ႁူၺ်ႈပၢင်သတ်း
 ပပ်ႉ ႁူၺ်ႈပၢင်သတ်း ၽၢႆႇတႆး | |
| ၽူႈတႅမ်ႈလိၵ်ႈ | ၵျွတ်ႉၸ် ဢေႃးဝႅလ်း |
|---|---|
| ႁူဝ်ၶေႃႈငဝ်ႈတိုၼ်း | Animal Farm: A Fairy Story |
| ၽူႈပိၼ်ႇၽႃႇသႃႇ | လၢႆၵေႃႉ |
| ၽႃႇသႃႇ | ဢိင်းၵလဵတ်ႈ |
| မဵဝ်းမၼ်း | ၸိူင်းဝုတ်ႉထုၵိူဝ်ႉၵၢၼ်မိူင်း ၸိူင်းၾၼ် |
| ပိုၼ်ၽႄ | 17 လိူၼ်ဢေႃးၵၢသ်ႉ၊ 1945 (Secker and Warburg၊ လၢၼ်ႇတၢၼ်ႇ၊ မိူင်းဢိင်ႇၵလႅၼ်ႇ) |
| တီႈပိုၼ်ၽႄ | မိူင်းႁူမ်ႈတုမ်ဢမေႇရိၵႃႉ |
| မဵဝ်းမီႇတီႇယႃႇ | ပေႃႉလိၵ်ႈ |
| ၼႃႈလိၵ်ႈ | 112 |
| OCLC | 53163540 |
| 823/.912 20 | |
| LC Class | PR6029.R8 A63 2003b |
| ဢွၼ်တၢင်း | Inside the Whale and Other Essays |
| တၢမ်းလင် | Nineteen Eighty-Four |
ႁူၺ်ႈပၢင်သတ်း (ဢိင်းၵလဵတ်ႈ: Animal Farm) ၼႆႉပဵၼ်ၸိူင်းဝုတ်ႈထု လိၵ်ႈၵိူဝ်ႉၵၢၼ်မိူင်း ၽီမိုဝ်းၽူႈတႅမ်ႈလိၵ်ႈ ၵျွတ်ႉၸ် ဢေႃးဝႅလ်း ထုတ်ႇဢွၵ်ႇဝႆႉၵမ်းဢွၼ်တၢင်းသုတ်း မိူဝ်ႈဝၼ်းထိ 17 လိူၼ်ဢေႃးၵၢသ်ႉ၊ 1945။ ၼႂ်းၸိူင်းၼႆႉ ၶဝ်ႈပႃးဝႆႉတူဝ်သတ်းၼမ်လၢႆ ဢၼ်ၶႂ်ႈယိူင်းထိုင် မုၵ်ႉၸုမ်းၸဝ်ႈဢႃႇၼႃႇ မိူင်းရတ်ႈသျႃး မိူဝ်ႈပၢၼ် ၵျူဝ်းသႅပ်ႉသတႃႇလိၼ်ႇ[1] ၵုမ်းၵမ်ၼၼ်ႉယဝ်ႉ။ ၵျွတ်ႉၸ် ဢေႃးဝႅလ်း ၼႆႉ ပဵၼ်ၽူႈပၼ်ႁႅင်း ၵၢၼ်ဢုပ်ႉပိူင်ႇ တီႇမူဝ်ႇၶရေႇၸီႇၵေႃႉ႞သေ[2] တူၺ်းႁၼ်ဝႃႈ မုၵ်ႉၸုမ်းတပ်ႉၵွင်သူဝ်ႇဝီႇယႅတ်ႉ ၼၼ်ႉ ၸႂ်ႉတိုဝ်း"ၵၢၼ်ဢုပ်ႉပိူင်ႇမိူၵ်ႈႁၢႆႉၵျၢမ်း" ၼႃႇၼႆလႄႈ တႅမ်ႈပဵၼ်လိၵ်ႈၵိူဝ်ႉယွႆႈၸူး သတႃႇလိၼ်ႇဝႆႉယဝ်ႉ[3]။
