ၸဝ်ႈပိုၼ်ၵၢင်ႇၵတ်ႉၵျႃႉ

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

ၸဝ်ႈၸၢႆးသိတ်ႉထတ်ႉထၼႆႉ ယူႇတီႈပဵၼ်ၶိူဝ်းၸဝ်ႈလၢႆးၶတ်ႉတိယသေ တေလႆႈၵတ်ႉၶႅၼ်ႇလႅတ်းၽၢႆ လွင်ႈၸႂ်ႉတိုဝ်းလၢၵ်ႈၼၢၵ်ႈယူႇယဝ်ႉ။ ၼႂ်းတၢင်းမေႃ ၸႂ်ႉတုိဝ်းလၢၵ်ႈၼၢၵ်ႈၸိူဝ်းၼၼ်ႉ တေလႆႈၵတ်ႉၶႅၼ်ႇၽၢႆႇလွင်ႈ "တၢင်းမေႃၵၢင်ႇ" ၼၼ်ႉတႄႉတႄႉဝႃႈဝႃႈ။ ၵွပ်ႈၼၼ် မၼ်းၸဝ်ႈၸင်ႇၽိုၵ်းၽွၼ်ႉလွင်ႈ "တၢင်းမေႃၵၢင်ႇ" ၼၼ်ႉ ႁၢဝ်ႈႁၢဝ်ႈႁႅင်းႁႅင်း။ ၸဝ်ႈၸၢႆးၸိူဝ်းတၢင်ႇၵေႃႉတႄႉ ဢွၼ်ၵၼ် ၽိုၵ်းပိုတ်းယိုဝ်း ပဝ်ႉမၢႆၸိူဝ်းဢၼ်မီးၸႂ်ၼၼ်ႉယူယဝ်ႉ။ ၼေႃႇၶမ်းၸဝ်ႈတႄႉ မီးၸႂ်ဢီးလူႁႅင်းၼႃႇ။ ဢူၺ်းၵေႃႉမၼ်းၸိူဝ်းၼၼ်ႉ ဢွၼ်ၵၼ်ဢဝ်ၵွင်ႉတႃးပိုၼ်ၵၢင်ႇသေ ယိုဝ်းသႂ်ႇတူၼ်ႈမႆႉၸိူဝ်းၼၼ်ႉလႄႈ တူၼ်ႈမႆႉပေႃးလႆႈတၢႆၵႂႃႇတင်းၼမ်။ ၼေႃႇၶမ်းၸဝ်ႈတႄႉ ဢဝ်ၶႅပ်းပႅၼ်ႈ မတ်ႉၸပ်းတူၼ်ႈမႆႉသေ ၸင်ႇယိူင်းပိုတ်ႈယိုဝ်းသႂ်ႇ ပဝ်ႉမၢႆၼိူဝ်ၶႅပ်းပႅၼ်ႈယူယဝ်ႉ။

လွင်ႈႁၵ်ႉပႅင်းဢီးလူ ၶွင်ႈၸဝ်ႈၸၢႆးသိတ်ႉထတ်ႉထ ၸၢဝ်းၶိူဝ်းၵေႃးတမတႄႉ မီးၼင်ႇၼႆယူႇယဝ်ႉ။ ဢဝ်ၽႅၼ်ႇပူၵ်ႉတႃသေ ၽိုၵ်းပိုတ်းယိုဝ်းသႂ်ႇ ပဝ်ႉမၢႆဢၼ်လႆႈငိၼ်းသဵင်ၼၼ်ႉ တေႃႇပေႃးၵတ်ႉၶႅၼ်ႇယဝ်ႉ။ ယင်းယိုဝ်းတိူဝ်ႉလႆႈ ပဝ်ႉမၢႆ ဢၼ်မီးမွၵ်ႈသဵၼ်ႈၶူၼ်ႁူဝ်ၼၼ်ႉလူးၵွၼ်ႇ။ ယွၼ်ႉၵတ်ႉၶႅၼ်ႇ မေႃၸႂ်ႉတိုဝ်း လၢၵ်ႈၼၢၵ်ႈၵူႈပိူင်ပိူင်လႄႈ ၵူၼ်းမိူင်းဢွၼ်ၵၼ်ထၢင်ႇယႂ်ႇ လႆႈၸႂ်ၼမ်ႉၵတ်ႉၸဝ်ႈၸၢႆးတႄႉတႄႉဝႃႈဝႃႈ။

ၵေႃႉဢၼ်ပဵၼ်ၸဝ်ႈပေႃႈ သုတ်ႉထေႃးတၼၼႆႉ ႁၢၼ်ႉၸႂ်ၸူမ်းၸွမ်း လုၵ်ႈၸၢႆးၸဝ်ႈ ဢၼ်မေႃၸႂ်ႉတိုဝ်းလၢၵ်ႈၼၢၵ်ႈၼၼ်ႉတႄႉတႄႉ။ ၸဝ်ႈၸၢႆးသိတ်ႉထတ်ႉထၼႆႉ ၶိုင်တႄႇၶဝ်ႈၸႂ် ၵၢၼ်ဝၢၼ်ႈၵၢၼ်မိူင်းမႃးယဝ်ႉၼႆ မၼ်းၸဝ်ႈယုမ်ႇယမ်ဝႆႉ။ ၸႂ်ဢၼ်မႆႈယွၼ်ႉလုၵ်ႈၸၢႆး ၸၢင်ႈဢိမ်ႇမိူဝ်ႇၸၢၼ်ႈ ပၢၼ်ၽဝ ၼႃႈႁေႃတေႃႁိူၼ်းသေ ၶဝ်ႈထိူၼ်ႇၵႂႃႇၼၼ်ႉၵေႃႈ ယေႃႈယွမ်းမႃးလွႆးလွႆးယူႇယဝ်ႉ။

ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]

ၼႃႈလိၵ်ႈ ႑႓၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)