဝ်၊ တူတ်းၼၢႆးၶၢဝ် ၶမ်ႁူးလွင်ႈ [20]
- ၵိၼ်လၵ်း ဝႆႉလုၵ်း [21]
- ၵိၼ်လုၵ်း ဝႆႉလၵ်း [22]
- ၵူင်ႇငူင်ႇ ၵႃးငႃး ပႃးၽိုၼ်း ၶဝ်ႈၽၵ်းတူ [23]
- ၵူင်ႇငူင်ႇ ၵၢင်ႇငၢင်ႇ ယုၵ်ႉၽိူင်းတၢင်ႇၼိူဝ်ၵၢင်ႉ [24]
- ၵူင်ႇငူင်ႇသွႆ ၼမ်ႉမၼ်းယွႆႉၸွမ်းမွႆ [25]
- ၵူင်ႇငူင်ႇပၵ်း ၼမ်ႉထူမ်ႈလၵ်း ယွႆႉပၢႆ [26]
- ၵွင်ႇယွင်ႇသႄႇ ၼမ်ႉမၼ်း မူၼ်ႇသႄႇႁႄႇ [27]
- ၵွင်ႇယွင်ႇသွႆ ၼမ်ႉမၼ်း ယွႆႉၸွမ်းမွႆ [25]
- ၵွင်ႇယွင်ႇယဝ်ႈ ၶဝ်ႈဢမ်ႇၶဝ်ႈ ၵမ်းတူၺ်း [28]
- ၵူၼ်းသၢမ်ၵေႃႉ ၶဵၼ်းၶဵၼ်းႁူဝ် သဵၼ်ႈလဵဝ် [29]
- ၶွင်ႈၶႅင်ႈၶွင်ႈၶၢင်း ၼူၵ်ႉယၢင်း ၸပ်းၵူႈၵိင်ႇ မိင်ႇၸပ်းၵူႈတူဝ် မူဝ်ၸပ်းၵူႈလူင်ႇ [30]
- ၶၢဝ်ၼင်ႇၵၼ် ၵိၼ်ၵၼ် [31]
- ၶူဝ်သွင်ၽႅၼ်ႇ သီႇႁၢဝ်း [32]
- ငူးလူင် တၢႆၵၢင်ပၢင်ႇ ႁၵ်းမႆႉတၢင်ႇၵွင်းလွင် [33]
- ငူးလူင် တၢႆၼိူဝ်ၾ ၼၢင်းတ ပၼ်ႇၼိူဝ်လိၼ် [34]
- ငူးႁၢင်ႁဵဝ် ၶဵဝ်ႈႁၢင်ႇ လႅၼ်ႈၵၢင်ပၢင်ႇ ဢဝ်ၵွၼ်းၽႆးၺူဝ်း [35]
- ငူးႁဝ်ႇလမ်တူဝ်ၼိုင်ႈ တႃမၼ်းမီး သီႇၶွၼ် တၢင်းယၢဝ်းမီးသီႇသွၵ်ႇ ပေႃးမၼ်းလွၵ်ႈၶၢပ်ႈ သမ်ႉမီးသီႇဝႃး [36]
- ငဝ်ႈတၢၼ်ႇလွမ်ႇ တူၼ်ႈတၢၼ်ႇဢိုင် ပၢႆမၼ်း ထိုင်ၾ [37]
- ငဝ်ႈမၼ်း ၵေႃႇၵွင်းမူး ပၢၵ်ႇမၼ်း မီးႁဵပ်း [38]
- ငဝ်ႈမၼ်းတၢၼ်ႇ ၶိူဝ်းဝၢႆ ပၢႆမၼ်းတၢၼ်ႇ လဝ်ႉၵႆႇ ၶႆႇမၼ်းတၢၼ်ႇ ၶႆႇလႅၼ်း [39]
- ငဝ်ႈမၼ်း တၢၼ်ႇလမ်းၶေႃးၵႂၢႆး မႂ်မၼ်း ႁေႃႇၵိူဝ်သၢႆးဢမ်ႇလႆႈ [40]
- ငဝ်ႈမၼ်းပေႃးၵမ် လမ်းမၼ်းပေႃးၵွတ်ႇ ယွတ်ႈမၼ်းလမ်ၽိတ်း [41]
- ၸုၵ်းတႅမ်ႇ ၼင်ႈသုင် [42]
- ၸၢင်ႉသွင်ႁူဝ် သွင်တိၼ် ၸဵတ်းငႃး [43]
- ၸၢင်ႉမႄႈထဝ်ႈ ပုမ်ယၢမ်း မၢၼ်းၵၢင်ၶမ်ႈ ၵိူတ်ႇၵၢင်ၼႂ် [44]
- ၸဝ်ႈသၢင်ႇဢွၼ်ႇ သွင်ပႃး လဵပ်ႈလွႆမႃး ဢမ်ႇႁွပ်ႈသေပွၵ်ႈ [45]
- ၸဝ်ႈသၢင်ႇဢွၼ်ႇ သၢမ်ပႃး ႁေႃးတြႃးၼႂ်းထမ်ႈ [46]
- ၸဝ်ႈသၢင်ႇဢွၼ်ႇ ပႃးလဵဝ် ႁွင်ႉသဵင်ၶဵဝ်ပေႃးဢွၵ်ႇ [47]
- ၸွင်ႈသၢမ်ၵၼ်း သိပ်းလူင်ႇ[48]
- ၸွမ်းၵၢင်ၵႄႈမႆႉဢေႃႈ ၶီႇႁိူဝ်းလေႃႈ ၽၢႆၽႂ်း [49]
- သီႇၵေႃႉႁၢမ် သၢမ်ၵေႃႉတဵၵ်း သွင်ၵေႃႉ သမ်ႉႁွင်ႉဢဵၵ်းဢဵၵ်း ၸွမ်းလင် ၵေႃႉၼိုင်ႈ ဢမ်ႇႁူႉသင် လူမ်ႉလုၵ်ႉလူမ်ႉလုၵ်ႉ။ [50]
- သီႇၵေႃႉႁၢမ် သၢမ်ၵေႃႉဝီး သွင်ၵေႃႉမႅၵ်ႇလဵၵ်းၸီး ၵႂႃႇတၢင်းၼႃႈ [51]
- သီႇၵေႃႉႁၢမ် သၢမ်ၵေႃႉဝီး ပႃးလဵၵ်းၸီး သွင်မၢၵ်ႈ [51]
- သီႇၸဵင်ႇမိူၼ်လွၵ်းၼႃး ၼႂ်းမၼ်းမီး မွၵ်ႇၸၢမ်ၵႃးလူင်ႇၼိုင်ႈ [52]
- သီႇတေႃႇသီႇ လေႃးၵၼ် ဢမ်ႇပဵၼ်ပႅတ်ႇ [53]
- သီႇတိၼ်ပူၵ်း ႁူၵ်းတိၼ်တမ်း [54]
- သီႇတိၼ်ပူၵ်း ႁူၵ်းတိၼ်တမ်း ပဵတ်းၶမ်းဢွၼ်ႇ လုၺ်းလဵၼ်ႈၼႂ်းၼွင် [55]
