သူၼ်မွၵ်ႇ မႁႃႇပၼ်ႇတုလ
| သူၼ်မွၵ်ႇ မႁႃႇပၼ်ႇတုလ | |
|---|---|
 လၵ်းသဝ်ႁိၼ်လွတ်ႈလႅဝ်း ဢၼ်မီးတီႈသူၼ်မွၵ်ႇ မႁႃႇပၼ်ႇတုလ | |
| မဵဝ်းမၼ်း | သူၼ်မွၵ်ႇဝဵင်းလူင် |
| ဢွင်ႈတီႈ | ဝဵင်းတႃႈၵုင်ႈ |
| ၵူဝ်ႇဢေႃးတိၼိတ်ႉ | 16°46′22.88″N 96°09′34.27″E / 16.7730222°N 96.1595194°E |
| ဢေႇရိယႃႇ | 7.5 ဢေႇၵ (3.0 ႁႅၵ်ႇတႃႇ) |
| ၵေႃႇသၢင်ႈ | ၁၈၆၇-၁၈၆၈ |
| ၽူႈႁဵတ်းၵၢၼ် | ၵေႃႇမတီႇ ဝဵင်းမူၼ်းၵူၼ်းၵိုၼ်း ၸႄႈလူင်တႃႈၵုင်ႈ |
| သၢႆငၢႆယၢမ်းလဵဝ် | ပိုတ်ႇတင်းပီ |
သူၼ်မွၵ်ႇ မႁႃႇပၼ်ႇတုလ ၼႆႉ မီးဝႆႉတီႈဝဵင်းတႃႈၵုင်ႈသေ ပဵၼ်ဢွင်ႈတီႈၸိုဝ်ႈလိုဝ်းလင် တွၼ်ႈတႃႇ ၵူၼ်းမိူင်းတင်းလၢႆ လိုဝ်ႈႁိူဝ်ႉလိုဝ်ႈၸႂ်ၼၼ်ႉယဝ်ႉ။ ၽၢႆႇတၢင်းဢွၵ်ႇမၼ်း မီးဝႆႉ သဵၼ်ႈတၢင်း သူၼ်မွၵ်ႇမႁႃႇပၼ်ႇတုလ၊ ၽၢႆႇတၢင်းတူၵ်း မီး သဵၼ်ႈတၢင်းၽြႃးသူးလေႇ၊ ၽၢႆႇတၢင်းၸၢၼ်းမီး သဵၼ်ႈတၢင်းၵူင်ႇတႄႇ လႄႈ ၽၢႆႇတၢင်းႁွင်ႇ မီး သဵၼ်ႈတၢင်းမႁႃႇပၼ်ႇတုလၼၼ်ႉယဝ်ႉ။ ႁိမ်းႁွမ်းသူၼ်မွၵ်ႇၼၼ်ႉ မီး ၽြႃးသူးလေႇ၊ ႁူင်းႁေႃၸႄႈလူင်တႃႈၵုင်ႈ၊ ယူင်ႉသၢင်ႈၵဝ်ႇ လုမ်းထတ်းသိၼ်ထႅၼ်ႈ၊ ၵျွင်းၽြႃး ဢေးဝုၼ်ႇၵေလိ လႄႈ လုမ်းၽွင်းတၢင်ၵဝ်ႇ ဢမေႇရိၵၢၼ်ႇ၊ ယူင်ႉသၢင်ႈၵဝ်ႇ ငဝ်ႈငုၼ်းယႄးငိုၼ်း ၸိူဝ်းၼႆႉယဝ်ႉ။[1]သဝ်ႁိၼ် ဢၼ်ပဵၼ် တီႈမၢႆတွင်း လႆႈလွတ်ႈလႅဝ်းသဝ်းၶေႃ တီႈ ပရိတ်ႉတိတ်ႉ မိူဝ်ႈပီ ၁၉၄၈ ၼၼ်ႉၵေႃႈ မီးဝႆႉတီႈၼႂ်း သူၼ်မွၵ်ႇၼၼ်ႉယဝ်ႉ။ ၸိုဝ်ႈသူၼ်မွၵ်ႇၼၼ်ႉ ၸူးႁွင်ႉၵိုၵ်းၸိုဝ်ႈ ႁူဝ်သိုၵ်းလူင် မႁႃႇပၼ်ႇတုလ ၵေႃႉဢၼ်ၸုၼ်ႉဢသၢၵ်ႈသေ ၶဝ်ႈပၢင်တိုၵ်း ဢင်းၵိတ်ႉ-မျၢၼ်ႇမႃႇ ပွၵ်ႈၵမ်းၼိုင်ႈ (၁၈၂၄-၁၈၂၆) ၼၼ်ႉသေ ၸင်ႇႁွင်ႉဝႃႈ သူၼ်မွၵ်ႇ မႁႃႇပၼ်ႇတုလ ၼႆယဝ်ႉ။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ (2005) Let's Go Southeast Asia. Macmillan. ISBN 0-312-33567-9, 9780312335670.