I-cursor

ႁၢင်ႈတူဝ်ယၢင်ႇ I-beam cursor

i-beam cursor ၼႆႉ မၢင်ၸိူဝ်းၵေႃႈ ႁွင်ႉဝႃႈ I-beam pointer ၼႆသေ မၼ်းၵေႃႈ မီးၽၢင်ႈႁၢင်ႈၼင်ႇ မိူၼ်ၼင်ႇ ႁၢင်ႈတူဝ်မႄႈလိၵ်ႈ ဢင်းၵိတ်ႉ "I" ၼၼ်ႉယဝ်ႉ။ မၼ်းတေၼႄပၼ်တီႈ ဢၼ်ၸၢင်ႈ လိူၵ်ႈတူဝ်လိၵ်ႈ၊ ဢၼ်ၸၢင်ႈ ထႅမ်သႂ်ႇ တူဝ်လိၵ်ႈ၊ ဢၼ်ၸၢင်ႈႁဵတ်း လွင်ႈလႅၵ်ႈလၢႆႈ တူဝ်လိၵ်ႈၼႆႉဢေႃႈ။ ၶႅပ်းႁၢင်ႈမၼ်းၵေႃႈ ၼႄဝႆႉပၼ် ၼင်ႇတူဝ်ယၢင်ႇမၼ်းဝႃႈ i-cursor ၼႆႉ မၼ်းမိူၼ်ႁိုဝ် ဢၼ်ဝႃႈၼၼ်ႉၶႃႈဢေႃႈ။

တေႁဵတ်းႁိုဝ်ၸႂ်ႉ I-beam pointer

တႃႇတေလိူၵ်ႈ တူဝ်လိၵ်ႈ၊ ပွင်ႈလိၵ်ႈတင်း I-beam ၼႆ ၼဵၵ်းပၼ် Double click တီႈၼႂ်းၵၢင် ထႅဝ်လိၵ်ႈ ဢမ်ႇၼၼ် တူဝ်လိၵ်ႈၼၼ်ႉ၊ တႃႇတေလိူၵ်ႈပၼ် ထႅဝ်လိၵ်ႈတင်းထႅဝ် ဢမ်ႇၼၼ် ပွင်ႈလိၵ်ႈတၢင်းပွင်ႈၼႆ ၼဵၵ်းပၼ် ၼဵၼ်မၼ်း သၢမ်ၵမ်းသွၼ်ႉၵၼ်။ တႃႇတေလိူၵ်ႈဢဝ် တွၼ်ႈလိၵ်ႈ သေဢၼ်ၼႆ ၼဵၵ်းၶလိၵ်ႉတီႈ ႁူဝ်ၼႃႈ ထႅဝ်လိၵ်ႈၼၼ်ႉသေ ၼဵၵ်းၸၼ်လၢၵ်ႈပၼ်ၵႂႃႇ တေႃႇထိုင်တီႈ ၸဝ်ႈၵဝ်ႇ ၶႂ်းလိူၵ်ႈၼၼ်ႉလႄႈ။ လွင်ႈၼဵၵ်းၸၼ် drag ၼၼ်ႉတႄႉ ၸၢင်ႈၼဵၵ်းလႆႈ ၽၢႆသၢႆႉ၊ ၽၢႆႇၶႂႃ၊ တၢင်းတႂ်ႈ၊ တၢင်းၼိူဝ်လႆႈယူႇ။