ၽၢင်ႁၢင်ႈ ၼႄလူင်ၼႃႈ ပေႃးဢဵၼ်လိူတ်ႈမၢၵ်ႇႁူဝ်ၸႂ်တေတၼ်

ၼႂ်းဢဵၼ်လိူတ်ႈမၢၵ်ႇႁူဝ်ၸႂ်ႁဝ်းၼၼ်ႉ ပေႃးဝႃႈ ၵူဝ်ႇလႅတ်ႉသရေႃး လႄႈ မၼ်း တူၵ်းႁုၼ်းမႃးၼႆ ဢဵၼ်လိူတ်ႈႁဝ်းၼႆႉ မၼ်းၵႅပ်ႈတၼ်မႃးသေ ၸိူဝ်းပဵၼ် ဢွၵ်ႇသီႇၵျိၼ်ႇ ဢၼ်မီးၼႂ်းလိူတ်ႈႁဝ်းၼၼ်ႉၵေႃႈ မၼ်းဢမ်ႇႁွတ်ႈထိုင်လႆႈၼႂ်း မၢၵ်ႇႁူဝ်ၸႂ် ၶိုတ်းမိူဝ်ႈၶိုတ်းၶၢဝ်းမၼ်းယဝ်ႉ။ မိူဝ်ႈၼၼ်ႉၸိုင် ယွၼ်ႉပိူဝ်ႈ လိူတ်ႈ တင်း ဢွၵ်ႇသီႇၵျိၼ်ႇ ၶၢတ်ႇၵႂႃႇလႄႈ လမ်းၼိူဝ်ႉဢၼ်မီးၼႂ်း မၢၵ်ႇႁူဝ်ၸႂ်ႁဝ်းၼၼ်ႉၵေႃႈ မၼ်းဢမ်ႇႁဵတ်းၵၢၼ်​လႆႈ လီလီယဝ်ႉ။ ယွၼ်ႉၼၼ်လႄႈ ပဵၼ်ဢူၵ်းၵႅၼ်းမႃး၊ ဢမ်ႇၶၢမ်ႇႁိူဝ်ႉလႆႈ၊ ဢဵၼ်လိူတ်ႈ မၢၵ်ႇႁူဝ်ၸႂ် ၵိုင်ႉၵၢင်ႉတၼ်ၵႂႃႇသေ ၸၢင်ႈလူႉႁၢႆတၢႆယွၼ်ႉမၼ်းယူႇ။

