ၽူႈၸၢႆးၼုမ်ႇ ယသ

"ဢေႃး-တုၵ်ႉၶၶၢၼ်ၸႂ်လူင်ဢိူၺ်း"

သဵင်ၸိူဝ်းၼႆႉ ပဵၼ်သဵၼ်ဢၼ်လႆႈငိၼ်း ၽၢႆႇတၢင်းၼွၵ်ႈထိူၼ်ႇမိၵတႃႇဝုၼ်ႇ ဢၼ်တိုင်ၶဝ်မူၼ်ႈသိူဝ်း ဢၼ်မီးတီႈဢိသိပတၼၼၼ်ႉယူႇယဝ်ႉ။ ယၢမ်းႁူဝ်ၼႂ်ၼႃႈမိူင်းသႂ် ၽြႃးပဵၼ်ၸဝ်ႈၽၢႆႈသၢင်းၵျၢၼ်ႇယူႇၼၼ်ႉ ၸဝ်ႈၸင်ႇဢဝ်ၺၢၼ်ႇသေ ႁူႉဝႃႈ ပဵၼ်သဵင်ၽူႈၸၢႆးၼုမ်ႇယသ ဢိူဝ်ႈ-ၼႆ။ "ၽူႈၸၢႆးၼုမ်ႇယသၼႆႉ ပဵၼ်လုၵ်ႈၸၢႆးသုၸႃႇတႃႇ ဢၼ်လူႇတၢၼ်းၼွပ်ႇဢၢပ်ႈၶၼႃႇၶဝ်ႈၼမ်ႉၼူမ်းၼၼ်ႉ ၼင်ႇႁိုဝ်ၵဝ်ၽြႃး ဢမ်ႇၵိၼ်သင်ၵေႃႈ ႁႂ်ႈပေႃးယူႇလႆႈၸဵတ်းဝၼ်း ၸဵတ်းတီႈၼၼ်ႉယူႇယဝ်ႉ။ တေႃႈလဵဝ်မၼ်းၼႆႉ လႆႈထူပ်းတၢင်းတုၵ်ႉၶၶၢၼ်ၸႂ်ယူႇ"။

ပုတ်ႉထၸဝ်ႈၼႆႉ ၵိုတ်းလွင်ႈၽၢႆႈသၢင်းၵျၢၼ်ႇယဝ်ႉ ၼင်ႈယူႇတီႈၼိုင်ႈသေ ၸင်ႇလၢတ်ႈဝႃႈ "ၽူႈၸၢႆးၼုမ်ႇသယ၊ မႃးတီႈၼႆႈလႄႈ၊ တီႈၼႆႈၼႆႉ ဢမ်ႇမီးတၢင်းတုၵ်ႉၶၶၢၼ်ၸႂ်သင်" ပူင်ၼင်ႇၼႆ၊ ယသၼႆႉ မွင်းလႆႈငိၼ်းသဵင်ပုတ်ႉထၸဝ်ႈၵေႃႈ ၸူမ်းသိူဝ်းသေ မႃးၸမ်တမ်ႈတီႈၽြႃးပဵꧣ်ၸဝ်ႈယဝ်ႉ ၸင်ႇမႃးၶုပ်ႉဝႆႈ။ ၽူႈၸၢႆးၼုမ်ႇသယၼႆႉ ပႃႇရမီႇ ဢၼ်ထႅမ်မႃးလၢႆလၢႆၽဝၼၼ်ႉၵေႃႈ ၵႄႇထူၼ်ႈလီယဝ်ႉသေ ၽြႃးပဵၼ်ၸဝ်ႈ ၸင်ႇႁူႉႁၼ်ဝႃႈ တေႃႈလဵဝ် ထုၵ်ႇပဵၼ်ရႁၢၼ်းတႃႇယဝ်ႉသေ ၽြႃးပဵၼ်ရႁၢၼ်းတႃႇယဝ်ႉ ၼႆလႄႈ ၸင်ႇသၢင်းလၢင်းႁေႃးၼႄ သဵၼ်ႈတၢင်းမၢၵ်ႈၵၢင်ႇပႅတ်ႇပိူင်ယူႇယဝ်ႉ။ လႆႈၶုၺ်ႉႁၼ်ႁူႉထိုင်သၽေႃးဢၼိတ်ႉၸလီငၢမ်းသေ (ဢုပၻႃဝယ ꩪမ်မိၼေႃ) လွင်ႈပဵၼ်လူႉမွတ်ႇႁၢႆၵေႃႈ လႆႈၶုၺ်ႉႁၼ်ႁူႉထိုင်ယူႇယဝ်ႉ။ (ဢုပ်ပꩡ်ꩡိတွႃ ၼိရုတ်ꩡၼ်တိ) မၼ်းၼႆႉ လႆႈႁူပ်ႉႁၼ်ၼိပ်ႉပၢၼ်ႇႁူဝ်တီးမၼ်းသေ ပဵၼ်သေႃးတႃႇပၢၼ်ႇၵႂႃႇယူႇယဝ်ႉ။