- သီႇတိၼ်ပႆယူင်ႈယၢင်ႈ သွင်ၽၢၵ်ႇၶၢင်ႈ ၽၵ်းပႅမ်း [56]
- သွင်တိၼ် ပတ်ႉလၢႆးၸိူင်း သီႇတိၼ် ပတ်ႉၶႅပ်း ၶဝ်ႈလိၼ်မိူင်း ၶိတ်းၵူၼ်ႈတေႃးလိၼ် [57]
- သတ်းသီႇတိၼ် သၢမ်ႁူဝ် ပိူၼ်ႈဢမ်ႇၵူဝ်ၵိၼ်မၼ်း [58]
- သူပ်းမၼ်း မီးတီႈပၢၵ်ႇ မၢၵ်ႇတႃမၼ်း မီးတီႈပုမ် [59]
- သိူဝ်တၢႆ ႁူဝ်ႁူၺ်ႈႁွင်ႉ [60]
- တွၵ်ႇသီႇသဵၼ်ႈ မတ်ႉသီႇသူၼ် ၵိုတ်းႁိူၼ်းမႃး သီႇသဵၼ်ႈ [61]
- တၢင်းသုင်မၼ်း ပဵင်းၵႂၢႆး တၢင်းလၢႆးမၼ်း မိူၼ်သိူဝ် တၢင်းၼိူဝ်မၼ်း တိုဝ်းၵုပ်းတွင်း [62]
- တိုင်ႇၵၢင် ႁူဝ်ႁၢင်သဵမ်ႈ [63]
- တၼ်တွၵ်းၼွၵ်း သမ်ႉပွင်ႇ ႁၢင်ႇၸွင်ႇၵွင်ႇ သမ်ႉတၼ် မဵတ်ႉငႃးပိုၼ်ဢမ်ႇလွတ်ႈ ပၵ်ႉမူၼ်ႇတွတ်ႈ သမ်ႉလူင်း [64]
- တိၼ်ယၼ်လိၼ် သွင်ၶိုပ်ႈ ပေႃးလမ်းလိုပ်ႈ ဢမ်ႇၶိုတ်း [65]
- တူၼ်ႈမၼ်း တၢၼ်ႇပဵတ်ႈ မႂ်မၼ်း သဵတ်ႈသေး [40]
- တႅမ်ႇသေယိူဝ်ႈ သုင်သေလွႆ [66]
- တုပ်းတၢပ်း ႁွႆႈၼွၵ်ႈၽႃ တႆႈၽႆႈႁႃ ဢမ်ႇႁၼ် ငုမ်းငၢမ်းႁႃ ၸင်ႇႁၼ် [67]
- တႅပ်းၶဝ်ႈ ႁွႆႈၼွၵ်ႈၽႃ တႆႈၽႆးႁႃ ဢမ်ႇႁၼ် ငုမ်းငၢမ်းႁႃ ၸင်ႇႁၼ် [68]
- တူၼ်ႈမၼ်း တၢၼ်ႇသၢၵ်ႇ မႂ်မၼ်းၵႂႃႇ ပၢၵ်ႇဝႃး [69]
- တူၼ်ႈမၼ်း တၢၼ်ႇသၢၵ်ႇ မႂ်မၼ်း တၢၵ်ႇတိူၼ်း [70]
- တူၼ်ႈမၼ်း တၢၼ်ႇၶဵမ် မႂ်မၼ်း တဵမ်ၼမ်ႉ [71]
- တူၼ်ႈမၼ်း တၢၼ်ႇလဵၵ်းၵူင်း မႂ်မၼ်း ပူင်းထေႃႉယေႃႉ [72]
- တူၼ်ႈမၼ်း တၢၼ်ႇလဵၵ်းၸီး မႂ်မၼ်း ဝီးဝႅပ်ႉဝႅပ်ႉ [73]
- တူၼ်ႈမၼ်း တၢၼ်ႇဢိုင် မႂ်မၼ်း ထိုင်ၾ [74]
- တူၼ်ႈမၼ်း ပေႃးၵမ် လမ်းမၼ်း ပေႃးၵွတ်ႇ ပေႃးၶွတ်ႇယွတ်ႈ လမ်ၽိတ်း [75]
- တူၼ်ႈမၼ်း မီးတၢၼ်ႇသၢၵ်ႇ မၢၵ်ႇမၼ်း ၵႂႃႇပၢၵ်ႇဝႃး [76]
- တူၼ်ႈမၼ်း မီးမိူင်းၵိုင် မႂ်မၼ်း ထိုင်ၵူႈတီႈ [77]
- တူဝ်သိူင်ႇတိၼ် ၵိၼ်တူဝ်သူင်ႇၶဵဝ်ႈ လၼ်ႈတႂ်ႈမႆႉ သိူင်ႇၽိူဝ် ၵိၼ်ၼိူဝ် မၢၵ်ႇသိူင်ႇၵႅၼ်ႈ [78]
- တူဝ်သိူင်ႇတိၼ် တၢႆၼိူဝ် မၢၵ်ႇသိူင်ႇတူၼ်ႈ တူဝ်သိူင်ႇၶဵဝ်ႈ ၵဵပ်းၵိၼ် [79]
- တူဝ်သိူင်ႇတိၼ် လမ်းၵိၼ် တူဝ်သိူင်ႇၶဵဝ်ႈ တဵၵ်းလႆႈ တီႈမၢၵ်ႇသိူင်ႇတူၼ်ႈ [80]
- တူဝ်သိူင်ႇတိၼ် လမ်းၵိၼ် တူဝ်သိူင်ႇႁမ် ၼႂ်းလူင်ပႃႇမွၵ်ႇသိူင်ႇမၢၵ်ႇ [81]
- တူဝ်ပႅတ်ႇတိၼ် သီႇႁူ လၢၵ်ႈထူလၢၵ်ႈထႃၵႂႃႇ [82]
- တူဝ်မၼ်း မီးတၢၼ်ႇ မၢၵ်ႇၽိတ်ႉပွမ်ႈ ယွမ်ႈယႅမ်ႈ ဢွၵ်ႇႁွႆးသိူဝ် [83]
- တူဝ်မၼ်း မီးတၢၼ်ႇႁိူတ်ႈ တုင်းဢဝ်လိူတ်ႈမၼ်းလႆႈ သၢမ်ဝၢၼ်ႇတွင်းလႅင် [84]
- တူဝ်ဢမ်ႇတူင်ႉ ဢမ်ႇၼိုင် ၸိုင်လၢတ်ႈၵႂၢမ်း ဢၢပ်ႈဢၢပ်ႈ [85]
- ထၢမ်သင်ၵေႃႈ ဢမ်ႇဢိူဝ် လိူဝ်သေ ဢဝ်မိုဝ်းၸိ [86]
