ၸႄႈဝဵင်းၵၢတ်ႇလေႃႉ
ၸႄႈဝဵင်းၵၢတ်ႇလေႃႉ | |
|---|---|
  ၸႄႈဝဵင်းၵၢတ်ႇလေႃႉ ဢွင်ႈတီႈ ၼႂ်းမိူင်းမျၢၼ်ႇမႃႇ | |
| ၵူဝ်ႇဢေႃးတိၼဵတ်ႉ: 20°37′27″N 96°33′31″E / 20.62418°N 96.55864°E | |
| မိူင်း |  မိူင်းမျၢၼ်ႇမႃႇ မိူင်းမၢၼ်ႈ |
| ၸႄႈမိူင်း |  မိူင်းတႆး |
| ၸႄႈတွၼ်ႈ | ၸႄႈတွၼ်ႈတူၼ်ႈတီး |
| ဝဵင်းပၵ်းလုမ်းၸႄႈဝဵင်း | ဝဵင်းၵၢတ်ႇလေႃႉ |
| တၢင်းသုင် | 4,339 ft (1,322.6 m) |
| ႁူဝ်ၼပ်ႉၵူၼ်း | |
| • သႃႇသၼႃႇၵိူဝ်းယမ် | သႃႇသၼႃႇပုတ်ႉထ |
| ၸူၼ်ႇၶၢဝ်းယၢမ်း | UTC+06:30 (MST) |
| မၢႆသူင်ႇလိၵ်ႈ | 06021 |
ၸႄႈဝဵင်းၵၢတ်ႇလေႃႉ (IPA: [kɑ̀t lɔ᷇]; မၢၼ်ႈ: ကလောမြို့နယ်), (ဢိင်းၵလဵတ်ႈ: Kalaw Township), (သဵင်ဢွၵ်ႇ [Zewaeng Kaatlau]) ၼႆႉပဵၼ်ႄၸႄႈဝဵင်းဢၼ်မီးၼႂ်း ၸႄႈတွၼ်ႈတူၼ်ႈတီး၊ ၸႄႈမိူင်းတႆး၊ မိူင်းမျၢၼ်ႇမႃႇသေ တီႈပၵ်းလုမ်း ၸႄႈဝဵင်းတႄႉ ပဵၼ်တီႈ ဝဵင်းၵၢတ်ႇလေႃႉယဝ်ႉ။။[2][3] ၼႂ်းၵႃႈ ဝဵင်းၶဝ်ႈပႃးၼႂ်း ၸႄႈဝဵင်းၵၢတ်ႇလေႃႉၼႆႉ ဝဵင်းဢုမ်ႇပဝ်း ၼႆႉပဵၼ် ဝဵင်းပိူင်ယႂ်ႇမၼ်းယဝ်ႉ။ ပေႃးဢဝ်ၼႂ်း ၸႄႈတွၼ်ႈတူၼ်ႈတီးဝႃႈၵေႃႈ ဝဵင်းဢုမ်ႇပဝ်း ၼႆႉ ပဵၼ်ဝဵင်း ၵႃႉၶၢႆပိူင်ယႂ်ႇတႃႇ ၸႄႈတွၼ်ႈယဝ်ႉ။ ဝဵင်းၵၢတ်ႇလေႃႉၼႆႉ ၶဝ်ႈပဵၼ် ဝဵင်းလိုဝ်ႈယဵၼ် ၶၢဝ်းမႆႈ ဝဵင်းၸိုဝ်ႈသဵင်လိုဝ်းလင် ၼႂ်းလူၵ်ႈၵမ်ႇၽႃႇသေ သုင်လိူဝ်ၼမ်ႉပၢင်ႇလၢႆႇ 4,297 ထတ်း(1,310 မီႇတႃႇ)။ မီးဝႆႉ တီႈၼိူဝ်သၼ်လွႆ ၽၵ်းတူၶဝ်ႈၸူး မိူင်းမၢၼ်ႈပွတ်းၵၢင်သေလႆႈဝႃႈ ပဵၼ်ဝဵင်းၽၵ်းတူမိူင်းယူႇ။ ၸိုဝ်ႈပႅင်းဝဵင်းၵၢတ်ႇလေႃႉၼႆႉတႄႉ ယွၼ်ႉပိူဝ်ႈ မီးတူၼ်ႈပႅၵ်ႇၼမ်ၼႃႇလႄႈ ႁွင်ႉဝႃႈ ဝဵင်းတူၼ်ႈပႅၵ်ႇၼႆယဝ်ႉ။ လုၵ်ႉတီႈ သၼ်လွႆၽၢႆႇဢွၵ်ႇဝဵင်းၼၼ်ႉ မီးႁွင်ႈၼမ်ႉလႆလူင်းမႃးသေ ၼမ်ႉႁွင်ႈဢွၼ်ႇၼၼ်ႉ လႆၶဝ်ႈၸူး ၼွင်ဢၢင်းလေး (ၼွင်ႁၢႆးယႃႈ)ယဝ်ႉ။
