ၼိၵ်းၵီႉ မီႇၼၢတ်ႇ

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ၼိၵ်းၵီႉ မီႇၼၢတ်ႇ
Nicki Minaj VMA 2018 03 (cropped).png
မီႇၼၢတ်ႇ လႆႈႁၼ်တီႈ 2018 MTV Video Music Awards
ၸိုဝ်ႈမိူဝ်ႈလဵၵ်ႉ ဢူဝ်ႇၼီႇၵႃႇ ထၢၼ်ႇယႃႇ မႃႇရၢတ်ႇ
ၵိူတ်ႇ (1982-12-08) တီႇသႅမ်ႇပႃႇ 8၊ 1982 (ဢႃႇယု 38)[1]

ၽွတ်ႉ-ဢွၾ်ႉ-သပဵၼ်ႇ၊ မိူင်းထရီႇၼီႇတၢတ်ႈ လႄႈ ထူဝ်ႇပေးၵူဝ်ႇ
ၵူၼ်းမိူင်း ၶႂိၼ်းသ်၊ ၸေႊမိူင်းၼိဝ်းယွၵ်ႉ၊ မိူင်းၽွမ်ႉႁူမ်ႈဢမေႇရိၵႃႉ
ပၢႆးပႆႇၺႃႇ Fiorello H. LaGuardia High School
ၼႃႈၵၢၼ် ရႅပ်ႇပႃႇ၊ ၽူႈႁွင်ႉၵႂၢမ်းၽူႈတႅမ်ႈၵႂၢမ်း
ပီတူင်ႉၼိုင်မႃး 2002 – ယၢမ်းလဵဝ်
ၽူႈႁွင်ႉၵႂၢမ်း ႁိပ်ႉႁွပ်ႉ၊ ပွပ်ႉ၊ R&B
ၼႃႈႁိူၼ်း Kenneth Petty (m. 2019)
ဝႅပ်ႉသၢႆႉ http://www.nickiminajofficial.com
လၢႆးမိုဝ်း

ဢူဝ်ႇၼီႇၵႃႇ ထၢၼ်ႇယႃႇ မႃႇရၢတ်ႇ (ဢိင်းၵလဵတ်ႈ: Onika Tanya Maraj) ႁိုဝ် ဢၼ်ၵူၼ်းတၢင်းၼမ်ႁူႉၸၵ်းၸိုဝ်ႈဝႃႈ ၼိၵ်းၵီႉ မီႇၼၢတ်ႇ (ဢိင်းၵလဵတ်ႈ: Nicki Minaj) ၼႆႉ ပဵၼ်ၽူႈႁွင်ႉၵႂၢမ်းၸၢဝ်းဢမေႇရိၵၼ်ႇၵေႃႉၼိုင်ႈ။ မၼ်းၼၢင်းၵိူတ်ႇတီႇသႅၼ်းၸဵမ်းသ်၊ ဝဵင်းၽွတ်ႉ-ဢွၾ်ႉ-သပဵၼ်ႇ ၼႂ်းမိူင်းတရိၼိတႅတ်ႉလႄႈ တူဝ်ႇပေႇၵူဝ်ႇသေ ၶၢႆႉမႃးယူႇသဝ်းၼႂ်းမိူင်းၶႂိၼ်းသ်၊ မိူင်းၽွမ်ႉႁူမ်ႈဢမေႇရိၵႃႉ မိူဝ်ႈဢသၢၵ်ႈတိုၵ်ႉလႆႈ 5 ပီႊ။

