တွင်ႇတႂိၼ်းၵျီး၊ ၸႄႈဝဵင်း

ၸႄႈဝဵင်းတွင်ႇတႂိၼ်းၵျီး
ၸႄႈဝဵင်း ၼႂ်းၸႄႈတိူင်းမၵူၺ်း
ၸႄႈဝဵင်းတွင်ႇတႂိၼ်းၵျီး ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 20.0000983°N 95.5459787°E / 20.0000983; 95.5459787
မိူင်း	မိူင်းမျၢၼ်ႇမႃႇ
ၸႄႈတိူင်း	မၵူၺ်း
ၸႄႈတွၼ်ႈ	ၸႄႈတွၼ်ႈမၵူၺ်း
ဝဵင်းပၵ်းလုမ်းၸႄႈဝဵင်း	ဝဵင်းတွင်ႇတႂိၼ်းၵျီး
ဢေႇရိယႃႇ
• ႁုပ်ႈ	194 လွၵ်းလၵ်း (503 လွၵ်းၵီႇလူဝ်ႇမီႇတႃႇ)
ၼႃႈသုင်ပၢင်ႇလၢႆႇ	466 ထတ်း (142 မီႇတႃႇ)
ႁူဝ်ၼမ်ၵူၼ်း (2014)	၂၅၉,၈၆၀
• တၢင်းသတ်ႉ	1,338/sq mi (516.6/km2)
• ၽႃႇသႃႇၵိူဝ်းယမ်	ပုတ်ႉထၽႃႇသႃႇ
ၶၢဝ်းယၢမ်း ၼႃႈလိၼ်	MST (UTC+6.30)

ၸႄႈဝဵင်းတွင်ႇတႂိၼ်းၵျီး (မၢၼ်ႈ: တောင်တွင်းကြီးမြို့နယ်), (ဢိင်းၵလဵတ်ႈ: Taungdwingyi Township), (သဵင်ဢွၵ်ႇ [Zewaeng Daungdwinkyi]) ၼႆႉ ပဵၼ်ၸႄႈဝဵင်း ဢၼ်မီးဝႆႉတီႈၼႂ်း ၸႄႈတွၼ်ႈမၵူၺ်း, ၸႄႈတိူင်းမၵူၺ်း တီႈမွတ်းၵၢင်မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းပၵ်းလုမ်းၸႄႈဝဵင်းတႄႉ ပဵၼ် ဝဵင်းတွင်ႇတႂိၼ်းၵျီး ယဝ်ႉ။ ဢၼ်ပဵၼ် ဝဵင်းၵဝ်ႇ ပျူႇ၊ ဝဵင်းၵဝ်ႇပိၵ်ႉသၼူဝ်း ၼၼ်ႉၵေႃႈ မီးဝႆႉတီႈႁိမ်း ဝဵင်းတွင်ႇတႂိၼ်းၵျီးၼၼ်ႉယဝ်ႉ။ ၼႃးလိၼ်ပဵင်းသေ ၶဝ်ႈ၊ ၵျုင်ႇ၊ ဢွႆႈလႄႈ မၢၵ်ႇၼမ်ႉၶဝ်ႈတႅင် တၢင်ႇၸိူဝ်းၵေႃႈ ပဵၼ်လီဝႆႉယဝ်ႉ။

လႅၼ်လိၼ်

ၸႄႈဝဵင်းတွင်ႇတႂိၼ်းၵျီးၼႆႉ ၸပ်းဢိူမ်ႈၵၼ်တင်း ၸႄႈဝဵင်းၼင်ႇၽၢႆႇတႂ်ႈၼႆႉယဝ်ႉ။

• ၽၢႆႇႁွင်ႇ ၸႄႈဝဵင်းမျူဝ်ႉတိတ်ႉ
• ၽၢႆႇၸၢၼ်း ၸႄႈဝဵင်းသိၼ်ႇပွင်ႇဝႄး
• ၽၢႆႇဢွၵ်ႇ ၸႄႈဝဵင်းလႄႇဝေး လႄႈ ၸႄႈဝဵင်းတတ်ႉၵူင်း (ၼေႇပျီႇတေႃႇ)
• ၽၢႆႇတူၵ်း ၸႄႈဝဵင်းမၵူၺ်း။

