ဢေႇရႃႇဝတီႇ၊ ၸႄႈတိူင်း
| ၸႄႈတိူင်းဢေႇယႃႇဝတီႇ ဧရာဝတီတိုင်းဒေသကြီး | ||
|---|---|---|
| ၸႄႈတိူင်း | ||
| ||
 ဢွင်ႈတီႈ ၸႄႈတိူင်းဢေႇယႃႇဝတီႇ တီႈၼႂ်းမိူင်းမၢၼ်ႈ | ||
| ၵူဝ်ႇဢေႃးတိၼဵတ်ႉ: 16°13′05″N 93°28′20″E / 16.2181869°N 93.4722747°Eၵူဝ်ႇဢေႃးတိၼဵတ်ႉ: 16°13′05″N 93°28′20″E / 16.2181869°N 93.4722747°E | ||
| မိူင်း |
 မျၢၼ်ႇမႃႇ | |
| ၸႄႈတိူင်း |
 ဢေႇယႃႇဝတီႇ | |
| ၸႄႈလူင် | ဝဵင်းပတဵင်ႇ | |
| လူင်ပွင်ၸိုင်ႈ | ||
| • ၸွမ်ၽွင်းလူင် | ဢူးလႃႉမူဝ်းဢွင်ႇ (NLD) | |
| • ၸုမ်းလူင်ပွင်ၸိုင်ႈ | လူင်ပွင်ၸိုင်ႈ ၸႄႈတိူင်းဢေႇယႃႇဝတီႇ | |
| • လုမ်းတႅၼ်းၽွင်း သၢင်ႈၾိင်ႈမိူင်း | လုမ်းတႅၼ်းၽွင်း ၸႄႈတိူင်းဢေႇယႃႇဝတီႇ | |
| • လုမ်းတတ်းသိၼ် | လုမ်းတတ်းသိၼ် ၸႄႈတိူင်းဢေႇယႃႇဝတီႇ | |
| ဢေႇရိယႃႇ | ||
| • ႁုပ်ႈ | 13,567 လွၵ်းၵီႇလူဝ်ႇမီႇတႃႇ (5,238 လွၵ်းလၵ်း) | |
| ႁူဝ်ၼမ်ၵူၼ်း (2014)[1] | ||
| • ႁုပ်ႈ | 6,663,000 | |
| • တၢင်းသတ်ႉ | 490/km2 (1,300/sq mi) | |
| Demographics | ||
| • ၵူၼ်းၶိူဝ်း | မၢၼ်ႈ၊ ရၶႅင်ႇ၊ ၵလႃး၊ ယၢင်း | |
| • ၽႃႇသႃႇၵိူဝ်းယမ် | ပုတ်ႉထ၊ ၶရိတ်ႉယၢၼ်ႇ၊ ဢိတ်ႇသလၢမ်ႇ | |
| ၶၢဝ်းယၢမ်း ၼႃႈလိၼ် | MST (UTC+06:30) | |
| ဝႅပ်ႉသၢႆႉ |
www | |