တီႈၼႂ်းမႅၵ်ႉၵၸိၼ်း ထၢႆးမ် (Time Magazine) ၼၼ်ႉ ပပ်ႉလိၵ်ႈ ၵျွတ်ႉၸ် ဢေႃးဝႅလ်း ဢၼ်ပဵၼ် Animal Farm လႄႈ 1984 တင်းသွင်ပပ်ႉ လႆႈထုၵ်ႇၶဝ်ႈလိူၵ်ႈပဵၼ် ပပ်ႉ 100 ဢၼ်လီထီႉသုတ်း ၼႂ်းလုမ်ႈၾႃႉ[4] မိူဝ်ႈပီႊ 1923 ထိုင် 2005 ။
ပိုၼ်းလင်
[မႄးထတ်း | မႄးထတ်းငဝ်ႈငႃႇ]
ၽိမ်းမိူဝ်းပီ ၶႉလႉ 1945
ၵျွတ်ႉၸ် ဢေႃးဝႅလ်း လႆႈတႅမ်ႈၸိူင်းၼႆႉၼႂ်းဝူင်ႈၵၢၼ် လိူၼ် ၼူဝ်ႇဝႅမ်ႇပိူဝ်ႇ ပႉၶႉ 1943 ထိုင် လိူၼ်ၽႅပ်ႉပူႇဢိူဝ်ရီႇ ပႉၶႉ 1944 မိူဝ်ႈၼၼ်ႉပဵၼ်ၽွင်မိူင်းဢင်းၵိတ်ႉၶဝ်လႆႈပဵၼ်ဢူၺ်းလီၵၼ်တၢင်း မုၵ်ႉၸုမ်းတပ်ႉၵွင်သူဝ်ႇဝီႇယႅတ်ႉ ၽွင်းသိုၵ်းၵမ်ႇၽႃႇပွၵ်ႈသွင်ၼၼ်ႉယဝ်ႉ၊ ၽွင်းၼၼ်ႉၵူၼ်းမိူင်းဢင်းၵိတ်ႉၵမ်ႉၼမ် ယုၵ်ႉယွင်ႈ ၵျူဝ်းသႅပ်ႉသတႃႇလိၼ်ႇ (ၶုၼ်သတ်ႉသျႃး မုၵ်ႉၸုမ်းတပ်ႉၵွင်သူဝ်ႇဝီႇယႅတ်ႉ) ၵူၺ်းၵႃႈသုၼ်ႇတူဝ် ဢေႃးဝႅလ်း ယုၵ်ႉယွင်ႈလႄႈလႆႈၸႂ် တီႇမူဝ်ႇၶရေႇသီႇ လႄႈသမ်ႉဢမ်ႇလႆႈၸႂ်ပိူင်ဢုပ်ႉပိူင်ႇ ၶုၼ်မုၵ်ႉၸုမ်းတပ်ႉၵွင်သူဝ်ႇဝီႇယႅတ်ႉၼႂ်းပၢၼ်ၼၼ်ႉ ၸင်ႇလႆႈတႅမ်ႈၸိူင်းႁူဝ် လၢတ်ႈၶိတ်ႈၼႆႉၶိုၼ်ႈမႃး ဢၼ်ဢဝ်တူဝ်သတ်းပဵၼ်ပိူင်တႅၵ်ႈပိူင်ဢုပ်ႉပိူင်ႇ လႄႈႁိမ်ဢႃႈၼႃႇၵၼ် ၵူၺ်းၼႂ်းတူဝ်သတ်းဢၼ်ပဵၼ်တူဝ်ၸိူင်းယႂ်ႇၼၼ်ႉ လႆႈတႅၵ်ႈၼိူင်းၸွမ်းၵူၼ်းၼႂ်းပၢၼ်သူဝ်ႈဝဵတ်ႉၼၼ်ႉၵမ်းသိုဝ်းယဝ်ႉ။
ဢွၼ်တၢင်းသုတ်းတႄႉ ႁူင်းၽိမ်းတီႈလႂ်ၵေႃႈဢမ်ႇႁပ်ႉၶၢမ်ႇၽိမ်းပၼ်ပပ်ႉဢေႃးဝႅလ်း၊ ဝၢႆးလင်ဝၢႆးလွင်ႈပဵၼ်ဢူၺ်းလီဢင်းၵိတ်ႉလႄႈသူဝ်ႈဝဵတ်ႉလႅၵ်ႈလႆၢႈ လိူဝ်သေၼၼ်ႉၵူၼ်းမိူင်းတၢင်းလၢႆၶဝ်လႆႈၸႂ်ၸိူင်းႁူဝ်ၼႆႉၶွင် ဢေႃးဝႅလ်း တႄႉတႄႉ ၸင်ႇလႆႈၽိမ်းၶၢႆတႄႉတႄႉဝႃႈဝႃႈယဝ်ႉ။