ပိုၼ်းဝဵင်းၵၢတ်ႇလေႃႉၼႆႉတႄႉ မိူဝ်ႈပၢၼ်ၸဝ်ႈႁေႃၶမ်းမၢၼ်ႈ ပၢၼ်ၸဝ်ႈၾႃႉတႆးၶဝ်ၼၼ်ႉ လႆႈဝႃႈမၼ်းပဵၼ် ဢွင်ႈတီႈ လိုဝ်ႈသဝ်း၊ ပဵၼ်ဝၢၼ်ႈဢွၼ်ႇ တီႈလိုဝ်ႈသဝ်းတီႈၼိုင်ႈၵူၺ်း။ ၵူၼ်းၵႂႃႇတႃႈၵႂႃႇတၢင်းၵူႈပွၵ်ႈ သမ်ႉၸႂ်ႉလေႃႉလႄႈ ၸဝ်ႈလေႃႉၶဝ် မႃးၵိုတ်းသေ ၶၢႆၵုၼ်ႇၶၢႆၶူဝ်းလႄႈ ၸင်ႇၸပ်းၸိုဝ်ႈဝႃႈ ၵၢတ်ႇလေႃႉၼႆသေ ၸင်ႇယဵၼ်းပဵၼ် ဝၢၼ်ႈၵႂႃႇ။ ပၢၼ်ဢဵင်းၵလဵတ်ႈၶဝ် မႃးဢုပ်ႉမိူင်းတႆး မိူင်းမၢၼ်ႈၼၼ်ႉတႄႉ ယွၼ်ႉပိူဝ်ႈဝႃႈ တီႈၵၢတ်ႇလေႃႉၼႆႉ ရႃႇသီႇဢုတု ၵတ်းယဵၼ်လီလႄႈ ဢဵင်းၵလဵတ်ႈၶဝ် ၸင်ႇမႃးတင်ႈပဵၼ် ဢွင်ႈလိုဝ်ႈသဝ်းၶၢဝ်းမႆႈ (Hill Station) သေ တင်ႈပဵၼ်ဝဵင်းၵႂႃႇယဝ်ႉ။
ၵူၼ်းယူႇသဝ်း
[မႄးထတ်း | မႄးထတ်းငဝ်ႈငႃႇ]ပေႃးဢဝ်သဵၼ်ႈမၢႆႁူဝ်ၵူၼ်း ပီ 2014 ၼၼ်ႉဝႃႈၸိုင် ၸႄႈဝဵင်းၵၢတ်ႇလေႃႉၼႆႉ ၵူၼ်းယူႇသဝ်း မီး 93,032 ၵေႃႉ။ ၵူၼ်းၸိူဝ်းယူႇသဝ်းတႄႉ ပဵၼ် တႆး၊ ထၼု၊ တွင်ႇလိူဝ်း၊ ပလွင်ႈ လႄႈ ပဢူဝ်းသေ ၵူၼ်းမိူင်းမၢၼ်ႈၵေႃႈ ၶၢႆႉမႃးယူႇသဝ်းတင်းၼမ်။
မိူဝ်ႈပၢၼ်ၶူဝ်ႇလူဝ်ႇၼီႇ (ပၢၼ်ဢဵင်းၵလဵတ်ႈ)ၼၼ်ႉ ဢဵင်းၵလဵတ်ႈၶဝ် ႁွင်ႉဢဝ်ၵလႃးၵေႃႇရၶႃး မႃးယူႇသဝ်းလႄႈ ဝၢၼ်ႈလွႆႁူဝ်ၸၢင်ႉၼၼ်ႉ ပဵၼ်ဝၢၼ်ႈၵလႃးၵေႃႇရၶႃး တေႃႇထိုင်ယၢမ်းလဵဝ်ယူႇ။ ဢဝ်ၸွမ်းၼင်ႇ ၵၢၼ်ၵႃႉၶၢႆလႄႈသင် ဢဝ်ၸွမ်းၼင်ႇ ပဵၼ်ဝဵင်းမီးလုမ်းမးၸၢႆးလႄႈသင် ယၢမ်းလဵဝ် ၵူၼ်းၵူႈၸၢဝ်းၶိူဝ်း မႃးယူႇသဝ်းဝႆႉ တင်းၼမ်တင်းလၢႆယူႇ။
ဝဵင်း ၸိူဝ်းပႃးၼႂ်း ၸႄႈဝဵင်း ၵၢတ်ႇလေႃႉ
[မႄးထတ်း | မႄးထတ်းငဝ်ႈငႃႇ]- ဝဵင်းၵၢတ်ႇလေႃႉ (ၵလေႃး)
- ဝဵင်းဢုမ်ႇပဝ်း (ဢွင်ႇပၢၼ်း)
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ freemaptools
- ↑ Google Maps
- ↑ "ခရိုင်မြေပုံ - ရှမ်းပြည်နယ် (တောင်ပိုင်း)" (PDF). မြန်မာသတင်းအချက်အလက် စီမံခန့်ခွဲမှုယူနစ်. စက်တင်ဘာ ၂၀၁၆. Archived from the original (PDF) on 2017-06-25. Retrieved ၁၇ မတ် ၂၀၁၇.
{{cite web}}: Check date values in:|accessdate=and|date=(help)
  | လိၵ်ႈႁွမ်တွမ် ၵဵဝ်ႇလူၺ်ႈ ဢွင်ႈတီႈၼႃႈလိၼ် ၸႄႈမိူင်းတႆး ၼႆႉ ပဵၼ် လိၵ်ႈႁွမ်တွမ်ပွတ်း ႁူဝ်ၼိုင်ႈဢေႃႈ။ သိုပ်ႇၽိူမ်ႉထႅမ်သႂ်ႇထႅင်ႈသေ ၶႅၼ်းတေႃႈၸွႆႈထႅမ်ပၼ် ဝီႇၶီႇၽီးတီးယႃးတႆးၽွင်ႈၶႃႈ။ |