ၸႄႈတိူင်းဢေႇယႃႇဝတီႇၼႆႉ မၼ်းပဵၼ်ၼႃႈလိၼ် ဢၼ်ၽုၵ်ႇသွမ်ႈၶဝ်ႈဢွၵ်ႇၼမ် ပဵၼ်ယႂ်ႇ တွၼ်ႈတႃႇမိူင်းမျႅၼ်ႇမႃႇယဝ်ႉ။ တၢင်းၵႂၢင်ႈမၼ်းမီး ႑႓,႕႖႗ လၵ်းပၼ်ႇမူၼ်းယဝ်ႉ။ ႁူဝ်ၼမ်ၵူၼ်းတႄႉ မီးဝႆႉ ႖.႕ လၢၼ်ႉသေ ၼိုင်ႈလၵ်းပၼ်ႇမူၼ်းၼႆႉ ပဵၼ် ႔႖႖ ၵေႃႉၼႆယဝ်ႉ။ ၵူၼ်းၶိူဝ်း မၢၼ်ႈ လႄႈ ယၢင်းၶဝ် ယူႇပဵၼ်ယႂ်ႇသေ တီႈၽၢႆတူၵ်း ၸိူဝ်းသၢပ်ႇလႅၼ်ၼမ်ႉၼၼ်ႉ မီးၵူၼ်းၶိူဝ်းရၶႅင်ႇၶဝ် ယူႇဢိတ်းဢွတ်း။ ၵမ်ႉပႃႈၼမ်တႄႉပဵၼ် ၸၢဝ်းၶိူဝ်း ပုတ်ႉထၽႃႇသႃႇသေ ၸိူဝ်းပဵၼ်ၸၢဝ်း ၶရိတ်ႉယၢၼ်ႇ၊ ဢိတ်ႇသလၢမ်ႇ ၵေႃႈယူႇသဝ်းဝႆႉယူႇဢိတ်းဢွတ်းၼင်ႇၵဝ်ႇ။ ၽႃႇသႃႇၵႂၢမ်းလၢတ်ႈ ပဵၼ်ယႂ်ႇတႄႉ ပဵၼ်ၽႃႇသႃႇမၢၼ်ႈယဝ်ႉ။
ၸႄႈတိူင်းဢေႇယႃႇဝတီႇၼႆႉ တၢင်းၵႂၢင်ႈမၼ်းမီး ႑႓,႕႖႗ လၵ်းပၼ်ႇမူၼ်းသေ ဢဝ်ၸႄႈဝဵင်း ႒႖ ၸႄႈဝဵင်း ၽွတ်ႈႁႅၼ်းဝႆႉယဝ်ႉ။
ဢွင်ႈတီႈ ၼႃႈလိၼ်ပထဝီႇ
[မႄးထတ်း | မႄးထတ်းငဝ်ႈငႃႇ]ၸႄႈတိူင်းဢေႇယႃႇဝတီႇၼႆႉ မၼ်းပဵၼ်ၼႃႈလိၼ်ၵုၼ်ပၢၵ်ႇမႄႈၼမ်ႉ မႄႈၼမ်ႉဢေႇယႃႇဝတီႇသေ မၼ်းမီးဝႆႉတီႈ ၸဵင်ႇၸၢၼ်းဝၼ်းတူၵ်း မိူင်းမျႅၼ်ႇမႃႇယဝ်ႉ။ ၸႄႈမိူင်းလႄႈ ၸႄႈတိူင်း ဢၼ်လႅၼ်လိၼ်ၶၼ်ႈၸပ်းၵၼ်ဝႆႉၼၼ်ႉ ပေႃးဢဝ်ပၼ်ႇၽၢႆႇၶႂႃဝႃႈ ၸဵင်ႇႁွင်ႇဝၼ်းတူၵ်းၼၼ်ႉ မီးမိူင်းရၶႅင်ႇ၊ ၽၢႆႇႁွင်ႇလႄႈ ၽၢႆႇဢွၵ်ႇၼၼ်ႉမီး ၸႄႈတိူင်းပႃႇၵိူဝ်သေ ၽၢႆႇဢွၵ်ႇမၼ်း မၼ်းဝႆႉ ၸႄႈတိူင်းတႃႈၵုင်ႈယဝ်ႉ။ ၽၢႆႇၸၢၼ်း လႄႈ ၽၢႆႇတၢင်းတူၵ်းမၼ်းၸမ်ႉ မီးဝႆႉ ပၢင်ႇလၢႆႇပိင်းၵလႃးယဝ်ႉ။ မီးဝႆႉ ၼႂ်းၵႄႈ လတ်ႉတီထုတ်ႉ ႑႕ တီႇၵရီႇ ႔႐ မိတ်ႉၼိတ်ႉ တေႃႇ ႑႘ တီႇၵရီႇ ႓႐ မိတ်ႉၼိတ်ႉ၊ လွင်ႇၵျီႇထုတ်ႉ ႙႔ တီႇၵရီႇ ႑႕ မိတ်ႉၼိတ်ႉ တေႃႇ ႙႖ တီႇၵရီႇ ႑႕ မိတ်ႉၼိတ်ႉ ယဝ်ႉ။ ၸႄႈတိူင်းဢေႇယႃႇဝတီႇၼႆႉ မၼ်းမီး ၼႃႈလိၼ်ႈၵႂၢင်ႈ ၼႃႈလိၼ်ပဵင်းတင်းၼမ်သေ ၸိူဝ်းပဵၼ် ႁွင်ႈ၊ မႄႈၼမ်ႉၸိူဝ်းၼႆႉၵေႃႈ မီးပေႃးသၢၼ်ၵၼ်ဝႆႉယဝ်ႉ။ ၵူၺ်းၵႃႈဝႃႈ မၼ်းၶဝ်ႈပႃးဝႆႉ သၢပ်ႇလႅၼ်ၼမ်ႉပွတ်းတႂ်ႈရၶႅင်ႇလႄႈ ၸိၵ်းသၼ်လွႆရၶႅင်ႇ ပွတ်းဢွၵ်ႇ ၸိူဝ်းၼႆႉယဝ်ႉ။
ၾိင်ႈၾႃႉ
[မႄးထတ်း | မႄးထတ်းငဝ်ႈငႃႇ]ယွၼ်ႉမၼ်းပဵၼ်ၼႃႈလိၼ် ဢၼ်ၸမ်ပၢင်ႇလၢႆႇလႄႈ ၾိင်ႈၾႃႉတႄႉ ၽူၼ်ၼမ်သေၼႃႈလိၼ်ယမ်းဝႆႉဢေႃႈ။
ၸႄႈတွၼ်ႈ၊ ၸႄႈဝဵင်း၊ ဝဵင်းၸိူဝ်းၶဝ်ႈပႃးဝႆႉ
[မႄးထတ်း | မႄးထတ်းငဝ်ႈငႃႇ]ၸႄႈတွၼ်ႈ
[မႄးထတ်း | မႄးထတ်းငဝ်ႈငႃႇ]ၸႄႈတိူင်းဢေႇယႃႇဝတီႇၼႆႉ ဢဝ်ၸႄႈတွၼ်ႈ 6 တွၼ်ႈၼင်ႇပႃႈတႂ်ႈၼႆႉသေ ၽွတ်ႈႁႅၼ်းဝႆႉယဝ်ႉ။
- ၸႄႈတွၼ်ႈပတဵင်ႇ
- ၸႄႈဝဵင်းႁိၼ်းတတႃႉ
- ၸႄႈတွၼ်ႈမျွင်းမျႃႉ
- ၸႄႈတွၼ်ႈမဢူႇပိၼ်ႇ
- ၸႄႈဝဵင်းၽျႃႇပူင်ႇ
- ၸႄႈတွၼ်လပုတ်ႉတႃႇ
ဢဝ်ၸႄႈတွၼ်ႈ ႖ ၸႄႈတွၼ်ႈ၊ ၸႄႈဝဵင်း (႒႖) ၸႄႈဝဵင်း လႄႈ ၵိင်ႇၸႄႈဝဵင်း ႗ ဢၼ်သေ ၽွတ်ႈႁဵၼ်းဝႆႉယဝ်ႉ။
- ၸႄႈတွၼ်ႈပတဵင်ႇ
- ၸႄႈဝဵင်းပတဵင်ႇ၊ ၸႄႈဝဵင်းၵၢၼ်ႇၵျီးထွင်ႉ၊ ၸႄႈဝဵင်းငပုတေႃး၊ ၸႄႈဝဵင်းတႃႇပွင်း၊ ၸႄႈဝဵင်းၵျွင်းၵူင်း၊ ၸႄႈဝဵင်းၵျူင်ႇပျေႃႇ၊ ၸႄႈဝဵင်းယေႇၵျီႇ၊ ငယူၵ်ႉၵွင်း၊ ၵိင်ႇၸႄႈဝဵင်း|ၵိင်ႇၸႄႈဝဵင်းငယူၵ်ႉၵွင်း၊ ႁၢႆးၵျီးၵျုၼ်း၊ ၵိင်ႇၸႄႈဝဵင်း|ၵိင်ႇၸႄႈဝဵင်းႁၢႆးၵျီးၵျုၼ်း၊ သူၺ်ႇတွင်ႇယႅၼ်ႇ၊ ၵိင်ႇၸႄႈဝဵင်း|ၵိင်ႇၸႄႈဝဵင်းသူၺ်ႇတွင်ႇယႅၼ်ႇ၊ ငူၺ်ႇသွင်ႇ၊ ၵိင်ႇၸႄႈဝဵင်း|ၵိင်ႇၸႄႈဝဵင်းငူၺ်ႇသွင်ႇ၊ ငတၢႆးၶျွင်း၊ ၵိင်ႇၸႄႈဝဵင်း|ၵိင်ႇၸႄႈဝဵင်းငတၢႆးၶျွင်း။
- ၸႄႈတွၼ်ႈႁိၼ်းတတႃႉ
- ၸႄႈတွၼ်ႈမျွင်းမျႃႉ
- ၸႄႈတွၼ်ႈမဢူႇပိၼ်ႇ
- ၸႄႈတွၼ်ႈၽျႃႇပူင်ႇ
- ၸႄႈဝဵင်းၽျႃႇပူင်ႇ၊ ၸႄႈဝဵင်းပူဝ်ႇၵလေး၊ ၸႄႈဝဵင်းၵျႅၵ်ႉလၢတ်ႉ၊ ၸႄႈဝဵင်းတေးတယႄး၊ ၵိင်ႇၸႄႈဝဵင်းဢမႃႇ
- ၸႄႈတွၼ်ႈလပုတ်ႉတႃႇ
- ၸႄႈဝဵင်းလပုတ်ႉတႃႇ၊ ၸႄႈဝဵင်းမေႃႇလမႅင်ႇၵျုၼ်း၊ ၵိင်ႇၸႄႈဝဵင်းပျိၼ်ႇၸလူႇ
မီးဝႆႉ ဝဵင်း (႓႙) ဝဵင်း၊ ပွၵ်ႉ (႒႗႓) ပွၵ်ႉ၊ ဢိူင်ႇ (႑႙႑႙) ဢိူင်ႇ၊ ဝၢၼ်ႈ (႑႑႙႐႗) ဝၢၼ်ႈယဝ်ႉ။ [2]
ဝၢၼ်ႈဝဵင်းတၢင်ႇၸိူဝ်း
[မႄးထတ်း | မႄးထတ်းငဝ်ႈငႃႇ]- ဢၢႆႇတပျူႉ
- ယူၺ်းၵူင်း
- ဢၽျွၵ်ႉ
- ဢတူၵ်ႉ
- ပေႃႇမိ
- ထမိ
- ၵတူင်ႇၵၼိ
- ၶမွၵ်ႉၸူႉ
- ၵႂိၼ်းၵွၵ်ႉ
- ၵျႅၵ်ႉလၢတ်ႉ
- ၵျူင်းတႃး
- ၵျူင်ႇၵတုၼ်း
- ၵျူင်ႇမငေး
- လူႇၶွင်းၵျꧦၼ်း
- သၵႃႇၵျီး
- တၵရႅတ်ႉ
- မျူဝ်ႉၵႂိၼ်း
- ၼိပ်ႉပၢၼ်ႇ
- ဢူင်းပိၼ်ႇ
- ပတွႆႇ
- ပျိၼ်ႇၶယၢႆႇ
- ပျိၼ်ႇယႂႃႇ
- ၸႅၵ်ႉၵေႃႉ
- ၸႅတ်ႉသၢၼ်း
- သျၢၼ်းယႂႃႇ
- သျေႃးပျႃႇ
- သူၺ်ႇလွင်း
- သူၺ်ႇမျိၼ်ႇတိၼ်ႇ
- သူၺ်ႇတွင်ႇမေႃႇ
- သိၼ်ႇမ
- တွင်ႇၵလေး
- ယႂႃႇတိတ်ႉ
- တိတ်ႉပျူၵ်ႉ
- တူင်းၶႂႃႉ
- ထူးၵျီး
- ဢိၼ်ႇပိၼ်ႇ
- ယေႇလႄးၵလေး
- ၸီးၶျႅင်ႇ
- မႄးၸလီႇၵူင်း
