ၶဝ်ႈတမ်ငႃး

ပေႃးႁဵတ်းၶဝ်ႈတမ်ငႃးတေလႆႈမီး။

ၶဝ်ႈၼဵဝ် ၶဝ်ႈၼဵဝ်တေမီးယူႇသွင်မဵဝ်း ႑ၶဝ်ႈၼဵဝ်ယူဝ်းယူဝ်း ႒ ၶဝ်ႈၼဵဝ်လမ် (ၶဝ်ႈသႅင်) ၵျိူၵ်ႈဢၼ်လႂ်ၵေႃႈဢဝ်ဢၼ်ၼၼ်ႉၸွမ်းၼင်ႇၵၢင်ၸႂ်ၽႂ်မၼ်း။
ငႃးမူၼ်း ငႃးမူၼ်းၼႆႉပေႃးထိုင်ၶၢဝ်းၵတ်းမႃးယဝ်ႉၼႆတေမီးၶၢႆဝႆႉယူႇၼႂ်ၵၢတ်ႇၵူႈတီႈၼႂ်းမူင်းတႆး ပေႃးဝႃႈဢမ်ႇၸႂ်ႈၶၢဝ်းၵတ်းၼႆတႄႉတေဢမ်ႇမီးၶၢႆ ၶႃးမူၼ်းၼႆႉမီးဢၢႆႁွမ်ထုၵ်ႇၸႂ်လီတေႉတေႉ။ လၢႆးႁဵတ်းၶဝ်ႈတမ်ငႃး။

လၢႆးႁဵတ်း

ဢဝ်ၶဝ်ႈၼဵဝ်ဢၼ်မႃႇဝႆႉၼၼ်ႉမႃးၼိုင်ႈႁႂ်ႈသုၵ်း။
ဢဝ်ငႃးမူၼ်းဢၼ်တၢၵ်ႇလႅတ်ႇဝႆႉၼၼ်ႉမႃးသႂ်ႇၼႂ်းမေႃႈသေၶူဝ်ႈၾႆးသေၶူၼ်းပၼ်းယႃႇႁႂ်ႈမၼ်းၶႅမ်ႈ ပေႃးဝႃႈငႃးမူၼ်းသုၵ်းယဝ်ႉဢဝ်သႂ်ႇၼႂ်းၶူၵ်ႉသေတမ်ႁႂ်ႈပဵၼ်ၽွင် သႂ်ႇၵိူဝ်ပၼ်ဢိတ်းဢွတ်း ပေႃးယဝ်ႉၵေႃႈ တၵ်းဢွၵ်ႇဝႆႉသေၵွၼ်ႇ။
ပေႃးၶဝ်ႈၼဵဝ်ဢၼ်ၼိုင်ႈဝႆႉယူႇၼၼ်ႉသုၵ်းယဝ်ႉၵေႃႈဢဝ်သႂ်ႇၼႂ်းၶူၵ်ႉသေတမ် ယဝ်ႉၵေႃႈဢဝ်ငႃးဢၼ်တမ် ဝႆႉယဝ်ႉၼၼ်ႉသႂ်ႇပၼ်ၵမ်းဢိတ်းဢိတ်းသေတမႁႂ်ႈၶဝ်ႈၵၼ် ပေႃးတမ်ယဝ်ႉမူတ်းယဝ်ႉၵေႃႈဢဝ်သႂ်ႇဝႆႉၼႂ်း ပၢၼ်ႉသေႁဵတ်းႁႂ်ႈပဵၼ်ၶႅပ်းဝႆႉ။ လၢႆးၵိၼ်ၶဝ်ႈတမ်ၶႃး။

ပေႃးတမ်ယဝ်ႉၵိၼ်ဢၼ်ဢုၼ်ႇဢုၼ်ႇမၼ်းၵေႃႈဝၢၼ် ပေႃးမၼ်းၵတ်းယဝ်ႉဢဝ်ႁၢင်းၾႆး(ၸီႇၾႆး)သေၵိၼ် ၵေႃႈဝၢၼ် မၼ်းလႅပ်ႈၵၼ်တင်းၶၢဝ်းၵတ်းလီၼႃႇ သင်ဝႃႈဢမ်ႇၶႂ်ႈၸီႇၾႆးၵိၼ်ၼႆၵေႃႈ ဢဝ်မိတ်ႈထိူဝ်ႁဵတ်း ပွတ်းသေၶူဝ်ႈၼမ်ႉမၼ်းဢဝ်ၵေႃႈလႆႈ ၵိၼ်ၵပ်းၵိူဝ်ဝၢၼ်ဢမ်ႇၼၼ်ၵိၼ်ၵပ်းၼမ်ႉၼူမ်းဢူၼ်(ၼူႉသီႇ)ဢၼ်ဝႃႈ ၼၼ်ႉၵေႃႈသမ်ႉၶႅၼ်းဝၢၼ်ထုၵ်ႇၸႂ်ၶႃႈယဝ်ႉ။