ၵျႅၵ်ႉထူဝ်ႇ၊ ၸႄႈဝဵင်း

ၸႄႈဝဵင်းၵျႅၵ်ႉထူဝ်ႇ
ၸႄႈဝဵင်း
ၸႄႈဝဵင်းၵျႅၵ်ႉထူဝ်ႇ ဢွင်ႈတီႈ ၸႄႈဝဵင်းၵျႅၵ်ႉထူဝ်ႇ
ၵူဝ်ႇဢေႃးတိၼဵတ်ႉ: 17°18′0″N 97°1′37″E
မိူင်း	မျၢၼ်ႇမႃႇ
ၸႄႈမိူင်း	မွၼ်း
ၸႄႈတွၼ်ႈ	ၸႄႈတွၼ်ႈသထူင်ႇ
ဝဵင်းပၵ်းလုမ်းၸႄႈဝဵင်း	ဝဵင်းၵျႅၵ်ႉထူဝ်ႇ
ႁူဝ်ၼမ်ၵူၼ်း (2014)	184,532
ၶၢဝ်းယၢမ်း ၼႃႈလိၼ်	လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30)

ၸႄႈဝဵင်းၵျႅၵ်ႉထူဝ်ႇ (မၢၼ်ႈ: ကျိုက်ထိုမြို့နယ် ; ဢိင်းၵလဵတ်ႈ: Kyaikto Township) ၼႆႉ ပဵၼ်ၸႄႈဝဵင်းဢၼ်ၼိုင်ႈ ဢၼ်ၶဝ်ႈပႃးဝႆႉ တီႈၼႂ်း ၸႄႈတွၼ်ႈသထူင်ႇ၊ ၸႄႈမိူင်းမွၼ်း၊ မိူင်းမျၢၼ်ႇမႃႇ ၼၼ်ႉယဝ်ႉ။ ဝဵင်းပၵ်းလုမ်းၸႄႈဝဵင်းၼႆႉ ဝဵင်းၵျႅၵ်ႉထူဝ်ႇယဝ်ႉ။

ၽေးသၽႃႇဝ

ၼမ်ႉလူၵ်ႈၼမ်ႉၼွင်း

မိူဝ်ႈ ပီ 2017 တႄႇဢဝ် လိူၼ်ၵျူႇလၢႆႇ 20 ဝၼ်းသေ ယွၼ်ႉပိူဝ်ႈၽူၼ်မႃး ဢမ်ႇထၢတ်ႇ တီႈၸႄႈဝဵင်းၵျႅၵ်ႉထူဝ်ႇၼၼ်ႉလႄႈ ယွၼ်ႉၼမ်ႉၼိူဝ်လွႆလေႃႇလူင်းသေ ပွၵ်ႉမၢင်ၸိူဝ်း ၼမ်ႉလႆႈထူမ်ႈ၊ လိၼ်လႆႈၵူၼ်ႇသေ လင်ႁိူၼ်းၵူၼ်း 7 လင် 8 လင် လႆႈၵူၼ်ႇပင်းလူႉလႅဝ်သေ ဢၼ်ပဵၼ်သဵၼ်ႈတၢင်းလူတ်ႉ တႃႈၵုင်ႈ-မေႃႇလမႅင်ႇၼၼ်ႉၵေႃႈ ၼမ်ႉလႆႈထူမ်ႈသေ သၢႆတၢင်းလူတ်ႉၵႃး လႆႈၵိုတ်းယင်ႉဝႆႉၸူဝ်ႈၶၢဝ်းမႃးယဝ်ႉ။ ဢၼ်ပဵၼ်ပွၵ်ႉၶႂၢၵ်ႈမႂ်ႇ တီႈ ဝဵင်းၵျႅၵ်ႉထူဝ်ႇ ၸိူဝ်းပဵၼ် ပွၵ်ႉၵေႃႉၸၼႅင်ႇ၊ ပွၵ်ႉၸေႇယႃႇမုၼ်ႇ လႄႈ ပွၵ်ႉသမလ ၸိူဝ်းၼႆႉၵေႃႈ ယွၼ်ႉပိူဝ်ႈၼမ်ႉထူမ်ႈ မိူဝ်ႈဝၼ်းထီႉ 20 လိူၼ်ၵျူႇလၢႆႇၼၼ်ႉသေ ၵူၼ်းပိုၼ်ႉတီႈ မွၵ်ႈ 4000 ၸမ်ၼႆႉ လႆႈၶၢႆႉဢွင်ႈယူႇ ၸူးတီႈၽူတ်ႇၸွႆႈၼၼ်ႉယဝ်ႉ။ ယွၼ်ႉၼမ်ႉထူမ်ႈ ၼမ်ႉလူၵ်ႈသေ တီႈၵျႅၵ်ႉထူဝ်ႇၼႆႉ လႆႈပိုတ်ႇဢွင်ႇၽူတ်ႇၸွႆႈ 6 ဢၼ်၊ ၵူၼ်း 3916 ၵေႃႉ၊ ဢွင်ႈၽူတ်ႇၸွႆႈလိၼ်ၵုၼ်ႇ 1 ဢၼ်၊ ၵူၼ်း 91 ၵေႃႉၸိူဝ်းၼႆႉ လႆႈမႃးသေႃႉလွတ်ႈၽေးယဝ်ႉ။ တႄႇဢဝ် ၵၢင်ဝၼ်း ဝၼ်းထီႉ 25 လိူၼ်ၵျူႇလၢႆႇၼၼ်ႉသေ ယွၼ်ႉပိူဝ်ႈ ၼမ်ႉၶိုၼ်းယွမ်းလူင်းၵႂႃႇလႄႈ ၸိူဝ်းပဵၼ်ၵူၼ်းပၢႆႈၽေးၶဝ် ဢွၼ်ၵၼ် ပွၵ်ႈၶိုၼ်းႁိူၼ်းၽႂ်မၼ်းယူႇယဝ်ႉ။

တီႈၼိူဝ်ဝဵင်းၵျႅၵ်ႉထူဝ်ႇၼႆႉ ၵူႈပီၵူႈပီ ၵႆႉလႆႈထူပ်းၽေးၼမ်ႉသေ ၵူၼ်းပိုၼ်ႉတီႈဢၢၼ်ႇႁူဝ်ႁဵင်မၼ်းၵေႃႈ ယၢမ်ႈလႆႈထူပ်းလႆႈပဵၼ်မႃး မိူဝ်ႈ ပီ 1997၊ 2014 လႄႈ 2015 ၼၼ်ႉယဝ်ႉ။