- မျိၼ်းၵၵူင်း
- တႃးၵ
ဢွင်ႈတီႈလီၶဝ်ႈၸႂ်
[မႄးထတ်း | မႄးထတ်းငဝ်ႈငႃႇ]- ၽြႃးသူၺ်ႇမုၼေႃး
- ၽင်ႇပၢင်ႇလၢႆႇငူၺ်ႇသွင်ႇ ဢွင်ႈတီႈလိုဝ်ႈႁိူဝ်ႉ
- ၽင်ႇပၢင်ႇလၢႆႇၶျွင်းတႃႇ ဢွင်ႈတီႈလိုဝ်ႈႁိူဝ်ႉ
- ၽြႃးမေႃႇတိၼ်ႇၸုၼ်း
သၢႆတၢင်းၵပ်းသိုပ်ႇ
[မႄးထတ်း | မႄးထတ်းငဝ်ႈငႃႇ]မႄႈၼမ်ႉၵဵဝ် ဢၼ်လုၵ်ႉတီႈ ၸႄႈမိူင်းၶၢင်သေ လႆလူင်းမႃးၼၼ်ႉ လႆလတ်းလူင်းမႃး ၸႄႈမိူင်းၶၢင်၊ ၸႄႈတိူင်းၵႄႈၵႅင်း၊ ၸႄႈတိူင်းတႃႈလိူဝ်ႇ၊ ၸႄႈတိူင်းမၵူၺ်း၊ ၸႄႈတိူင်းပႃႇၵိူဝ် ၸိူဝ်းၼႆႉသေ လႆႈဢွၵ်ႇပေႃႇပဵင် ၵိင်ႇၽႄ ႁွင်ႈၼမ်ႉ၊ မႄႈၼမ်ႉတင်းၼမ်သေ လႆႈပေႃႇပဵၼ် ထုင်ႉၼိူဝ်ၵုၼ်ႁူဝ်မႄႈၼမ်ႉ ဢေႇယႃႇဝတီႇ မႃးယဝ်ႉသေ လႆႈလႆလူင်းၶဝ်ႈၵႂႃႇတီႈၼႂ်း ပၢင်ႇလၢႆႇၵပ်ႉပလီႇယူႇယဝ်ႉ။ ယွၼ်ႉၼၼ်လႄႈ သၢႆတၢင်းၼမ်ႉၼႆႉ လႆႈဝႃႈပဵၼ် သၢႆတၢင်းပိူင်လူင် တွၼ်ႈတႃႇ ၸႄႈတိူင်းဢေႇယႃႇဝတီႇယူႇယဝ်ႉ။ ဢၼ်ပဵၼ်သဵၼ်ႈသၢႆတၢင်းလူတ်ႉလဵၼ်း (လူတ်ႉၽႆး)ၼၼ်ႉ ၵူၺ်းမီးသၢႆတၢင်းသဵၼ်ႈလဵဝ် ဢၼ်ပဵၼ် သၢႆတၢင်း ၵျၢၼ်ႇၶိၼ်း၊ ႁိၼ်းတတႃႉ၊ ပတဵင်ႇၼၼ်ႉယဝ်ႉ။ တွၼ်ႈတႃႇ သၢႆတၢင်းပေႃးတေၶႅမ်ႉလႅပ်ႈၼၼ်ႉ လႆႈႁဵတ်းတၢင်းလူတ်ႉၵႃး သျေႃးပျႃႇၶျွင်းတႃႇ ဢၼ်မီးၽၢႆႇတူၵ်းပတဵင်ႇၼၼ်ႉယဝ်ႉ။ ဢၼ်ပဵၼ် သဵၼ်ႈတၢင်းလူင်လူတ်ႉၵႃး ပတဵင်ႇမူင်ႇယႂႃႇၼၼ်ႉ လႆႈၶဝ်ႈတၢင်းတိုဝ်း တွၼ်ႈတႃႇ တေႃႉသူင်ႇၵုၼ်ႇသိၼ်လႄႈ ၵပ်းသိုပ်ႇတိတ်းတေႃႇ မိူင်းမၢၼ်ႈ ပွတ်းတႂ်းပွတ်းၼိူဝ်ယူႇ။
ၶူဝ်
