ၸၢႆးၸၢႆးၶမ်းလႅင်
ၸၢႆးၸၢႆးၶမ်းလႅင် | |
|---|---|
စိုင်းစိုင်းခမ်းလှိုင် | |
 ၸၢႆးၸၢႆး မိူဝ်ႈ 2019 | |
| ၵိူတ်ႇ | ၸၢႆးၸၢႆးၶမ်းလႅင် 10 ဢေႇပရႄႇ၊ 1979[1] |
| ၸိုဝ်ႈတၢင်ႇၸိူဝ်း | ၸၢႆးၸၢႆး |
| ႁူင်းႁဵၼ်းမိူဝ်ႈလဵၵ်ႉ | ၸၼ်ႉၸွမ်တၵူင်ႇ ၸၼ်ႉၸွမ်ၽႃႇသႃႇၵႂၢမ်းၼွၵ်ႈမိူင်း (တႃႈၵုင်ႈ) |
| ၼႃႈၵၢၼ် |
|
| တၢင်းသုင် | 5 ft 10 in (1.78 m) |
| ပီႈၼွင်ႉ | (လၢၼ်) ၸဝ်ႈၸၢမ်ႇထုၼ်း |
| Musical career | |
| မဵဝ်း | ႁိပ်ႉႁွပ်ႉ၊ ပွပ်ႉ |
| ၶိူင်ႈႁႆႇတိုင်ႈ |
|
| ပီတူင်ႉၼိုင် | 1998–တေႃႇယၢမ်းလဵဝ် |
| ဝႅပ်ႉသၢႆႉ | saisaionline |
ၸၢႆးၸၢႆးၶမ်းလႅင် (မၢၼ်ႈ: စိုင်းစိုင်းခမ်းလှိုင်, ဢိင်းၵလဵတ်ႈ: Sai Sai Kham Leng) ၼႆႉ ပဵၼ်ၸဝ်ႈပၢႆးမွၼ်းၸိုဝ်ႈသဵင်လိုဝ်းလင် ၼႂ်းမိူင်းႁူမ်ႈတုမ်မျၢၼ်ႇမႃႇၵေႃႉၼိုင်ႈ။ မၼ်းၸၢႆးပဵၼ် ၽူႈႁွင်ႉၵႂၢမ်း၊ ၽူႈတႅမ်ႈၵႂၢမ်း၊ ၸၢႆးၸိူင်း၊ ၸၢႆးၼႄႁၢင်ႈ၊ ၽူႈတႅမ်ႈလိၵ်ႈလႄႈ ၽူႈထုတ်ႇဢွၵ်ႇ ၵေႃႉၼိုင်ႈယဝ်ႉ။ လႆႈႁပ်ႉသူးရၢင်းဝၢၼ်း ၸၢႆးၸိူင်းဢၼ်ၶိုၵ်ႉတွၼ်း တွၼ်ႈတႃႇပီၶရိသ်ႉ 2020 လႄႈ လႆႈႁပ်ႉသူးရၢင်းဝၢၼ်း ငဝ်းတူင်ႉဢၼ်ၶိုၵ်ႉတွၼ်း ငဝ်းတူင်ႉဢၼ်မီးၸိုဝ်ႈဝႃႈ "ပိတွၵ်ႉၵႃႉတႄႉ ၵီႇတ"ဢၼ်ဝႃႈၼၼ်ႉယဝ်ႉ။
ၸၢတ်းပၢၼ်ၸၢႆးၸၢႆး
