ၵၢင်မိူင်း၊ ဝဵင်း

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ဝဵင်းၵၢင်မိူင်း
ဝဵင်း
ဝဵင်းၵၢင်မိူင်း ၼႆႉ မီးဝႆႉတီႈၼႂ်း မိူင်းမၢၼ်ႊ
ဝဵင်းၵၢင်မိူင်း
ဝဵင်းၵၢင်မိူင်း
ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 25°31′0″N 96°44′0″E / 25.51667°N 96.73333°E / 25.51667; 96.73333ၵူဝ်ႇဢေႃးတိၼဵတ်ႉ: 25°31′0″N 96°44′0″E / 25.51667°N 96.73333°E / 25.51667; 96.73333
မိူင်း  မျၢၼ်ႇမႃႇ
ၸႄႈမိူင်း  ၶၢင်
ၸႄႈတွၼ်ႈ ၸႄႈတွၼ်ႈမိူင်းယၢင်း
ၸႄႈဝဵင်း ၸႄႈဝဵင်းၽႃၵၢၼ်ႉ
ႁူဝ်ၼမ်ၵူၼ်း (2014) ၁၉,၄၃၀[1]
ၶၢဝ်းယၢမ်း ၼႃႈလိၼ် လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6.30)

ဝဵင်းၵၢင်မိူင်း (မၢၼ်ႈ: ကာမိုင်းမြို့, ဢင်းၵိတ်ႉ: Kamaing) ၼႆႉ ပဵၼ်ဝဵင်း ဢၼ်ၶဝ်ႈပႃးတီႈၼႂ်း ၸႄႈဝဵင်းၽႃၵၢၼ်ႉၸႄႈတွၼ်ႈမိူင်းယၢင်းၸႄႈမိူင်းၶၢင်မိူင်းမျၢၼ်ႇမႃႇ ၼၼ်ႉယဝ်ႉ။ ပေႃးဝႃႈ လုၵ်ႉတီႈ ဝဵင်းမိူင်းၵွင်းသေ ၵႂႃႇၸွမ်းသၢႆတၢင်းၼမ်ႉ ၶိုၼ်ႈၼိူဝ် ယၢၼ် မွၵ်ႈ ၇၀ လၵ်းၼၼ်ႉ မီးဝႆႉ ဝဵင်းၵၢင်မိူင်းယဝ်ႉ။ ၵူၺ်းၵႃးဝႃး ပေႃးဢဝ်တၢင်းရူတ်ႉၵႃးၼႆ ၵႆမွၵ်ႈ ၂၅ လၵ်းၼၼ်ႉၵူၺ်း။ ဝဵင်းၵၢင်မိူင်းၼၼ်ႉ မိူဝ်ႈၵူႈပွၵ်ႈၶဝ်ႈပႃးၼႂ်း ၸႄႈတွၼ်ႈၸႄႈၼႃးသေ ပဵၼ်ဝဵင်းပၵ်းလုမ်း ၽွင်းသၼ်လွႆ ဢၼ်ၵဵဝ်ႇလူၺ်ႈ ထုင်ႉသၼ်လွႆၵၢင်မိူင်း၊ ထုင်ႉသၼ်လွႆမိူင်းၵွင်း၊ ထုင်ႉသၼ်လွႆမိူင်းယၢင်း၊ ထုင်ႉသၼ်လွႆ ႁူးၵွင်း ထၢင်သႅင်ပတ်း ၸိူဝ်းၼၼ်ႉယဝ်ႉ။

တၢင်းၵႂၢင်ႈၶႂၢင်ဝဵင်းၼႆႉ မီး ၼိုင်ႈလွၵ်းလၵ်းသေ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 ၼၼ်ႉ ႁူဝ်ၼပ်ႉၵူၼ်း မီးမႃး ၁၉,၄၃၀ ၵေႃႉယဝ်ႉ။[1] ၵူၼ်းတီႈဝဵင်းၵမ်ႉၼမ်ၼႆႉ ဢွၼ်ၵၼ် ႁဵတ်းၵၢၼ်တမ်ႇငႃႈ လႄႈ ၵၢၼ်ႁႆႈယဝ်ႉ။ တီႈႁူဝ်ၼမ်ႉ မိူင်းၵွင်းၼၼ်ႉ မီးဝႆႉသူၼ်တူၼ်ႈယၢင်သေ ဢွၼ်ၵၼ်ၵႃႉၶၢႆ ၶႅပ်းယၢင် လႄႈတင်း သႅင်ၶဵဝ်ယဝ်ႉ။

ယွၼ်ႉပိူဝ်ႈၾိင်ႈၾႃႉၵတ်းယမ်းလႄႈ ပေႃးၶၢဝ်ၽူၼ်မႃး တၢင်းပဵၼ်ၶႆႈၼၢဝ်လိူင်ႇယဝ်ႉ။ ယွၼ်ႉပိူဝ်ႈမီး လုမ်းၵဵပ်းၶွၼ်ႇ ၸိူဝ်းပဵၼ် ၶူဝ်းၶွင်ဢွၵ်ႇၼႂ်းလိၼ် ၼင်ႇ သႅင်ၶဵဝ်ၼၼ်ႉလႄႈ ၼိုင်ႈပီၼိုင်ႈပီ လႆႈၶွၼ်ႇတင်းၼမ်ယဝ်ႉ။


ၽိုၼ်ဢိင်[မူၼ်ႉမႄး | မႄးထတ်းငဝ်ႈငႃႇ]

  1. 1.0 1.1 (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၄၉.