[မႄးထတ်း | မႄးထတ်းငဝ်ႈငႃႇ]- ၶူဝ်ပူဝ်ႇမျႅတ်ႉထုၼ်း (ၺွင်ႇတူင်း)
- ၶူဝ်ႇဢေႇယႃႇဝတီႇ (ၺွ်ႇတူင်း)
- ၶူဝ်တေးတလူႇ (ၽျႃႇပူင်ႇ)
- ၶူဝ်တေးတယႄး
- ၶူဝ်ၵူင်ႇၺိၼ်းတၢၼ်း
- ၶူဝ်ၶတ်ႉတိယ (မဢူႇပိၼ်ႇ)
- ၶူဝ်တႃးၵ (တႃးၵ)
- ၶူဝ်ၵျွင်းၵူင်း
- ၶူဝ်မဢူႇပိၼ်ႇ
- ၶူဝ်မျွင်းမျႃႉ
- ၶူဝ်ၼၢတ်ႉၶျွင်း (ပူဝ်ႇၵလေး)
- ၶူဝ်ငဝုၼ်ႇ (မျူဝ်ႉၵႂိၼ်း)
- ၶူဝ်ငတၢႆးၶျွင်း
- ၶူဝ်ဢုတူဝ်ႇ (ၶျွင်းတႃႇ)
- ၶူဝ်ဝႃးၶႄႇမ
- ရႃႇၸူႇတၢႆႇ မၢႆ-႑ (မေႃႇၵျုၼ်း)
- ရႃႇၸူႇတၢႆႇ မၢႆ-႒ (မေႃႇၵျုၼ်း)
- ၶူဝ်ပတဵင်ႇ
ပၢႆးမၢၵ်ႈမီး
[မႄးထတ်း | မႄးထတ်းငဝ်ႈငႃႇ]ယွၼ်ႉပိူဝ်ႈပဵၼ် ထုင်ႉၼိူဝ်ၵုၼ်ပၢၵ်ႇမႄႈၼမ်ႉလႄႈ ၶွၼ်ႇလီပဵၼ်ဢၼ်ၶႅမ်ႉသေ ၸိူဝ်းပဵၼ် လွင်ႈၽုၵ်ႈသွမ်ႈ ၶဝ်ႈ၊ ထူဝ်ႇလိၼ်၊ ပေႃ၊ ယႃႈ၊ မၢၵ်ၽိတ်ႉ၊ ၽၵ်းမီႇ၊ လႄႈ ထူဝ်ႇၵူႈမဵဝ်းမဵဝ်းၼႆႉ ပဵၼ်ဢၼ်ဢွင်ႇမၢၼ်တႄႉယဝ်ႉ။ ၵၢၼ်ၽုၵ်ႇသွမ်ႈ ပဵၼ်ပိူင်ယႂ်ႇသေ ပဵၼ်ၸႄႈတိူင်းဢၼ်ၼိုင်ႈ တီႈၼႂ်းမိူင်းမၢၼ်ႈ ဢၼ်ၶဝ်ႈဢွၵ်ႇၼမ်သေပိူၼ်ႈ ၼၼ်ႉယဝ်ႉ။ ပဵၼ်ၸႄႈတိူင်း ဢၼ်ပေႃ ဢွၵ်ႇၼမ်သေပိူၼ်ႈၵေႃႈ ၸႂ်ႈယဝ်ႉ။ ၸိူဝ်းပဵၼ် မၢၵ်ႇဢုၼ်၊ ၵူၺ်ႈ ၸိူဝ်းၼႆႉၵေႃႈ ဢွၵ်ႇတင်းၼမ်ယဝ်ႉ။ တီႈၼႂ်းၸႄႈတိူင်းၼၼ်ႉ ဢၼ်ပဵၼ် လွင်ႈႁဵတ်းဢွၵ်ႇ မၵ်းသၵ်းလႄႈ မႆႉၵႅၼ်ႇၸိူဝ်းၼႆႉၵေႃႈ မီးတၢၼ်ႇတၢၼ်ႇသေ ဢၼ်ပဵၼ် ပႃႇထိူၼ်ႇ လမု၊ ၵၼၸိူဝ်ႇ ၸိူဝ်းပဵၼ်ပႃႇထိူၼ်ႇ ၼမ်ႉယိုင်ႈ ဢၼ်ၸၢင်ႈဢဝ်ႁဵတ်းထၢၼ်ႇၼၼ်ႉၵေႃႈ မီးယဝ်ႉ။