ပိူင်လူင်မၼ်း ၵူၼ်းၵေႃႉဢၼ်မီးမၼ်းၼမ်တီႈ တွင်ႉတီႈပုမ်ၼၼ်ႉ မၼ်းယိုင်ႈၶႅၼ်းမီး တိုဝ်ႉတၢင်းၼမ် တွၼ်ႈတႃႇတေပဵၼ် တၢင်းပဵၼ်ဢဵၼ်လိူတ်ႈမၢၵ်ႇႁူဝ်ၸႂ်တၼ် လႄႈ တၢင်းပဵၼ်မၼ်းတၼ်တီႈ မၢၵ်ႇႁူဝ်ၼႆယဝ်ႉ။ ဢၼ်ပဵၼ် တၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼႆႉ မၼ်းၵႆႉပဵၼ်တီႈ ၵူၼ်းၵိၼ်မၼ်းၼမ် မိူၼ်ၼင်ႇ မၼ်းတူဝ်သတ်း၊ ၼင်၊ ဢူၼ်ၼမ်ႉမၼ်းၽၵ်း၊ ၽၵ်းဢၼ်ဝၢၼ်ႁႅင်းၸႅမ်းႁႅင်း၊ ၶႆၼမ်ႉၼူမ်း၊ မၼ်းၼမ်ႉၼူမ်းၸၵႂႃႇၸိူဝ်းၼႆ့ယဝ်ႉ။ ပေႃးၵိၼ်တၢင်းၵိၼ်ၸိူဝ်းၼၼ်ႉၼမ်ႁႅင်ႉၽႅဝ်ၵေႃႈ ၸၢင်ႈပဵၼ် တၢင်းပဵၼ်သေ ၵေႃႉလူတ်ႇလႅၼ်းယႃႈ၊ ၵ​ေႃႉမီး လိူတ်ႈလိူဝ်၊ လိူတ်ႈၶိုၼ်ႈ၊ ၵေႃႉမီးယဵဝ်ႈဝၢၼ်၊ လိူတ်ႈဝၢၼ်၊ ၵေႃႉႁႅင်ႉပီးၼႃႇ၊ ၵေႃႉမီးထၢတ်ႈမၼ်းၼမ် တီႈၼႂ်းလိူတ်ႈ၊ ၵေႃႉဢမ်ႇမီးလွင်ႈတူင်ႉၼိုင်တူဝ်၊ ၵေႃႉလုၵ်ႉတီႈ ငိုၼ်ႈၶိူဝ်းပေႃႈမႄႈ ဢၼ်မီးတၢင်းပဵၼ် ဢဵၼ်လိူတ်ႈႁူဝ်ၸႂ်တၼ်၊ ၵေႃႉမီးလွင်ႈၼၵ်းၸႂ်ၼမ်၊ ၵေႃႉတႃၼွၼ်းလူႉၶၢဝ်းယၢဝ်း၊ ၵေႃႉတေႃးသယႂ်ႇ၊ ၵေႃႉမီးလွင်ႈမႆႈၸႂ်ႁွၼ်ႉၸႂ်ၼမ်။ ၵေႃႉဢသၢၵ်ႈယႂ်ႇသေဢမ်ႇၵႃး ၸိူဝ်းပဵၼ် ၵေႃႉၵိၼ်လဝ်ႈၼမ်ၵေႃႈ ၸၢင်ႈပဵၼ်လႆႈယူႇ။ သင်ၸိူဝ်ႉဝႃႈ ၵေႃႉဢၼ်မီးမၼ်းၼမ်တီႈတွင်ႉၼၼ်ႉ ၼင်ႇႁိုဝ် တေၵႅတ်ႇၶႄလႆႈ လွင်ႈတၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼၼ်ႉၼႆ

(႑) လွၵ်းလၢႆးဢဝ် Liposlim (ႁွင်ႉ) ၸၢၵ်ႈၼူတ်ႈမၼ်းသေ ယွမ်းမၼ်းတီႈတွင်ႉတီႈပုမ်ႈ?

(႒) လွၵ်းလၢႆးဢဝ်တၢင်းၸွႆႈထႅမ် ၶိူင်ႈၸၢၵ်ႈသေ ၶိုၼ်းႁဵတ်းႁႂ်ႈ ပုမ်ႁဝ်းတွင်ႉႁဝ်း ဢၼ်ယၢၼ်းယူႇၸိူဝ်းၼၼ်ႉ ႁႂ်ႈမၼ်းၶိူင်းၶဵင်ႈ Body Firming ၼၼ်ႉၵေႃႈ ၸႂ်ႉလႆႈယူႇ။ လွၵ်းလၢႆးသွင်လၢႆးၼႆႉ ၸႂ်ႉလၢႆးလႂ်သေဢမ်ႇဝႃႈ ႁူႉၵႃႈတေလႆႈထိင်းပၼ် တၢင်းၵိၼ်တၢင်းယႅမ်ႉၽွင်ႈ။ ပေႃးထိင်းပၼ်တၢင်းၵိၼ်တၢင်းယႅမ်ႉ မၼ်းၸင်ႇၸၢင်ႈပဵၼ်တၢင်းၵမ်ႉထႅမ် တွၼ်ႈတႃႇတေ ယွမ်းမၼ်းတီႈပုမ်ႁဝ်းၼၼ်ႉယဝ်ႉ။

