ဝီႇၶီႇၽီးတီးယႃး:ၵၼ်ႁဵၼ်း/တီႈၵွင်ႉၵၢႆႇ ဝီႇၶီႇၽီးတီးယႃး

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
သိုပ်ႇမိုတ်ႈ တေႁဵတ်းႁိုဝ်မႄးထတ်း လွင်ႈတမ်းပိူင် တီႈၵွင်ႉၵၢႆ ငဝ်ႈငႃႇၽိုၼ်ဢိင် ၼႃႈလိၵ်ႈတွၼ်ႈဢုပ်ႇ တႃႇမၢႆတွင်း လွင်ႈတၢင်ႇမၢႆၽၢင် ၵွႆပၢႆ  
ငဝ်းတူင်ႉၵၢၼ်ႁဵၼ်း လွင်ႈၶူင်တႅမ်ႈႁဵင်းၵွင်ႉ

လွင်ႈဢဝ် ပွင်ႈလိၵ်ႈဝီႇၶီႇၽီးတီးယႃးၼင်ၵၼ် ၵွင်ႉၵၢႆႇၵၼ် ၼႆႉ ပဵၼ်ဢၼ်လမ်ႇလွင်ႈဝႆႉယဝ်ႉ။ ဢၼ်ၼၼ်ႉၼႆႉ မၼ်းႇတေႁဵတ်းႁႂ်ႈ ၽႅဝ်ၵႂႃႇတီႈ ႁဵင်းၵွင်ႉဢၼ်ၵပ်းၵၢႆႇလူၺ်ႈတင်း ၼႃႈလိၵ်ႈ ဢၼ်ၽူႈၸႂ်ႉတိုဝ်းၶဝ် လူယူႇၼၼ်ႉယဝ်ႉ။

တေႁဵတ်းႁိုဝ်ၵွင်ႉၵၢႆႇ

တွၼ်ႈတႃႇ ၵွင်ႉၵၢႆႇ ၼႃးလိၵ်ႈဝီႇၶီႇၽီးတီးယႃး တၢင်ႇၸိူဝ်း (ႁွင်ႉဝႃႈ wiki link)၊ တေလႆႈၸႂ်ႉ ၶွပ်ႇၵၢင် သွင်ဢၼ်သွၼ်ႉၵၼ်ယဝ်ႉ :

[[ဝီႇၶီႇၽီးတီးယႃး|ဝီႇၶီႇၽီးတီးယႃး]]

ပေႃးဝႃးသိမ်းယဝ်ႉ လွင်ႈမႄးထတ်းၸဝ်ႈၵဝ်ႇယဝ်ႉၼႆ ဢၼ်တေလႆႈႁၼ်ၼႆႉ : ဝီႇၶီႇၽီးတီးယႃး

သင်ဝႃႈၵွင်ႉၵၢႆႇပွင်ႈလိၵ်ႈဢၼ်ၼိုင်ႈယဝ်ႉသေ တီႈလိၵ်ႈၵွင်ႉၵၢႆႇမၼ်းၼႆႉ သင်ၸိူဝ်ႉဝႃႈ ၶႂ်ႈၸႂ်ႈလိၵ်ႈတၢင်ႇမဵဝ်းၼႆ ၸႂ်ႉ "|" (SHIFT + BACKSLASH တီႈၼိူဝ်ၶီးပူတ်ႉ) ၼၼ်ႉယဝ်ႉ။ ပိူင်ယၢင်ႇမၼ်း :

1. : ဢၼ်ပဵၼ်လိၵ်ႈၵွင်ႉ [[ပၢင်ႇဢူး၊ ဝဵင်း|မေႇမျူဝ်ႉ]] မၼ်းတေၼႄပၼ် 'မေႇမျူဝ်ႉ' ၼႆသေ တေၵွင်ႉၵၢႆႇပၼ် ပွင်ႈလိၵ်ႈ ဝဵင်းပၢင်ႇဢူးၼၼ်ႉယဝ်ႉ။

