ဝဵင်းတၢင်ႉယၢၼ်း

ဝဵင်းတၢင်ႉယၢၼ်း
ဝဵင်းၼႂ်းမိူင်းတႆး
ဝဵင်းတၢင်ႉယၢၼ်း ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 22°29′53″N 98°23′48″E
မိူင်း	မိူင်းမျၢၼ်ႇမႃႇ
ၸႄႈမိူင်း	မိူင်းတႆး
ၸႄႈတွၼ်ႈ	ၸႄႈတွၼ်ႈလႃႈသဵဝ်ႈ
ၸႄႈဝဵင်း	ၸႄႈဝဵင်းတၢင်ႉယၢၼ်း
တၢင်းသုင်	3,106 ft (947 m)
ႁူဝ်ၼပ်ႉၵူၼ်းမိူင်း  (2014)
• ဝဵင်းၼႂ်းမိူင်းတႆး	၁၇၂၈၀၅
• ၼႂ်းဝဵင်း	၃၃၆၀၃
• ဝၢၼ်ႈၼွၵ်ႈ	၁၃၉၂၀၂
• သႃႇသၼႃႇၵိူဝ်းယမ်	ပုတ်ႉထၽႃႇသႃႇ
ၸူၼ်ႇၶၢဝ်းယၢမ်း	UTC+06:30 (MST)
မၢႆသူင်ႇလိၵ်ႈ	06431

ဝဵင်းတၢင်ႉယၢၼ်း (IPA: [tɑ᷇ŋ jɑ́ŋ]); (မၢၼ်ႈ: တန့်ယန်းမြို့), (ဢိင်းၵလဵတ်ႈ: Tangyan), (သဵင်ဢွၵ်ႇ [Taangyaan]) ၼႆႉ မီးၼႂ်း ၸႄႈဝဵင်းတၢင်ႉယၢၼ်း၊ ၸႄႈတွၼ်ႈလႃႈသဵဝ်ႈ၊ ၸႄႈမိူင်းတႆး၊ မိူင်းမျၢၼ်ႇမႃႇ ဢေႃႈ။ ဝဵင်းတၢင်ႉယၢၼ်းၼႆႉ ပဵၼ်ဝဵင်းပၵ်းလုမ်းၸႄႈဝဵင်းတၢင်ႉယၢၼ်း ဢေႃႈ။

ပီ 2022 လိူၼ်မေႇ 1 ဝၼ်းၼၼ်ႉ ၸႄႈဝဵင်းတၢင်ႉယၢၼ်းၼႆႉ လႆႈယုၵ်ႉၶိုၼ်ႈပဵၼ် ၸႄႈတွၼ်ႈတၢင်ႉယၢၼ်းၵႂႃႇယူႇ။ ၼႂ်းၼၼ်ႉ ဢဝ်ၸႄႈဝဵင်းတၢင်ႉယၢၼ်း လႄႈ ၸႄႈဝဵင်းမိူင်းယႆ သွင်ၸႄႈဝဵင်း ၶဝ်ႈပႃးဝႆႉယဝ်ႉ။

ပိုၼ်းတၢင်ႉယၢၼ်း

မိူဝ်ႈၵွၼ်ႇ တီႈထုင်ႉတၢင်ႉယၢၼ်းၼႆႉ မီးဝႆႉ တူဝ်ထိူၼ်ႇလၢၵ်ႇလၢႆးလူင်တူဝ်ၼိုင်ႈ၊ မၼ်းၸၢင်ႈ ၽၢၼ်ႇတူဝ်မၼ်း ပဵၼ်သိူဝ် ပဵၼ်ၸၢင်ႉၼႆယဝ်ႉ။ ၸင်ႇမီး လႃႈထိူၼ်ႇၶဝ် ဢွၼ်ၵၼ်လမ်းယိုဝ်းမၼ်းသေ တီႈၶဝ် မတ်ႉလႆးမၼ်းၼၼ်ႉ ၸင်ႇႁွင်ႉဝႃႈ လၵ်းၸၢင်ႉ၊ တီႈၶဝ် ပၢတ်ႇထိူဝ်ယႃႉၼိူဝ်ႉမၼ်းၼၼ်ႉ ႁွင်ႉ မိူင်းပၢတ်ႇ၊ တီႈၶဝ် ယႃႉႁူဝ် မၼ်းၼၼ်ႉ ႁွင်ႉဝႃႈ ႁူဝ်ယႃႉၼႆယဝ်ႉ။ တီႈဢၼ်ၶဝ်ၵိၼ် ၼိူဝ်ႉမၼ်းယဝ်ႉသေ တွင်ႉၵႂ်ႈ တွင်ႉယၢၼ်းၼၼ်ႉ ၸင်ႇႁိၵ်ႈၸိုဝ်ႈဝႃႈ တွင်ႉယၢၼ်းၼႆသေ ဝၢႆးၼႆႉ လႅၵ်ႈလၢႆႈ ပဵၼ်ၵႂႃႇ တၢင်ႉယၢၼ်းၼႆယူႇ။

လူင်ၵဝ်ႈလူင် ၼွင်ၵဝ်ႈၼွင်

ၵပ်းၵၢႆႇလူၺ်ႈ လူင်ၵဝ်ႈလူင် ၼွင်ၵဝ်ႈၼွင်ၼႆႉ ၵိုၵ်းလူၺ်ႈ ပိုၼ်းၼေႃႇလွင်းၸဝ်ႈ ပဵၼ်ၼူၵ်ႉႁၢင်းသႃႇ (ပဵတ်းႁၢင်းသႃႇ) သေ ပဵၼ်တီႈ ပဵတ်းၶမ်းယူႇသဝ်း ၵိၼ်သၢင်ႈၼႆယဝ်ႉ။ ယွၼ်ႉၼၼ် တီႈဝဵင်းတၢင်ႉယၢၼ်း ပွၵ်ႉသီႇ ၼႂ်းဝၢင်းၵျွင်းဢွင်ႇမင်ႇၵလႃႇၼၼ်ႉ ၸင်ႇမီးဝႆႆႉ ၵွင်းမူးၼူၵ်ႉႁၢင်းသႃႇ သူႇၼိုင်ႈ။

လူင်ၵဝ်ႈလူင်

1. လူင်ၵႃ
2. လူင်ယၢၼ်း
3. လူင်မူင်ႈ
4. လူင်ပူင်း
5. လူင်ႁုင်း
6. လူင်သိူဝ်
7. လူင်ၵေႃႇ
8. လူင်လဵၵ်း
9. လူင်ပွႆး

ၼွင်ၵဝ်ႈၼွင်

1. ၼွင်လူင်
2. ၼွင်ပဵတ်း
3. ၼွင်ႁီး
4. ၼွင်မူဝ်
5. ၼွင်ၽႃ
6. ၼွင်ပၼ်း
7. ၼွင်သႂ်
8. ၼွင်ၽႆႇ
9. ၼွင်ၽႅင်