မၢၵ်ႇႁွတ်ႈ
မၢၵ်ႇႁွတ်ႈ[မႄးထတ်း | မႄးထတ်းငဝ်ႈငႃႇ]
မၢၵ်ႇႁွတ်ႈၼႆႉ ၸိုဝ်ႈထိူၼ်ႇမႆႉမၼ်းဝႃႈ the purging croton, (croton tiglium) ၵႂၢမ်းမၢၼ်ႈႁွင်ႉဝႃႈ ကနခို ။ ၵမ်ႈၽွင်ႈတေဢမ်ႇယၢမ်ႈႁၼ်တူၼ်ႈမၼ်း၊ ၵူၺ်းၵႃႈ လွင်ႈဝႃႈ မၢၵ်ႇႁွတ်ႈၼႆႉ ၸိူဝ်ႉမၼ်းၼၼ်ႉ ၸၢင်ႈႁဵတ်းႁႂ်ႈ တွင်ႉၵႂႃႇပေႃႈမေႃးသေႃႉသေႃႉၼႆလႄႈသင် တေယၢမ်ႈႁူႉ ယၢမ်ႈငိၼ်းယူႇ။ တူၼ်ႈမၢၵ်ႇႁွတ်ႈၼႆႉ ငဝ်ႈမူႇလမၼ်း ဢွၵ်ႇမႃးတီႈ ၵုၼ်ပသျူးသေ တမ်ႈတီႈ မိူင်းမၢၼ်ႈမိူင်းတႆးၵေႃႈ လႆႈႁၼ်မီးဝႆႉ တင်းၼမ်တင်းလၢႆ။
တူၼ်ႈမၢၵ်ႇႁွတ်ႈ[မႄးထတ်း | မႄးထတ်းငဝ်ႈငႃႇ]
တူၼ်ႈမၢၵ်ႇႁွတ်ႈၼႆႉ ပဵၼ်ၸၢဝ်းတူၼ်ႈၶဵဝ်တႃႇသေႇသေ တၢင်းသုင်တေမီးမွၵ်ႈ 15 ထတ်း တေႃႇ 20 ထတ်း၊ လမ်းယႂ်ႇမၼ်း တေမီးမွၵ်ႈ 1 ထတ်း တေႃႇ သွင်ထတ်းၶိုင်ႈ။ ၼင်ႁေႃႇတူၼ်ႈမၼ်း လဝ်းလီသေ မီးသီမူၼ်ႇသဝ်ႈဝႆႉ။ ၼိူဝ်ႉမႆႉမၼ်း ပဵၼ်ၼိူဝ်ႉၽိူၵ်ႇသေ ၵႅၼ်ႇၶႅင်လီ။ မႂ်မၼ်း ယၢဝ်းဝႆႉလွတ်ႈလွတ်ႈ။ ၶၢဝ်းလိူၼ်သိပ်းၼၼ်ႉ ပဵၼ်ၶၢဝ်းမွၵ်ႇမၼ်းမွၵ်ႇ။ မၢၵ်ႇမၼ်းၼၼ်ႉ ပဵၼ်မၢၵ်ႇပိူၵ်ႇလိူမ်ႈ၊ ႁၢင်ႈၽၢင်မၼ်း ပဵၼ်သၢမ်လဵမ်ႈ ၼႂ်းမၼ်းမီးၸိူဝ်ႉသေ တေယႂ်ႇတၢၼ်ႇ ၶိုင်ႈထတ်း ငၢႆးမိူၼ် မဵတ်ႉထူဝ်ႇလိၼ်။ ၸိူဝ်ႉမၢၵ်ႇႁွတ်ႈၼႆႉ မေႃႁဵတ်းႁႂ်ႈ တွင်ႉၵႃႇလူင်လူင်လၢင်လၢင်လႄႈ ပိူၼ်ႈဢဝ်ႁဵတ်း ယႃႈၶျႃးတွင်ႉယဝ်ႉ။ [1]
- ↑ မြန်မာ့စွယ်စုံကျမ်း၊ အတွဲ ၁ (က-ကုံ)၊ နှာ