- ၼူၵ်ႉထီးလင်ႇၵႃႇ တိၼ်လဵဝ် ႁၢင်ႁဵဝ်ၸိၸူးဝၼ်း [87]
- ၼူၵ်ႉၸွၵ်ႇ သီႇႁႃႈတူဝ် တူၵ်းၵိၼ်ၼမ်ႉၼွင်မူဝ် ပေႃးႁႅင်ႈ [88]
- ၼူၵ်ႉၸွၵ်ႇ သိပ်းၵဝ်ႈတူဝ် တူၵ်းၵိၼ် ၼမ်ႉၼွင်မူဝ် ပေႃးႁႅင်ႈ [89]
- ၼူၵ်ႉသွင်ၶႃ တႃမၼ်း မီးတီႈဢႅင်ႈ [90]
- ၼူၵ်ႉသႅဝ်းဢွၼ်ႇ မိူင်းၶႄႇ ပိၵ်ႇမၼ်း မွင်ႉၵွင်ႈငွင်ႈ မႃးသႄႇၵွင်းလင် [91]
- ၼူၵ်ႉတူႈမူၼ်ႇ သၢမ်သႅၼ် ၵမ်ႈၽွင်ႈၼွၼ်းၶွမ်ႈ ၵမ်ႈၽွင်ႈၼွၼ်းႁႅၼ် [92]
- ၼူၵ်ႉတိၼ်လဵဝ် ပႅတ်ႇပိၵ်ႇ [93]
- ၼူၵ်ႉထီးလင်ႇၵႃႇ တိၼ်လဵဝ် ႁၢင်ႁဵဝ် ၸီႉၸူးဝၼ်း [87]
- ၼူၵ်ႉႁူဝ်တိုင်ႇ ႁၢင်ႁဵဝ် လူင်းၵိၼ် ၼမ်ႉၼွင်ၶဵဝ် ပေႃးႁႅင်ႈ [94]
- ၼွၵ်ႈမၼ်း တႃးႁၢၼ် ၼႂ်းမၼ်းပဵၼ်သၢၼ် ၶေႃႉၶေႃႉ [95]
- ၼင်မၼ်း ပဵၼ်ၼင်ၽိူဝ်ႉ ၼိူဝ်ႉမၼ်း ပဵၼ်ၼိူဝ်ႉၵႆႇ ၶႆႇမၼ်းပဵၼ် ၶႆႇလႅၼ်း [96]
- ၼၢင်းဢွၵ်းတွၵ်း ၼၢင်းဢွင်ႇတွင်ႇ ၼုင်ႈသိူဝ်ႈၶွင်ႇ သိပ်းၽိုၼ် သၢဝ်းၽိုၼ် [97]
- ၼၢင်းဢွင်ႇတွင်ႇ ၼၢင်းဢွၵ်းတွၵ်း ၼုင်ႈသိူဝ်ႈယွၵ်း ဢၢပ်ႇၼမ်ႉ [98]
- ၼုင်ႈၵူၼ်ၼွၼ်း လွၼ်ႈၵူၼ်ႁဵတ်း ပေႃးတဵၵ်း ၼမ်ႉမၼ်းလၼ် [99]
- ၼမ်ႉၶုၼ်ႇပုင်ႈဢွၵ်ႇ တႂ်ႈပႃႇ ယႃႈယုင်းဢွၼ်ႇလမ်လမ် ၵမ်မႆႉ ပွတ်းၼိုင်ႈ ၵိုတ်းၵျၢၼ်ႇႁူဝ်မၼ်း [100]
- ၼမ်ႉၸေႃႉၸႄႉ မၢၵ်ႇႁိၼ်ၶေႃႉၶႄႉ ၼႂ်းမၼ်း မီးပႃမုင်းတူဝ်ၼိုင်ႈ [101]
- ၼမ်ႉတဝ်ႈဢွၼ်ႇ ၽၢၼ်ၶိူဝ်း [102]
- ၼမ်ႉယူႇတႂ်ႈ ၽႆးယူႇၼိူဝ် [103]
- ၼမ်ႉဢမ်ႇမီးသေလွၵ်း ပႃပွၵ်း မေႃးႁၢဝ်ႉႁၢဝ်ႉ [104]
- ၼမ်ႉၸေႃႉၸႄႉ မၢၵ်ႇႁိၼ်ၶေႃႉၶႄႉ ၼႂ်းမၼ်း မီးပႃမုင်းတူဝ်ၼိုင်ႈ [101]
- ၼမ်ႉတဝ်ႈဢွၼ်ႇ ၽၢၼ်ၶိူဝ်း [102]
- ၼမ်ႉတဝ်ႈဢွၼ်ႇ ႁွႆႈလၵ်း ၽႂ်ဢမ်ႇတၵ်းၵေႃႈ တဵမ် [105]
- ၼမ်ႉယူႇတႂ်ႈ ၽႆးယူႇၼိူဝ် [103]
- ၼိုင်ႈၵႄႇ ၼိုင်ႈမၼ်းလူမ် ပၢႆသိူဝ်လိူဝ်ႁူဝ်ပူမ် သမ်ႉမီးမၵ်း လူင်းသူႇ ၼမ်ႉဢူၼ်ဢၵ်း ၼွၵ်းၼမ်ႉယႂ်းယၢင် [106]
- ၼူမ်းမၼ်း မီးတီႈတွင်ႉ သဵင်မၼ်း ႁွင်ႉဝူးဝူး [107]
- ၼိူဝ်ၾၵေႃႈ ဢမ်ႇမိၼ် ၼိူဝ်လိၼ်ၵေႃႈ ဢမ်ႇပႆ [108]
- ၼိူဝ်ႉသူမ်ႈ ႁေႃႇၼွၵ်ႈတွင် ပႃးၶီးလၢႆးမွင်ၼွၵ်ႈမူၵ်ႇ [109]
- ၼိူဝ်ႉတေႃႇၼိူဝ်ႉ ဢူမ်ၵၼ် ၼမ်ႉမၼ်း လၼ်ၶဝ်ႈတွင်ႉ [110]
- ၼိူဝ်ႉၼင်ႇၵၼ် ၶမ်ၵၼ် ၼမ်ႉမၼ်း လၼ်ၶဝ်ႈတွင်ႉ [111]
- ပႃၶီးလၢႆး ၶိုၼ်ႈၶႆႇ ၵွပ်ႈတႆႇမႆႉ ပေႃးၵွမ်း [112]
- ပႃၶီးႁႅင်ႈ သၢမ်ပီ မီးၶႆႇ လုပ်ႇၵႆႇ ႁႅင်ႈသၢမ်ပီ မီးမၼ်း [113]
- ပႃတႅပ်းၸၢပ်ႇၵိၼ်မူၼ်ႈ ၼမ်ႉတႅၵ်ႇႁူၼ်ႈတင်းၵႄး [114]
- ပႃမုင်းၶၢမ်ႈၶူင်းၵႂႃႇ ပႃဝႃႇ ၶၢမ်ႈၶူင်းမႃး ပႃးပိုၼ်မႃး ပႅတ်ႇလႅမ်ႈ [115]