တၢင်းပဵၼ်ဢဵၼ်လိူတ်ႈ မၢၵ်ႇႁူဝ်ၸႂ်တၼ်ၼႆႉ ပေႃးဢဝ်တင်းၵမ်ႇၽႃႇဝႃႈၵေႃႈ ပဵၼ်တၢင်းပဵၼ် ဢၼ်ၵူၼ်းတၢႆယွၼ်ႉမၼ်း​ၼမ်တႄႉတႄႉၼႆယဝ်ႉ။ ယွၼ်ႉလူၺ်ႈ တၢင်းပဵၼ်ဢဵၼ်လိူတ်ႈ မၢၵ်ႇႁူဝ်ၸႂ်တၼ်လႄႈ ၼိုင်ႈပီၼႆ ၵူၼ်းတၢႆမွၵ်ႈ ႖ သုတ်း ႓ လၢၼ်ႉၼႆႉၼႆ လႆႈႁူႉၸွမ်းသဵၼ်ႈမၢႆၼင်ႇမၢႆတွင်းဝႆႉၼၼ်ႉယဝ်ႉ။ လွင်ႈတၢင်းပဵၼ် ႁႃႈယိူင်ႈၸိူဝ်းၼႄဝႆႉ ပႃႈတႂ်ႈၼႆႉ မၼ်းပဵၼ် ၽၢင်ႁၢင်ႈၼႄလူင်ႈၼႃႈ တႃႇပဵၼ်ဢဵၼ်လိူတ်ႈ မၢၵ်ႇႁူဝ်ၸႂ်တၼ်လႄႈ လီဢဝ်ထတ်းသၢင်ႈတူၺ်း တူဝ်ၸဝ်ႈၵဝ်ႇယူႇၶႃႈ။

ၽၢင်ႈႁၢင်ႈၼႄ လူင်ႈၼႃႈ

(႑) ဢူၵ်းၵႅၼ်း

ဢဵၼ်လိူတ်ႈမၢၵ်ႇႁူဝ်ၸႂ်ၼႆႉ ယွၼ်ႉပိူဝ်ႈမၼ်းၵပ်းၵၼ်ဝႆႉတၢင်း ၶႅၼ်၊ ၵွင်းလင်၊ ႁူင်းၶဝ်ႈ၊ ၶေႃး၊ ၵၢင်း ၸၵႂႃႇၸိူဝ်းၼႆႉလႄႈ ပေႃးဝႃႈ ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼႆ တီႈၸိူဝ်းၼၼ်ႉၵေႃႈ ၸၢင်ႈမေႃ ၸဵပ်းၵႅၼ်းယွၼ်ႉမၼ်းယူႇ။ ဢၼ်ႁၢႆႉသေပိူၼ်ႈတႄႉ ယွၼ်ႉပိူဝ်ႈဝႃႈ လိူတ်ႈဢမ်ႇၽႅဝ်ၼႂ်း မၢၵ်ႇႁူဝ်ၸႂ်ယဝ်ႉလႄႈ တီႈဢၼ်ပဵၼ် သိုဝ်ႈၵၢင်ဢူၵ်းၼၼ်ႉ မၼ်းတေၸူၵ်ႉၵႅၼ်းဝႆႉ​ယဝ်ႉ။ လိူဝ်သေၼၼ်ႉဢမ်ႇၵႃး တီႈၼႂ်းၵႄႈဢူၵ်းႁဝ်းၼၼ်ႉ မိူၼ်ဢၼ်ၼၵ်းသေဢၼ်ဢၼ် မႃးၶမ်ဝႆႉ။ ယွၼ်ႉပိူဝ်ႈၼၼ်လႄႈ ပေႃးဝႃႈဢူၵ်းၸဵပ်းဢူၵ်းၵႅၼ်းမႃးၼႆ ယႃႇပေဝႆႉမဝ်မၢင်သေၵေႃႈ ထုၵ်ႇလီၵႂႃႇထတ်းသၢင်ႈတူၺ်း ႁႂ်ႈၶိုတ်းမိူဝ်ႈၶိုတ်းၶၢဝ်းမၼ်းၼၼ်ႉ လီသေပိူၼ်ႈယဝ်ႉ။