2. :[[တႃႈၵုင်ႈ၊ ၸႄႈတိူင်း|တႃႈၵုင်ႈ]] လႄႈ [[တႃႈၵုင်ႈ၊ ဝဵင်း|တႃႈၵုင်ႈ]] ၸိူဝ်းၼႆႉ ႁူမ်ႈဝႃႈၼႄပၼ် တႃႈၵုင်ႈ မိူၼ်ၵၼ်သေတႃႉ မၼ်းပဵၼ်လွင်ႈၵွင်ႉၵၢႆႇ ဢၼ်ပွင်ႈလိၵ်ႈဢမ်ႇမိူၼ်ၵၼ် သွင်ဢၼ်ၼၼ်ႉယဝ်ႉ။

ၸၢင်ႈၵွင်ႉၵၢႆႇၸူးလႆႈ ၸိူဝ်းပဵၼ် ၵိင်ႇႁူဝ်ၶေႃႈ ဢၼ်မီးတီႈၼႂ်း ပွင်ႈလိၵ်ႈၼၼ်ႉ :

[[Wikipedia:ၵၼ်ႁဵၼ်း/Target page#Target section|display text]]

တူဝ်ယၢင်ႇမၼ်း :

[[Help:Link#လွင်ႈထႅမ်သႂ်ႇ Category|Category]]

ပေႃးၼၼ် တေလႆႈႁၼ် : Category

လိၵ်ႈဢၼ်ၵွင်ႉၵၢႆႇဝႆႉ ၼၼ်ႉ ဢဝ် တူဝ်လိၵ်ႈၵိူင်း ဢမ်ႇၼၼ် တူဝ်လိၵ်ႈၼႃသေၵေႃႈ ၼႄပၼ်လႆႈယူႇ။

''[[ပိုၼ်းၵႅပ်ႈ ၶၢဝ်းယၢမ်း|ပိုၼ်းၵႅပ်ႈ ၶၢဝ်းယၢမ်း]]''

ပေႃးၼၼ် တေလႆႈႁၼ်: ပိုၼ်းၵႅပ်ႈ ၶၢဝ်းယၢမ်း

ႁဵင်းၵွင်ႉ ဢၼ်ၸဝ်ႈၵဝ်ႇ သႂ်ႇၵႂႃႇၼၼ်ႉ ၸွင်ႇမၼ်းၵွင်ႉၵၢႆႇမၢၼ်ႇမႅၼ်ႈ ပွင်ႈလိၵ်ႈဢၼ်ၶႂ်ႈ ၵွင်ႉၵၢႆႇၸူးၼၼ်ႉၼႆ ၶိုၼ်းထတ်းသၢင်ႈပၼ်လႄႈ။ ပေႃးတေလႆႈၼႄ ပိူင်ယၢင်ႇမၼ်း တႃႈလိူဝ်ႇ ၼႆႉ ပဵၼ်ပွင်ႈလိၵ်ႈ ဢၼ်ယိူင်းၸူး ပွင်ႈလိၵ်ႈလွင်ႈဝဵင်းသေ လွႆတႃႈလိူဝ်ႇ ဢၼ်ဝႃႈၼၼ်ႉတႄႉ ပဵၼ်လွင်ႈၵွင်ႉၵၢႆႇ ပွင်ႈလိၵ်ႈ လွႆ ဢၼ်မီးတီႈဝဵင်းတႃႈလိူဝ်ႇၼၼ်ႉယဝ်ႉ။ ၸိူဝ်းပဵၼ် ၼႃႈလိၵ်ႈ "သဵင်မိူၼ် တူၼ်ႈထႅဝ်ပႅၵ်ႇ" ၵေႃႈမီးထႅင်ႈၵွၼ်ႇ။ မိူၼ်ၼင်ႇ ဝိၼ်းမျိၼ်ႉ (သဵင်မိူၼ် တူၼ်ႈထႅဝ်ပႅၵ်ႇ) ၼၼ်ႉတႄႉ သၢင်းလၢင်းယူႇ။ ၵူၺ်းၵႃႈဝႃႈ မိူၼ်ၼင်ႇ မိူင်းတႆး လႄႈ ၸႄႈမိူင်းတႆး ၼႆႉ ပေႃးလူတႄႉ ပႅၵ်ႇပိူင်ႈၵၼ်ယူႇဢိတ်းဢိတ်းယဝ်ႉ။