- ပႃမုင်းလူင် ၵဵတ်းထီႇ ဢမ်ႇၸီႇၵေႃႈ မၼ်းႁွမ် [116]
- ပႃမုင်းလူင် ၵဵတ်းထီႇ ဢမ်ႇသႂ်ႇမီႇၵီးၵေႃႈ ဝၢၼ် [87]
- ပႃႇယဵၼ်ႇ မူၼ်ႉတႄးၼႃး ပႃးၸိူၵ်ႈၽႅတ်းဝႅၼ် [117]
- ပႃလုၵ်း သိပ်းသွင်ငဵင်ႈ ၵိၼ်ဢမ်ႇၵဵင်ႈ လႄႇႁွႆႈၸွမ်းသဝ် [118]
- ပီႈၼွင်ႉ ၸဵတ်းပႅတ်ႇၵူၼ်း ၼင်ႈပၼ်ႇမူၼ်း လွမ်ႉသဝ် [119]
- ပီႈမၼ်းၵေႃႉႁွင်ႉ ၼွင်ႉမၼ်းၵေႃႉလႅၼ်ႈ မႃးတႆႇတႅၼ်ႈၼွင်ၶမ်း [120]
- ပေႃးၵိၼ်လၵ်းမၼ်း သမ်ႉဝႆႉလုၵ်းမၼ်း [121]
- ပေႃးၵိၼ်လုၵ်းမၼ်း သမ်ႉဝႆႉလၵ်းမၼ်း [122]
- ပေႃးၵိၼ် ဢမ်ႇပေႃးဢၢပ်ႇ ပေႃးဢၢပ်ႇ ဢမ်ႇပေႃးၵိၼ် [123]
- ပေႃးတႅပ်း သမ်ႉသုင် ပေႃးသိုပ်ႇ သမ်ႉတႅမ်ႇ [124]
- ပေႃးတူဝ်မၼ်းမႃး ဢမ်ႇႁၼ် ပေႃးတူဝ်မၼ်း ဢမ်ႇမႃး သမ်ႉႁၼ် [125]
- ပေႃးၼင်ႈသမ်ႉသုင် ပေႃးၸုၵ်း သမ်ႉတႅမ်ႇ [126]
- ပေႃးမီးတႃ ဢမ်ႇႁၼ် ပေႃးဢမ်ႇမီးတႃ သမ်ႉႁၼ် [127]
- ပေႃးမတ်ႉဝႆႉ သမ်ႉၵႂႃႇ ပေႃးပွႆႇ သမ်ႉယူႇ [128]
- ပေႃးယွမ် ၶဝ်မၼ်းမီး ပေႃးပီးၶဝ်မၼ်းႁၢႆ [129]
- ပေႃးလႆႈၵိၼ်သမ်ႉယွမ် ပေႃးဢမ်ႇလႆႈၵိၼ် သမ်ႉပီး [130]
- ပေႃးဢဝ်ပႅတ်ႈ သမ်ႉၼၵ်း ပေႃးဢဝ်သႂ်ႇ သမ်ႉမဝ် [131]
- ပေႃးဢဝ်လႆႈ သမ်ႉဢမ်ႇပႃးၵႂႃႇ ပေႃးဢမ်ႇဢဝ်လႆႈ သမ်ႉပႃးၵႂႃႇ[132]
- ပေႃႉ ဢမ်ႇတၢႆ ၶၢႆ ဢမ်ႇၶၢတ်ႇ ၸွမ်းၶဝ်ႈၵၢတ်ႇ ယႅပ်းယႅပ်း [133]
- ပွၵ်းပွၵ်းပီးပီး ၵႆးမၼ်းမီး တီႈပုမ် [134]
- ပၢင်တၢႆး ဝႅၼ်ၶၢမ်ႈႁွင်ႈ ဢဝ်တွင်ႇၼွင်ႈမၼ်း ၵႂႃႇဢွၼ်တၢင်း [135]
- ပႅတ်ႇတေႃႇပႅတ်ႇ လေႃးၵၼ် ဢမ်ႇၸႂ်ႈ သိပ်းႁူၵ်း [136]
- ပဵၼ်မွၵ်ႇပိူၼ်ႈ ဢမ်ႇပၵ်း ပဵၼ်ၽၵ်း ပိူၼ်ႈဢမ်ႇၵိၼ် [137]
- ပိူၼ်ႈလၢတ်ႈသင်ၵေႃႈ ၵဵပ်းလႆႈ မီးသႆႈဢွၼ်ႇ သဵၼ်ႈလဵဝ် [138]
- ပွမ်ပႅမ် ၶီႈၼူၵ်ႉၸွၵ်ႇ ၸွတ်ႇၸေး ၵူႈလင်ႁိူၼ်း [139]
- ၽသီႇသၼ် သွင်ၶူမ်း [140]
- ၽႆးမႆႈပႃႇ တင်းပီ ၵိုတ်းမႆႉသၢင်းၶီႇ သၢမ်လႅမ်ႈ [29]
- ၽၢႆႇပုၼ်ႉၵေႃႈ လၢၼ်းၽႃ ၽၢႆႇၼႆႉၵေႃႈ လၢၼ်းၽႃ ၼၢင်းသႃ ၶီႇႁိူဝ်းၶၢမ်ႈ [141]
- ၽႂ်တူၺ်းၵေႃႈ တေလႆႈငႅၼ်ႈၶဵဝ်တေႃႇ ပေႃးပေႃႇသွင်တၢင်း [142]
- ၽၵ်းၶၼ်ႈႁႆ ဢမ်ႇလၼ်ႈႁႆ [143]
- ၽၵ်းၶဵဝ် ဢမ်ႇမီးတူၼ်ႈ လႆႈၶိတ်းၵူၼ်ႈသေဢဝ် [144]
- ၽၵ်းၶိူဝ်းၶဵဝ် ၶိုၼ်ႈၶႃႇ တိုတ်ႉသဵၼ်ႈၼိုင်ႈ ၵႂႃႇတင်းယုမ်း [145]
- ၽၵ်းသွင်ၵူပ်ႉ ပၢႆလႅဝ်း ၽၵ်းၶႅဝ်း ဢမ်ႇၸႂ်ႈၼိူဝ်ႉပႃ [146]
- ၽၵ်းသိပ်းဢဵတ်း [147]
- ၽၵ်းဢမ်ႇၸႂ်ႈ ၽၵ်းပိူၼ်ႈၵိၼ် [148]
- ၽၼ်းဢမ်ႇတၢႆ ၶၢႆဢမ်ႇၶၢတ်ႇ ၸွမ်းၶဝ်ႈၵၢတ်ႇ ယႅပ်းယႅပ်း [149]
- ၽႅပ်ႉဢႅပ်းပႅပ်း တၢၼ်ႇႁီၵႂၢႆး ၵူၼ်းၸၢႆႈၽွမ်ႉၵမ်လဝ်ႈ ၶဝ်ႈဢမ်ႇၶဝ်ႈၵမ်းတူၺ်း [150]