[မႄးထတ်း | မႄးထတ်းငဝ်ႈငႃႇ]ၸၢႆးၸၢႆးၶမ်းလႅင် ၵိူတ်ႇႁၼ်ၼႃႈ မိူဝ်ႈပီ 1979၊ လိူၼ်ဢေႇပရႄႇ 4 ဝၼ်း တီႈဝဵင်းတူၼ်ႈတီး၊ မိူင်းတႆး။ ၸိုဝ်ႈပေႃႈႁွင်ႉ လုင်းၸၢႆးၶမ်းလႅင်+ ၸိုဝ်ႈမႄႈႁွင်ႉ ၸဝ်ႈဝေႇလုသိင်ႇၵီႇ။ မီးပီႈၼွင်ႉႁူမ်ႈတွင်ႉသီႇၵေႃႉ၊ ၼွင်ႉယိင်းသွင်ၵေႃႉလႄႈ ၼွင်ႉၸၢႆးၵေႃႉၼိုင်ႈ။ ၸၢႆးၸၢႆးပဵၼ် ၵေႃႉငဝ်ႈတွင်ႉ။ ၶဝ်ၸိူဝ်းၼႆႉ ပဵၼ်လၢၼ်ၸဝ်ႈၽလူင် ၸဝ်ႈၸၢမ်ႇထုၼ်း မိူင်းပွၼ်ယဝ်ႉ။
ပီ 1984 တေႃႇထိုင် ပီ 1996 ၼၼ်ႉ လႆႈႁဵၼ်းသွၼ်လိၵ်ႈတီႈႁူင်းႁဵၼ်းၸၼ်ႉသုင် မၢႆၼိုင်ႈ ဝဵင်းတူၼ်းတီး။
ပီ 1996 လႆႈဢွင်ႇပူၼ်ႉ ၸၼ်ႉသိပ်း။
မိူဝ်ႈတိုၵ်ႉၶိုၼ်ႈႁဵၼ်းထိုင်ၸၼ်ႉသီႇၼၼ်ႉ ပေႃႈတင်းမႄႈ လႆႈၽႄတၢင်းၵၼ်သေ မႄႈၵႂႃႇယူႇတီႈ မိူင်းဢေႃးၸတေးလျ။ ၵွပ်ႈၼၼ်ႉ ၸၢႆးၸၢႆးလႆႈယူႇၸွမ်းပေႃႈမၼ်းလုင်းၸၢႆးၶမ်းလႅင် ၸဵမ်လဵၵ်ႉ။
မိူဝ်ႈဢႃႇယုလႆႈသိပ်းၶူပ်ႇၼၼ်ႉ လႆႈထွမ်ႇၽဵင်းၵႂၢမ်း ၽူႈႁွင်ႉၵႂၢမ်းၸိုဝ်ႈသဵင်လိုဝ်းလင် ၸေႃႇဝိၼ်းထုတ်ႉ (ဇော်ဝင်းထွဋ်) သေ လႆႈတႄႇထူပ်းႁၼ် တၢင်းယၢမ်ႈဝႃႇသၼႃႇ တႃႇပဵၼ်ၸဝ်ႈပၢႆးမွၼ်းႁွင်ႉၵႂၢမ်း။
ပီ 1996 လႆႈတႄႇၶဝ်ႈၼႂ်းပၢႆးမွၼ်း ပဵၼ်ၸၢႆးၼႄႁၢင်ႈ ၼႂ်းၸုမ်းမေႃႇတႄႇလ် ၵျုၼ်ႇလွိၼ်ႇ သေ လဵင်ႉသၢႆၸႂ်။
ပီ 1997 လႆႈမႃးၶိုၼ်ႈႁဵၼ်းတီႈ ၸၼ်ႉၸွမ် ၽၢႆႇၽႃႇသႃႇၵႂၢမ်းလၢတ်ႈတၢင်ႇမိူင်း ၻၵူင်ႇ (တႃႈၵုင်ႈ) ဒဂုံတက္ကသိုလ်၊ ရန်ကုန် နိုင်ငံခြားဘာသာတက္ကသိုလ် (ရန်ကုန်) ၼႆယဝ်ႉ။
ပီ 2000 တဵမ်၊ လိူၼ်မၢတ်ႉ လႆႈႁဵတ်ဢွၵ်ႇမႃးမူၼ်ႉၽဵင်းၵႂၢမ်းဢွၼ်တၢင်းသုတ်း ဢၼ်မီးၸိုဝ်ႈဝႃႈ "ၶျေႃႇၵလႅတ်ႉယွင်ႇ ယႄႇၶႄးဢဵၵ်ႉမတ်ႉ" (ချောကလက်ရောင် ရေခဲအိပ်မက်) (ၽၼ်ၼမ်ႉၶႅင်သီၵမ်ႇ) ၼႆသေတ ဢမ်ႇလိုဝ်းလင်။ ဝၢႆးထႅင်ႈႁႃႈလိူၼ် ၸုမ်းမႂ်ႇႁိပ်ႉႁွပ်ႉ ACID