ၼူ
ၼူၼႆႉ ပဵၼ်သတ်းဢွၼ်ႇ တူဝ်သီႇတိၼ် မေႃၶူပ်းလူႉယႃႉလႅဝ် ၶူဝ်းၶွင်ၼႂ်းႁိူၼ်း။ ၵူၼ်းဢွၼ်ၵၼ် လီၸင်းၼူသေတႃႉ ဢမ်ႇၽဵဝ်ႈမူၺ်ႉလႆႈၼူ ႁႂ်ႈႁၢႆလၢႆလႆႈ တေႃႇထိုင်ဝၼ်းမိူဝ်ႈၼႆႉ။ ၼူၼႆႉ မေႃယႃႇလူႉ ၶူဝ်းပိူၼ်ႈၵူၺ်းဢမ်ႇၵႃး ၸၢင်ႈပၼ်ပဵၼ် တၢင်းၶႆႈတၢင်းပဵၼ် ဢၼ်ၸၢင်ႈၽႄႈၸပ်းၵၼ်ၵွၼ်ႇ။ တၢင်းပဵၼ် ပလိၵ်ႈ ဢၼ်ၸပ်းမႃးတီႈၼူၼၼ်ႉ ၼိုင်ႈပီၼိုင်ႈပီၼႆႉ ၵူၼ်းႁဝ်း လႆႈလူႉယွၼ်ႉမၼ်း တင်းၼမ်ယူႇ။ တမ်ႈတီႈ တူဝ်သတ်းဢၼ်လဵင်ႉဝႆႉ တီႈႁိူၼ်းၸိူဝ်းၼၼ်ႉၵေႃႈ ယွၼ်ႉပိူဝ်ႈၼူသေ ၸၢင်ႈလႆႈတၢင်းပဵၼ် ယူႇယဝ်ႉ။
\