မျိတ်ႉတႃး၊ ဝဵင်း

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ဝဵင်းမျိတ်ႉတႃး
ဝဵင်းၼႂ်းၸႄႈတိူင်းတႃႈလိူဝ်ႇ
ဝဵင်းမျိတ်ႉတႃး ၼႆႉ မီးဝႆႉတီႈၼႂ်း မိူင်းမၢၼ်ႊ
ဝဵင်းမျိတ်ႉတႃး
ဝဵင်းမျိတ်ႉတႃး
ဢွင်ႈတီႈ ၼႂ်းမိူင်းမျႅၼ်ႇမႃႇ
ၵူဝ်ႇဢေႃးတိၼဵတ်ႉ: 21°25′N 96°8′E / 21.417°N 96.133°E / 21.417; 96.133ၵူဝ်ႇဢေႃးတိၼဵတ်ႉ: 21°25′N 96°8′E / 21.417°N 96.133°E / 21.417; 96.133
မိူင်း Flag of Myanmar.svg မျႅၼ်ႇမႃႇ
ၸႄႈတိူင်း Flag of Mandalay Division.svg ၸႄႈတိူင်းတႃႈလိူဝ်ႇ
ၸႄႈတွၼ်ႈ ၸႄႈတွၼ်ႈၵျွၵ်ႉသႄႇ
ၸႄႈဝဵင်း ၸႄႈဝဵင်းမျိတ်ႉတႃး
ဢေႇရိယႃႇ
 • ႁုပ်ႈ 1.872 လွၵ်းလၵ်း (4.849 လွၵ်းၵီႇလူဝ်ႇမီႇတႃႇ)
ၼႃႈသုင်ပၢင်ႇလၢႆႇ 305 ထတ်း (93 မီႇတႃႇ)
ႁူဝ်ၼမ်ၵူၼ်း (မတ် ၂၀၁၇)[1] ၁၈,၂၇၈
 • ၶိူဝ်းၵူၼ်း မၢၼ်ႈ၊ ၶႄႇ၊ ၵလႃး၊ ၸၢဝ်းၶိူဝ်းၸေးၸုင်ႇ
 • ၽႃႇသႃႇၵိူဝ်းယမ် ၽႃႇသႃႇပုတ်ႉထ၊ ၶရိတ်ႉယၢၼ်ႇ၊ ဢိတ်ႇသလၢမ်ႇ၊ ႁိၼ်ႇတူႇ
ၶၢဝ်းယၢမ်း ၼႃႈလိၼ် MST (UTC+6.30)

ဝဵင်းမျိတ်ႉတႃး (ဢင်းၵိတ်ႉ: Myittha), (မၢၼ်ႈ: မြစ်သားမြို့) ၼႆႉ ပဵၼ်ဝဵင်းပၵ်ႉလုမ်း ၸႄႈဝဵင်းမျိတ်ႉတႃး သေ ၶဝ်ႈပႃးဝႆႉ တီႈၼႂ်း ၸႄႈတွၼ်ႈၵျွၵ်ႉသႄႇၸႄႈတိူင်းတႃႈလိူဝ်ႇ ယဝ်ႉ။ ဝဵင်းမျိတ်ႉတႃးၼႆႉ မီးဝႆႉ တီႈသုတ်း ပျွင်းပျႃႇမျွင်းမတေႃႇ ဢၼ်လုၵ်ႉတီႈ ၽၢႆၵိၼ်းတႃးၽႄဢွၵ်ႇမႃး ဢၼ်ပဵၼ်ၽၢႆပၢႆၼိူဝ်သုတ်း ၶွင် မႄႈၼမ်ႉပၢၼ်းလွင်ႇ တီႈဢၼ် တၢင်းလူတ်ႉၵႃး တႃႈၵုင်ႈ - တႃးလိူဝ်ႇ ႁူပ်ႉၺႃးၵၼ်ၼၼ်ႉယဝ်ႉ။