လွင်ႈႁုပ်ႈယေႃႈပပ်ႉ
[မႄးထတ်း | မႄးထတ်းငဝ်ႈငႃႇ]ႁူၺ်ႈပၢင်သတ်း ဢမ်ႇၼၼ် Animal Farm ပဵၼ်ၸိူင်းဢၼ်လၢတ်ႈလွင်ႈၵၢၼ်မိူင်းသတ်း ဢၼ်ၸႂ်ႉဢွင်ႈတီႈ ၾၢမ်းလဵင်ႉသတ်းတီႈၼိုင်ႈ၊ ၼႂ်းၾၢမ်းၼၼ်ႉမီးၵူၼ်းၸၢႆးၵေႃႉၼိုင်ႈပဵၼ်ၸဝ်ႈၶွင်မၼ်း၊ ၸဝ်ႈၶွင်ၾၢမ်းၼၼ်ႉသမ်ႉဢုပ်ႇပိူင်ၶဝ်ပဵၼ်ၸဝ်ႈဢႃႈၼႃႇလႄႈ သတ်းဢၼ်ယူႇၼႂ်းၾၢမ်းၼၼ်ႉ ဢမ်ႇထုၵ်ႇမႅၼ်ႈၸႂ်သေ လႆႈလုၵ်ႉၽိုၼ်ႉၸဝ်ႈၶွင်ၾၢမ်းၼၼ်ႉသေ လိူၵ်ႈမူမႃးပဵၼ်ႁူဝ်ၼႃႈၶဝ် ဝၢႆးလင်မူၵေႃႈလႆႈမီးလွင်ႈႁိမ်ဢႃႈၼႃႇၵၼ်သေ လႆႈမီးႁူဝ်ၼႃႈမူၶိုၼ်ႈမႃးဢၼ်မီးၸိုဝ်ႈဝႃႈ ၼပူဝ်ႈလဵၼ်ႈ ၼၼ်ႉသေ မူတူဝ်ၼၼ်ႉယိုင်ႈၶႅၼ်ႈဢုပ်ႉပိူင်ႇပဵၼ်ၸဝ်ႈဢႃႈၼႃႇလိူဝ်သေ ၸဝ်ႈၶွင်ၵဝ်ႇၶဝ်ဢၼ်ပဵၼ်ၵူၼ်းၼၼ်ႉယူႇယဝ်ႉ။
ၼႂ်းၸိူင်းမီးတူဝ်ၸိူင်းလႆၢတူဝ် ဢၼ်ပဵၼ်လွင်ႈလၢတ်ႈၶိတ်ႈလၢတ်ႈပၢႆႇ တႅၵ်ႈၸွမ်းၵူၼ်းၼႂ်းပၢၼ်ၼၼ်ႉ၊ ပိူင်တႅၵ်ႈမၼ်း ၵႃႈလမ် လႆႈတႅၵ်ႈၸွမ်းမုၼ်ၸဝ်ႈၶရိယၼ်ႇၼႂ်းပၢၼ်ၼၼ်ႉ ဢၼ်မေႃၼႃႈလိူမ်ႈဢဝ်ၸႂ်ၵူၼ်းၶုၼ်ဢၼ်မီးဢႃႈၼႃႇ ဢၼ်ဢမ်ႇလီဝႆႉၸႂ်၊ တူဝ်ၸိူင်းထႅင်ႈတူဝ်ၼိုင်ႈ မႃႉဢၼ်မီးၸိုဝ်ႈဝႃႈ ပွၵ်ႈသိူဝ်ႉ ၼၼ်ႉတႅၵ်ႈၸွမ်းၵူၼ်းႁဵတ်းၵၢၼ်ႁႅင်းၵၢၼ် ဢၼ်ထုၵ်ႇၶုၼ်လွၵ်ႈၸႂ်ႉၸၵႂႃႇၸိူဝ်းၼႆႉယူႇယဝ်ႉ။
ပပ်ႉပိၼ်ႇၽၢႆႇတႆး
[မႄးထတ်း | မႄးထတ်းငဝ်ႈငႃႇ]ပပ်ႉ Animal Farm ၼႆႉ ၽူႈတႅမ်ႈလိၵ်ႈၶုၼ်ယုင်းၶဵဝ် လႆႈပိၼ်ႇပဵၼ် ၽႃႇသႃႇလိၵ်ႈတႆးသေ တၢင်ႇၸိုဝ်ႈဝႆႉဝႃႈ ႁူၺ်ႈပၢင်သတ်း ၼႆသေ ထုတ်ႇဢွၵ်ႇပွၵ်ႈၵမ်း႞ မိူဝ်ႈလိူၼ်တီႇၸိမ်ႇပႃႇ၊ ပီႊ 2014 [5]။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ "BBC - GCSE English Literature - 'Animal Farm' - historical context (pt 1/3)". bbc.co.uk.