(႒) လႆႈထူၺ်ႈၸႂ် ယၢပ်ႇယၢပ်ႇယဵၼ်းယဵၼ်း

ၼႂ်းမၢၵ်ႇႁူဝ်ၸႂ်ၼၼ်ႉ လိူတ်ႈၵေႃႈဢမ်ႇပေႃးမီး တဵမ်ထူၼ်ႈသေ လိူတ်ႈၸိူဝ်းၼၼ်ႉ ဢွၼ်ၵၼ်ၵႂႃႇၵွင်ယူႇတီႈၼႂ်းပွတ်ႇလႄႈ ​တီႈပွတ်ႇၼၼ်ႉၵေႃႈ မေႃၵႅၼ်းဝႆႉသေ တေဢႆ၊ တႃႇတေထူၺ်ႈၸႂ်ၵေႃႈ တေယၢပ်ႇယဵၼ်းၶၢၼ်ၸႂ်ဝႆႉ။ ၵမ်းၵမ်းတေပဵၼ် လွင်ႈထူၺ်ႈၸႂ်ဢမ်ႇဢိမ်ႇ၊ ပႅင်ႇၼင်ႇ ၶူဝ်လႆဢၼ်ၶိုၼ်ႈလူင်းယူႇၵူႈဝၼ်းၵေႃႈ ပေႃးၶိုၼ်ႈလူင်း သမ်ႉပေႃးႁိူဝ်ႉမွႆႈၼႃႇ၊ ဢၼ်ႁဝ်းတူင်ႉၼိုင်ၵႂႃႇမႃးယူႇၵူႈဝၼ်းၵေႃႈ ႁိူဝ်ႈၼူၼ်းၸႂ်ၼႆတႄႉ တေလႆႈဝႃႈမၼ်းၵပ်းၵၢႆႇလူၺ်ႈ ဢ​ဵၼ်လိူတ်ႈမၢၵ်ႇႁူဝ်ၸႂ်တၼ်ယဝ်ႉ။

(႓) တူၼ်ႉႁၢၵ်ႈ

ၵူၼ်းပဵၼ်တၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼႆႉ မၼ်းပဵၼ်ယူႇဢမ်ႇသႃႇဝႆ့သေ ၵႆႉၵႆႉတူၼ်ႉႁၢၵ်ႈယဝ်ႉ။ လိူဝ်သေၼၼ်ႉဢမ်ႇၵႃး သမ်ႉမိူၼ်ၼင်ႇ တၢင်းပဵၼ်ႁူင်းၶဝ်ႈသေ မေႃတူၼ်ႉႁၢၵ်ႈဢွၵ်ႇလူမ်း၊ ၼႆႉၵေႃႈ မၼ်းပဵၼ်တၢင်းပဵၼ် သွႆႉလင် ဢဵၼ်လိူတ်ႈမၢၵ်ႇႁူဝ်ၸႂ်တၼ်ယဝ်ႉ။

(႔) ႁူဝ်မဝ်း

ယွၼ်ႉပိူဝ်ႈဢဵၼ်လိူတ်ႈမၢၵ်ႇႁူဝ်ၸႂ်တၼ်လႄႈ ၼႂ်းဢွၵ်းဢေႃႁဝ်းၵေႃႈ လူမ်းဢွၵ်ႇသီႇၵျိၼ်ႇ ၶႂ်ႈၶၢတ်ႇၵႂႃႇသေ ၸၢင်ႈပဵၼ်ႁူဝ်ပၼ်ႇႁူဝ်မဝ်းမႃႈယဝ်ႉ။ လွင်ႈသင်ၵေႃႈ လႆႈလိူတ်ႇလႆႈႁွၼ်ႉ လႆႈမႆႈၸႂ်သေ ​၊ ပဵၼ်လွင်ႈႁိုဝ်ႉလႆႈမွႆႈၸႂ်ၼႆႉၵေႃႈ တေလႆႈဝႃႈ မၼ်းပဵၼ်တၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼႆယဝ်ႉ။