ဢၼ်ပဵၼ်တၢင်းလူတ်ႉလဵၼ်း တႃႈၵုင်ႈ - ဝဵင်းလိူဝ်ႇၼႆႉ ယွၼ်ႉလတ်း ဝဵင်းမျိတ်ႉတႃးၵႂႃႇလႄႈ မိူၼ်ၼင်ႇ ၸႅၵ်ႇဢဝ်ၸႄႈဝဵင်းၼႆႉ ႁဵတ်းပဵၼ် ပွတ်းဢွၵ်ႇ ပွတ်းတူၵ်း ပဵၼ်သွင်ပွတ်းဝႆႉယူႇယဝ်ႉ။ တီႈဝဵင်းမျိတ်ႉတႃးၼႆႉ လင်ႁိူၼ်းမီး 3933 သေ ႁူဝ်ၼပ်ႉၵူၼ်း မီး 18,278 ၵေႃႉယဝ်ႉ။[1]

ၸႄႈဝဵင်းမျိတ်ႉတႃး ဢၼ်မီးပွတ်းဢွၵ်ႇ တၢင်းလူတ်ႉလဵၼ်းၼၼ်ႉ မၼ်းပဵၼ်ၼႃႈလိၼ် ဢၼ်ၾူၼ်ဢႄႇဝႃႈၼႆသေတႃႉၵေႃႈ ယွၼ်ႉမီးႁွင်ႈ ဢၼ်ဢဝ်ၼမ်ႉမႃးတီႈ မႄႈၼမ်ႉပၢၼ်းလွင်ႇၼၼ်ႉလႄႈ ၸၢင်ႈႁဵတ်းလႆႈ ၵၢၼ်ၽုၵ်ႇသွမ်ႈယူႇ။ ပွတ်းၼၼ်ႉၼႆႉ မၼ်းပဵၼ် ပွတ်းၼႃႈလိၼ်ပဵင်းသေ ၽၢႆႇဢွၵ်ႇမၼ်းမီး သၼ်လွႆမိူင်းတႆး ဝႆႉယဝ်ႉ။ ၽၢႆတူၵ်းတၢင်းလူတ်ႉလဵၼ်းၼၼ်ႉတႄႉ လုၵ်ႉတီႈ မႄႈၼမ်ႉၸမူင်၊ ႁွင်ႈၶုတ်းၸမႃႇ ၸိူဝ်းၼႆႉသေ လႆႈၼမ်ႉယူႇယဝ်ႉ။

တၢင်းၵႂၢင်ႈဝဵင်းမျိတ်ႉတႃးၼႆႉ ပေႃးဢဝ်ၼႃႈႁွင်ႇၼႃႈၸၢၼ်းဝႃႈ မီးမွၵ်ႈ 1 လၵ်း 2 ၽႃႇလူင်ႇ၊ ပေႃးဢဝ်ၼႃးဢွၵ်ႇၼႃႈတူၵ်းဝႃႈ မီး 6 ၽႃႇလူင်ႇၼႆႉသေ ပဵၼ်ၼႃႈလိၼ်ပဵင်းယဝ်ႉ။ မႄႈၼမ်ႉပၢၼ်းလွင်ႇၼႆႉ လုၵ်ႉဢၼ် ၽၢႆဢွၵ်ႇပွတ်းၸၢၼ်းသေ လဵပ်ႈလႆလူင်းၵႂႃႇ ၽၢႆတူၵ်းပွတ်းႁွင်ႇယဝ်ႉ။ ယွၼ်ႉပဵၼ် ဝဵင်းပၵ်းလုမ်းၸႄႈဝဵင်းလႄႈ မီးဝႆႉ လုမ်းလူင်ပွင်ၸိုင်ႈ၊ ႁူင်းယႃ၊ ႁူင်းႁဵၼ်းၸၼ်ႉသုင်၊ ၶူၵ်ႉၸၢၵ်ႈၶဝ်ႈ ၸၵႂႃႇၸိူဝ်းၼႆႉယဝ်ႉ။ တီႈၽၢႆႇဢွၵ်ႇသုတ်း ၵၢင်ဝဵင်းၼၼ်ႉ မီးဝႆႉ ၵွင်းမူးလူင်သူၺ်ႇမုၼေႃး ဢၼ်ဝႃႈ သီႇရိထမ်ႇမႃႇသေႃးၵ တင်ႈမႃးၼၼ်ႉ ၼႆယဝ်ႉ။ ၵူႈပီႈၵူႈပီ ပေႃးထိုင် လိူၼ်သၢမ်မႂ်ႇ ႘ ၶမ်ႈ တေႃႇ လိူၼ်လွင်ႈ ႒ ၶမ်ႈၼႆႉ ႁဵတ်းပၢင်ပွႆးၽြႃးယဝ်ႉ။ လုၵ်ႉဢဝ် မျိတ်ႉတႃးသေ ၵႂႃႇ မျိၼ်းၶျၢၼ်ႇ တင်းလူတ်ႉၵႃးၼႆႉ ၵႆယၢၼ် 53 လၵ်းယဝ်ႉ။ [2]

