ႁူၺ်ႈၵူႈ၊ ဝဵင်း

ဝဵင်းႁူၺ်ႈၵူႈ
ဝဵင်းႁူၺ်ႈၵူႈ ႁၢင်ႈၽႅၼ်ႇလိၼ် ၼႄဢွင်ႈတီ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 24°13′0″N 96°48′0″E
မိူင်း	မျၢၼ်ႇမႃႇ
ၸႄႈမိူင်း	ၶၢင်
ၸႄႈတွၼ်ႈ	ၸႄႈတွၼ်ႈမၢၼ်ႈမေႃႇ
ၸႄႈဝဵင်း	ၸႄႈဝဵင်းႁူၺ်ႈၵူႈ
ႁူဝ်ၼမ်ၵူၼ်း (2014)	၁၈,၈၉၄
ၶၢဝ်းယၢမ်း ၼႃႈလိၼ်	လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6.30)

ဝဵင်းႁူၺ်ႈၵူႈ (မၢၼ်ႈ: ရွှေကူမြို့, ဢိင်းၵလဵတ်ႈ: Shwegu) ၼႆႉ ပဵၼ်ဝဵင်း ဢၼ်ၶဝ်ႈပႃးၼႂ်ႈ ၸႄႈဝဵင်းႁူၺ်ႈၵူႈ၊ ၸႄႈတွၼ်ႈမၢၼ်ႈမေႃႇ၊ ၸႄႈမိူင်းၶၢင်၊ မိူင်းမၢၼ်ႈ သေ ပဵၼ်ဝဵင်းပၵ်းလုမ်း ၸႄႈဝဵင်းမိူင်းမွၵ်ႇယဝ်ႉ။

ၸႄႈဝဵင်းႁူၺ်ႈၵူႈၼႆႉ ၽၢႆႁွင်ႇမီး ၸႄႈတွၼ်ႈၸႄႈၼႃး လႄႈ ၶႅၼ်ႈၵၼ်တင်းႁွင်ႈၵွၵ်ႉၵူၺ်ႉသေ ၽၢႆႇၸၢၼ်းၼႆႉ မီး ၸႄႈဝဵင်းမၢၼ်ႈပဵင်း ယဝ်ႉ။ ၽၢႆႇတၢင်းဢွၵ်ႇၼႆႉ တေႃႇထိုင်ႁွင်ႈသျိၼ်ႇၵၢၼ်ႇသေ ၽၢႆႇတၢင်းတူၵ်းၼႆႉ ဢိူမ်ႈၸပ်းၵၼ်တင်း ၸႄႈတွၼ်ႈၵၢတ်ႇသႃယဝ်ႉ။ ဝဵင်းႁူၺ်ႈၵူႈၼႆႉ မီးဝႆႉတီႈၼိူဝ် ၽင်ႇၽၢႆသၢႆ ဢၼ်မီးတီႈ ၽၢႆႇတႂ်ႈ မႄႈၼမ်ႉၵႅပ်ႈမၢႆသွင် မႄႈၼမ်ႉၵဵဝ် ၼၼ်ႉယဝ်ႉ။ ဢဝ်တၢင်းသၢႆတၢင်းမႄႈၼမ်ႉၵဵဝ်သေ ယၢၼ်ၵႆတင်း ၽၢႆႇတူၵ်း ဝဵင်းမၢၼ်ႈမေႃႇ ၃၈ လၵ်း၊ ယၢၼ်ၵႆတင်း ၽၢႆႇၸၢၼ်း ဝဵင်းၸႄႈၼႃး ၁၂၉ လၵ်းယဝ်ႉ။ မၢၼ်ႈမေႃႇ လႄႈ ႁူၺ်ႈၵူႈၼႆႉ ႁူမ်ႈဝႃႈ မီးတၢင်းရူတ်ႉၵႃးသတေႃႉ ပေႃးဝႃႈၾိင်ႈၾႃႉၶႅမ်ႉလႅပ်ႈ ၸင်ႇၸၢင်ႈၵႂႃႇမႃးယဝ်ႉ။ ၵူၺ်းၵႃႈဝႃး ဢၼ်ပဵၼ်သၢႆတၢင်းၼမ်ႉတႄႉ ၵႂႃႇမႃးလႆႈၵူႈၶၢဝ်းယဝ်ႉ။

တီႈႁိမ်းႁွမ်းၸႄႈဝဵင်းႁူၺ်ႈၵူႈၼႆႉ ယွၼ်ႉမႆႉလိူင်ႇလႄႈ ဢွၼ်ၵၼ်ႁဵတ်း ၵၢၼ်မႆႉ တႄႉတႄႉဝႃႈဝႃႈယဝ်ႉ။ ယွၼ်ႉၼၼ်လႄႈ ဝဵင်းႁူၺ်ႈၵူႈၼႆႉ ပဵၼ်ဝဵင်းတႃႈႁိူဝ်းတႃႇ ၽၢႆႇႁွင်ႈၵၢၼ်ပႃႇမႆႉယဝ်ႉ။ ၶူဝ်းၵုၼ် ဢၼ်ၸိုဝ်ႈလိုဝ်းလင် ဢၼ်ဢွၵ်ႇတီႈ ဝဵင်းႁူၺ်ႈၵူႈၼႆႉ ပဵၼ် ဢုမ်လိၼ် ယဝ်ႉ။ ဢုမ်ႁူၺ်ႈၵူႈၼႆႉ ယွၼ်ႉပိူဝ်ႈ ယွမ်ႉသီဝႆႉ ႁၢင်ႈလီႁၢင်ႈငၢမ်းလႄႈ ၵူၼ်းလႆႈၸႂ်ၼမ်ယဝ်ႉ။

တီႈၽၢႆႁွင်ႇဝဵင်း တီႈၵၢင်မႄႈၼမ်ႉၵဵဝ် ဢၼ်တီႈၼိူဝ်ၵုၼ်ၼၼ်ႉ မီးဝႆႉ ၽြႃးၵျုၼ်းတေႃႇၵျီး ႁွင်ႉ ၽြႃးသူၺ်ႇပေႃႇၵျုၼ်းသေ ပဵၼ်ၽြႃးဢၼ်တၼ်းၶူဝ်းယႂ်ႇ ဢၼ်ၸိုဝ်ႈလိုဝ်းတီႈ ဝဵင်းႁူၺ်ႈၵူႈယဝ်ႉ။ တီႈၼိူဝ်ၵုၼ်ဢၼ်ၼၼ်ႉ တႄႇဝႆႉၽြႃးတင်းၼမ်ယဝ်ႉ။ ၽွင်းၼမ်ႉၵဵဝ်ၶိုၼ်ႈၼႆ ၼမ်ႉဢမ်ႇထူမ်ႈတီႈၼိူဝ် ၽၢၵ်ႈသိူဝ်ႇၼၼ်ႉ ဝႃႈၼႆယဝ်ႉ။