လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
ဝဵင်းၺွင်ႇလေးပိၼ်ႇ (မၢၼ်ႈ: ညောင်လေးပင်မြို့), (ဢိင်းၵလဵတ်ႈ: Nyaunglaypin), (သဵင်ဢွၵ်ႇ [Nyaunglepin]) ၼႆႉ ပဵၼ်ဝဵင်းဢၼ်ၼိူင်ႈ ဢၼ်ၶဝ်ႈပႃးၼႂ်း ၸႄႈဝဵင်းၺွင်ႇလေးပိၼ်ႇ၊ ၸႄႈတွၼ်ႈပႃႇၵိူဝ်၊ ၸႄႈတိူင်းပႃႇၵိူဝ် ၼၼ်ႉယဝ်ႉ။ ပဵၼ်းဝဵင်းပၵ်းလုမ်း ၸႄႈဝဵင်းၺွင်ႇလေးပိၼ်ႇပွတ်းဢွၵ်ႇ လႄႈ ၺွင်ႇလေးပိၼ်ႇပွတ်းတူၵ်း၊ ထုင်ႉၺွင်ႇလေးပိၼ်ႇ၊ ၸႄႈတွၼ်ႈပႃႇၵိူဝ်ၼၼ်ႉယဝ်ႉ။ ပေႃးဢဝ်တၢင်းလူတ်ႉလဵၼ်းဝႃႈ လုၵ်ႉတီႈပႃႇၵိူဝ် ၵႆယၢၼ် ႔႖ လၵ်း၊ လုၵ်ႉတီႈတႃႈၵုင်ႈ ၵႆယၢၼ် ႙႓ လၵ်း ယဝ်ႉ။ သဵၼ်ႈတၢင်းလူင် တႃႈၵုင်ႈ-တႃႈလိူဝ်ႇၼႆႉ လတ်းၵႂႃႇၼႂ်းၵၢင်ဝဵင်းၺွင်ႇလေးပိၼ်ႇယဝ်ႉ။ ပဵၼ်ဢွင်ႈတီႈငဝ်ႈၸိုင်ႈ သိုဝ်ႉၶၢႆၶဝ်ႈသၢၼ် တႃႇပွတ်းႁွင်ႇပႃႇၵိူဝ်လႄႈ ပဵၼ်ဢၼ်ၵူၼ်းၵိုၼ်းဝႆႉယဝ်ႉ။ ၸွမ်းၼင်ႇသဵၼ်ႈမၢႆႁူဝ်ႁိူၼ်း ဢၼ်ၵဵပ်းမိူဝ်ႈပီ 1953 ၼၼ်ႉ ႁူဝ်ၼပ်ႉၵူၼ်းဢၼ်ယႂ်ႇၼိူဝ်ဝဵင်းၼႆႉ မီးၵႂႃႇမွၵ်ႈ ႑႒႑႕႕ ၵေႃႉယဝ်ႉ။
တီႈဝဵင်းၺွင်ႇလေးပိၼ်ႇၼႆႉ မီးၸုမ်းမျူႇၼီႇၸီႇပႄႇသေ လႆႈႁဵတ်းသၢင်ႈ လွင်ႈၵၢၼ်ၼႂ်းဝဵင်းယဝ်ႉ။ တီႈထုင်ႉၺွင်ႇလေးပိၼ်ႇၼႆႉ ၶဝ်ႈပႃးဝႆႉ ၸႄႈဝဵင်းၺွင်ႇလေးပိၼ်ႇ၊ ၸႄႈဝဵင်းပွတ်းတူၵ်းၺွင်ႇလေးပိၼ်ႇ လႄႈ ၸႄႈဝဵင်းတႅၵ်ႉဢူး ၸၵႂႃႇၸိူဝ်းၼႆႉယဝ်ႉ။