- ၽိူဝ်ႉႁၢင်ယၢဝ်း ၶဵင်ႁၢင်ႇ လႅၼ်ႈၵၢင်ပၢင်ႇၵႂၼ်းၽႆးၺူဝ်း [35]
- မသၢမ်ၶႃ ၵုလႃးၶီႇ ၵူးလီတင်ႈ ၵူးလင်ႈၽႅဝ် ၽႃႈယွင်းႁၢင်ႇ ၼဵပ်းဢႅဝ် သၢၼ်တႃလႅဝ် သႂ်ႇၵူၼ်ႈ [151]
- မသၢမ်ၶႃ ၵူဝ်းလႃးၶီႇ ပေႃႈဢီႇၸုင် ပေႃႈထွၼ်းႁေႃႈ [152]
- မႁႃႈပၢၵ်ႇ လူင်းမိူင်း ၶႃးဢမ်ႇၵိူင်းသေသဵၼ်ႈ [153]
- မီးၶေႃး ဢမ်ႇမီးႁူဝ် မီးႁူဝ် ဢမ်ႇမီးၶေႃး [154]
- မီးၶဵဝ်ႈ ဢမ်ႇမီးသူပ်း ၶူပ်းၵိၼ်မႆႉ ပေႃးယွႆႈ [155]
- မီးႁူ ဢမ်ႇမီးၼႃႈ ၶဝ်ႈၵၢတ်ႇ ၵူႈႁႃႈဝၼ်း [156]
- မီးႁူ ဢမ်ႇမီးႁူဝ် မီးႁူဝ် ဢမ်ႇမီးႁူ [157]
- မီးႁူဝ် ဢမ်ႇမီးႁၢင် ၶဵင်ႈယၢဝ်းၼၢင် ယဵတ်ႇသိုဝ်ႈ [158]
- မေႃႈတင်ႈၼိူဝ် ၽႆးသုမ်တႂ်ႈ [159]
- မေႃႈတင်ႈတႂ်ႈ ၽႆးသႂ်ႇၼိူဝ် [160]
- မေႃႈတွင်းဢႅပ်း မေႃႈတွင်းဢႅမ်ႇ ပႆယွမ်ႇယႅမ်ႇ ၵၢင်ၶိုၼ်း [161]
- မၢၵ်ႇသွင်ႁႃး [162]
- မၢၵ်ႇတႃ တၢၼ်ႇၼူမ်းသႅင်ႇ ႁွင်ႉသဵင်သႅၼ်ႇ ဢဝ်ၵူၼ်း [163]
- မၢၵ်ႇၼိူဝ်မႂ် တႂ်ႈယွတ်ႈ [87]
- မၢၵ်ႇႁိၼ်ၶေႃႉၶႄႉ ၼမ်ႉၸေႃႉၸႄႉ မီးပႃငႄႉလူင်တူဝ်ၼိုင်ႈ [164]
- မၢၵ်ႇဢမ်ႇသူမ်ႈ တႃလိၵ်း [165]
- မွၵ်ႇသိူင်ႇတူၼ်ႈသိမ်းမႂ် ယၢမ်းၼႂ် ၶိင်ၵတ်း မီးၵူႈတီႈ [166]
- မွၵ်ႇယူႇ သမ်ႉဢမ်ႇမၢၵ်ႇ မၢၵ်ႇယူႇ သမ်ႉဢမ်ႇမွၵ်ႇ [167]
- မွၵ်ႇဢမ်ႇၸႂ်ႈ မွၵ်ႇပိူၼ်ႈပၵ်း [166]
- မႆၽႃႈမႆ သုမ်ႇငွပ်း ၵွပ်ႈၸပ်းလမ်းမႆႉ သမ်ႉဝႆႉႁူဝ်ယွႆး [168]
- မႅင်းသႅင်ႇသႅပ်ႉ မႃးပႅပ်ႉတေႃ [169]
- မႆႉၺွင်ႇၶူင်ႈၶၢင်း ၼူၵ်ႉယၢင်း ၸပ်းၵူႈၵိင်ႇ [170]
- မႆႉပွင်ႈတၼ် ၼမ်ႉတဵမ် [171]
- မွႆယွမ်ယွၵ်း မွႆယွမ်ယေႃႇ တေႃႇၵၼ် ၵူႈၶိုၼ်းဝၼ်း [172]
- မဵတ်ႉငႃးၽွၵ်း ဢမ်ႇလွတ်ႈ မၢၵ်ႇပၵ်ႉတွတ်ႈ သမ်ႉလူမ် [173]
- မူၼ်းတုမ်ႉလုမ်ႉ မႃးတုမ်ႉသႂ်ႇ ႁူဝ်ၼဝ်ႇ [174]
- မိူဝ်ႈၵႂႃႇ ၵႂႃႇတၢင်းၽၢႆ မိူဝ်ႈမႃး မႃးတၢင်းၽၢႆ တႆႇၶိူဝ်းဝၢႆ လိုပ်ႈၸွၼ်ႈ [175]
- မိူဝ်ႈၵႂႃႇ ၶူဝ်ၶိၵ်းၶိၵ်း မိူဝ်ႈမႃး ၼမ်ႉတႃယွတ်ႇၸိၵ်းၸိၵ်း [176]
- မိူဝ်ႈၵႂႃႇ ႁဵတ်းၵႂၢမ်းလူင်ၵႂႃႇ ဢိၼ်းဢွၼ်း ဢိၼ်းဢွၼ်း ၶိုၼ်းမႃး ၼမ်ႉတႃသွၼ်းလေႃႇႁၢင်ႈ [177]
- မိူဝ်ႈလဵၵ်ႉ ၼုင်ႈသိူဝ်ႈယူဝ်းယူဝ်း ယႂ်ႇမႃး တိုဝ်းၵုပ်းတွမ်ႈ [162]
- မိူဝ်ႈလဵၵ်ႉ ႁူမ်ႇတင်းတူဝ် ယႂ်ႇမႃႈ ႁူမ်ႇတင်းႁူဝ် ပွႆႇၵူၼ်ႈ [162]
- ယႃႈသႅၼ်ႁူဝ် ၼမ်ႉသႅၼ်ၵႄး [178]
- ယူႇၼႂ်းၼႃး မိူၼ်ၶဵတ်ႇ သမ်ႉမိူဝ်းတဵတ်ႇ ၶေႃးၵျွင်း [179]
- ယၵ်းတီႈၼႆႈ ၵႂႃႇႁႆႈ တီႈပုၼ်ႉ [180]
- လီၵၢင်ႁၢဝ် သၢဝ်ၼွၼ်းၶူး [181]
- လၵ်းမၼ်း မီးလၵ်းလဵဝ် မတ်ႉဝူဝ်းၶဵဝ် ႁႃႈပၢၵ်ႇ [182]
- လွၵ်းၼႃးဢွၼ်ႇ သႅၼ်တူင်ႈ ယူႇသၢမ်သီႇဝူင်ႈ ၶိုၼ်းႁၢမ်း [183]