လႆႈၸိုဝ်ႈလိုဝ်းလင်တူဝ်ႈမိူင်းမၢၼ်ႈပတ်းပိုၼ်ႉသေ ၼႂ်းၼၼ်ႉ ၸၢႆးၸၢႆး လႆႈႁွင်ႉၸွမ်းၵႂၢမ်းဢၼ်မီးၸိုဝ်ႈဝႃႈ "ၽဝ"ၼႆလႄႈ လႆႈမီးၵူၼ်းႁုၸၵ်းမႃးၵမ်ႈၽွင်ႈ။ ဝၢႆးၼၼ်ႉ ထူပ်းႁူပ်းဢုပ်ႇဢူဝ်းၵၼ် တင်း ၵွင်းမျၢတ်ႉလေး (Lil' Kaung Myat)သေယဝ်ႉ တႅတ်းတတ်းဝႃႈ ၸၢႆးၸၢႆး ၵွင်းမျၢတ်ႉလႄႈ ငႄႇငႄႇ တေႁွင်ႉၵႂၢမ်းၸွမ်းၵၼ် သၢမ်ၵေႃႉၼႆယဝ်ႉ။
ပီ 2001၊ လိူၼ်ၸူႇလၢႆႇ (10) ဝၼ်းၼၼ်ႉ လႆႈႁဵတ်းပၢင် လဝ်ႇမုၼ်ႈတူၼ်ႈၸႂ်လႄႈ ဝၢင်းၶၢႆမူၼ်ႉၵႂၢမ်း "တူႇငႄႇၶျိၼ်းမျႃးၸွႃႇ" (သူင်ငယ်ချင်းများစွာ) (ဢူၺ်းၵေႃႉတင်းၼမ်) ၵႃႈတီႈၼႂ်းႁၢင်ႈ (Blazon Shopping Centre)။ ၽူႈမႃးပၼ်ႁႅင်းမီးၵႂႃႇ 350 ပၢႆပၢႆ။
ပီ 2002၊ လိူၼ်ၼူဝ်ႇဝိၼ်ႇပိူဝ်ႇ လႆႈႁဵတ်းဢွၵ်ႇမူၼ်ႉငဝ်းႁၢင်ႈသဵင် VCD မၼ်း။ လႆႈၶၢႆႉမႃးယူႇႁိူၼ်းမႂ်ႇ တီႈသဵၼ်ႈတၢင်း တၵ်ႉၵတူဝ်ႇယဵၵ်ႉတႃႇလၼ်းတိတ်ႉ (တက္ကသိုလ်ရိပ်သာလမ်းသစ်)။ ၼႂ်းပီၼႆႉၼင်ႇၵဝ်ႇ လႆႈတႅမ်ႈၽဵင်းၵႂၢမ်းဢၼ်မီးၸိုဝ်ႈဝႃႈ "ဝၼ်းၼႄးမတ်ႉတၼ်း" (ဝမ်းနည်းမှတ်တမ်း) (မၢႆတမ်းၶေႃးၶူမ်) ၼၼ်ႉ။ ၽဵင်းၵႂၢမ်းၼႆႉ ႁဵတ်းႁႂ်ႈမၼ်းၸၢႆးလႆႈမီးၸိုဝ်ႈသဵင်လိုဝ်းလင်ၵႂႃႇတေႉတေႉ။ လႆႈၵွင်ႉၵၼ်တင်း တႆးၵေႃႉမၼ်း ဢၼ်မီးၸိုဝ်ႈဝႃႈ ၼၼ်ႇတၸၢႆး (နန္ဒစိုင်း) ၵေႃႉဢၼ်တေလုၵ်ႉတီႈတူၼ်ႈတီး မႃးပိတ်ႉမၢၵ်ႇၼင်တီႈတႃႈၵုင်ႈ။ ယဝ်ႉႁူၺ်းလႆႈ ၼၼ်ႇတၸၢႆး ယႃႇႁႂ်ႈပွၵ်ႈမိူဝ်းၶိုၼ်းတူၼ်ႈတီးသေ ႁႂ်ႈသိုပ်ႇႁဵတ်းၵၢၼ်ပၢႆးမွၼ်းႁူမ်ႈၵၼ်တီႈတႃႈၵုင်ႈၼႆယဝ်ႉ။
ပီ 2006 ၼၼ်ႉ ပေႃႈမၼ်းၸၢႆး လုင်းၸၢႆးၶမ်းလႅင် လႆႈသဵင်ႈၵၢမ်ႇၵႂႃႇ။
