ပႃတုၵ်ႉၶ

ဢၼ်ပဵၼ် ၽၵ်းပႃတုၵ်ႉၶၼႆႉ မၼ်းပဵၼ် တၢင်းၽၵ်း ၵူၼ်းၼႂ်းၼွင်ၶဝ်မဵဝ်းၼိုင်ႈလႄႈ တေလႆႈႁၼ် တီႈမိူင်းတႆးလႄႈ မိူင်းမျၢၼ်ႇမႃႇ ပွတ်းၼိူဝ်။

ၵီးၸိူဝ်းၶဝ်ႈပႃး

1. ပႃတီႇလႃးပီးယႃး (ပႃးၶႆႇ)
2. မၢၵ်ႇၶိူဝ်သူမ်ႈ
3. ၶိင်
4. တူၼ်ႈၽၵ်းမီႇၶဵဝ်
5. မၢၵ်ႇၽဵတ်း
6. မၢၵ်ႇၽႃႈ
7. ၽၵ်းမီႇႁေႃ(ၽၵ်းလူဝ်)

လၢႆးႁဵတ်းလၢႆးႁုင်

ဢဝ်ပႃ တီႇလႃးပီးယႃးဢၼ်သုၵ်ႈဝႆႉၼၼ်ႉသေ မႃးၽႃႇတွင်ႉမၼ်း။ ယဝ်ႉၵေႃႈ ဢဝ်ၶႆႇၼႂ်းတွင်ႉမၼ်းၼၼ်ႉ ဢွၵ်ႇဝႆႉႁင်းမၼ်း။ ဢဝ်ၶႆႇပႃၼၼ်ႉ ဢွင်ႇလေႃး မၢၵ်ႇၶိူဝ်သူမ်ႈ ဢၼ်ၽၵ်ႉဝႆႉ ဢိၵ်ႇတင်း ၽၵ်းမီႇၶဵဝ်၊ ၶိင် ၸိူဝ်းၼႆႉ။ ပေႃးဝႃႈ ဢွင်ႇၶႆႇပႃၼၼ်ႉယဝ်ႉၼႆ ၶိုင်ႈၼိုင်ႈၼႆႉ ဢဝ်သႂ်ႇပၼ်ၼႂ်းတွင်ႉပႃသေ ၼင်ႇႁိုဝ်မၼ်းတေဢမ်ႇၶိုၼ်းဢွၵ်ႇမႃးၼၼ်ႉ ဢဝ်တွၵ်ႇသေ မတ်ႉတူဝ်ပႃၼၼ်ႉလႄႈ။ ပေႃးယဝ်ႉ ဢဝ်ပႃၼၼ်ႉ ၶိုၼ်းၶူဝ်ႈၼႂ်းၼမ်ႉမၼ်းမႆႈမႆႈ။ ပေႃးပႃၼၼ်ႉ ႁၢမ်ႇလိူင်မႃးၼႆ ၶိုၼ်းဢဝ်ပႃၼၼ်ႉဢွၵ်ႇသေၵေႃႈ ဢဝ် ၶႆပႃဢွင်ႇဢၼ်ၵိုတ်းဝႆႉ ၶိုင်ႈၼိုင်ႈၼၼ်ႉ ထွၵ်ႇသႂ်ႇၼိူဝ်ပႃးၼၼ်ႉၼႆ တေလႆႈမႃး ၽၵ်းပႃတုၵ်ႉၶ ႁွမ်ႁွမ်ဢွၼ်ႇမီႇၼိုင်ႈယဝ်ႉ။ တႃႇတေႁဵတ်းၼမ်ႉၽိတ်ႉ ၵိၼ်ၵိုၵ်းမၼ်းတႄႉၵေႃႈ ဢဝ် ၽၵ်းမီႇႁူဝ်လႅင်၊ မၢၵ်ႇၽဵတ်းၶဵဝ် တင်းမၢၵ်ႇၽႃႈ တမ်လေႃးၵၼ်သေၵေႃႈ ၵိၼ်ၵိုၵ်းၵႂႃႇလႆႈယူႇ။