မၵူၺ်း၊ ၸႄႈတိူင်း

ၸႄႈတိူင်းမၵူၺ်း

Magway Region
ၸႄႈတိူင်းမၵူၺ်း ; Magway Region
ၸႄႈတိူင်း
	Flag
	Flag
	ဢွင်ႈတီႈ ၸႄႈတိူင်းၸႄႈၵႅင်း တီႈၼႂ်းမိူင်းမၢၼ်ႈ
	Coordinates: 20°46′23″N 93°45′21″E / 20.7729753°N 93.7558439°E
မိူင်း	မျၢၼ်ႇမႃႇ
ၸႄႈတိူင်း	မၵူၺ်း
ၸႄႈလူင်	ဝဵင်းမၵူၺ်း
Government
• ၸွမ်ၽွင်းလူင်	တွၵ်ႇတႃႇဢွင်ႇမူဝ်းၺူဝ်ႇ (NLD)
• ၸုမ်းလူင်ပွင်ၸိုင်ႈ	လူင်ပွင်ၸိုင်ႈ ၸႄႈတိူင်းမၵူၺ်း
• လုမ်းတႅၼ်းၽွင်း သၢင်ႈၾိင်ႈမိူင်း	လုမ်းတႅၼ်းၽွင်း ၸႄႈတိူင်းမၵူၺ်း
• လုမ်းတတ်းသိၼ်	လုမ်းတတ်းသိၼ် ၸႄႈတိူင်းမၵူၺ်း
Area
• Total	44,819 လွၵ်းၵီႇလူဝ်ႇမီႇတႃႇ (17,305 လွၵ်းလၵ်း)
Population (2014)
• Total	၄၄၆၄၀၀၀
Demographics
• ၵူၼ်းၶိူဝ်း	မၢၼ်ႈ၊ ၶႄႇ၊; ဢိၼ်းတီးယႃး၊ တႆး၊; ယၢင်းၽိူၵ်ႇ၊; ၶရႅင်ႇ၊
• ၽႃႇသႃႇၵိူဝ်းယမ်	ပုတ်ႉထ
Time zone	UTC+06:30 (MST)
Website	www.magwaygov.org

ၸႄႈတိူင်းမၵူၺ်း (မၢၼ်ႈ: မကွေးတိုင်းဒေသကြီး), (ဢိင်းၵလဵတ်ႈ: Magway Region ဢမ်ႇၼၼ် Magwe Region) (သဵင်ဢွၵ်ႇ [Zetoeng Makoi]) ပဵၼ် ၼႃႈလိၼ်ၽွင်းငမ်းဢုပ်ႉပိူင်ႇ ဢၼ်ၼိုင်ႈ ဢၼ်မီးဝႆႉတီႈၵၢင် မိူင်းမျၢၼ်ႇမႃႇၼၼ်ႉယဝ်ႉ။ ၸႄႈတိူင်းမၵူၺ်းၼႆႉ ၼႂ်းၵႃႈ တိူင်းၸဵတ်းတိူင်း ၼႂ်းမိူင်းမျၢၼ်ႇမႃႇၼႆႉ မၼ်းပဵၼ် တိူင်းထိသွင် ဢၼ်ယႂ်ႇသေပိူၼ်ႈသေ တၢင်းၵႂၢင်ႈမၼ်း မီး 44,820 ပၼ်ႇမူၼ်း ၶီႇလူဝ်ႇမီႇတႃႇ (17,306 လၵ်းပၼ်ႇမူၼ်း)ယဝ်ႉ။

ဢွင်ႈတီႈလႄႈ တၢင်းၵႂၢင်ႈၶႂၢင်

ၸႄႈတိူင်းမၵူၺ်းၼႆႉ မီးဝႆႉတီႈ မိူင်းမျၢၼ်ႇမႃႇပွတ်းၵၢင် မီးၼႂ်းၵႄႈ လတ်ႉတီႇတုတ်ႉ 18 တီႇၵရီႇ 50 မိတ်ႉၼိတ်ႉ လႄႈ 22 တီႇၵရီႇ 47 မိတ်ႉၼိတ်ႉ၊ လွင်ႇၵျီႇတုတ်ႉဢွၵ်ႇ 93 တီႇၵရီႇ 47 မိတ်ႉၼိတ်ႉ လႄႈ 95 တီႇၵရီႇ 55 မိတ်ႉၼိတ်ႉ သေ ၸိူဝ်းပဵꧣ် ၸႄႈတိူင်းပႃႇၵိူဝ်၊ ၸႄႈတိူင်းတႃႈလိူဝ်ႇ, ၸႄႈမိူင်းၶျၢင်း လႄႈ ၸႄႈမိူင်းရၶႅင်ႇ ၸိူဝ်းၼႆႉ လွမ်ႉႁွပ်ႈဝႆႉယူႇယဝ်ႉ။ တၢင်းၵႂၢင်ႈၶႂၢင် ၸႄႈတိူင်းမၵူၺ်းၼႆႉ မီး 17,305 လွၵ်းလၵ်းယဝ်ႉ။