ပွတ်းဢွၵ်ႇၸႄႈဝဵင်းၺွင်ႇလေးပိၼ်ႇ ပတ်ႉပိုၼ်ႉၼႆႉ ပိူင်လူင်မၼ်း ဢွၼ်ၵၼ်ၽုၵ်ႇသွမ်ႈၶဝ်ႈယဝ်ႉ။ တီႈၸႄႈဝဵင်းပွတ်းဢွၵ်ႇၺွင်ႇလေးပိၼ်ႇၼႆႉၸမ်ႉ ယွၼ်ႉမၼ်းပဵၼ် ထုင်ႉၵွင်းလွႆ၊ သၼ်လွႆဝႆႉလႄႈ ႁူမ်ႈဝႃႈ ႁဵတ်းၵၢၼ်ႁႆႈၼႆသေတႃႉၵေႃႈ ပဵၼ်ဢၼ်ႁၢမ်ႉဢႄႇဝႆႉယဝ်ႉ။
မီးဝႆႉတၢင်းၽႄလူတ်ႉလဵၼ်း ဢၼ်တေၵႂႃႇၸူး မတွၵ်ႉ ဢၼ်မီးတီႈၽၢႆႇဢွၵ်ႇဝဵင်းၺွင်ႇလေးပိၼ်ႇ ၵႆယၢၼ်မွၵ်ႈ ႑႒ လၵ်း ၼႉၼ်ႉသေ၊ ပေႃးလုၵ်ႉတီႈမတွၵ်ႉ ၶိုၼ်းၶၢမ်ႈမႄႈၼမ်ႉၸိတ်ႉတွင်းၼႆ ၽႅဝ်ၵႂႃႇ ဝဵင်းသူၺ်ႇၵျိၼ်ႇ ဢၼ်မီးၼႂ်း ၸႄႈတွၼ်ႈတွင်ႇငူႇၼၼ်ႉယဝ်ႉ။
ဝဵင်းၺွင်ႇလေးပိၼ်ႇၼႆႉ ပဵၼ်ဝဵင်းပၵ်းလုမ်းၸႄႈဝဵင်းလႄႈ မီးဝႆႉယူင်ႉသၢင်ႈၸိူဝ်းပဵၼ် လုမ်းလူင်ပွင်ၸိုင်ႈ၊ ႁူင်းႁဵၼ်း၊ ႁူင်းယႃ၊ ၵၢတ်ႇ ၸၵႂႃႇၸိူဝ်းၼႆႉသေ ပဵၼ်ဢၼ်ဝဵင်းမူၼ်းၵူၼ်းၵိုၼ်းဝႆႉယူႇယဝ်ႉ။ ယွၼ်ႉပိူဝ်ႈပဵၼ်ထုင်ႉဢၼ်ဢွၵ်ႇၶဝ်ႈၼမ်သေ ယွၼ်ႉမီးပႃးတၢင်းလူတ်ႉလဵၼ်းတၢင်းလူတ်ႉၵႃးၸိူဝ်းၼႆႉလႄႈ လွင်ႈၵႃႉၶၢႆႇၵေႃႈလီယဝ်ႉ။ ပဵၼ်ဝဵင်းဢၼ်ယႂ်ႇထီႉသၢမ် တီႈၼႂ်းၸႄႈတွၼ်ႈပႃႇၵိူဝ်ယဝ်ႉ။ [1]
- ↑ မြန်မာ့စွယ်စုံကျမ်း၊ အတွဲ(၄)
|
|---|
| | ၸႄႈမိူင်း | | |
|---|
| | ၸႄႈတိူင်း | |
|---|
| | ၼႃႈလိၼ်ၽွင်းငမ်းႁင်းၶေႃ | |
|---|
| | တိူင်းၽွင်းငမ်းႁင်းၶေႃ | |
|---|
| | ၼႃႈလိၼ်မိူင်းႁူမ်ႈတုမ် | |
|---|
|
မျႅၼ်ႇမႃႇ
ၸႄႈတိူင်းပႃႇၵိူဝ်