ၼႃႈၵၢၼ်ဢၼ်လိုဝ်းလင်တီႈ ၸႄႈတိူင်းဢေႇယႃႇဝတီႇ ထႅင်ႈဢၼ်ၼိုင်ႈတႄႉ ပဵၼ်ၵၢၼ်ငၢၼ်းဢွၵ်ႇၼႂ်းၼမ်ႉၼၼ်ႉယဝ်ႉ။ ယွၼ်ႉပိူဝ်ႈဝႃႈ မီးႁွင်ႈၼမ်ႉ မႄႈၼမ်ႉၼမ်လႄႈ ၵုင်ႈဝႃႇပႃဝႃႇ ဢွၵ်ႇလိူင်ႇတႄႉတႄႉလႄႈ ၸိူဝ်းပဵၼ်ၵၢၼ်ငၢၼ်း ပႃၼဝ်ႈ၊ ပႃႁႅင်ႈ၊ ၵုင်ႈႁႅင်ႈၸိူဝ်းၼႆႉၵေႃႈ ႁဵတ်းတႄႉတႄႉဝႃႈဝႃႈယူႇယဝ်ႉ။ လိူဝ်သေ လွင်ႈၺွပ်းပႃၼမ်ႉဝၢၼ်သေဢမ်ႇၵၢၼ်း ႁဵတ်းပႃးၵၢၼ်ၺွပ်းပႃ ပၢင်ႇလၢႆႇၵႂၢင်ႈၵႂၢင်ႈၶႂၢင်ၶႂၢင်ယူႇယဝ်ႉ။ ၵၼ်လဵင်ႉလူ ပဵတ်းဝႃႇၵႆႇဝႃႇ ၸိူဝ်းၼႆႉၵေႃႈ မီးယဝ်ႉ။ တီႈၸႄႈဝဵင်းလပုတ်ႉတႃႇၼႆႉ ႁဵတ်းၵၢၼ်ငၢၼ်း ပႃၼဝ်ႈ၊ ပႃႁႅင်၊ ၵုင်ႈႁႅင်ႈသေဢမ်ႇၵႃး ႁဵတ်းပႃး ၵၢၼ်ငၢၼ်းၵိူဝ် ၵႂၢင်ႈၵႂၢင်ႈၶႂၢင်ၶႂၢင်ယူႇ။
ၵၢၼ်ၽႃႈၽႅၼ်ႇ၊ ၵၢၼ်သၢတ်ႇၽိဝ်ၸိူဝ်းၼႆႉၵေႃႈ ႁဵတ်းတီႈၼႂ်ႈ ၸႄႈတိူင်းဢေႇယႃႇဝတီႇယူႇယဝ်ႉ။ ၵၢၼ်ၸွင်ႈပတဵင်ႇ တီႈဝဵင်းပတဵင်ႇၼၼ်ႉၵေႃႈ ပဵၼ်ၵၢၼ်ငၢၼ်းဢၼ်ၼိုင်ႈ ဢၼ်ႁႂ်ႈၵူၼ်းၼွၵ်ႈမိူင်းၶဝ် ၶဝ်ႈၸႂ်ယဝ်ႉ။ ဢၼ်ပဵၼ် ၵၢၼ်ငၢၼ်းၼမ်ႉမဵၼ် မျၢၼ်ႇဢွင်ႇ လႄႈ ဢၼ်ပဵၼ်ၵၢၼ်တမ်းၽႅၼ်လိၼ်ယၢင်ၵျၢၼ်ႇၶိၼ်းၼၼ်ႉၵေႃႈ ဢွင်ႇမၢၼ်ဝႆႉယူႇ။ တီႈဝဵင်းပတဵင်ႇၼၼ်ႉ လႆႈၵေႃႇသၢင်ႈဝႆႉ ၵၢၼ်ငၢၼ်းႁူင်းၵၢၼ်ၸၢၵ်ႈၶႅပ်းၵႅဝ်ႈယူႇ။ တီႈၼႂ်းၸႄႈတိူင်းၼႆႉ ၸိူဝ်းပဵၼ် ႁူင်းၵၢၼ်ၸၢၵ်ႈ မီးမွၵ်ႈ ႕႐ ဢၼ်ၼၼ်ႉသေ ဢၼ်ပဵၼ် ႁူင်းၵၢၼ်ၸၢၵ်ႈၶဝ်ႈ လႄႈ ႁူင်းၵၢၼ်ၸၢၵ်ႈပၼ်ႁႅင်းၽႆးၽႃႉၼႆႉ ၼမ်သေပိူၼ်ႈယဝ်ႉ။
ပၢႆးပႆႇၺႃႇ
