တပဵၵ်ႉၵျိၼ်း၊ ဝဵင်း

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ဝဵင်းတပဵၵ်ႉၵျိၼ်း
ဝဵင်းၼႂ်းၸႄႈတိူင်းတႃႈလိူဝ်ႇ
ဝဵင်းတပဵၵ်ႉၵျိၼ်း ၼႆႉ မီးဝႆႉတီႈၼႂ်း မိူင်းမၢၼ်ႊ
ဝဵင်းတပဵၵ်ႉၵျိၼ်း
ဝဵင်းတပဵၵ်ႉၵျိၼ်း
ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 22°53′02″N 95°58′26″E / 22.8839442°N 95.9740092°E / 22.8839442; 95.9740092ၵူဝ်ႇဢေႃးတိၼဵတ်ႉ: 22°53′02″N 95°58′26″E / 22.8839442°N 95.9740092°E / 22.8839442; 95.9740092
မိူင်း Flag of Myanmar.svg မျၢၼ်ႇမႃႇ
ၸႄႈတိူင်း Flag of Mandalay Division.svg ၸႄႈတိူင်းတႃႈလိူဝ်ႇ
ၸႄႈတွၼ်ႈ ၸႄႈတွၼ်ႈပၢင်ႇဢူး
ၼႃႈသုင်ပၢင်ႇလၢႆႇ 332 ထတ်း (101 မီႇတႃႇ)
ႁူဝ်ၼမ်ၵူၼ်း (၂၀၁၄)
 • ၼႂ်းဝဵင်း ၅,၆၃၀ [1]
ၶၢဝ်းယၢမ်း ၼႃႈလိၼ် MST (UTC+6.30)

ဝဵင်းတပဵၵ်ႉၵျိၼ်း (မၢၼ်ႈ: သပိတ်ကျင်း), (ဢင်းၵိတ်ႉ: Thabeikkyin) ၼႆႉ ပဵၼ်ဝဵင်း ဢၼ်မီးတီႈၼႂ်း ၸႄႈတွၼ်ႈပၢင်ႇဢူးၸႄႈတိူင်းတႃႈလိူဝ်ႇမိူင်းမျႅၼ်ႇမႃႇ ယဝ်ႉ။ ပဵၼ်ဝဵင်းပၵ်းလုမ်းၸႄႈဝဵင်း တႃႇ ၸႄႈဝဵင်းတပဵၵ်ႉၵျိၼ်းယဝ်ႉ။ ပဵၼ်ဝဵင်းႁိူဝ်းသိူၵ်ႈ ဢၼ်မီးၽၢႆႇသၢႆႉၽင်ႇ မႄႈၼမ်ႉၵဵဝ်ယဝ်ႉ။

ပဵၼ်ဝဵင်းၾူၼ်ဢေႇသေ မီးၾိင်ႈၾႃႉယႃႇသီႇမႆႈႁႅင်းယဝ်ႉ။ တၢင်းပီၼႆႉ တၢင်ႉၼမ်ႉၾူၼ် လႆႈ 44 ၼိဝ်ႉၵူၺ်း။ ႁူမ်ႈဝႃႈ မီး လွင်ႈၵပ်းသိုပ်ႇၵႂႃႇမႃးတင်း ၸႄႈမိူင်းၶၢင်မိူင်းတႆး ပွတ်းႁွင်ႇသေတႃႉ ၵူၼ်းယူႇၼႂ်းဝဵင်းၼႆႉ ပဵၼ်ၵူၼ်းၸၢဝ်းၶိူဝ်းမၢၼ်ႈ ၵမ်ႉၼမ်ၵူၺ်း။

မိူဝ်ႈပၢၼ်လူင်ပွင်ၸိုင်ႈဢင်းၵိတ်ႉၶဝ် တိုၵ်ႉႁႃသိမ်းဢဝ် မိူင်းမၢၼ်ႈပွတ်းၼိူဝ်ၼၼ်ႉ ဝဵင်းတပဵၵ်ႉၵျိၼ်းၼႆႉ ပဵၼ်ႁူးၶဝ်ႈဢွၵ်ႇသၢႆတၢင်းၼမ်ႉ ၵႂႃႇၸူး မိူင်းၵုတ်ႈ မေႃႇသႅင်ၼၼ်ႉယဝ်ႉ။ ယွၼ်ႉပိူဝ်ႈ တွၼ်ႈတႃႇ လူလွမ်ပႂ်ႉတူၺ်း လိၼ်မေႃႇသႅင်ၼႆ လႆႈတမ်းဝႆႉ တပ်ႉသိုၵ်းလႄႈ ပလိၵ်ႈလႄႈ မိူဝ်ႈၵူႈပွၵ်ႈၼႆႉ ႁူဝ်ႁိူၼ်းၵူၼ်းၵိုၼ်းၼမ်သေၼႆႉယဝ်ႉ။

