လိၼ်းထုတ်ႉ

ဢူးလိၼ်းထုတ်ႉ
ၸွမ်ၽွင်းလူင် မိူင်းတႆး
ၽူႈတိုၵ်ႉႁၢပ်ႇၵၢၼ်ပုၼ်ႈၽွၼ်း
ၶၢဝ်းတၢင်းႁၢပ်ႇၵၢၼ် March 30, 2016 (2016-03-30)
Appointed by	ၸဝ်ႈၸွမ်ၸိုင်ႈ မိူင်းမျၢၼ်ႇမႃႇ
President	ဢူးထိၼ်ႇၵျေႃႇ
ၵေႃႉဢွၼ်တၢင်း	ၸဝ်ႈဢွင်ႇမျၢတ်ႈ
ၶေႃႈမုၼ်းသုၼ်ႇတူဝ်
ၵိူတ်ႇ	1960 (ဢႃႇယု 65–66) ၸႄႈဝဵင်းၵျိမျိၼ်ႇတႅင်ႇ ဝဵင်းတႃႈၵုင်ႈ
Alma mater	ၶေႃးလဵၵ်ႉပိုၼ်ႉတီႈ ပတဵင်ႇ
ၼႃႈၵၢၼ်	မေႃယႃၶဵဝ်ႈ
Cabinet	ၸုမ်းလူင်ပွင်ၸိုင်ႈ မိူင်းတႆး

ဢူးလိၼ်းထုတ်ႉ ၼႆႉ လုၵ်ႉဢဝ် မေႃယႃၶဵဝ်ႈသေ ပဵၼ်မႃး ၸဝ်ႈပၢႆးမိူင်းၵေႃႉၼိုင်ႈသေ ယမၢ်းလဵဝ်တႄႉ တိုၵ်ႉႁၢပ်ႇၵၢၼ်ဝႆႉ ပဵၼ် ၸွမ်ၽွင်းလူင် တီႈ မိူင်းတႆးယဝ်ႉ။

ၸၢတ်ႈပၢၼ်မိူဝ်ႈၸဝ်ႉ လႄႈ ပၢႆးပႆႇၺႃႇ

ဢူးလိၼ်းထုတ်ႉၼႆႉ ၵိူတ်ႇမိူဝ်ႈပီ 1960 ၵႃႈတီႈ ၵျိမျိၼ်ႇတႅင်ႇ၊ ဝဵင်းတႃႈၵုင်ႈ ၼၼ်ႉယဝ်ႉ။ လႆႈႁဵၼ်းဢဝ် ပၢႆးတူဝ်ၸႂ် လႄႈ ပႆႇၺႃႇၽုၵ်ႇသွမ်ႈ ၵႃႈတီႈ ၶေႃးလဵၵ်ႉပိုၼ်ႉတီႈပတဵင်ႇသေ ထိုင် ပီ 1980 မႃး လႆႈတႄႇႁဵၼ်းဢဝ် ပၢႆးပႆႇၺႃႇၽၢႆႇၶဵဝ်ႈယဝ်ႉ။ ပီ 1988 ၼၼ်ႉ လႆႈႁၢပ်ႇၵၢၼ်ပဵၼ် မေႃယႃၶဵဝ်ႈ တီႈ ဝဵင်းၵူတ်ႉၶၢႆ တီႈ မိူင်းတႆးပွတ်းႁွင်ႇၼၼ်ႉသေ ထိုင် ပီ 1994 လႆႈၶၢႆႉႁၢပ်ႇၵၢၼ်ၸူးတီႈ ႁူင်းယႃၵူၼ်းမိူင်း လႃႈသဵဝ်ႈယဝ်ႉ။ ပီ 2006 ၼၼ်ႉ ယွၼ်ႉမၼ်းထဵင်ၶိုၼ်း တႃႇ ၶၢႆႉၵၢၼ်ၶိုၼ်ႈၸၼ်ႉတႃႈၶုၼ်လႄႈ လႆႈထုၵ်ႇၵိုတ်းလိုဝ်ႈ မႂ်ၶႂၢင်းယူတ်းယႃမၼ်းယဝ်ႉ။

ၵမ်ႉထႅမ်မႃး NLD

တႄႇဢဝ် မၼ်းလႆႈႁၼ် ၼၢႆးဢွင်ႇသၢၼ်းသုၵျီႇ မွၵ်ႇလၢတ်ႈၶေႃႈၵႂၢမ်းတီႈ ပျီႇတုယိၼ်ႇပျိၼ်ႇ မိူဝ်ႈပီ 1988 သေၵေႃႈ မၼ်းလႆႈ ၵမ်ႉထႅမ် ဢမျူဝ်းတႃး တီႇမူဝ်ႇၶရေႇၸီႇ ဢၽွႆႉၶျူၵ်ႉ ဝႃႈၼႆယဝ်ႉ။ ဝၢႆးသေ မၼ်းလိုဝ်ႈၵၢၼ်လူင်ပွင်ၸိုင်ႈယဝ်ႉ ပီ 2015 မၼ်းလႆႈၶဝ်ႈၼႂ်း ဢမျူဝ်းတႃး တီႇမူဝ်ႇၶရေႇၸီႇ ဢၽွႆႉၶျူၵ်ႉ မႃးယဝ်ႉ။