(႕) ႁူဝ်ၸႂ်တွတ်ႇဢမ်ႇမၢၼ်ႇ

ယွၼ်ႉၼႂ်းမၢၵ်ႇႁူဝ်ၸႂ်ၼႆႉ လိူတ်ႈဢမ်ႇၵုမ်ႇထူၼ်ႈလီယဝ်ႉလႄႈ မၢၵ်ႇႁူဝ်ၸႂ်ၼႆႉ မၼ်းလႆႈၶဵၼ်သေမိပ်ႇငႅၼ်းဢဝ်လိူတ်ႈလႄႈ လွင်ႈႁူဝ်ၸႂ်တွတ်ႇၵေႃႈ မၼ်းတေဝႆးမႃးယဝ်ႉ။ သင်ၸိူဝ်ႉဝႃႈ လွင်ႈတွတ်ႇႁူဝ်ၸႂ်ၵေႃႈ ၽႂ်း၊ ၼႃႈဢူၵ်းၵေႃႈ ၸူၵ်ႉၵႅၼ်း၊ ႁူဝ်ၵေႃႈမဝ်း ၸၵႂႃႇၸိူဝ်းၼႆႉ ပေႃးပဵၼ်မိူဝ်ႈလဵဝ်ၵၼ်ၼႆႉတႄႉ ဢဵၼ်လိူတ်ႈမၢၵ်ႇႁူဝ်ၸႂ်တၼ်ယဝ်ႉလႄႈ ထုၵ်ႇလီယူတ်းယႃဢဝ် ၽႂ်းၽႂ်းယူႇယဝ်ႉ။

မၢႆတွင်း

ယၢမ်းတေႃႈလဵဝ် တီႈၸၼ်ႉၸွမ် Essen University မိူင်းၵျႃႇမၼီႇၼၼ်ႉ ၶဝ်ၶူင်သၢင်ႈဝႆႉ ၶိူင်ႈၸၢၵ်ႈ ESMR ဢၼ်ဝႃႈၼၼ်ႉသေ မၼ်းပဵၼ်ၶိူင်ႈၸၢၵ်ႈ တႃႇယူတ်းယႃ တၢင်းပဵၼ် ၽူႈပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၼႆယဝ်ႉ။ တေႃႇထိုင်ဝၼ်းမိူဝ်ႈၼႆႉ တီႈယူတ်းယႃ တင်းၵမ်ႇၽႃႇ 60 တီႈ ၼႆႉ ၸႂ်ႉၶိူင်ႈၸၢၵ်ႈဢၼ်ၼႆႉ​ဝႆႉသေ တီႈမိူင်းမၢၼ်ႈၵေႃႈ တီႈႁူင်းယႃလူင် ၸမ်ႇပူႇသီႇရိ ၊ ၼေႇပျီႇတေၢႆ ၵေႃႈ ၸႂ်ႉၸၢၵ်ႈၼႆႉသေ ယူတ်းယႃပၼ် ၵူၼ်းပဵၼ်ယူႇယဝ်ႉ။