ပေႃးဝႃႈၶႂ်ႈတိူဝ်းႁူႉလိူဝ်ၼႆႉ ၼႆ လူတူၺ်းတီႈ Help:Link ၼႆႉၶႃႈလႄႈ။

တေၵွင်ႉၵၢႆႇ ၶၢဝ်းလႂ်

လွင်ႈသႂ်ႇ ႁဵင်းၵွင်ႉ လွင်ႈၵွင်ႉၵၢႆႇတီႈၼႂ်း ပွင်ႈလိၵ်ႈၼိုင်ႈဢၼ်ၼႆႉ ပဵၼ်ဢၼ်ၶႅမ်ႉလႅပ်ႈသၢင်ႇထုၵ်ႇယူႇယဝ်ႉ။ ၵူၺ်းၵႃႈဝႃႈ ပေႃးၼမ်ႁႅင်းပူၼ်ႉၵႂႃႇၵေႃႈ တေပဵၼ်လွင်ႈသုၵ်ႉယုင်ႈၸႂ် တႃလၢႆးၵႂႃႇဢေႃႈ။ တွၼ်ႈတႃႇ ငိူင်ႈဝႄႈလႆႈ လွင်ႈႁဵင်းၵွင်ႉ သွၼ်ႉၵၼ်ၼၼ်ႉၼႆ ၸိူဝ်းပဵၼ် လိၵ်ႈ ဢၼ်ဢမ်ႇ ပွင်ႈလိၵ်ႈ တီႈၼႂ်း ၽိုၼ်လိၵ်ႈၼိုင်ႈဢၼ်ၼႆႉ ထုၵ်ႉလီၵွင်ႉၵၢႆႇ တီႈ ၶေႃႈၸႂ်ႉ ၵမ်းဢွၼ်တၢင်းသုတ်း ၼၼ်ႉယဝ်ႉ (ယွၼ်ႉပိူဝ်ႈၼၼ် ႁဵင်းၵွင်ႉ တီႈၼႂ်း ပွင်ႈလိၵ်ႈထူဝ်းၼႃးၼႆႉ ၵႆႉၼမ်လိူဝ်သေ ပွင်ႈလိၵ်ႈတၢင်ႇဢၼ်ယဝ်ႉ)။ ၸိူဝ်းပဵၼ် ၶေႃႈၵႂၢမ်း "ၵမ်ႇၽႃႇ" လႄႈ "ၸႄႈမိူင်း" ၸၵႂႃႇၸိူဝ်းၼႆႉ ႁူမ်ႈဝႃႈ မီးပွင်ႈလိၵ်ႈတီႈ ဝီႇၶီႇၽီးတီးယႃးယူႇသေတႃႉ ပေႃးဝႃႈ ၶေႃႈၵႂၢမ်းၸိူဝ်းၼႆႉ မၼ်းဢမ်ႇၸႂ်ႈ ၶေႃႈၵႂၢမ်းလွင်ႈယႂ်ႇတႃႇ ပွင်ႈလိၵ်ႈၼၼ်ႉၼႆ ဢမ်ႇထုၵ်ႇလီႁဵတ်းႁဵင်းၵွင်ႉ။

ပေႃးၶႂ်ႈတိူဝ်းႁူႉ လွင်ႈၼႆႉၸိုင် လူတူၺ်းလႆႈတီႈ Wikipedia:Manual of Style/Linking ၼႆႉလႄႈ

ပိူင်ထၢၼ်ႈ

တီႈၼႂ်းပွင်ႈလိၵ်ႈၼိုင်ႈဢၼ်ၼႆႉ ၸၢင်ႈသႂ်ႇလႆႈ ပိူင်ထၢၼ်ႈ တီႈတႂ်ႈႁူဝ်ၶေႃႈ ဢၼ်ၵဵဝ်ၵပ်းၼၼ်ႉ။ တီႈပွတ်းသုတ်းသုတ်း ပွင်ႈလိၵ်ႈၼၼ်ႉ သႂ်ႇပၼ် [[Category:]] ၼႆသေ သႂ်ႇပၼ်ၸိုဝ်ႈ ပိူင်ထၢၼ်ႈ တီႈၽၢႆႇလင် ":" ၼၼ်ႉလႆႈယူႇ။ တူဝ်ယၢင်ႇမၼ်း [[Category:ၵၼ်ႁဵၼ်း ဝီႇၶီႇၽီးတီးယႃး]]တွၼ်ႈတႃႇ ၵူၼ်းတၢင်ႇၸိူဝ်း ပေႃးတေသွၵ်ႈႁႃတူၺ်းလႆႈ ငၢႆႈလူမ်ၸႂ်ၼၼ်ႉ လွင်ႈသႂ်ႇပၼ် ပိူင်ထၢၼ်ႈ ဢၼ်မၢၼ်ႇမႅၼ်ႈၼႆႉ ပဵၼ်ဢၼ်လမ်ႇလွင်ႈဝႆႉယဝ်ႉ။ တေႁဵတ်းႁိုဝ်သႂ်ႇ ပိူင်ထၢၼ်ႈဢၼ်ဝႃႈၼၼ်ႉ ဢၼ်ငၢႆႈသေပိူၼ်ႈတႄႉ ၸွမ်းတူၺ်းၼႃႈလိၵ်ႈမိူၼ်ၵၼ်သေၵေႃႈ ၶဝ်ႁဵတ်းႁိုဝ် သႂ်ႇပိူင်ထၢၼ်ႈဝႆႉ ၼႆ တူၺ်းဢဝ်ၶႃႈလႄႈ။