ယၢမ်းၼၼ်ႉၼင်ႇၵဝ်ႇ ၵေႃႉပဵၼ်ပေႃႈ ဢၼ်ဢွၵ်ႇမႃးႁႃလုၵ်ႈၸၢႆးမၼ်းၼၼၼ်ႉ ၸင်ႇၽႅဝ်မႃးသူၼ်လူင်တိုင်။ ပုတ်ႉထႁေႃးၼႄပၼ်တြႃးပေႃႈယသၶဝ်ထႅင်ႈ။ ပေႃႈယသၶဝ်ၵေႃႈ လႆႈၶုၺ်ႉႁၼ်ႁူႉထိုင်လွင်ႈပဵၼ်လူႉသေ ၸင်ႇပဵၼ်သေႃးတႃႇပၢၼ်ႇၵႂႃႇထႅင်ႈ။ ယသၼႆႉ ၽွင်းမိူဝ်ႈၽြႃးပဵၼ်ၸဝ်ႈႁေႃးၼႄ တြႃးပေႃႈမၼ်းယူႇၼၼ်ႉ သိုပ်ႇတူၺ်းတွင်းၵျၢင်ႉၵမ်ဝိပသ်သၼႃႇလႄႈ လႆႈပဵꧣ်ရႁၢၼ်းတႃႇၵႂႃႇ။ ပေႃႈၶဝ်ၼႆႉ ပေႃးဝႃႈလႆႈႁူႉလွင်ႈၼႆႉယဝ်ႉ ယိၼ်းပဵၼ်ဢၼ်ၸူမ်းသိူဝ်းလူင်လၢင်သေ ၸင်ႇၽိတ်ႈပၢင်းၽြႃးပဵၼ်ၸဝ်ႈ တႃႇမႃးဢဝ်သွမ်းတမ်ႈတီႈႁိူၼ်းမၼ်းသေ ၶဝ်တၢင်းႁေႃတင်းႁိူၼ်းၵေႃႈ ၸင်ႇႁပ်ႉပဵၼ်သႃႇဝၵပုတ်ႉထၸဝ်ႈယူႇယဝ်ႉ။

ပုတ်ႉထၸဝ်ႈၼႆႉ ယေႃးၶိင်းၽႅဝ်ႁိူၼ်းပေႃႈယသၶဝ်ယဝ်ႉ ႁေႃးပၼ်တြႃးမႄႈမၼ်းလႄႈ မေးမၼ်းသေ ၶႃသွင်ၵေႃႉၵေႃႈ လႆႈပဵၼ်သေႃးတႃႇပၢၼ်ႇၵႂႃႇ။ တႃႇၼၶဝ်ႈသွမ်းၼမ်ႉၼူမ်း ဢၼ်သုၸႃႇတႃႇလူႇတၢၼ်းၼၼ်ႉ မီးၽွၼ်းလီယႂ်ႇၼမ်တႄႉတႄႉ။

