ၵဵင်းတုင်၊ ဝဵင်း

ဝဵင်းၵဵင်းတုင်(ဝဵင်းꩡဵင်းတုင်)
ဝဵင်းၼႂ်းမိူင်းတႆး
ဝဵင်းၵဵင်းတုင်(ဝဵင်းꩡဵင်းတုင်) ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 21°17′31″N 99°36′13″E
မိူင်း	မျၢၼ်ႇမႃႇ
ၸႄႈမိူင်း	တႆး
ၸႄႈတွၼ်ႈ	ၸႄႈတွၼ်ႈၵဵင်းတုင်
ၸႄႈဝဵင်း	ၸႄႈဝဵင်းၵဵင်းတုင်
ၼႃႈသုင်ပၢင်ႇလၢႆႇ	2,623 ထတ်း (799 မီႇတႃႇ)
ႁူဝ်ၼမ်ၵူၼ်း (2014)
• ဝဵင်းၼႂ်းမိူင်းတႆး	171,260
• ၼႂ်းဝဵင်း	44,331
• ဝၢၼ်ႈၼွၵ်ႈ	121,331
• ၽႃႇသႃႇၵိူဝ်းယမ်	ပုတ်ႉထၽႃႇသႃႇ
ၶၢဝ်းယၢမ်း ၼႃႈလိၼ်	MST (UTC+6.30)
မၢႆသူင်ႇလိၵ်ႈ	06231

ဝဵင်းၵဵင်းတုင် (IPA: [kéŋ tǔŋ]), (မၢၼ်ႈ: ကျိုင်းတုံမြို့), (ဢိင်းၵလဵတ်ႈ: Keng Tung), (သဵင်ဢွၵ်ႇ [Kaengtung]) ၼႆႉ မီးၼႂ်း ၸႄႈဝဵင်းၵဵင်းတုင်၊ ၸႄႈတွၼ်ႈၵဵင်းတုင်၊ ၸႄႈမိူင်းတႆး၊ မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းၵဵင်းတုင်ၼႆႉ ပဵၼ်ၸႄႈလူင် တွၼ်ႈတႃႇ မိူင်းတႆး ပွတ်းဢွၵ်ႇ။ ဢၼ်ပဵၼ်လုမ်းၸႄႈတွၼ်ႈၵေႃႈ ပၵ်းဝႆႉတီႈ ဝဵင်းၵဵင်းတုင်ၼႆႉယဝ်ႉ။ တီႈၵဵင်းတုင်ၼႆႉ မီးဝႆႉ ၸႄႈတွၼ်ႈ (4) ၸႄႈတွၼ်ႈ၊ ၸႄႈဝဵင်း (10) ၸႄႈဝဵင်းယဝ်ႉ။ ထုင်ႉၵဵင်းတုင်ၼႆႉ တင်းၵႂၢင်ႈမၼ်းမီး လွၵ်းလၵ်း 12300 သေ လွႆလိူင်ႇၼမ်ဝႆႉ။ လွႆမၢင်ၸိူဝ်းၼႆႉ သုင် 5000 ထတ်းတေႃႇ 7000 ထတ်းမွၵ်ႈၼႆႉၵွၼ်ႇ။ တီႈၼႃႈလိၼ်ပဵင်းတႄႉ ဢွၼ်ၵၼ် ၽုၵ်ႇသွမ်ႈၶဝ်ႈၼႃး။ တီႈထုင်ႉၵဵင်းတုင်ၼႆႉ ၶိူဝ်းၵူၼ်း ၼင်ႇ တႆးၶိုၼ်၊ လႃးႁူႇ၊ လိသေႃး၊ တႆး၊တႆးၼိူဝ်၊တႆးလိုဝ်ႉ၊တႆးလွႆ၊ဢႃႇၶႃႇ(ဢီႇေၵႃႈ)၊ဢႅၼ်ႇ၊ဝ၊ ၶႄႇ၊ မၢၼ်ႊ ၸၵႂႃႇၸိူဝ်း မွၵ်ႈ 40 ပၢႆၼႆႉ ႁူမ်ႈၵၼ်ယူႇသဝ်းဝႆႉယူႇ။ သဵၼ်ႈမၢႆႁူဝ်ၼမ်ၵူၼ်း ဢၼ်ၵဵပ်းမိူဝ်ႈ 1952 ၼၼ်ႉဝႃႈဝႆႉတႄႉ လင်ႁိူၼ်းမီးၵႂႃႇ 45,492 လင်သေ ႁူဝ်ၼမ်ၵူၼ်း မီးၵႂႃႇ 267,836 ၵေႃႉ ဝႃႈၼႆယဝ်ႉ။