ဝေႃးလၶႄႉ၊ ၸႄႈတွၼ်ႈ
| ၸႄႈတွၼ်ႈဝေႃးလၶႄႉ | |
|---|---|
  ၸႄႈတွၼ်ႈဝေႃးလၶႄႉ | |
| ၵူဝ်ႇဢေႃးတိၼဵတ်ႉ: 18°55′N 97°26′E / 18.917°N 97.433°Eၵူဝ်ႇဢေႃးတိၼဵတ်ႉ: 18°55′N 97°26′E / 18.917°N 97.433°E | |
| မိူင်း |
 မျၢၼ်ႇမႃႇ |
| ၸႄႈမိူင်း |
 ယၢင်းလႅင် |
| ၸႄႈဝဵင်း | 3 |
| ဝဵင်းငဝ်ႈၸိုင်ႈ | ဝဵင်းဝေႃးလၶႄႉ |
| ဢေႇရိယႃႇ | |
| • ႁုပ်ႈ | 1,994.77 လွၵ်းလၵ်း (5,166.4 လွၵ်းၵီႇလူဝ်ႇမီႇတႃႇ) |
| ႁူဝ်ၼမ်ၵူၼ်း (2014) | |
| • ႁုပ်ႈ | 42,859 |
| • တၢင်းသတ်ႉ | 21/sq mi (8.3/km2) |
| ၶၢဝ်းယၢမ်း ၼႃႈလိၼ် | လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30) |
ၸႄႈတွၼ်ႈဝေႃးလၶႄႉ (မၢၼ်ႈ: ဘော်လခဲခရိုင်, ဢိင်းၵလဵတ်ႈ: Bawlakhe District) ၼႆႉ ပဵၼ်ၸႄႈတွၼ်ႈဢၼ်ၼိုင်ႈ ဢၼ်မီးဝႆႉတီႈၼႂ်ႈ ၸႄႈမိူင်းယၢင်းလႅင်ၼၼ်ႉယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 သေ တီႈၼႂ်းၸႄႈဝဵင်းဝေႃးလၶႄႉၼႆႉ မီး ႁူဝ်ၼပ်ႉၵူၼ်း 42,859 ၵေႃႉ[1]ယဝ်ႉ။ ၸႄႈဝဵင်း ၸိူဝ်းၶဝ်ႈပႃးၼႂ်း ၸႄႈတွၼ်ႈဝေႃးလၶႄႉၼႆႉ ၸႄႈဝဵင်းဝေႃးလၶႄႉ၊ ၸႄႈဝဵင်းၽႃသွင်း လႄႈ ၸႄႈဝဵင်းမႄႈၸႄႉယဝ်ႉ။
ပထဝီႇၼႃႈလိၼ်
[မႄးထတ်း | မႄးထတ်းငဝ်ႈငႃႇ]ဢွင်ႈတီႈ လႄႈ တၢင်းၵႂၢင်ႈၶႂၢင်
[မႄးထတ်း | မႄးထတ်းငဝ်ႈငႃႇ]ၸႄႈတွၼ်ႈဝေႃးလၶႄႉၼႆ့ မီးဝႆႉတီႈပွတ်းၸၢၼ်း ၸႄႈမိူင်းယၢင်းလႅင်သေ တၢင်းၵႂၢင်ႈၶႂၢင်ၼႆႉ မီး 1,994.77 လၵ်းပၼ်ႇမူၼ်း (5,166.4 ပၼ်ႇမူၼ်း ၶီႇလူဝ်ႇမီႇတႃႇ)သေ မီးဝႆႉတီႈၼႂ်းၵႄႈ လတ်ႉတီႇတုတ်ႉႁွင်ႇ 18 တီႇၵရီႇ 29 မိတ်ႉၼိတ်ႉ လႄႈ 19 တီႇၵရီႇ 20 မိတ်ႉၼိတ်ႉ၊ လွင်ႈၵျီႇတုတ်ႉဢွၵ်ႇ 96 တီႇၵရီႇ 56 မိတ်ႉၼိတ်ႉ လႄႈ 97 တီႇၵရီႇ 50 မိတ်ႉၼိတ်ႉယဝ်ႉ။[2]
လႅၼ်လိၼ်
