ယဝႃလၵဝိမႃၼဝတ်ထု၊ၶုၼ်ၽီ လူႇတၢၼ်း ၶဝ်ႈသႃလီး
7 - ယဝႃလၵဝိမႃၼဝတ်ထု၊ ၶုၼ်ၽီ လူႇတၢၼ်း ၶဝ်ႈသႃလီး[မႄးထတ်း | မႄးထတ်းငဝ်ႈငႃႇ]
ၶုၼ်ၽီ မိူဝ်ႈပၢၼ်ၵူၼ်း ၽွင်းမိူဝ်ႈ ပႂ်ႉသူၼ်ၶဝ်ႈသႃလီးယူႇၼၼ်ႉ လႆႈဢဝ် ၶဝ်ႈသႃလီး လူႇတၢၼ်းပၼ် တမ်ႈတီႈ ၸဝ်ႈရႁၢၼ်းၸဝ်ႈၼိုင်ႈလႄႈ လႆႈမႃးၸၢမ်ႇပူၺ်ႈ ႁေႃဝိမၢၼ်ႇ သဝ်သႅင်ယူႇ-
- 1087။ ႁေႃဝိမၢၼ်ႇ ဢၼ်ပဵၼ်သဝ်သႅင်လႅင်ၼႆႉ သုင်တႄႉယဝ်ႉ။ ပ။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇ ႁိုဝ်သေ လႆႈမႃးမီး ဢူငဝ်းၼင်ႇၼႆၼေႃး။ ပ ။ ဢူငဝ်းမႂ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈမွၵ်ႉ ၵလၢၼ်ႇ ထၢမ်ၵႂႃႇယဝ်ႉ)။
- 1089။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈ ၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
- 1090။ ၸဝ်ႈႁဝ်းတီႈၶႃႈ တမ်ႈတီႈ မိူင်းၵူၼ်း မိူဝ်ႈပဵၼ်ၵူၼ်းၼၼ်ႉ ၶႃႈပဵၼ် ၵူၼ်းပႂ်ႉသူၼ် ၶဝ်ႈသႃလီႈပိူၼ်ႈဢေႃႈ။ (ၽွင်းၼၼ်ႉ) ၶႃႈတပႄး လႆႈႁၼ်လႆႈဝႆႉ ၸဝ်ႈရႁၢၼ်း ဢၼ်ဢမ်ႇမီး မုၼ်ႈၶႆးၵိလေႇသႃႇ ဢၼ်ဢမ်ႇမီး ၸႂ် ၶုၼ်ႇသဝ်ႈဝဝ်းလမ်ၼၼ်ႉယဝ်ႉ။
- 1091။ ၸဝ်ႈႁဝ်းတီႈၶႃႈ ၶႃႈတပႄး မီးၸႂ်ၼပ်ႉယမ်ၸိုၼ်ႈသႂ်သေ တၢမ်တူဝ် လႆႈဢဝ်ၶဝ်ႈမုၼ်းသႃလီး ပုၼ်ႈတႃႇၶႃႈၼၼ်ႉ လူႇတၢၼ်းပၼ်ဢေႃႈ။ ယွၼ်ႉပိူဝ်ႈ ၶႃႈတပႄး လႆႈလူႇတၢၼ်း ၶဝ်ႈသွမ်းသႃလီးၼၼ်ႉလႄႈ လႆႈႈမႃးၸၢမ်ႇပူၺ်ႈ သူၼ်သိူဝ်းၼၼ်ႇတဝၼ်ႇၼႆႉယဝ်ႉ။
- 1092။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇၼၼ်လႄႈ ၶႃႈၸင်ႇမႃးလႆႈ ၵုသူဝ်ႇလၢၵ်ႇလၢႆးၼင်ႇၼႆယဝ်ႉ။ ပ။ ဢူငဝ်းၶႃႈႁဝ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွပ်ႇၵႂႃႇၼင်ႇၼႆယဝ်ႉ)။
ယဝပႃလၵဝိမႃၼဝတ်ထု ႁူဝ်ၸဵတ်း သုတ်းယဝ်ႉ။
ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ ပႃယႃသိဝၷ်၊ ယဝပႃလၵဝိမႃၼဝတ်ထု