- လမ်ၼင်ၵၼ် ၵိၼ်ၵၼ် [184]
- လႅမ်ႈသဝ်ႁိူၼ်း ၼၢင်းၽီ ၵူၼ်းၸ ဢိၵ်ႇၵူၼ်းလီ ၶိုၼ်ႈယၢၵ်ႈ [70]
- လၢဝ်မိင်မွင် တူၵ်းၵၢၼ်ဝၢၼ်ႈ ပေႃးယဵပ်ႇၸေႃႈ ႁၢၼ်ႈၸွၵ်ႉၸွၵ်ႉ [185]
- ဝူဝ်းၵမ်ႇလင်ၶူတ်း တူတ်းမၼ်း ယႂ်ႇသေတူဝ် [76]
- ဝူဝ်းလႅင် ႁႃႈပၵ်ႇ မႃးလႅင်ႇလၢၵ်ႇ လၵ်းလဵဝ် [186]
- ဝူဝ်းလူင်သိပ်းပႅတ်ႇၼွၵ်ႇ ၼူၵ်ႉၸွၵ်ႇ သိပ်းပႅတ်ႇတူဝ် [187]
- ႁူၵေႃႈမီး ၼႃႈၵေႃႈမီး မူၼ်ႉၶဝ်ႈၽႃႈ ယုပ်းယုပ်း [188]
- ႁူးလႅင်း ပွႆႇၶိုၼ်ႈၾႃႉ ၶၢင်ၵႂႃႇၵႃႉ မႃးၼွၼ်း [189]
- ႁွင်ႉၼႂ်းၼႃး မိူၼ်ၶဵတ်ႇ ပၢႆႈမိူဝ်းတဵတ်ႇၶေႃးၵျွင်း [190]
- ႁိူၼ်းသွင်သဝ် ၶႃးသွင်တႅပ်း ႁဵပ်းယႅပ်းဢွၵ်ႇၼိူဝ်ၸွမ် [191]
- ႁူဝ်တူၵ်းထၢင် ႁၢင်ၵင်ႈၸွင်ႈ [192]
- ႁူဝ်တဵင်ႁၢင် ႁၢင်တဵင်ႁူဝ် [193]
- ႁူဝ်ပူမ် တၢၼ်ႇၶွၼ်ႉတွၵ်ႇ ယွၵ်ႈၶဝ်ႈ ယွၵ်ႈဢွၵ်ႇ ဢဝ်သိၼ်ႈၼၢင်းယမ်း [194]
- ႁူဝ်မၼ်း မီးမိူင်းၶႄႇ ၵၢင်မၼ်း လႄႇမိူင်းႁဝ်း ႁၢင်မၼ်း သဝ်းမိူင်မၢၼ်ႈ [195]
- ႁူဝ်မၼ်း တၼ်ႇမတ်း ပတ်းၵိၼ်ယိူဝ်ႈပေႃးသဵင်ႈ [196]
- ႁူဝ်မၼ်း မူၵ်းလိၼ် တိၼ်မၼ်း ၵင်ႈၸွင်ႈ [192]
- ဢူႈၵေႃႈလမ် မႄႈၵေႃႈလမ် ၶမ်ၵၼ် ဢွၵ်ႇလုၵ်ႈၽိူၵ်ႇ [197]
- ဢူႈဢမ်ႇလႃႇ မႄႈဢမ်ႇလႃႇ သိူဝ်ႈပၢႆႉမႃႇ လူင်းႁႆႈၵၢင်ၸၢၼ်း [198]
- ဢုၵ်းလုၵ်း တင်ႈတၢၼ်ႇၼေႃႇ ၸဝ်ႈၾၶမ်းၵေႃႇယင်းၵိၼ် [199]
- ဢုၵ်းလုၵ်း တၢၼ်ႇတိၼ်ၸၢင်ႉ ပေႃးငၢင်ႉ ပဵၼ်သွင်ၽၢၵ်ႇ [200]
- ဢုၵ်းလုၵ်းတၢၼ်ႇ တိၼ်မီ ဝၼ်းလီ ၸင်ႇလူင်းလၢင်ႈ [201]
- ဢႅင်ႈၵိဝ်ႇ ၼင်ႇဢႅင်ႈတႅၼ် လူင်းမႃးလဵၼ်ႈပွႆး သႅၼ်သီႇမိုၼ်ႇ [202]
- ဢႅပ်ႇပုၶမ်း တူၵ်းၼႂ်းၼွင် ၵူၼ်းသွင် ၵူၼ်းသၢမ် ဢမ်ႇဢဝ်လႆႈ [203]
- ဢႅပ်ႇပုငိုၼ်း တူၵ်းၼႂ်းၼွင် ၵူၼ်းသွင် ၵူၼ်းသၢမ် ဢမ်ႇဢဝ်လႆႈ [204]
- ဢႅပ်ႇပုဢွၼ်ႇ ၼွင်ၶမ်း သိပ်းၼၢင်း သၢဝ်းၼၢင်း ဢမ်ႇၽုၺ်ႇလႆႈ [205]
- ဢမ်ႇသဵမ်ႈၵေႃႈလႅမ် ဢမ်ႇသႅမ်းၵေႃႈထီႇ ဢမ်ႇၸီႇၵေႃႈႁွမ် [206]
- ဢမ်ႇထႅၵ်ႇၵေႃႈ မူၼ်း၊ ဢမ်ႇသူၼ်းၵေႃႈ ၵွမ်ႉ၊ ဢမ်ႇယွမ်ႉၵေႃႈ ၶဵဝ်၊ ဢမ်ႇသူၼ်ပဵဝ်ၵေႃႈ ၶီႇလႆႈ [207]
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- တႃဝၼ်း၊ ၵႂၢမ်းၵပ်းထုၵ်ႇ လႄႈ ၵႂၢမ်းတၵၼ်၊ ၼႃႈ162-170, (25.8.2009)
- သုၶမ်း (ၸဝ်ႈ)၊ ပပ်ႉမၢႆတွင်း သုၼ်ႇတူဝ်။ ၼႃႈ 1-7 (1981)
ၶေႃႈတွပ်ႇ
[မႄးထတ်း | မႄးထတ်းငဝ်ႈငႃႇ]- ↑ တူဝ်မႄႈလိၵ်ႈ
- ↑ ၸွင်ႈ/တူၺ်
- ↑ ၵႂၢႆးၵိၼ်ယိူဝ်ႈ၊ ၶႅပ်းတိၼ်
- ↑ ၵူႇၽၵ်းႁိ
- ↑ ပီၵူၺ်ႈ
- ↑ ပုၼ်းပူၵ်ႇ
- ↑ ၶဝ်ႈတမ်ငႃး
- ↑ ၵႆႇၵွမ်ႈ
- ↑ ?
