ဝီႇၶီႇၽီးတီးယႃး:ဝီႇၶီႇၽီးတီးယႃးၼႆႉ ဢမ်ႇၸႂ်ႈပဵၼ်သင်
 | ဤ ပွင်ႈၵႂၢမ်း ဢမ်ႇၼၼ် ပွတ်းတွၼ်ႈၼႆႉ တိုၵ်ႉပဵၼ်ၽွင်းၶႂၢၵ်ႈ ဢမ်ႇၼၼ် တိုၵ်ႉပဵၼ်ၽွင်းမႄးထတ်း တႄႉတႄႉဝႃႈဝႃႈဝႆႉလႄႈ ၸဝ်ႈၵဝ်ႇၵေႃႈ ၶဝ်ႈႁူမ်ႈၸွႆႈတႅမ်ႈလႆႈယူႇၶႃႈ။ သင်ၸိူဝ်ႉဝႃႈ တွၼ်ႈပွင်းၵႂၢမ်း ဢမ်ႇၼၼ် ပွတ်းတွၼ်ႈၼႆႉ သင်ၸိူဝ်ႉဝႃႈ ၼႂ်းဝူင်ႈဝၢင်ႈၼႆႉ ဢမ်ႇမီးလွင်ႈမူၼ်ႉမႄးသင်ၼႆ ၶႅၼ်းတေႃႈ ဢဝ်ထႅမ်းပလဵၵ်ႉဢၼ်ၼႆႉ မွတ်ႇပႅတ်ႈလႄႈ။ သင်ၸိူဝ်ႉဝႃႈ ၸဝ်ႈၵဝ်ႇပဵၼ်ၵေႃႉသႂ်ႇ ထႅမ်းပလဵၵ်ႉၼႆႉသေ တိုၵ်ႉပဵၼ်ၽွင်းမႄးထတ်းယူႇၼႆ ၼႂ်းၵႄႈ လွင်ႈမႄးထတ်း ဢၼ်ၼိုင်ႈလႄႈ ဢၼ်ၼိုင်ႈ ၶႅၼ်းတေႃႈ ဢဝ်ထႅမ်းပလဵၵ်ႉ {{in use}} ၼႆႉသေ တႅၼ်းတၢင်ပၼ်လႄႈ။
ၼႃႈလိၵ်ႈ ဢၼ်ၼႆႉၼႆႉ Saimawnkham (ဢုပ်ႇၵုမ် | ၵမ်ႉထႅမ်) ၵေႃႉ မူၼ်ႉမႄးမႃးလိုၼ်းသုတ်း 5 ပီ ပူၼ်ႉမႃးၼၼ်ႉၶႃႈဢေႃႈ။။ (တႃႇမႄးလၢင်ႉ) |
 | ၼႃႈလိၵ်ႈဢၼ်ၼႆႉၼႆႉ ပဵၼ်ၼႃႈလိၵ်ႈ လၵ်းၵၢၼ် ဝီႇၶီႇၽီးတီးယႃးတႆး ဢၼ်ၼိုင်ႈသေ လႆႈမၵ်းမၼ်ႈဝႆႉပဵၼ် လၵ်းၸဵင်ဢၼ်ၼိုင်ႈသေ ၽူႈမႄးထတ်းၶဝ်တင်းသေ တေလႆႈသၢင်ႈၸွမ်းယူႇယဝ်ႉ။ လွင်ႈမူၼ်ႉမႄးပိူင်ၵၢၼ်ၼႆႉ တေလႆႈဢဝ် ၵၢင်ၸႂ်ၵူၼ်းတင်းၼမ်သေ ႁဵတ်းသၢင်ႈၵႂႃႇၶႃႈ။ |
 | ပေႃးတေလႆႈလၢတ်ႈပွတ်းပွတ်း ၼႃႈလိၵ်ႈၼႆႉၼႆ:
|
ဝီႇၶီႇၽီးတီးယႃးၼႆႉ ပဵꧣ် ပပ်ႉသႅၼ်သမ်ႇဢွၼ်ႇလၢႆးဢၼ်ၼိုင်ႈသေ ပဵၼ် လွင်ႈၵေႃႇသၢင်ႈ ပပ်ႉသႅၼ်သမ်ႇ ဢၼ်မီးၼမ်ႉၸႂ်ႉသုင်၊ ဢၼ်မီးလွင်ႈၶဵင်ႇၼပ်ႉယမ်ၼိူဝ်ၵၼ်၊ တီႈလွင်ႈၸႂ်ႉတိုဝ်းၼၼ်ႉၵေႃႈ ပဵၼ် တူင်ႇဝူင်း ဢွၼ်ႇလၢႆး ဢၼ်ၸိူဝ်း ၽူႈသူင်ၸႂ်ၶဝ် ၶဝ်ႈပႃးဝႆႉ ၵေႃႉလႂ်ၵေႃၼၼ်ႉယဝ်ႉ။ ယွၼ်ႉၼၼ် မီးဝႆႉၶေႃႈၵမ်ႈၽွင်း ဢၼ်ဝႃႈ ဝီႇၶီႇၽီးတီးယႃးၼႆႉ ဢမ်ႇၸႂ်ႈပဵၼ်သင် ဢၼ်ဝႃႈၼၼ်ႉယဝ်ႉ။
ပိူင်ၽၢင်ႁၢင်ႈ
[မႄးထတ်းငဝ်ႈငႃႇ]ဝီႇၶီႇၽီးတီးယႃးၼႆႉ ဢမ်ႇၸႂ်ႈပပ်ႉသႅၼ်သမ်ႇၼိူဝ်ၸေႈ ဢၼ်ၼိုင်ႈ
[မႄးထတ်းငဝ်ႈငႃႇ]
