တၢၼ်ႇတွင်ႇ၊ ဝဵင်း

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ဝဵင်းတၢၼ်ႇတွင်ႇ
ဝဵင်းၸိူဝ်းမီးၼႂ်း မိူင်းမျၢၼ်ႇမႃႇ
Skyline of ဝဵင်းတၢၼ်ႇတွင်ႇ
ဝဵင်းတၢၼ်ႇတွင်ႇ ၼႆႉ မီးဝႆႉတီႈၼႂ်း မိူင်းမၢၼ်ႊ
ဝဵင်းတၢၼ်ႇတွင်ႇ
ဝဵင်းတၢၼ်ႇတွင်ႇ
ႁၢင်ႈၽိၼ်ႇလိၼ်မိူင်းမျၢၼ်ႇမႃႇ ၼႄဢွင်ႈတီးဝဵင်း
ၵူဝ်ႇဢေႃးတိၼဵတ်ႉ: 19°4′N 96°40′E / 19.067°N 96.667°E / 19.067; 96.667ၵူဝ်ႇဢေႃးတိၼဵတ်ႉ: 19°4′N 96°40′E / 19.067°N 96.667°E / 19.067; 96.667
မိူင်း  မျၢၼ်ႇမႃႇ
ၸႄႈမိူင်း  ယၢင်း
ၸႄႈတွၼ်ႈ ၸႄႈတွၼ်ႈၽဢၢၼ်ႇ
ၸႄႈဝဵင်း ၸႄႈဝဵင်းတၢၼ်ႇတွင်ႇၵျီး
ၶၢဝ်းယၢမ်း ၼႃႈလိၼ် လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30)

ဝဵင်းတၢၼ်ႇတွင်ႇ (မၢၼ်ႈ: သံတောင်မြို့, ဢင်းၵိတ်ႉ: Thandaung Town, သဵင်ဢွၵ်ႇ [Taantaung]) ၼႆႉ ပဵၼ်ဝဵင်းလိုဝ်ႈႁိုဝ်ႉ ဢွၼ်ႇဝဵင်းၼိုင်ႈ ဢၼ်ၶဝ်ႈပႃးဝႆႉတီႈၼႂ်း ၸႄႈဝဵင်းတၢၼ်ႇတွင်ႇၵျီးၸႄႈတွၼ်ႈၽဢၢၼ်ႇၸႄႈမိူင်းယၢင်းမိူင်းမျၢၼ်ႇမႃႇၼၼ်ႉယဝ်ႉ။ မိူဝ်ႈၵူႈပွၵ်ႈ ၶဝ်ႈပႃးတီႈၼႂ်း ၸႄႈမိူင်းယၢင်းလႅင်သေ ဝဵင်းတၢၼ်ႇတွင်ႇၼႆႉ ပဵၼ်ဝဵင်းၼိူဝ်လွႆ ဢွင်ႈတီႈလိုဝ်ႈႁိုဝ်ႉၸႂ် ဢၼ်လဵဝ် ဢၼ်ၶဝ်ႈပႃးတီႈၼႂ်း ၸႄႈတွၼ်ႈတွင်ႇငူႇ မိူဝ်ႈၵူႈပွၵ်ႈၼၼ်ႉယဝ်ႉ။ မီးဝႆ့ၸဵင်ႇၸၢၼ်းဝၼ်းဢွၵ်ႇ ဝဵင်းတွင်ႇငူႇ ယၢၼ် 22 လၵ်းၼၼ်ႉယဝ်ႉ။

တီႈမၼ်းၼႆႉ မီးဝႆႉတီႈၼိူဝ် ၸဵင်ႇလွႆပႅၼ် ဢၼ်မီးတီႈၼိူဝ်သုင် ၼႃႈပၢင်ႇလၢႆႇ 4200 ထတ်းၼၼ်ႉယဝ်ႉ။ တီႈႁိမ်းႁွမ်းသိုင်ႇဝႅတ်ႉလွမ်ႉၼၼ်ႉ လႆႈႁၼ်မီးသူၼ်ပႃႇထိူၼ်ႇ ဢၼ်ပဵၼ်တၢင်းႁၢင်ႈလီၽိင်ႈတိုၼ်းသၽႃႇဝၼၼ်ႉယဝ်ႉ။ ၾိင်ႈၾႃႉတႄႉ ပေႃးဝႃႈပဵၼ်ၶၢဝ်းမႆႈႁႅင်းႁႅင်းၼႆႉ တၢင်ႉလူမ်းမႆႈ ဢမ်ႇပူၼ်ႉ 70 တီႇၵရီႇသႅၼ်ႇတီႇၵရဵတ်ႉ။ ၽွင်းၶၢဝ်းၽူၼ်ၼႆ ၽူၼ်မႃးႁႃႇယႂ်ႇယဝ်ႉ။ ၵုၼ်ႇသိၼ်တႄႉ ဢွၵ်ႇ ၽွင်ၵႃႇၽီႇ၊ ၼဵင်ႈႁႅင်ႈ၊ မွၵ်ႇ လႄႈ မၢၵ်ႇမႆႉမၢၵ်ႇတွၵ်ႈ ယဝ်ႉ။

လုၵ်ႉဢဝ်တွင်ႇငူႇ ၵႂႃႇ တၢၼ်ႇတွင်ႇ မီးတၢင်းလူတ်ႉၵႃး ဢၼ်ယၢဝ်း 28 လၵ်းၼၼ်ႉယဝ်ႉ။ တေႃႇထိုင်ႁွင်ႈပသီႇ ဢၼ်ပဵၼ် တွၼ်ႈ 13 လၵ်းဢွၼ်တၢင်းၼႆႉ ပဵၼ်သဵၼ်ႈတၢင်း ဢၼ်ၵႂႃႇၸူး ဝဵင်းမေႃႇၶျီသေ ပဵၼ်တၢင်းယၢင်ယဝ်ႉ။ လုၵ်ႉဢဝ်တၢင်းႁွင်ႈပသီသေ ၵႂႃႇၽၢႆႇသၢႆ တေႃႇပေႃးထိုင် တၢၼ်ႇတွင်ႇယဝ်ႉ။ သဵၼ်ႈတၢင်းၽၢႆႇၶႂႃၼႆႉ ပဵၼ်သဵၼ်ႈတၢင်း ၵႂႃႇ မေႃႇၶျီယဝ်ႉ။[1]

ၽိုၼ်ဢိင်[မူၼ်ႉမႄး | မႄးထတ်းငဝ်ႈငႃႇ]

  1. ပပ်ႉသႅၼ်သမ်ႇမၢၼ်ႈ၊ သွႆႉ (13)