[မႄးထတ်း | မႄးထတ်းငဝ်ႈငႃႇ]ၸႄႈတွၼ်ႈဝေႃးလၶႄႉၼႆႉ ၽၢႆႇဢွၵ်ႇမီး မိူင်းထႆး၊ ၽၢႆႇတူၵ်း ၸႄႈတွၼ်ႈၽဢၢၼ်ႇ (ၸႄႈမိူင်းယၢင်း) လႄႈ ၸႄႈတွၼ်ႈလွႆၶေႃ၊ ၽၢႆႇၸၢၼ်း မီး ၸႄႈတွၼ်ႈၽႃပွၼ် (ၸႄႈမိူင်းယၢင်း) လႄႈ မိူင်းထႆး၊ ၽၢႆႇႁွင်ႈၸမ်ႉ ဢိူမ်ႈၸပ်းၵၼ်ဝႆႉတင်း ၸႄႈတွၼ်ႈလွႆၶေႃယူႇယဝ်ႉ။
ၼႃႈလိၼ်
[မႄးထတ်း | မႄးထတ်းငဝ်ႈငႃႇ]ၸႄႈတွၼ်ႈဝေႃးလၶႄႉၼႆ့ ၵွင်းလွႆၼမ်လိူင်ႇလႄႈ ၼႃႈလိၼ်ပဵင်း ဢမ်ႇပေႃးမီးၼမ်။ မီးဝႆ့တီႈၼိူဝ် ၼႃႈၼမ်ႉပၢင်ႇလၢႆႇ ၽတ်ႉၽဵင်ႇ 452 ထတ်း တေႃႇ 1450 ထတ်းယဝ်ႉ။ လွႆဢၼ်သုင်သုတ်းၼႆႉ ပဵၼ်လွႆၽီ (ၼၢတ်ႉတွင်ႇ) ဢၼ်မီးဝႆႉတီႈၼႂ်း ၸႄႈဝဵင်းၽႃသွင်သေ တၢင်းသုင်မီး 8607 ထတ်းယဝ်ႉ။[2]
ၵေးၼမ်ႉ
[မႄးထတ်း | မႄးထတ်းငဝ်ႈငႃႇ]ႁွင်ႈၼမ်ႉၵေးၼမ်ႉ ဢၼ်လႆၼႂ်း ၸႄႈတွၼ်ႈဝေႃးလၶႄႉၼႆႉ ၼမ်ႉပွၼ် (ပုၼ်ၶျွင်း) ဢၼ်တႄႇႁူဝ်မႃးတီႈ ၸႄႈဝဵင်းသျႃးတေႃး သေ လတ်းၶဝ်ႈတီႈၼႂ်း ၸႄႈဝဵင်းဝေႃးလၶႄႉ၊ ၼမ်ႉမႄႈပၢႆ လႄႈ ၼမ်ႉၶူင်း ဢၼ်လႆၶဝ်ႈတီႈၼႂ်း ၸႄႈဝဵင်းၽေယႂႃႇတိတ်ႉ၊ တီႈၼႂ်း ၸႄႈဝဵင်းၽႃသွင်းၼႆႉ ၼမ်ႉထူး (ထူးၶျွင်း) လႄႈ ၼမ်ႉၶူင်း၊ တီႈၼႂ်းၸႄႈဝဵင်းမႄႈၸႄႉၼႆႉ ပဵၼ် ၼမ်ႉမႄႈၸႄႉ ယဝ်ႉ။[2]
ၾိင်ႈၾႃႉ
[မႄးထတ်း | မႄးထတ်းငဝ်ႈငႃႇ]တီႈၸႄႈတွၼ်ႈဝေႃးလၶႄႉၼႆႉ မီးၾိင်ႈၾႃႉမုၼ်းသုၼ်းမႆႈလိူတ်ႇသေ တၢင်ႉမႆႈဢၼ်သုင်သုတ်းၼႆႉ မီး 43 တီႇၵရီႇသႅၼ်ႇတီႇၵရဵတ်ႉ လႄႈ တၢင်ႉမႆႈ ဢၼ်တဵမ်ႇသုတ်းၼႆႉ မီး 7 တီႇၵရီႇသႅၼ်ႇတီႇၵရဵတ်ႉယဝ်ႉ။ တၢင်ႉၼမ်ႉၽူၼ်ဢၼ်မႃးတႃႇသေႇၼႆႉ မီး 24.08 ၼိဝ်ႉယဝ်ႉ။[2]
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ Provisional Results Census 26 August 2014 FINAL, ႁွင်ႈၵၢၼ်ဢဵၼ်ႁႅင်းၵူၼ်းမိူင်း, 26 August 2014, p. 16, archived from the original on 12 September 2014, retrieved February 26, 2015
- ↑ 2.0 2.1 2.2 2.3 2.4 ၶေႃႈမုၼ်းပုၼ်ႉတီႈ ၵဵဝ်ႇလူၺ်ႈၸႄႈတွၼ်ႈဝေႃးလၶႄႉ. ၸုမ်းလူင်ပွင်ၸိုင်ႈ ၸႄႈမိူင်းယၢင်းလႅင်. Retrieved on 2018 ဢေႃးၵၢတ်ႉ 2။
| |||||||||||||||||||||||||