ဝၢႆးလင်လႆႈဝၢင်းၶၢႆၶႅပ်းၵႂၢမ်း ၼႂ်းပီႊ 2007 လႄႈ 2009 သေ လႆႈႁူမ်ႈလူင်းလၢႆးမိုဝ်းလိၵ်ႈၵိၼ်ၵႅၼ်ႇ ၸွမ်းၸုမ်းယင်းမၼ်းၼီး ဢႅၼ်ႇထိူဝ်ႇထဵၼ်းမႅၼ်ႉ (ဢိင်းၵလဵတ်ႈ: Young Money Entertainment)။ မိူဝ်ႈလိူၼ်ဢေႃးၵၢတ်ႉ၊ ပီႊ 2009 ၼၼ်ႉ မၼ်းၼၢင်းလႆႈဝၢင်းၶၢႆၶႅပ်းၽဵင်းၵႂၢမ်းၸဝ်ႈၵဝ်ႇ ဢၼ်မီးၸိုဝ်ႈဝႃႈ ၽိင်ႉၶ်ၾရၢႆးၻေး ၼႂ်းလိူၼ်ၼူဝ်ဝႅမ်ႇပႃႇ၊ ပီႊ 2010 သေ လႆႈတၢင်းဢွင်ႇမၢၼ်ထိုင်တီႈၵႂႃႇၵမ်းလဵဝ်။[2][3] ၽဵင်းၵႂၢမ်းမၼ်းၼၢင်း လႆႈၶိုၼ်ႈ ပဵၼ် ထီႉၼိုင်ႈ တီႈၼိူဝ် Billboard 200 လႄႈ လႆႈႁပ်ႉသူးၶိုၵ်ႉတွၼ်းသီၶမ်းၶၢဝ် ၶွင်မုၵ်ႉၸုမ်းတူင်ႉၼိုင်ပၢႆးမၢၵ်ႈမီးၾၢႆႇၽဵင်းၵႂၢမ်း မိူင်းဢမေႇရိၵၼ်ႇ (RIAA)။ ဝၢႆးသေဝၢင်းၶၢႆၽဵင်းၵႂၢမ်းဢွၵ်ႇၵႂႃႇယဝ်ႉသေ မၼ်းၼၢင်းလႆႈၶိုၼ်ႈပဵၼ် ၽူႈႁွင်ႉၵႂၢမ်းၵေႃႉဢွၼ်တၢင်းသုတ်း ဢၼ်မီးၽဵင်းၵႂၢမ်းၶိုၼ်ႈယူႇၸၼ်ႉထီႉၸဵတ်း တီႈၼိူဝ် Billboard Hot 100 မိူဝ်ႈၶၢဝ်းၼၼ်ႉ[4]။ ၽဵင်းၵႂၢမ်းထီႉသွင်မၼ်းၼၢင်း ဢၼ်ၸိုဝ်ႈဝႃႈ "Your Love" ၼၼ်ႉၵေႃႉ လႆႈၶိုၼ်ႈၽႅဝ်ဝႆႉထီႉၼိုင်ႈ တီႈၼႂ်း Billboard Hot Rap Songs သေ ႁဵတ်းႁႂ်ႈမၼ်းၼၢင်းလႆႈပဵၼ်မႃး ၽူႈႁွင်ႉၵႂၢမ်းရႅပ်ႇပႃႇ ၵေႃႉဢမ်ႇလႆႈတၢင်းၵမ်ႉၸွႆႈတီႈၽႂ်သေ ၶိုၼ်ႈပဵၼ်ၽူႈထႅၼ်ႈမႃးၵေႃႉၼိုင်ႈလႆႈ တႄႇၸဵမ်မိူဝ်ႈပီႊ 2002 ၼၼ်ႉယဝ်ႉ [5]။ မၼ်းၼၢင်းတင်းလႆႈပဵၼ် ၽူႈႁွင်ႉၵႂၢမ်းၼၢင်းယိင်းၵေႃႉဢွၼ်တၢင်းသုတ်း ဢၼ်လႆႈၶဝ်ႈႁူမ်ႈၼႂ်း MTV's Annual Hottest MC List[6] ။ မၼ်းၼၢင်းလႆႈထုၵ်ႇမၵ်းမၼ်ႈၸိုဝ်ႈသဵင် တီႈRising Stars ၼႂ်းပိုၼ်းမၢႆတွင်း Billboard Studio ထႅင်ႈၵွၼ်ႇ။ Album မၢႆသွင်မၼ်းၼၢင်း ဢၼ်ပဵၼ် Pink Friday: Roman Reloaded လႆႈဢွၵ်ႇဝၢင်းၶၢႆ မိူဝ်ႈဝၼ်းထီႉ 3၊ လိူၼ်ဢေႇပရႄႇ၊ ပီႊ 2012 ။

ၼႃႈၵၢၼ်ၽဵင်းၵႂၢမ်း[မူၼ်ႉမႄး | မႄးထတ်းငဝ်ႈငႃႇ]

သဵၼ်ႈမၢႆဢႅလ်ႇပမ်ႇၽဵင်းၵႂၢမ်း ၼိၵ်းၵီႉ မီႇၼၢတ်ႇ[မူၼ်ႉမႄး | မႄးထတ်းငဝ်ႈငႃႇ]

  • Pink Friday(2010)
  • Pink Friday: Roman Reloaded (2012)
  • The Pinkprint (2014)
  • Queen (2018)

ဢိင်ဢၢင်ႈ[မူၼ်ႉမႄး | မႄးထတ်းငဝ်ႈငႃႇ]

  1. Dallas Police Department Report. TMZ.Com. Retrieved on November 10, 2011
  2. Nicki Minaj Chart History at Billboard. Billboard. Retrieved on February 16, 2011
  3. RIAA Gold & Platinum. Retrieved on January 4, 2011
  4. "Nicki Minaj Makes History With Seven Billboard Hot 100 Songs"၊ MTV News။ ၶိုၼ်းမႄးၵူတ်ႇထတ်းဝႆႉယဝ်ႉမိူဝ်ႈ - October 29, 2010။ 
  5. Chart Beat Wednesday: Train, Dirty Heads, Nicki Minaj. Billboard. Retrieved on October 29, 2010
  6. MTV's Hottest MC List. Retrieved on February 16, 2011

သိုပ်ႇတူၺ်း[မူၼ်ႉမႄး | မႄးထတ်းငဝ်ႈငႃႇ]