ပိုၼ်းဝဵင်း[မူၼ်ႉမႄး | မႄးထတ်းငဝ်ႈငႃႇ]

ဢွင်ႈတီႈပၵ်းသဝ်းဝဵင်းမျိတ်ႉတႃးၼႆႉ ၸဵမ်မိူဝ်ႈပႆႇထိုင်ပၢၼ် ၶုၼ်ဢၼေႃႇယထႃႇၼၼ်ႉ ပေႃးမီးၵူၼ်းယူႇမႃးယဝ်ႉသေ ႁွင်ႉဝႃႈ လႄႇတုၼ်း ႑႑ ၸႄႈတွၼ်ႈ ဝႃႈၼႆယဝ်ႉ။ မိူဝ်ႈပၢၼ်ပူးၵမ်ႇ ၶုၼ်မိူဝ်ႈၵွၼ်ႇၶဝ်ႁွင်ႉၸိုဝ်ႈဝဵင်းၼႆႉဝႃႈ မျိတ်ႉတႃႇ (မၢၼ်ႈ: မြစ်သာ) ဝႃႈၼႆယဝ်ႉ။ ယွၼ်ႉဢိင်ၼိူဝ် မႄႈၼမ်ႉပၢၼ်းလွင်ႇ ဢၼ်လႆႈလူင်းယူႇၼၼ်ႉသေ တႄႇတင်ႈမႃးလႄႈ တေလႆႈဝႃႈ ပဵၼ် "ဝဵင်းၽင်ႇၼမ်ႉ ဢၼ်ၵတ်းယဵၼ်သိူဝ်းသႃႇ" ဝႃႈၼႆယဝ်ႉ။။[1]

ၶုၼ်ဢၼေႃႇယထႃႇၼႆႉ ဢိင်ၼိူဝ် မႄႈၼမ်ႉပၢၼ်းလွင်ႇ လႄႈ မႄႈၼမ်ႉၸေႃႇၵျီႇ သေ ႁဵတ်းၽၢႆမႃးလႄႈ တီႈမႄႈၼမ်ႉပၢၼ်းလွင်ႇၼၼ်ႉ ဢဝ်မီးၸီႉၼႄတီႈ ဢၼ်တေႁဵတ်း ၽၢႆမၵျီးမႄး ၼၼ်ႉလႄႈ (မြစ်ကိုသားပြသည်) ၸင်ႇႁွင်ႉဝႃႈ မျိတ်ႉတႃး မႃး ဝႃႈၼႆႉယဝ်ႉ။[1]

ၽိုၼ်ဢိင်[မူၼ်ႉမႄး | မႄးထတ်းငဝ်ႈငႃႇ]

  1. 1.0 1.1 1.2 1.3 (အောက်တိုဘာ ၂၀၁၇) မြစ်သားမြို့နယ်၏ ဒေသဆိုင်ရာ အချက်အလက်များ. မန္တလေးတိုင်းဒေသကြီး အစိုးရအဖွဲ့. Retrieved on ၂၁ မတ် ၂၀၁၈. 
  2. မြန်မာ့စွယ်စုံကျမ်း၊ အတွဲ(၉)