ဝီႇၶီႇၽီးတီးယႃးၼႆႉ ဢမ်ႇၸႂ်ႈပပ်ႉသႅၼ်သမ်ႇၼိူဝ်ၸေႈသေ မၼ်းပဵၼ် လၢႆးၵၢၼ်ပပ်ႉသႅၼ်သမ်ႇ တီႇၵျိတ်ႇတႄႇ ဢၼ်ၼိုင်ႈယဝ်ႉ။ လိူဝ်သေ လွင်ႈမၵ်းမၼ်ႈၼႄႉၼွၼ်းလႆႈ လႄႈ ၸိူဝ်းဢၼ်ၼႄဝႆႉတၢင်ႇၸိူဝ်း တီႈၼႂ်းၼႃႈလိၵ်ႈၼႆႉသေ ဢၼ်ပဵၼ်ႁူဝ်ၼပ်ႉႁူဝ်ၶေႃႈ ဢၼ်ဝီႇၶီႇၽီးတီးယႃး ႁူမ်ႇငမ်းလႆႈ ဢမ်ႇၼၼ် ႁူဝ်ၼပ်ႉတင်းသဵင်ႈၼိူဝ် လွင်ႈတၢင်းၸိူဝ်းၼၼ်ႉ ဢမ်ႇလႆႈမီး လွင်ႈမၵ်းၶၢၼ်းသင်ဝႆႉ။ ၵူၺ်းၵႃႈဝႃႈ ၼင်ႇ § ၶေႃႈတၢင်း ဝီႇၶီႇၽီးတီးယႃး ဢၼ်ၼႄဝႆႉၽၢႆႇတႂ်ႈၼႆႉ မီးဝႆႉ လွင်ႈပႅၵ်ႈပိူင်ႈလမ်ႇလွင်ႈ တီႈၼႂ်းၵႄႈ ဢၼ်ႁဵတ်းသၢင်ႈ လႆႈ လႄႈ ဢၼ် ထုၵ်ႇ ႁဵတ်းသၢင်ႈၼၼ်ႉယဝ်ႉ။ ယွၼ်ႉၼၼ်လႄႈ ပိူင်ၵၢၼ်ဢၼ်ၼႆႉ မၼ်းဢမ်ႇၸႂ်ႈမႂ်တိုတ်း တွၼ်ႈတႃႇသုၼ်ႇၶဝ်ႈႁူမ်ႈသေ ၸိူဝ်းတေလႆႈႁဵတ်းၸွမ်းတႄႉ ပဵၼ် ပိူင်ၵၢၼ်လွင်ႈတၢင်း ဢၼ်ငမ်ႇမႅၼ်ႈ၊ ပိူင်လူင်မၼ်း ၸိူဝ်းပဵၼ်လွင်ႈတၢင်း ဢၼ်ၼႄဝႆႉတီႈ ပဝ်ႉမၢႆလူင်ႁႃႈယိူင်ႈၼၼ်ႉယဝ်ႉ။
ယွၼ်ႉမၼ်းမီးၽွၼ်းၵမ်းသိုဝ်ႈၼိူဝ် ႁူဝ်ၵမ်း ဢၼ်လူတ်ႇလူင်းၼႃႈလိၵ်ႈလႄႈ တွၼ်ႈတႃႇတေလႆႈထိင်းသိမ်းပၼ် သႅၼ်းသတ်ႉပွင်ႈၵႂၢမ်း ႁႂ်ႈမၼ်းသၢင်ႇထုၵ်ႇၼႆ မၼ်းလမ်ႇလွင်ႈ တွၼ်ႈတႃႇ ႁႂ်ႈၸႂ်ႉဝီႇၶီႇၽီးတီးယႃးလႆႈငၢႆႈငၢႆႈ (ပိူင်လူင်မၼ်း တွၼ်ႈတႃႇၽူႈၸိူဝ်းလူၸွမ်း dial-up လႄႈ mobile browserၼၼ်ႉ)ယဝ်ႉ။ ၸႅၵ်ႇဢဝ်ၸိူဝ်းပဵၼ်ပွင်ႈၵႂၢမ်း ဢၼ်ယၢဝ်းယၢဝ်းၼၼ်ႉသေ ၵူၺ်းဝႆႉပၼ် ႁူဝ်ႁုပ်ႈတီႈၵႅပ်ႈမၼ်းၼႆႉ မၼ်းပဵၼ် လွၵ်းလၢႆး တေႁဵတ်းႁႂ်ႈ ႁူဝ်ၶေႃႈပွင်ႈၵႂၢမ်းဢၼ်ၼိုင်ႈ တိူဝ်းတွၼ်းၶိုၼ်ႈယႂ်ႇမႃးယဝ်ႉ (see Wikipedia:Summary style)။ ႁူဝ်ၶေႃႈၵမ်ႈၽွင်ႈၼႆႉ တေၸၢင်ႈၶဝ်ႈပႃး ႁူဝ်ႁုပ်ႈၵႃႈတီႈ ပပ်ႉသႅၼ်သမ်ႇပဵၼ်ပပ်ႉၼၼ်ႉသေတႃႉ တိူဝ်းသႂ်ႇပၼ်ၶေႃႈမုၼ်း၊ ႁဵင်းၵွင်ႉၽၢႆႇၼွၵ်ႈ တီႈဝီႇၶီႇၽီးတီးယႃးသေ တေၸၢင်ႈႁဵတ်း လွင်ႈမူၼ်ႉမႄးပၼ်လႆႈ ၽႂ်းၽႂ်းၼၼ်ႉယဝ်ႉ။