[မႄးထတ်း | မႄးထတ်းငဝ်ႈငႃႇ]တွၼ်ႈတႃႇ ၸႄႈတိူင်းဢေႇယႃႇဝတီႇၼႆႉ လႆႈတႄႇပိုတ်ႇ ၶေႃးလဵၵ်ႉ ၵႃႈတီႈဝဵင်းပတဵင်ႇ မိူဝ်ႈပီ 1976 ၼၼ်ႉသေ ထိုင်မႃး ပီ 1978 လႆႈၶိုၼ်းသိုပ်ႇပိုတ်ႇ ၶေႃးလဵၵ်ႉပိုၼ်ႉတီႈထႅင်ႈဢၼ်ၼိုင်ႈ ၵႃႈတီႈဝဵင်းႁိၼ်းတတႃႉၼၼ်ႉယဝ်ႉ။[3]
ၸၼ်ႉၸွမ်လႄႈ ၶေႃးလဵၵ်ႉ
[မႄးထတ်း | မႄးထတ်းငဝ်ႈငႃႇ]- ၸၼ်ႉၸွမ်ပတဵင်ႇ
- ၸၼ်ႉၸွမ်ႁိၼ်းတတႃႉ
- ၸၼ်ႉၸွမ်မဢူႇပိၼ်ႇ
- ၶေႃးလဵၵ်ႉပၢႆးပႆႇၺႃႇပတဵင်ႇ
- ၶေႃးလဵၵ်ႉပၢႆးပႆႇၺႃႇပူဝ်ႇၵလေး
- ၶေႃးလဵၵ်ႉပၢႆးပႆႇၺႃႇမျွင်းမျႃႉ
- ၸၼ်ႉၸွမ်ပၢႆးၸၢင်ႈပတဵင်ႇ
- ၸၼ်ႉၸွမ်ပၢႆးၸၢင်ႈႁိၼ်းတတႃႉ
- ၸၼ်ႉၸွမ်ပၢႆးၸၢင်ႈမဢူႇပိၼ်ႇ
- ၸၼ်ႉၸွမ်ၶွမ်ႇပိဝ်ႇတႃႇပတဵင်ႇ
- ၸၼ်ႉၸွမ်ၶွမ်ႇပိဝ်ႇတႃႇႁိၼ်းတတႃႉ
- ၸၼ်ႉၸွမ်ၶွမ်ႇပိဝ်ႇတႃႇမဢူႇပိၼ်ႇ
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ (May 2015) Census Report, The 2014 Myanmar Population and Housing Census 2. Naypyitaw: Ministry of Immigration and Population, 17.
- ↑ နေပြည်တော် တိုင်းဒေသကြီး နှင့် ပြည်နယ်များရှိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စု၊ ကျေးရွာ ဦးရေ စာရင်းချုပ် (၁၆. ၂. ၂၀၁၆)
- ↑ စွယ်စုံကျမ်းနှစ်ချုပ်(၁၉၇၉)
- ↑ စွယ်စုံကျမ်းနှစ်ချုပ်(၁၉၇၈)
- ↑ စွယ်စုံကျမ်းနှစ်ချုပ်(၁၉၈၂)
- ↑ D.P.S. MYANMAR GUIDE MAP. 2000.
| |||||||||||||||
| ||||||||||||||||||||||||