- ↑ ဢႅပ်ႇပုငိုၼ်း
- ↑ ႁိူဝ်း
- ↑ လူမ်း
- ↑ ႁိူၼ်း
- ↑ ၵုင်ႈ
- ↑ လေႃႇၵုၺ်
- ↑ ယုင်း၊ လေႃႇမႆ
- ↑ ၵၼ်းမဵတ်းဝူဝ်း/ၵႂၢႆး
- ↑ ၵၼ်းမဵတ်းဝူဝ်း/ၵႂၢႆး
- ↑ မွၵ်ႇဝၼ်းၸိူၼ်း
- ↑ မွၵ်ႇၵုမ်ႈ၊ ႁိူတ်ႈ
- ↑ မုၵ်း
- ↑ မၢၵ်ႇႁူႈ
- ↑ ၵူၼ်းႁွပ်ႇၽိုၼ်း
- ↑ ၵူၼ်းၶပ်ႉမတ်ႉၽိူင်း
- ↑ 25.0 25.1 ပႅၼ်းတဝ်း
- ↑ ၵူၼ်းၽၢႆးႁိူဝ်း
- ↑ လပ်ႉၽ
- ↑ လပ်ႉၽ
- ↑ 29.0 29.1 ၵဵင်း
- ↑ တူၼ်ႈၵုၺ်
- ↑ ၼၢႆးၶၢဝ်ၵိၼ်ႁူဝ်ၽိူၵ်ႇ
- ↑ ၶႅပ်းတိၼ်
- ↑ ၶီႈလႄႈမႆႉၵႅင်ႉၶီႈ
- ↑ ယႃႇၸူႇ
- ↑ 35.0 35.1 ၽိူဝ်ၶႅင်း
- ↑ မႆႉသီႈပၢၼ်ႉ
- ↑ ၵၼ်းၾႆး
- ↑ ႁွႆ
- ↑ တူၼ်ႈမၢၵ်ႇၶိူဝ်
- ↑ 40.0 40.1 တူၼ်ႈပႅၵ်ႇ
- ↑ တူဝ်ၵူၼ်း
- ↑ မႃ၊ မႅဝ်း
- ↑ ၶူဝ်လႆ
- ↑ သုတ်း
- ↑ ပီႇႁူ
- ↑ ႁွၵ်ႈဝူဝ်းၵႂၢႆး
- ↑ ႁိင်ႇ
- ↑ သရၼၵုင်ႇသၢမ်ပႃးလႄႈ ပုၺ်ၺၵြိယႃႇဝတ်ထု သိပ်းပိူင်
- ↑ မႆႉသွတ်ႇ
- ↑ သႅတ်ႇၸႃႇ(႔)ပႃး၊ လေႃးၽ တေႃးသ မေႃးႁ ၊ ၵုသူဝ်ႇ ဢၵုသူဝ်ႇ ၊ တူဝ်ႁဝ်း
- ↑ 51.0 51.1 ၸၢင်ႉ
- ↑ ၽီးၽႆး မုၵ်ႉၽႆး
- ↑ သီႇသူပ်း
- ↑ ၵီႇ တီႈတေႃးႁုၵ်ႇ
- ↑ ထိူၼ်ႇ
- ↑ မတၢင်ႇ၊ ဝူဝ်းတၢင်ႇ
- ↑ ၸၵ်းၶႆႇၼႃး
- ↑ တူဝ်း
- ↑ သႅင်ႇ
- ↑ သွင်းတႃႁၢင်ႇ ႁွႆႈႁူဝ်ႉ
- ↑ မႆၽႃႈၵၢဝ်ႈ
- ↑ ဢီႇငေႃႈ
- ↑ ၶဝ်ႈတူမ်ႈလႅမ်၊ မႄႈမၢၼ်း
- ↑ ယႂ်းၵုင်ႇၵၢဝ်
- ↑ လႅင်/လူတ်ႉထိပ်ႇ/လူတ်ႈၶိူင်ႈ
- ↑ တၢင်း
- ↑ ႁူ
- ↑ ႁူ
- ↑ ၵွင်ႈ
- ↑ 70.0 70.1 တူၼ်ႈၵူၺ်ႈ
- ↑ ပူး
- ↑ တူၼ်ႈၽၵ်းၵီး
- ↑ တွင်ၸိင်
- ↑ မုၵ်ႉၽႆး
- ↑ ၵူၼ်း
- ↑ 76.0 76.1 ၵွင်ႈ
- ↑ ဝၢၼ်ႇလိၼ်မိူင်းၵိုင်
- ↑ ငူး၊ ၼွၼ်၊ ?၊ မၢၵ်ႇႁိၼ်
- ↑ ငူး၊ မၢၵ်ႇႁိၼ်၊ ၼွၼ်
- ↑ ငူး၊ လမ်းတဵၵ်းၶဵတ်ႇ တီႈပႃႇမၢၵ်ႇႁိၼ်
- ↑ ငူး လမ်းၶဵတ်ႇ ၼႂ်းသူၼ်ထူဝ်ႇလိၼ်
- ↑ မႃၶမ်ငႅင်ႈ
- ↑ မႅင်းယူင်ႇယၢင်ႇ
- ↑ ၶီႈၶင်ႈ
- ↑ ၸၢၵ်ႈတိသဵင်
- ↑ ယၢမ်းမူင်း
- ↑ 87.0 87.1 87.2 87.3 မၢၵ်ႇၵဵင်
- ↑ ၸေႃႉ
- ↑ ၵွၼ်ႁိူၼ်း
- ↑ ၵိမ်းႁႆး
- ↑ လူတ်ႉၶိူင်ႈ
- ↑ ဝႃး (မုင်းႁိူၼ်းမိူဝ်ႈၵွၼ်ႇ)
- ↑ ၸွင်ႈ
- ↑ ၸေႃႉ
- ↑ မၢၵ်ႇၽိတ်ႉႁႅင်ႈ
- ↑ မၢၵ်ႇလၢင်း
- ↑ ၶဝ်ႈၵၢပ်ႇ
- ↑ ၼမ်ႉတဝ်ႈၽွတ်ႈ
- ↑ ၵမ်ၸိုမ်း
- ↑ ၵူၼ်းမီးၼူတ်ႇ လုတ်ႇမေႃႈယႃႈ
- ↑ 101.0 101.1 ၼမ်ႉလၢႆး၊ ၶဵဝ်ႈ၊ လိၼ်ႉ၊ သူပ်း
- ↑ 102.0 102.1 ၼူမ်း
- ↑ 103.0 103.1 ၵွၵ်းၽႆး
- ↑ တေႃႇၽၢႆႉၶဝ်ၵႂၢႆး
- ↑ ၼူမ်း၊ မၢၵ်ႇပၢဝ်ႉ
- ↑ မၢၵ်ႇၵႅင်းၸႄႈၼမ်ႉဢွႆႈ
- ↑ မွင်း
- ↑ ၵျႃႇသၢၼ်ႇ
- ↑ မၢၵ်ႇပု၊ မၢၵ်ႇၽွတ်ႉ
- ↑ လုၵ်ႈဢွၼ်ႇၵိၼ်ၼူမ်း
- ↑ လုၵ်ႈဢွၼ်ႇ ၵိၼ်ၼူမ်း၊
- ↑ ႁူင်းၶဝ်ႈ
- ↑ မၢၵ်ႇၽိတ်ႉႁႅင်ႉ၊ ပႅၵ်ႇ
- ↑ ၵူၼ်းၶၢမ်ႇသိၼ်ႁႃႈ
- ↑ ၶၢမ်ႇသိၼ်ပႅတ်ႇ
- ↑ မၢၵ်ႇၵဵင်
- ↑ ၶဵမ်ယဵပ်ႉၶူဝ်း
- ↑ ၵွပ်းၵူၺ်ႈ
- ↑ ၽၵ်းမီႇၽိူၵ်ႇ
- ↑ တၼ်လွတ်ႇမႆ
- ↑ ဢႅပ်ႇၶဝ်ႈ
- ↑ မၢၵ်ႇႁူႈ
- ↑ ၼမ်ႉလၢႆး၊ ၼမ်ႉႁိူဝ်ႇ
- ↑ ?