လၢႆးယူတ်းယႃ ESMR (ႁွင်ႉ) Extra corporeal Shock-wave Myocardial Revascularzation ဢၼ်ဝႃႈၼႆႉ မၼ်းၸႂ်ႉသၢႆသဵင်သေ မၼ်းယိူင်းၸူးတီႈ ဢဵၼ်မၢၵ်ႇႁူဝ်ၸႂ် ဢၼ်တၼ်ဝႆႉ လႄႈ လမ်းၼိူဝ်ႉသေၵေႃႈ ၸူးပွႆႇသၢႆသဵင်ၼၼ်ႉၵႂႃႇၼႆ မၼ်းၵႂႃႇၶဝ်ႇၶူၼ်းပၼ် ႁႂ်ႈဢဵၼ်လိူတ်ႈမၢၵ်ႇႁူဝ်ၸႂ်ႁဝ်း ၶိုၼ်းပဵၼ်ဢၼ်မႂ်ႇမႃးယဝ်ႉ။ ယွၼ်ႉလၢႆးယူတ်းယႃဢၼ်ၼႆႉလႄႈ မၼ်းႁဵတ်းႁႂ်ႈ ဢဵၼ်မၢၵ်ႇႁူဝ်ၸႂ် ၶိုၼ်းပဵၼ်မႂ်ႇမႃး၊ လမ်းၼိူဝ်ႉၸိူဝ်းၼႆႉၵေႃႈ ၶိုၼ်းလုၵ်ႉတိုၼ်ႇမႃးလႄႈ

(ၵ) လွင်ႈဢူၵ်းၸဵပ်းၵႅၼ်းၼႃႇၼၼ်ႉ ပဵၼ်ဢၼ်ၶႅၼ်းၸႂ်မႃး။ (ၶ) ​ဢမ်ႇပေႃႇႁိူဝ်ႉပေႃႇမွႆႈ (င) ၶၢဝ်းယၢမ်း ဢူၵ်းၸဵပ်းၵႅၼ်းၵေႃႈ ယၢၼ်ၵၼ်မႃး (ၸ) တေၸၢင်ႈၵႂႃႇၵႂႃႇမႃးမႃးသေၵဝ်ႇလႄႈ ၶၢမ်ႇႁိူဝ်ႉလႆႈမႃး (သ) ဢမ်ႇတၢပ်ႈလူဝ်ႇၵိၼ်ယႃႈယႃ လိူတ်ႈၸႅဝ်ႈ ဢၼ်ပဵၼ် Nitrate ယဝ်ႉၼႆသေ တေလႆႈၽွၼ်းလီၸိူဝ်းၼႆႉမႃးယဝ်ႉ။

လၢႆးယူတ်းယႃတၢင်းပဵၼ်ၼႆႉၼႆႉ ဢမ်ႇတၢပ်ႇလူဝ်ႇပၼ် ယႃႈယႃလိုမ်းတူဝ်၊ ဢမ်ႇတၢပ်ႈလူဝ်ႇၶိုၼ်ႈႁူင်းယႃသေ ယူႇပဵၼ်ၵူၼ်းၽၢႆႇၼွၵ်ႈသေၵေႃႈ မႃးယူတ်းယႃလႆႈ။ ပေႃးယူတ်းယႃၼိုင်ႈပွၵ်ႈၼႆ တၢင်းႁိုင်မၼ်းတေႁိုင်မွၵ်ႈ ႓႐ မိတ်ႉၼိတ်ႉၼႆႉသေ ၼႂ်းၵႃႈ ၵဝ်ႈဝူင်ႈၼႆႉ ပေႃးယူတ်းယႃမွၵ်ႈၵဝ်ႈပွၵ်ႈၼႆ လွင်ႈပၢႆးယူႇလီမၢၵ်ႇႁူဝ်ၸႂ်ႁဝ်းၵေႃႈ တေမီးၽွၼ်းလီၼင်ႇ ၸိူဝ်းလၢတ်ႈမႃးပႃႈၼိူဝ်ၼႆယဝ်ႉၼႆ ယွၼ်းၽၢၵ်ႇပၼ် တၢင်းႁူႉမီးၵႃႈၶၼ်တႃႇ ၽူႈမီးတၢင်းပဵၼ် ဢဵၼ်လိူတ်ႈမၢၵ်ႇႁူဝ်ၸႂ်တၼ်ၶဝ်ႈ ၵူႈၵေႃႉၵူႈၵူၼ်းယူႇ။

ၽိုၼ်ဢိင်

American’s Health Digest