ပွင်ႇ၊ ဝဵင်း

ဝဵင်းပွင်ႇ
ဝဵင်း
ဝဵင်းပွင်ႇ ဢွင်ႈတီႈဝဵင်းပွင်ႇ
ၵူဝ်ႇဢေႃးတိၼဵတ်ႉ: 16°37′22″N 97°27′37″E
မိူင်း	မျၢၼ်ႇမႃႇ
ၸႄႈမိူင်း	မွၼ်း
ၸႄႈတွၼ်ႈ	ၸႄႈတွၼ်ႈသထူင်ႇ
ၸႄႈဝဵင်း	ၸႄႈဝဵင်းပွင်ႇ
ႁူဝ်ၼမ်ၵူၼ်း (2014)	29,434
ၶၢဝ်းယၢမ်း ၼႃႈလိၼ်	လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6.30)

ဝဵင်းပွင်ႇ (မၢၼ်ႈ: ပေါင်မြို့; မွၼ်း: ပံင် ; ဢိင်းၵလဵတ်ႈ: Paung) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းပွင်ႇ၊ ၸႄႈတွၼ်ႈသထူင်ႇ၊ ၸႄႈမိူင်းမွၼ်း၊ မိူင်းမျၢၼ်ႇမႃႇ ၶႃႈဢေႃႈ။ ၸႄႈဝဵင်းပွင်ႇၼႆႉ မီးဝႆႉ ပွတ်းၸၢၼ်း ၸႄႈဝဵင်းသထူင်ႇသေ မီးဝႆႉတီႈၼႂ်းၵႄႈ ၼမ်ႉၶူင်း လႄႈ ၵူတ်ႉပၢင်ႇလၢႆႇမူၵ်ႉတမယဝ်ႉ။

ဝဵင်းပွင်ႇၼႆႉ မီးဝႆႉတီႈ ၵုင်းၸိူၼ်း ဢၼ်မီး ၽၢႆႇတူၵ်း သၼ်လွႆမူၵ်ႉတမ ဢၼ်ၵၢႆဝႆႉ ၼႃႈႁွင်ႇၼႃႈၸၢၼ်း တီႈၼႂ်းၵၢင်ၸႄႈဝဵင်းပွင်ႇၼၼ်ႉယဝ်ႉ။ သဵၼ်ႈတၢင်းရူတ်ႉရဵၼ်း ဢၼ်ၵႂႃႇ တႃႈၵုင်ႈ-မေႃႇလမႅင်ႇ ၼႆႉ ႁဵတ်းလတ်းၵႂႃႇတီႈ ဝဵင်းပွင်ႇယဝ်ႉ။ ၸႄႈဝဵင်းပွင်ႇၼႆႉ ၵႂၢင်ႈၶႂၢင် 399 လွၵ်းလၵ်းယဝ်ႉ။ ယွၼ်ႉပိူဝ်ႈ ၶွၼ်ႇလိၼ်ၽုၼ်ႇလိၼ် ၶႅမ်ႉလႄႈ ၵၢၼ်ၽုၵ်ႇသွမ်ႈၼႆႉ ပဵၼ်ၵၢၼ်ပိူင်လူင် တွၼ်ႈတႃႇ ၸႄႈဝဵင်းယဝ်ႉ။ ယွၼ်ႉပိူဝ်ႈ ၵၢၼ်ငၢၼ်းႁႆႈၼႃးၶႅမ်ႉလႅပ်ႈလႄႈ ႁူဝ်ၼပ်ႉၵူၼ်း ၵေႃႈၼမ်ဝႆႉယဝ်ႉ။ ၸွမ်းလူၺ်ႈသဵၼ်ႈမၢႆႁူဝ်ႁိူၼ်း ပီ 2014 သေ ႁူဝ်ၼပ်ႉၵူၼ်းတီႈ ဝဵင်းပွင်ႇၼႆႉ မီးယူႇ 29,434 ၵေႃႉယဝ်ႉ။ ၶဝ်ႈသၢၼ်ၼႆႉ ပဵၼ်ၶူဝ်းဢွၵ်ႇပိူင်လူင် တီႈဝဵင်းပွင်ႇယဝ်ႉ။

ဝဵင်းမူၵ်ႉတမ ဢၼ်ပဵၼ်ဝဵင်းၵဝ်ႇလူင် ဝဵင်းၼိုင်ႈၼႆႉ မီးဝႆႉတီႈၼိူဝ် ၽင်ႇၼမ်ႉၶူင်း ဢၼ်မီးၸဵင်ႇၸၢၼ်းဝၼ်းဢွၵ်ႇ ၸႄႈဝဵင်းပွင်ႇသေ ဝၢႆႇၼႃႈၸူး ဝဵင်းမေႃႇလမႅင်ႇဝႆႉယဝ်ႉ။ ဝဵင်းမူၵ်ႉတမၼႆ့ မိူဝ်ႈဢွၼ်တၢင်း ပဵၼ်ဝဵင်းတႃႈႁိူဝ်းသေ ပဵၼ်ဢွင်ႈတီႈ ၵူၼ်းၼွၵ်ႈမိူင်းၶဝ် ၶဝ်ႈဢွၵ်ႇသိုဝ်ႉၶၢႆမႃးယဝ်ႉ။