- ↑ Orwell, George. "Why I Write" (1936) (The Collected Essays, Journalism and Letters of George Orwell Volume 1 – An Age Like This 1945–1950 p. 23 (Penguin))
- ↑ Davison 2000.
- ↑ Grossman & Lacayo 2005.
- ↑ https://www.facebook.com/YunghkioBooks/photos/a.406790272823402/406790249490071 ၼႃႈလိၵ်ႈၾဵတ်ႉပုၵ်ႉ ႁူင်းၵၢၼ်လိၵ်ႈလၢႆးယုင်းၶဵဝ်
ႁဵင်းၵွင်ႉၽၢႆႇၼွၵ်ႈ
[မႄးထတ်း | မႄးထတ်းငဝ်ႈငႃႇ]
|
မီႇတီႇယႃႇ တီႈ Commons |
|
ၶေႃႈပူင်လၢတ်ႈ တီႈ ဝီႇၶီႇၽိုၼ်ဢိင် |
|
ၶေႃႈမုၼ်း တီႈ ဝီႇၶီႇတေႇတႃႇ |
- Animal Farm full text at eBooks@Adelaide[ႁဵင်းၵွင်ႉဢၼ်တၢႆႇ]
- Animal Farm at Faded Page (Canada)
- Animal Farm at Project Gutenberg Australia
- Animal Farm Book Notes from Literapedia Archived 2010-01-07 at the Wayback Machine.
- Excerpts from Orwell's letters to his agent concerning Animal Farm
- Literary Journal review
- Orwell's original preface to the book Archived 2009-12-30 at the Wayback Machine.
- Animal Farm Revisited by John Molyneux, International Socialism, 44 (1989)
- Animal Farm Archived 2022-01-02 at the Wayback Machine. at the British Library
- https://www.britannica.com/topic/Animal-Farm