တလ၊ ၸႄႈဝဵင်း

ၸႄႈဝဵင်းတလ
ၸႄႈဝဵင်း
ၸႄႈဝဵင်းတလ ဢွင်ႈတီႈ ၼႂ်းမိူင်းမျႅၼ်ႇမႃႇ
Coordinates: 16°45′30″N 96°9′30″E
မိူင်း	မျႅၼ်ႇမႃႇ
ၸႄႈတိူင်း	ၸႄႈတိူင်းတႃႈၵုင်ႈ
ဝဵင်း	ဝဵင်းတႃႈၵုင်ႈ
ၸႄႈတွၼ်ႈ	ပွတ်းၸၢၼ်းတႃႈၵုင်ႈ
တၢင်းသုင်	23 ထတ်း (7 မီႇတႃႇ)
ပွတ်းတွၼ်ႈၶၢဝ်းယၢမ်း	UTC+6.30 (MST)
မၢႆသူင်ႇလိၵ်ႈ	11261

ၸႄႈဝဵင်းတလ

ၸႄႈဝဵင်းတလ (မၢၼ်ႈ: ဒလမြို့နယ်), (ဢိင်းၵလဵတ်ႈ: Dala Township), (Shan pronunciation: [Zewaeng Dala]) ၼႆ့ တင်း ဝဵင်းတႃႈၵုင်ႈ သေ ၶႅၼ်ႈၵၼ်မႄႈၼမ်ႉဢၼ်ၼိုင်ႈၵူၺ်းလႄႈ ပေႃးဢဝ် ႁိူဝ်းသေၶၢမ်ႈၵႂႃႇၼႆ ၽႅဝ်ႁွတ်ႈလႆႈ ၼႂ်းၶၢဝ်းတၢင်း 10 မဵတ်ႉၼၼ်ႉယဝ်ႉ။ မိူဝ်ႈပၢၼ်ၶုၼ်မၢၼ်ႊၵူႈပွၵ်ႈတႄႉ ပဵၼ်ဝဵင်းတပ်ႉႁႄႉ ဢၼ်တူၵ်းၽၢႆႇၸၢၼ်းသုတ်းသုတ်းၼၼ်ႉယဝ်ႉ။ မိူဝ်ႈၵူႈပွၵ်ႈတႄႉ ပဵၼ်ဢိူင်ႇဢၼ်ၼိုင်ႈၵူၺ်းသေ ဝၢႆးၼႆႉ ၸင်ႇမၵ်းမၼ်ႈပဵၼ်ၸႄႈဝဵင်းဢၼ်ၼိူင်ႈယဝ်ႉ။ မိူဝ်ႈ 1974 ၼၼ်ႉ ၸူးဢဝ်သႂ်ႇၶဝ်ႈတီႈၼႂ်းၶွပ်ႇလိၼ် ၶွမ်ႇမတီႇ ဝဵင်းမူၼ်းၵူၼ်းၵိုၼ်း ၸႄႈလူင်တႃႈၵုင်ႈၼၼ်ႉယဝ်ႉ။ ဝဵင်းတလၼႆပႉ ၽၢႆႇတူၵ်း မီး ႁွင်ႈၶုတ်းတုၼ်ႇတေး လႄႈ ၽၢႆႇႁွင်ႇမီး မႄႈၼမ်ႉတႃႈၵုင်ႈ ၸိူဝ်းၼႆႉ ၵပ်းသိုပ်ႇလႆလူင်းယူႇယဝ်ႉ။ ဝဵင်းတလၼႆႉ တၢင်းၵႂၢင်ႈမၼ်းမီး 10.93 လွၵ်းလၵ်းသေ ဢဝ် ပွၵ်ႉ (23) ပွၵ်ႉ၊ ဢိူင်ႇ (23)ဢိူင်ႇ၊ ဝၢၼ်ႈ (45) ဝၢၼ်ႈသေၽွတ်ႈႁႅၼ်းဝႆႉယဝ်ႉ။ ဝဵင်းတလၼႆႉ ပဵၼ်ၸႄႈဝဵင်းဢၼ်ၼိူင်ႈ ဢၼ်ၸၢင်ႈ ၵႂႃႇလႆႈ ဝဵင်းတုၼ်ႇတေး၊ ဝဵင်းၵေႃႉမူး၊ ဝဵင်းၵုၼ်းၶျၢၼ်ႇၵူင်း၊ တေးတယႄး၊ ၽျႃႇပူင်ႇ၊ ၵျႅၵ်ႉလၢတ်ႉ ၸိူဝ်းၼႆႉယဝ်ႉ။