ဝၢႆးသေၽြႃးၿဵၼ်ၸဝ်ႈလႄႈ ပၼ်ႇၸဝၵ်ႉၵီႇႁႃႈၸဝ်ႈယဝ်ႉ ယသၼႆႉ ပဵၼ်ရႁၢၼ်းတႃႇ ၸဝ်ႈတူၼ်ထီႉၸဵတ်းယဝ်ႉ။ ပေႃႈမႄႈလႄႈ မေးမၼ်းၵေႃႈ ပဵၼ်သေႃးတႃႇပၢၼ်ႇဢွၼ်တၢင်းပိူၼ်ႈသုတ်းယူႇယဝ်ႉ။

ၸိူဝ်းပဵၼ်ဢူၺ်းလီသယသီႇသိပ်းႁႃႈၵေႃႉ ဢၼ်ပဵၼ်လုၵ်ႈၵူၼ်းၵႃႉၸိူဝ်းၼၼ်ႉ လႆႈႁူႉငိၼ်းလွၵ်ႈလႅၵ်ႈလၢႆႈယႂ်ႇလူင် ၸူဝ်ႈပၢၼ်ၽဝယသသေ ၶဝ်ၵေႃႈ ၸင်ႇဢွၼ်ၵၼ်မႃးတမ်ႈတီႈပုတ်ႉထၸဝ်ႈယဝ်ႉ မႃးဝွၼ်ႈႁူမ်ႈတရၼႃႇၵႅဝ်ႈမျၢတ်ႈ သၢမ်ပိူင်ယူႇယဝ်ႉ။ၶဝ်တင်းသဵင်ႈၵေႃႈ ယွၼ်ႉပႃႇရမီႇၶဝ်ဝၼ်းလင် တိုၼ်းတဵမ်ထူၼ်ႈဝႆႉလႄႈ ဢွၵ်ႇပူၼ်ႉမူၼ်ႉလွတ်ႈတုၵ်ႉၶ၊ တၢင်းၶၢၼ်ၸႂ်တင်းလူင်သေ ပဵၼ်ရႁၢၼ်းတႃႇၵႂႃႇ။ ပၼ်ႇၸဝၵ်ႉၵီႇႁႃႈၸဝ်ႈလႄႈ ယသပႃးတင်းၵူၼ်းၵႃႉႁႃႈသိပ်းၵေႃႉ ႁူမ်ႈတၢင်းသဵင်ႈ မီးရႁၢၼ်းတႃႇၵႂႃႇႁူၵ်းသိပ်းတူၼ်ယူႇယဝ်ႉ။

ၵူၼ်းၸိူဝ်းဢမ်ႇႁူႉသင်သေ မၢပ်ႇမႂ်ဝႃႈ ၽြႃးပဵၼ်ၸဝ်ႈပဵၼ်ၽူႈဢၼ်ယိပ်းၵမ်ဝႃႇတဢၼ်ႁၢႆႉၸႃႉၼႆၼၼ်ႉ သင်ၶဝ်လႆႈႁူႉလွင်ႈတြႃးမၢၼ်ႇမႅၼ်ႈၸိူဝ်းၼႆႉၼႆၸိုင် ယင်းတေဢမ်ႇမၢပ်ႇမႂ်သင်ယဝ်ႉ။ သင်ၶဝ်လႆႈႁူႉႁၼ်ယဝ်ႉတႄႉၸိုင် ၶဝ်တလႆႈၼႅင်ၸႂ်ၶိုၼ်းယူႇ ဢမ်ႇႁၢင်ႉယဝ်ႉ။

ၽိုၼ်ဢိင်

ၼႃႈလိၵ်ႈ ႓႓၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)