ပၢႆးမၢၵ်ႈမီး

ပၢႆးမၢၵ်ႈမီးပိူင်လူင် တီႈၸႄႈဝဵင်းတွင်ႇတႂိၼ်းၵျီးၼႆႉ ပဵၼ် ၵၢၼ်ၽုၵ်ႇသွမ်ႈယဝ်ႉ။ ၽုၵ်ႇသွမ်ႈ ၶဝ်ႈ၊ ထူဝ်ႇၵူႈမဵဝ်းမဵဝ်း၊ ၵျုင်ႇလႄႈ ဢွႆႈၸိူဝ်းၼႆႉယဝ်ႉ။

ၵၢၼ်တေႃႉသူင်ႇ

ဝဵင်းတွင်ႇတႂိၼ်းၵျီးၼႆႉ ၽၢႆႇတူၵ်း ဝဵင်းမၵူၺ်း ယၢၼ် (႖႘ ၶီႇလူဝ်ႇမီႇတႃႇ / ႔႒ လၵ်း)၊ ၽၢႆႇၸၢၼ်း ဝဵင်းပျီႇ (႑႖႒ ၶီႇလူဝ်ႇမီႇတႃႇ / ႑႐႑ လၵ်း) လႄႈ ၽၢႆႇဢွၵ်ႇ ၼေႇပျီႇတေႃႇ (႖႘ ၶီႇလူဝ်ႇမီႇတႃႇ / ႔႒ လၵ်း) သေ ဢဝ်တၢင်းလူတ်ႉလဵၼ်း လႄႈ တၢင်းလူတ်ႉၵႃး ၵႂႃႇၸူးလႆႈ ဝဵင်းၸိူဝ်းၼၼ်ႉယူႇယဝ်ႉ။ တင်း ဝဵင်းတႃႈလိူဝ်ႇ ႒႒႗ ၶီႇလူဝ်ႇမီႇတႃႇ လႄႈ တင်း ဝဵင်းတႃႈၵုင်ႈ ယၢၼ်ၵႆ ႓႖႕ ၶီႇလူဝ်ႇမီႇတႃႇယဝ်ႉ။ ၶူင်ႇၶိူင်ႈမိၼ် ဢၼ်ၸမ်သုတ်းတႄႉ ပဵၼ် ၶူင်ႇၶိူင်ႈမိၼ်မၵူၺ်း ဢၼ်မီးတီႈ ဝဵင်းမၵူၺ်းၼၼ်ႉယဝ်ႉ။

ၾိင်ႈၾႃႉ

ၶၢဝ်းဢၼ်မႆႈလိူဝ်သုတ်းၼႆႉ ပဵၼ် လိူၼ်ဢေႇပရႄႇသေ တၢင်ႉလူမ်းမႆႈ ၽွင်းၶၢဝ်းယၢမ်းတဵင်ႈဝၼ်း ၽတ်ႉၽဵင်ႇၵၼ်ၼႆႉ မီး ႓႙ တီႇၵရီႇသႅၼ်ႇတီႇၵရဵၵ်ႉယဝ်ႉ။ ၶၢဝ်းယၢမ်းဢၼ်ၵတ်းသေပိူၼ်ႈၼႆႉ ပဵၼ် လိူၼ်ၸၼ်ႇဝႃႇရီႇသေ တၢင်ႉလူမ်းမႆႈ ပွတ်းၶမ်ႈၽတ်ႉၽဵင်ႇၼႆႉ မီး ႑႔ တီႇၵရီႇသႅၼ်ႇတီႇၵရဵၵ်ႉယဝ်ႉ။ လိူၼ်ဢေႃးၵၢတ်ႉၼႆႉ ၽူၼ်မႃးယဝ်ႉ။ လိူၼ်မၢတ်ႉၶျ်ၼႆႉ ပဵၼ်ၶၢဝ်းႁႅင်ႈႁွင်ယဝ်ႉ။