- ↑ ပေႃးတႃမၼ်းမူဝ်း ဢမ်ႇႁၼ် ပေႃးတႃမၼ်း ဢမ်ႇမူဝ်း သမ်ႉႁၼ်
- ↑ မႃ
- ↑ မူၵ်ႇပဝ်ႇၽႆး/ မူၵ်ႇမႆႉ
- ↑ ပႅမ်း
- ↑ လိူၼ်
- ↑ ၶဵင်
- ↑ မွၼ်ႉ
- ↑ ၼၢမ်
- ↑ ၵေႃႉငဝ်း
- ↑ ငွႆး
- ↑ ငွၼ်ႉထႆ
- ↑ ပႅတ်ႇလႅင်ႉ
- ↑ မွၵ်ႇၵုမ်ႈ၊ ၽၵ်းတူ
- ↑ ၶႅပ်းၸၢၵ်ႈ
- ↑ ပူမ်တွၵ်ႇ
- ↑ ၼႅပ်ႇ
- ↑ မႆႉသွတ်ႇတေႃးႁုၵ်ႇ
- ↑ ဝူင်းဝၼ်း
- ↑ ၽၵ်းၶႆႈႁၼ် ဢမ်ႇလႆႈႁၼ်
- ↑ တဝ်း
- ↑ ၵူင်းၵၵ်း
- ↑ ၽၵ်းႁႃႈ၊ ၽၵ်းၶႅဝ်းတွင်း
- ↑ ၽၵ်းႁႃႈလႄႈ ၽၵ်းႁူၵ်း
- ↑ ၽၵ်းပႅမ်း
- ↑ ၵေႃႉငဝ်း
- ↑ ၵူၼ်းၸၢႆးလပ်ႉၽ
- ↑ ၵဵင်း၊ မေႃႈၼိုင်၊ ႁႆၶဝ်ႈ၊ ၽႃႈၶီႈၸုၵ်း၊ တၢႆႈမေႃႈၼိုင်ႈ၊ မၢၵ်ႇယုမ်ႁႆ
- ↑ ၵဵင်း/မေႃႈတွင်း/ႁႆၶဝ်ႈ/ၽႆး
- ↑ ၽိုင်ႈသၢၼ်ႈ
- ↑ သိူဝ်ႈ/သိၼ်ႈ/ၵူၼ်
- ↑ လဵၵ်းလိူဝ်ႈ
- ↑ ပဵတ်ႈ
- ↑ ၶဵမ်ယဵပ်ႉ၊ ၶဵမ်မၢတ်ႇႁူဝ်တိုင်ႇ
- ↑ ၶူဝ်
- ↑ မေႃးၽၵ်း
- ↑ မေႃႈယႃႈ/ငွႆးၽႆး
- ↑ လိူၼ်
- ↑ 162.0 162.1 162.2 မၢၵ်ႇၶိူဝ်
- ↑ ၵႃး
- ↑ ၶဵဝ်ႈ၊ ၼမ်ႉလၢႆး၊ လိၼ်ႉ
- ↑ ၵၢင်ဝၼ်း
- ↑ 166.0 166.1 မွၵ်ႇၵုမ်ႈ
- ↑ မွၵ်ႇၵုမ်ႈ၊ မၢၵ်ႇႁိၼ်
- ↑ ၶဝ်ႈၵၢပ်ႇ
- ↑ ၵၢပ်ႇၼဵပ်ႉမိုဝ်း
- ↑ တူၼ်ႈၵုၺ်
- ↑ ဢွႆႈ
- ↑ မွႆတႃ
- ↑ ယႂ်းၵူင်ႇၵၢဝ်
- ↑ လူင်ႈ
- ↑ မၢၵ်ႇၼပ်ႉ
- ↑ ၵူၼ်းဢဝ်ပုင်းၵႂႃႇတဵၵ်းၼမ်ႉ
- ↑ ပုင်းၼမ်ႉ
- ↑ ပုမ်မဵၼ်ႈ၊ ၼမ်ႉၽိုင်ႈ
- ↑ လဵၵ်းမၢႆႇၼႃး
- ↑ သီႈၶၢပ်ႇ
- ↑ ၶီႈၶႃႇ၊ လႅမ်ႈဢွႆႈ
- ↑ တူၼ်ႈမၢၵ်ႇသၢင်းၽေႃး
- ↑ ႁူင်းၽိုင်ႈ
- ↑ မီၵိၼ်မႅင်းၸိုင်း
- ↑ ၶီႈၵႆႇ
- ↑ မၢၵ်ႇၵႃႇၽီႇ
- ↑ မႄႈလိၵ်ႈတႆး
- ↑ ထႆ
- ↑ ႁၢင်းၵႆႇ
- ↑ လဵၵ်းမၢႆႇၼႃး၊ မိူဝ်ႈဢဝ် ၶွၼ်ႉၸွၵ်းငိပ်ႈသေ ငၢင်ႉဢွၵ်ႇၼၼ်ႉ သဵင်မၼ်း မေႃးမိူၼ်ၶဵတ်ႇ
- ↑ ၵႆႇ
- ↑ 192.0 192.1 ႁူဝ်ၽိူၵ်ႇ
- ↑ ပႃၼဝ်ႈ
- ↑ မူၵ်ႇသိတ်း
- ↑ ၼမ်ႉၶူင်း
- ↑ ၽႆးၶိတ်ႇယၢမ်း
- ↑ မေႃႈၼိုင်ႈၶဝ်ႈ
- ↑ ၽႅၼ်ႇဢိတ်ႇၵုၺ်
- ↑ ၼူမ်း
- ↑ ဢႅပ်ႇၶဝ်ႈ
- ↑ ၵွင်ၵူၼ်ႈယၢဝ်း
- ↑ သၢၵ်ႇတမ်ၶဝ်ႈ
- ↑ ႁၢင်ႈၵၢင်ဝၼ်းၼႂ်းၼမ်ႉ
- ↑ ႁၢင်ႈလိူၼ်ၼႂ်ႈၼမ်ႉ
- ↑ မၢၵ်ႇပၵ်ႉ
- ↑ မၢၵ်ႇလၢင်းသုၵ်း
- ↑ လိူၼ်၊ ပၢႆမႆႉပူၵ်ႇ၊ ယိူဝ်ႈ၊ ႁိူဝ်း