ၽၢင်ၼႃႈလိၼ်လႄႈ လွင်ႈၼမ်ႉလႆ

ၸိူဝ်းပဵၼ်ပွတ်းၽၢႆႇဢွၵ်ႇ မႄႈၼမ်ႉၵဵဝ် ၼၼ်ႉ ပဵၼ်ၼႃႈလိၼ်ပဵင်းသေ ၸိူဝ်းပဵၼ်ၽၢႆႇပွတ်းတူၵ်းၼၼ်ႉ ပဵၼ်တီႈလဵင်ႉၼမ်ႉတႃႇ သၼ်လွႆရၶႅင်ႇ ယဝ်ႉ။ ဢၼ်ပဵၼ် ဝဵင်းမိၼ်းပူး ၼၼ်ႉ ပဵၼ်ထုင်ႉလိၼ်ပဵင်းယဝ်ႉ။ မႄႈၼမ်ႉၵဵဝ်ၼႆႉ လုၵ်ႉဢဝ်ၽၢႆႇႁွင်ႇ ၵႂႃႇၽၢႆၸၢတ်းသေ လႆလတ်းၵႂႃႇၼႂ်းၵၢင် ၸႄႈတိူင်းယဝ်ႉ။ ႁွင်ႈလူင်ၸိူဝ်းလႆၶဝ်ႈတီႈၼႂ်း ၽၢႆႇဢွၵ်ႇမႄႈၼမ်ႉၵဵဝ်ၼႆႉ ပိၼ်းၶျွင်း၊ ယိၼ်းၶျွင်း၊ တွင်းတေၶျွင်း ၸိူဝ်းၼႆႉသေ ၸိူဝ်းလုၵ်ႉၽၢႆႇတူၵ်း လႆၶဝ်ႈၼႆႉ မႄႈၼမ်ႉၶျိၼ်းတႂိၼ်း၊ ၸလိၼ်းၶျွင်း၊ မူင်းၶျွင်း၊ မၢၼ်းၶျွင်း၊ မိၼ်းတူင်းၶျွင်း ၸၵႂႃႇၸိူဝ်းၼႆႉယဝ်ႉ။

ၾိင်ႈၾႃႉယႃႇသီႇ

ပဵၼ်ထုင်ႉၶူင်ႈ ဢၼ်မီးတီႈ ပွတ်းၵၢင် မိူင်းမျၢၼ်ႇမႃႇလႄႈ ၽူၼ်ဢေႇတႄႉတႄႉသေ မီးၾိင်ႈၾႃႉ မႆႈႁဝ်ႉႁႅင်းယဝ်ႉ။

ၸႄႈလူင်

ၸႄႈလူင် ၸႄႈတိူင်းမၵူၺ်းၼႆႉပဵၼ် ဝဵင်းမၵူၺ်း ယဝ်ႉ။

ၸႄႈတွၼ်ႈ၊ ၸႄႈဝဵင်း၊ ဝဵင်း၊ ပွၵ်ႉ၊ ဢိူင်ႇ၊ ဝၢၼ်ႈ

တီႈ ၸႄႈတိူင်းမၵူၺ်းၼႆႉ မီးၸႄႈတွၼ်ႈ (5) ဢၼ်ယဝ်ႉ။

ၸႄႈဝဵင်း (႒႕) ဢၼ်

ၸႄႈတွၼ်ႈမၵူၺ်း (႖) ၸႄႈဝဵင်း

ၸႄႈတွၼ်ႈမိၼ်းပူး (႕) ၸႄႈဝဵင်း

ၸႄႈတွၼ်ႈပၶူၵ်ႉၵူႇ (႕) ၸႄႈဝဵင်း

ၸႄႈတွၼ်ႈၵၢၼ်ႉၵေႃး (႓) ၸႄႈဝဵင်း

ၸႄႈတွၼ်ႈတယႅတ်ႉ (႖) ၸႄႈဝဵင်း

ဝဵင်းမီး (႓႐) ဝဵင်း၊ ပွၵ်ႉမီး (႑႘႔) ပွၵ်ႉ၊ ဢိူင်ႇမီး (႑႕႓႕) ဢိူင်ႇ လႄႈ ဝၢၼ်ႈ မီးၵႂႃႇ (႔႗႙႘) ဝၢၼ်ႈယဝ်ႉ။^[2]

ၽိုၼ်ဢိင်

↑ (May 2015) Census Report, The 2014 Myanmar Population and Housing Census 2. Naypyitaw: Ministry of Immigration and Population, 17.
↑ နေပြည်တော် တိုင်းဒေသကြီး နှင့် ပြည်နယ်များရှိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စု၊ ကျေးရွာ ဦးရေ စာရင်းချုပ် (၁၆. ၂. ၂၀၁၆)

[census-2014-1] (May 2015) Census Report, The 2014 Myanmar Population and Housing Census 2. Naypyitaw: Ministry of Immigration and Population, 17.

[2] နေပြည်တော် တိုင်းဒေသကြီး နှင့် ပြည်နယ်များရှိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စု၊ ကျေးရွာ ဦးရေ စာရင်းချုပ် (၁၆. ၂. ၂၀၁၆)

[1]

[2]