ၾွင်ႇတေးသျိၼ်း ပၺ်ႇၺႃႇပႃႇရမီႇ

ၾွၼ်းတေးသျိၼ်း ပၺ်ႇၺႃႇပႃႇရမီႇၼႆႉ ၸဝ်ႈသြႃႇသုၶမ်း ဢဝ်ငိုၼ်းၸဝ်ႈ (500) သႅၼ် ၽုၵ်ႇၽင်ဝႆႉ ၼႂ်းယေးငိုၼ်း ၵမ်ႇပေႃးၸသေ တႄႇတင်ႈဝၢၼ်ႇၸိူဝ်ႉၽၼ်း မိူဝ်ႈ ဝၼ်းထီႉ (01.02.2012) ၼၼ်ႉယဝ်ႉ။ ထိုင်မႃး (29.05.2012) ၸင်ႇၽွတ်ႈပဵၼ်ၸုမ်း တမ်ႈတီႈ လွႆတိုင်ၶမ်း ဝဵင်းမူႇၸေႈသေ ဝႆႉပဵၼ် ငဝ်ႈၸိုင်ႈၸုမ်းၵႂႃႇယူႇ။ ၸုမ်းၽႄ ၸႄႈဝဵင်းလႂ် ၸႄႈဝဵင်းၼၼ်ႉၵေႃႈ တေသိုပ်ႇၽွတ်ႈၵႂႃႇသေ တေလႆႈ ၸွႆႈႁႃပၼ် ႁႂ်ႈၸဝ်ႈတႃႇၼၶဝ် ပေႃးလႆႈပဵၼ် ပၺ်ႇၺႃႇပႃႇရမီႇ ၵႂႃႇၼၼ်ႉယူႇ။

ယိူင်းဢၢၼ်း

1. ၸွႆႈထႅမ် လုၵ်ႈဢွၼ်ႇႁဵၼ်း ၸိူဝ်းပူၼ်ႉ ၸၼ်ႉသိပ်းသေ ထူပ်းၺႃးတၢင်းယၢပ်ႇၽိုတ်ႇ လွင်ႈငိုၼ်းတွင်း တႃႇတေသိုပ်ႇၶိုၼ်ႈၸၼ်ႉၸွမ် ႁႂ်ႈပေႃးယဝ်ႉတူဝ်ႈ။
2. ၸွႆႈထႅမ် ႁူင်းႁဵၼ်းပၺ်ႇၺႃႇမုၼ်ၸဝ်ႈ ဢၼ်မီးတၢင်းယၢပ်ႇ။
3. ၸွႆႈထႅမ် ပၢင်သွၼ်ၽိင်ႈငႄႈပုတ်ႉထလႄႈ လိၵ်ႈတႆးၶၢဝ်းမႆႈ။

ၽႅၼ်ၵၢၼ်ႁပ်ႉငိုၼ်းလူႇ

တႃတေလႆႈငိုၼ်း တၢင်းလူႇ/ငိုၼ်းၸွႆႈထႅမ်ၼၼ်ႉ တေႁပ်ႉဢဝ် တမ်ႈတီႈၸုမ်းလႄႈ ၸဝ်ႈတႃႇၼ ၸိူဝ်းတီႈတႂ်ႈၼႆႉယူႇ။

1. ၸုမ်းလူင်ပွင်ၸိုင်ႈ သေၸုမ်းၸုမ်း လူႇတၢၼ်းမႃး။
2. ၸုမ်း NGO ဢႅၼ်ႇၵျီႇဢူဝ်ႇ လူႇတၢၼ်းမႃး။
3. ၸုမ်း UN သေၸုမ်းၸုမ်း လူႇတၢၼ်းမႃး။
4. ၸဝ်ႈတႃႇၼ ပုၵ်ႉၵလိၵ လူႇတၢၼ်းမႃး။
5. ႁဵတ်းပပ်ႉႁွမ်ငိုၼ်းသေ ၵဵပ်းငိုၼ်းလူႇ ၵူႈလိူၼ်။
6. မွၵ်ႇမၢၵ်ႇငိုၼ်း ၼႂ်းယေးငိုၼ်း ဢၼ်ဢွၵ်ႇမႃး။