ပေႃးၶႂ်ႈတိူဝ်းႁူႉလိူဝ်ၼႆၸိုင် သိုပ်ႇလူတူၺ်းလႆႈ တီႈ Wikipedia:လွင်ႈၸႅၵ်ႇပိူင်ထၢၼ်ႈ ၼႆႉၶႃႈလႄႈ

တွၼ်ႈ ႁဵင်းၵွင်ႉၽၢႆႇၼွၵ်ႈ

တီႈပွင်ႈလိၵ်ႈ ဝီႇၶီႇၽီးတီးယႃး ၵမ်ႉပႃႈၼမ်ၼႆႉ ၵႆႉပႃးဝႆႉ ဢၼ်ပဵၼ် တွၼ်ႈ ႁဵင်းၵွင်ႉၽၢႆႇၼွၵ်ႈ ၼႆၼၼ်ႉယဝ်ႉ။ တွၼ်ႈဢၼ်ၼႆႉတႄႉ မၼ်းပဵၼ်ႈ တွၼ်ႈ ၼႃႈလိၵ်ႈဝႅပ်ႉသၢႆႉ ဢၼ်မီးလွၼ်ႉၶၢဝ်ႇမၼ်ႈၵႅၼ်ႇ တွၼ်ႈတႃႇ လွင်ႈတၢင်းဢၼ်ၵပ်းၵၢႆႇလူၺ်ႈတင်း ႁူဝ်ၶေႃႈပွင်ႈလိၵ်ႈၼၼ်ႉယဝ်ႉ။ ထုၵ်ႇလီဢဝ် ႁဵင်းၵွင်ႉၽၢႆႇၼွၵ်ႈ ဢၼ်ဢေႇဢေႇ ဢၼ်ယမ်ယမ်သေၵေႃႈ သႂ်ႇပၼ်တီႈ တွၼ်ႈၼၼ်ႉ။ ၶေႃႈၸုင်ႁဵၼ်း ႁူဝ်ယွႆႈမၼ်းတႄႉ လူတူၺ်းလႆႈ တီႈ Wikipedia:External links ၼႆႈယူႇၶႃႈ။

တွၼ်ႈတႃႇသႂ်ႇ ႁဵင်းၵွင်ႉၽၢႆႇၼွၵ်ႈၼႆႉ တႅမ်ႈ URL ဢၼ်တဵမ်ႈထူၼ်ႈ သႂ်ႇတီႈၼႂ်း ၶွပ်ႇၵၢင်ၼိုင်ႈၵူႈ လႆႈယူႇ။ ပိူင်ယၢင်ႇမၼ်းတႄႉ :

[http://www.example.com/ ၼႃႈလိၵ်ႈဝႅပ်ႉ ပဵၼ်တၢင်းၵၢၼ်]

ၼႆၸိုင် : တေလႆႈႁၼ်

ၼႃႈလိၵ်ႈဝႅပ်ႉ ပဵၼ်တၢင်းၵၢၼ်
ပေႃးၶႂ်ႈတိူဝ်းႁူႉ လွင်ႈၼႆႉၸိုင် သိုပ်ႇလူလႆႈတီႈ Wikipedia:External links ၼႆႈလႄႈ
သိုပ်ႇၵႂႃႇထႅင်ႈ ၵၢၼ်ႁဵၼ်း ငဝ်ႈငႃႇၽိုၼ်ဢိင်