မိူဝ်ႈလႆႈႁွင်ႉၵႂၢမ်းၸွမ်းၽူႈႁွင်ႉၵႂၢမ်းၸိုဝ်ႈသဵင်လိုဝ်းလင် ၶျိတ်ႉၵွင်း (ချစ်ကောင်း) ဢၼ်လႆႈပႃးၼႂ်းမူၼ်ႉၵႂၢမ်း "ၸၢႆးၸၢႆးပတ်ႉတေး" ၼၼ်ႉၵေႃႈ ပဵၼ်ဢၼ်ထိုင်တီႈယွတ်ႈတေႉတေႉဝႃႈဝႃႈ။ လႆႈႁဵတ်းဢွၵ်ႇၽဵင်းၵႂၢမ်းဢၼ်ႁွင်ႉၵူၺ်းလႄႈ ဢၼ်ႁွင်ႉၸုမ်းၼၼ်ႉ တင်းၼမ်။
ၼႂ်းပီၼၼ်ႉၼင်ႇၵဝ်ႇ တႅမ်ႈဢွၵ်ႇပပ်ႉၸိူင်းဢွၼ်တၢင်းသုတ်း မီးၸိုဝ်ႈ "ၸတ်ႉၵူငႅတ်ႉ" (စက္ကူငှက်) (ၼူၵ်ႉၸေႈ) ၼႆသေ ၵျွင်ႇၼၵွင်ႇၸႃႇပေႇ (ကြောင်နှစ်ကောင်စာပေ) ၶဝ် ပိုၼ်ဢွၵ်ႇပၼ်ယဝ်ႉ။ ၸိူင်းႁူဝ်ၼႆႉ ၽူႈၵမ်းၵၢပ်ႇ တႃႇရၢႆႉတႃႇမီးပႂႃး (ဒါရိုက်တာမီးပွါး) ယၢမ်ႈဢဝ်ထႆႇငဝ်းတူင်ႉယဝ်ႉ။
ပီ 2008၊ လိူၼ်ၸႅတ်ႉတိၼ်ႇပိူဝ်ႇၼၼ်ႉ လႆႈတႅမ်ႈဢွၵ်ႇၸိူင်းပပ်ႉထူၼ်ႉသွင် မီးၸိုဝ်ႈဝႃႈ "ၵၼ်ႇၵူဝ်ႇသွႆးယူၺ်ႉ မူင်းတီႇၶျေႇ မိၼ်ႇယႄႇၵျႄးဢိ မၵျႄးဢိ" (ကံကိုဆွဲ၍ မှုန်းသီခြယ် မင်ရည်ကျဲ၏ မကျဲ၏) ၼႆသေ ၽူႈပိုၼ်ဢွၵ်ႇပဵၼ် ၵျွင်ႇၼၵွင်ႇၸႃႇပေႇ (ကြောင်နှစ်ကောင်စာပေ)ၶဝ်ၵူၺ်းၼင်ႇၵဝ်ႇ။
မူၼ်ႉၽဵင်းၵႂၢမ်းဢၼ်ႁွင်ႉဢွၵ်ႇၵေႃႉလဵဝ် -
[မႄးထတ်း | မႄးထတ်းငဝ်ႈငႃႇ]မူၼ်ႉၵႂၢမ်းႁွင်ႉဢွၵ်ႇပဵၼ်ၵူႈပဵၼ်ၸုမ်း -
[မႄးထတ်း | မႄးထတ်းငဝ်ႈငႃႇ]သူးရၢင်းဝၢၼ်းလႄႈ ဢၼ်ထုၵ်ႇလိူၵ်ႈ-
[မႄးထတ်း | မႄးထတ်းငဝ်ႈငႃႇ]ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ "Official website". saisaionline.com. Archived from the original on 27 August 2023. Retrieved 7 August 2018.