ၾၢႆႇ:BanYar Tai copy.jpg

ႁၢင်ႈႁိင်ႈပပ်ႉၵဵပ်းငိုၼ်း ပၺ်ႇၺႃႇပႃႇရမီႇ ၾွင်ႇတေးသျိၼ်း

ၽႅၼ်ၵၢၼ်ၸႂ်ႉငိုၼ်းလူႇ

ငိုၼ်းၸိူဝ်းၼၼ်ႉ-

1. တေဢဝ်သႂ်ႇဝႆႉ ၼႂ်းယေးငိုၼ်း တေဢမ်ႇတိူဝ်ႉ ၼိူဝ်ႉငိုၼ်းသေ တေဢဝ် မွၵ်ႇမၢၵ်ႇမၼ်း လူႇၵႂႃႇ ပီလႂ်ပီၼၼ်ႉ။
2. တႃႇတေ ၸွႆႈထႅမ် လုၵ်ႈႁဵၼ်းလႄႈ ႁူင်းႁဵၼ်း ပၢႆးပၺ်ႇၺႃႇ မုၼ်ၸဝ်ႈၼၼ်ႉ တေလႆႈပႃႇၸႃးလိူၵ်ႈဢဝ် ၸိူဝ်းဢၼ်ထူပ်း တၢင်းယၢပ်ႇၽိုတ်ႇ ငိုၼ်းတွင်း လိူဝ်ပိူၼ်ၼၼ်ႉသေ ၸွႆႈထႅမ်ၵႂႃႇ ႁႂ်ႈမီးၼမ်ႉတွၼ်းၽွၼ်းလီ။
3. တႃႇတေၸွႆႈထႅမ်ၼၼ်ႉ မူႇၸုမ်း တေလႆႈဢုပ်ႇၵၼ် လႆႈၸႂ်ၵၼ်ၵႂႃႇ ႁႂ်ႈမီးၼမ်ႉတွၼ်းၽွၼ်းလီ။
4. လုၵ်ႈႁဵၼ်း ဢၼ်ထူပ်းတၢင်းယၢပ်ႇၼၼ်ႉ ၽူႈမီးပုၼ်ႈၽွၼ်းတေလႆႈ ၸွပ်ႇႁႃသေ ၵဵပ်းႁွမ်သဵၼ်ႈမၢႆ တၢင်ႇထိုင်ၸုမ်း
5. တူဝ် လုၵ်ႈႁဵၼ်းၵေႃႈ တၵ်းတေလႆႈမီးၵၢင်ၸႂ် ၽိူၵ်ႇၸိုၼ်ႈၶၢဝ်သႂ် ၶႂ်ႈလႆႈတၢင်းၸွႆႈထႅမ်သေ တုၵ်းယွၼ်း တၢင်ႇထိုင်မႃး။
6. ၵၢင်ၸႂ် မူႇၸုမ်း ၸဝ်ႈတႃႇၼ/ ၵၢင်ၸႂ် ပုၵ်ႉၵလိၵၶဝ် ယိူင်းဢၢငၼ်း ၶႂ်ႈလူႇၸိူင်ႉၼင်ႇႁိုဝ်ၵေႃႈ တေၸွႆႈထႅမ် ႁဵတ်းပၼ်ၵႂႃႇ။

မၢႆမီႈၸုမ်း

1. ဢႃႇယု ၽူႈၶဝ်ႈၸုမ်းၵေႃႇမတီႇ ဝႆႉပၼ် (႔) ပီ။
2. ၼိုင်ႈလိူၼ် ႁဵတ်းပၢင်ၵုမ် ၼိုင်ႈပွၵ်ႈသေ တမ်းၶေႃႈမၵ်းမၢႆ။
3. ဢမ်ႇမီးလွင်ႈတၢင်း ၼႅၼ်ႈၼႃသင်သေ ၽူႈၶဝ်ႈၸုမ်း တေဢမ်ႇလႆႈလုတ်ႈႁၢမ်း ပၢင်ၵုမ်။
4. ၽူႈၶိုၼ်ႈပၢင်ၵုမ် ပေႃးမီးၶိုင်ႈလိူဝ်ၸိုင် ပၢင်ၵုမ်ဢွင်ႇယဝ်ႉ။
5. ငိုၼ်းလူႇမႂ်ႇၸိူၼ်းၼၼ်ႉ ၼႂ်းလိူၼ်မႂ်ႇ ႕ ဝၼ်း တေလႆႈသႂ်ႇ ယေးငိုၼ်းၵမ်ႇပေႃးၸႃႉ မူႇၸေႈ မၢႆ 009122003793။
6. ၽူႈၶဝ်ႈၵေႃ ၽူႈၶဝ်ႈၸုမ်းတင်းသဵင်ႈ မီးပုၼ်ႈၽွၼ်းဢၼ်လႂ်ၵေႃႈ တေလႆႈ ပႃးၸႂ်ပႃးၶေႃး ႁဵတ်းၵႂႃႇ။
7. သဵၼ်ႈမၢႆ ငိုၼ်းၶဝ်ႈ/ဢွၵ်ႇ၊ ငိုၼ်းၼႂ်းယေးငိုၼ်း ဢိၵ်ႇသဵၼ်ႈမၢႆ တၢင်ႇၸိူဝ်ႉတၢင်ႇပိူင်ၼၼ်ႉ တေလႆႈတႅမ်ႈမၢႆဝႆႉလီလီ။
8. သဵၼ်ႈမၢႆ သပ်းလႅင်းငိုၼ်း တေလႆႈတၢင်ႇၼႄ တမ်ႈတီႈ ပၢင်ၵုမ်ၵူႈလိူၼ်သေ ဢဝ်ၶေႃႈမၵ်းမၼ်ႈၵႂႃႈ။
9. မိူၵ်ႈလိူၵ်ႈ ၽူႈတေႁပ်ႉငိုၼ်းၸွႆႈထႅမ်ၼၼ်ႉ ၼင်ႇႁိုဝ် တေပဵၼ် ထမ်ႇမတဵၵ်ႉထၢၼ်ႇၼႆ တၵ်းတေလႆႈဢဝ် ၶေႃႈမၵ်းမၼ်ႈ ၽူႈၶဝ်​ႈၵေႃ ၽူႈၶဝ်ႈၸုမ်းၶဝ် ဢၼ်ႁဵတ်းၸွမ်း မၢႆမီႈၶေႃၶေႃ ၵႂႃႇ။