လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
ၸႄႈတွၼ်ႈပၢင်ႇဢူး (ဢိင်းၵလဵတ်ႈ: Pyin Oo Lwin District), (မၢၼ်ႈ: ပြင်ဦးလွင်ခရိုင်) ၼႆ့ ပဵၼ်ၸႄႈတွၼ်ႈ ဢၼ်မီးၼႂ်း ၸႄႈတိူင်းတႃႈလိူဝ်ႇ ဢၼ်ၼိုင်ႈယဝ်ႉ။ မၼ်းမီးဝႆႉ ၸဵင်ႇႁွင်ႇဝၼ်းတူၵ်း ဝဵင်းတႃႈလိူဝ်ႇသေ ၽၢႆႇၸၢၼ်း မီးဝႆႉ ၼမ်ႉတူႈ (မႄႈၼမ်ႉမျိတ်ႉငႄႇ)၊ ၽၢႆႇဢွၵ်ႇမၼ်းမီး ၸႄႈမိူင်းတႆး၊ ၽၢႆႇႁွင်ႇမၼ်းမီး ၸႄႈဝဵင်းတီႈၶင်ႉ (ထီးၶျႅင်ႉ)၊ (ၸႄႈတွၼ်ႈၵၢတ်ႇသႃ)၊ ၸႄႈတိူင်းၸႄႈၵႅင်း၊ ၽၢႆႇတူၵ်းမၼ်းမီး မႄႈၼမ်ႉၵဵဝ် ၸိူဝ်းၼႆႉ လွမ်ႉႁွပ်ႈဝႆႉယဝ်ႉ။ ၵူၺ်းၵႃႈ ဢၼ်ပဵၼ်ပွတ်းဢွၼ်ႇ ၶွင် ၸႄႈဝဵင်းတပဵၵ်ႉၵျိၼ်း ၼၼ်ႉတႄႉ ၵႂႃႇမီးဝႆႉ ၽၢႆႇတူၵ်း မႄႈၼမ်ႉၵဵဝ်ယူႇယဝ်ႉ။ ၸဵင်ႇၸၢၼ်းဝၼ်းတူၵ်းၼၼ်ႉ မီး ၸႄႈတွၼ်ႈတႃႈလိူဝ်ႇ ယဝ်ႉ။ ႁူဝ်ၼပ်ႉၵူၼ်း တီႈ ၸႄႈတွၼ်ႈပၢင်ႇဢူး ဢၼ်ၵဵပ်းမိူဝ်ႈ ပီ 2014 ၼၼ်ႉ မီးၵႂႃႇ 996,438 ၵေႃႉ [1] ၼႆယဝ်ႉ။
ၸႄႈဝဵင်း ၸိူဝ်းဢၼ်မီးတီႈၼႂ်း ၸႄႈတွၼ်ႈပၢင်ႇဢူးၼႆႉ မီးၼင်ႇပႃႈတႂ်ႈၼႆႉယဝ်ႉ။