ဝဵင်းတပဵၵ်ႉၵျိၼ်းမိူဝ်ႈၵူႈပွၵ်ႈၼႆႉ ပႃးၼႂ်းၸႄႈတွၼ်ႈမေႃႇသႅင်သေ ပဵၼ်ဝဵင်းပၵ်းလုမ်း ၶုၼ်ပွင်ၼႃႈလိၼ် ၸႄႈတွၼ်ႈၽႄတပဵၵ်ႉၵျိၼ်းမႃးယဝ်ႉ။ ဝၢႆးၼႆႉမႃးၶိုၼ်း လႅၵ်ႈလၢႆႈ ၸႄႈတွၼ်ႈၽႄတပဵၵ်ႉၵျိၼ်းသေ ဢဝ်သႂ်ႇၶဝ်ႈၼႂ်း ၸႄႈတွၼ်ႈၵၢတ်ႇသႃႇ မႃးယဝ်ႉ။ ဝၢႆးၼႆ့ ယွၼ်ႉ တပဵၵ်ႉၵျိၼ်းၼႆႉ ပဵၼ်မႃးၸႄႈဝဵင်း တီႈၼႂ်း ၸႄႈတွၼ်ႈသူၺ်ႇပူဝ်ႇ မႃးသေ ထိုင်မႃး 1965 လိူၼ်ဢွၵ်ႇထူဝ်ပႃႇ 1 ဝၼ်းမႃး တင်း ၸႄႈဝဵင်းမိူင်းၵုတ်ႈ သေ ထုၵ်ႇဢဝ်သႂ်ႇၶဝ်ႈတီႈၼႂ်း ၸႄႈတွၼ်ႈတႃႈလိူဝ်ႇသေ ယၢမ်းလဵဝ်တႄႉ ၶဝ်ႈပႃးၼႂ်း ၸႄႈတွၼ်ႈပၢင်ႇဢူးယဝ်ႉ။ ၼႃႈလိၼ်ၸႄႈဝဵင်းၼႆႉ ဢမ်ႇမီးၼႃႈလိၼ်ပဵင်းသေ ၽၢႆႇပွတ်းဢွၵ်ႇၼႆႉ သုင်ၶိုၼ်ႈၵႂႃႇၸူး ဝဵင်းမိူင်းၵုတ်ႈယဝ်ႉ။ လိၼ်ၽၢႆႇတႂ်ႈ ၸႄႈဝဵင်းၼႆႉ ၵမ်ႉၼမ်ပဵၼ်လိၼ်ႁိၼ်ထုၼ်ယဝ်ႉ။

သၢႆတၢင်းၵပ်းသိုပ်ႇတိတ်းတေႃႇ[မူၼ်ႉမႄး | မႄးထတ်းငဝ်ႈငႃႇ]

သဵၼ်ႈသၢႆတၢင်းၵပ်းသိုပ်ႇတိတ်းတေႃႇ ဝဵင်းတပဵၵ်ႉၵျိၼ်းၼႆႉ တေလႆႈဝႃႈ ဢမ်ႇပေႃးႁၢႆႉၸႃႉၼႃႇၼင်ႇၵဝ်ႇ။ တင်း ဝဵင်းတႃႈလိူဝ်ႇသေ ပေႃးဢဝ် ၶၢဝ်းတၢင်းသၢႆၼမ်ႉဝႃႈ ၵႆယၢၼ် 77 လၵ်းယဝ်ႉ။ ဢၼ်ပဵၼ်ႁိူဝ်းလူင် ဢၼ်ၸုမ်း ၵၢၼ်တေႃႉသူင် သၢႆၼမ်ႉၼႂ်းမိူင်းပိူင်ႇ ဢၼ်လဵၼ်ႈ တႃႈလိူဝ်ႇ မၢၼ်ႈမေႃႇၸႄႈၼႃး ၼၼ်ႉၵေႃႈ ၼိုင်ႈဝူင်ႈၼိုင်ႈပွၵ်ႈ မႃးသိူၵ်ႈတီႈ ဝဵင်းတပဵၵ်ႉၵျိၼ်းယူႇယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ႁိူဝ်းဢွၼ်ႇ ဢၼ်ၶိုၼ်ႈၶိုၼ်ႈလူင်းလူင်း တႃႈလိူဝ်ႇ တပဵၵ်ႉၵျိၼ်းၵေႃႈမီးယဝ်ႉ။ ပေႃးဢဝ်တၢင်းလိၼ်ဝႃႈ လုၵ်ႉဢဝ်တီႈ မေႃႇသႅင် ဝဵင်းမိူင်းၵုတ်ႈ သေ ဢဝ်တၢင်းလူတ်ႉၵႃးဝႃႈ ၵႆယၢၼ် 60 လၵ်း၊ လုၵ်ႉတီႈၼၼ်ႈ ၶိုၼ်းၵႂႃႇလႆႈ မိူင်းမိတ်ႈ၊ မၢၼ်ႈမေႃႇ၊ ၸႄႈၼႃး ၶိုၼ်ႈၵႂႃႇၸူး ၸႄႈမိူင်းၶၢင်၊ ၶိုၼ်းသိုပ်ႇၵႂႃႇလႆႈ ၵျွၵ်းမႄးသီႇပေႃႉ မိူင်းတႆးပွတ်းႁွင်ႇ ၸိူဝ်းၼႆႉယဝ်ႉ။

ၽိုၼ်ဢိင်[မူၼ်ႉမႄး | မႄးထတ်းငဝ်ႈငႃႇ]

  1. (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၅၈.